影片
仲系叫蛇王易嘅时候，起码帮衬过十次八次，除咗蛇羹，其他炖汤大部分都饮过，全部赞，烧味叉烧 鸡，样样好味。啱啱再食，差到无人信，叉鸡饭 嘅叉烧同鸡都系霉嘅，炖汤饮落口，同招牌加咗龙记两个字之前完全两回事，饮咗菜胆炖猪肺汤，以前饮 猪肺系白色 系软腍嘅，头先饮 猪肺系浅灰色 系韧嘅，啖汤完全唔系𠮶种清甜味，我唔系食家，唔识用咁多形容词，总之 全部嘢都系差，失望。
继续阅读
前身铜锣湾名物 - #蛇王二 🐍食嘅系人情味👨🏻🍳落单全凭好记性比起好多餐厅有电脑入单都成日漏单错单🥇根本赢九条街💯仲有必饮#原盅炖汤💰心水推介 - #叉鸡饭 + #菜胆炖猪肺汤 跟餐$85👍🏻蛇王易：👉🏻湾仔湾仔道218-220B号利昌大厦地下4号舖🚇铜锣湾站A出口，慢步8分钟；集成商场旁.__________#蛇王易 #叉鸡饭呀dllm #半肥瘦叉烧 #熏蹄都好正 #烧味双拼 #菊花蛇羹 #男人的浪漫 #碟头饭精选 #开饭喇 #湾仔 #湾仔美食__________
继续阅读
叫左菜胆猪肺同天麻鱼头,一个蜜枣落太多变糖水,一系天麻落太多变二十四味,配料份量不知所谓,又话原班人马,系贵左又差到死,一试无回头,烧味饭正常,但无人会为个饭去
继续阅读
自己本身就好少专登去食蛇，唔抗拒，但亦唔算好钟意，以前我哋一班死佬都曾经搞过啲蛇宴，一大棚人高高兴兴嘛。不过，有死佬唔老实呃兄弟，加埋疫情，我哋嘅死佬饭局（就算小饭局）都停晒，唔知何时先再搞番。早前，晌网上睇到铜锣湾出名蛇店「蛇王二」嘅班底再出江湖，以「蛇王易」之名晌湾仔开咗新店，是夜无饭开，一支公贪得意过嚟帮衬吓。 比起「蛇王二」，虽然新店地方新簇咗，光猛咗，但就无咗蛇铺𠮶种韵味，望上去，就只喺一家卖烧味、卖腊味嘅中式小厨餐厅。当然，时代总会变！ 虽然枱上已放有餐牌，不过，好似跟墙上嘅巨型餐牌又有啲唔同，所以，都一齐贴晒出嚟俾大家参考。基本上，主打都喺烧味、腊味，仲有啲炖汤及套餐。因为得一支公，蛇羹定炖汤，腊味定烧味，只可以二择其一。特价蛇羹套餐 $110嚟得呢度，相信有唔少人喺冲着蛇羹而嚟，所以，眼见唔少人都喺叫「特价蛇羹套餐」，已包蛇羹、饭及油菜，我亦唔使多谂拣呢个，只需要谂吓想食脆皮润肠饭定喺腊味糯米饭。先嚟碗蛇羹，正如食火锅，依家食蛇都唔分季节喇，碗蛇羹确喺几足料，羹内有大量一丝丝蛇肉、冬菇丝、木耳丝、果皮丝，净喺食碗羹都饱饱哋肚，再者，味道都几香，质感又唔错。 而饭品拣咗腊味糯米饭，觉得比起润肠饭好似喺多啲料咁。除了饭面放咗两截腊肠、润肠之外，饭内仲有唔少腊肉、虾米、花生，腊肠唔算肥，而润肠真喺好食，咬落真喺有啲脆皮感，糯米饭虽然都软糯，但个人觉得有少少烂。 碟蚝油生菜就无咩太多评语，喺渌得耐咗，完全无晒生菜嘅脆口感，唯一喺胜在大碟，平衡番啲腊味嘢。 再帮衬「蛇王易」，无对上一次感觉咁大，不过，上次喺饮炖汤，而唔喺食蛇羹，亦见唔少客人嚟饮碗炖汤，似乎，炖汤更胜蛇羹！
继续阅读
过往我会到铜锣湾都会去食老店蛇王x, 一路都系佢捧场客之一，因我过年都会专登去买润肠俾亲友一齐品尝😋听说是老店原班人马主理😅舖内装修简洁餐牌差不多，但只有以碟计算的份量（食过老店就知我讲咩）而无左例汤都相当失望😭当然老套嘅我都一成不变，点我怀念多时义烧润肠饭啦！只有碟的份量，我唯有点少饭。上碟饭时都已失望，卖相跟上要求低的烧味舖无分别，可以话更差。义烧超瘦🙄我本身都钟意食瘦义，但不是这款，味道好一般。再试埋润肠，好野😋尼个脆皮润肠果然仍好脆皮，润肠好甘香，重拾返些好感。杯奶茶虽然+2，但我以后唔会再加+2去饮🤫
继续阅读