蛇王弟 (兆和街)

今日（20-12-2024 Fri）天冷，突然諗起好多年前喺深水埗同同事食過暖笠笠蛇宴，到放咗工返屋企搭𨋢時，街坊甲問拎住嘢嘅街坊乙拎住咩嘢？乙就答$70.00嘅蛇羹，買嚟試試。甲續問喺邊喥買？乙形容嘅地方就係呢間。我返到屋企，就send message問老公好唔好買蛇羹？佢答好。於是佢返荃灣就嚟買，佢send咗外賣menu俾我睇，見到有糯米飯，但我已煮飯同餸，唔可以食糯米飯lu，於是我就$96.00嘅大蛇羹，佢都話好。買到返嚟睇，裝得滿滿嘅，呢個份量可以分到3碗，我哋開餐喇，一食，只食到一大陣藥材味，而肉呢？竟然食到兩舊幾大件嘅肉，係咩肉？唔會係蛇肉，係豬肉，好離譜，從未食過蛇羹會食到豬肉，重要係咁大舊。而個羹都落咗唔少生粉獻，都幾杰，老公直接話係碗仔翅。上次食評係2017年3月15日刊登嘅呢篇：https://www.openrice.com/zh/hongkong/review/%E9%AD%9A%E7%9A%AE%E5%9C%A8%E9%82%A3-e2746597…查看更多

今日喺荃灣行街，想食蛇羹，食開嗰間休息，所以就嚟呢間蛇王弟食午餐。坐低咗之後，目標清晰嘅我就叫咗個大蛇羹餐，有生炒糯米飯同蛇湯佐餐。一共102蚊。餐齊開始食，發覺蛇羹嘅蛇肉好少，仲要係蛇絲，係好似普通碗仔翅咁，味道仲好一般。糯米飯居然唔熱，口感仲要有生飯粒，臘味又少。最離譜嘅就係個蛇湯，大家可以睇返其他人放嘅蛇湯相，根本係清雞湯黄色。我一飲，就知直情係普通史X生清雞湯加熱當蛇湯，會煮飯嘅人實知，一試就試得出。成餐都好難食，活受罪。我寫食評絕無加鹽醋，對得住良心。希望各位去食之前睇到，唔好上當，本人已親身試伏，中埋伏。完。…查看更多

天氣凍諗住買碗蛇羹返屋企暖下肚, 行過呢間蛇鋪門面好似幾乾淨又光猛, 蛇羹價錢唔算好貴, 仲有套餐選擇, 諗住試下, 點知......一打開碗蛇羹唔係太見到蛇肉, 再兜下下面都係無, 再入埋口都唔太覺得係蛇肉, 無蛇味, 似雞絲多D, 成碗就好似碗仔翅咁, 唔得囉...而個糯米飯都算正常, 唔會太濕, 乾身既, 但係臘味材料唔多, 得幾粒.而套餐有碗蛇湯, 有味既, 但唔知係咪味精味.整體唔係食蛇羹但賣蛇羹既價錢.…查看更多

第一次食一碗冇蛇嘅蛇羹好多豬肉食碗普通碗仔翅好過,仲要特登搭車過去應該一定唔會再幫襯除非變返有蛇的羹蛇湯都過得去糯米飯就一般你叫我寫80隻字我真係寫唔到落去，但係為咗其他食客我唯有寫…查看更多

蛇羹 內整條的蛇肉寥寥可數，通常一些店家為補蛇肉不足，會加入雞肉、豬肉以增加口感，不過這家的做法真少有。將豬肉等等做了免治！於是乎，整個蛇羹的口感 便"鞋烚烚" 的成口肉碎。連附送的薄脆也難吃，我建議店家去另一家餅店取薄脆貨好了，應該用南乳薄脆！其實蛇羹的總體味道和香氣不差的，店家應該寧願加價也要增加蛇肉量，更加不要再用免治肉來泡制了。蛇湯也不用加錢飲了，基本上是茶餐廳中式例水級數。另外一樣，則要特別一讚，糯米飯做出水準以上。沾度、軟度、韌度 全部掌握上乘，不肥不膩 臘肉均勻加入，整體鹹度剛好。入口彈牙好味，熱度剛好，完全沒有一粒生米哽牙，蔥花和花生都比例剛好。雖然蛇羹失色，但這個糯米飯卻是上乘之作。如果沒有這個糯米飯，我要給劣評的了，但一碗糯米碗使我給他加回分數。在荃灣想吃糯米飯的，我建議來這一家吃，算是喜出望外的上乘水準。荃灣想吃蛇羹 都是 蛇王如 較好。…查看更多

本人係蛇羹愛好者, 食遍全港蛇店,講到全港最難食,呢間都算係no.1,睇食評都知咩料, 點知實地一試,唔係化,呢碗係蛇羹? 一碗野入面得兩條頭髮絲咁大條既肉絲,果然係中伏,湯色透明,味精雞粉味道,食后口乾..之後姐姐送蛇湯一碗, 老實講,呢碗湯飲得出係幾日隔夜湯, 味道有點特別...…查看更多

75元一碗垃圾羮,入面有幾種絲類,嚡拾拾的瘦肉佔了60%,雞肉丝佔了10%木耳丝佔了25%,冬菇丝佔了0.3%,剩下0.2%就是蛇肉了,而且裡面的瘦肉絲和雞肉絲感覺上是用來煲完湯後的瘦肉渣,跟家裡煲完老火湯後的瘦肉一模一樣,入口嚡拾拾,多咬兩口以為自己在啃曬乾了的樹皮感覺味道嘛,整碗羮有濃重味精味和胡椒粉的味道,生粉芡勾得超重手,入口尤如食糊仔,至於值不值75元這個價錢見仁見智,但是我绝對會通知所有親朋別幫趁。…查看更多

秋風起三蛇肥 今日去左幫襯呢間食蛇 蛇羹味道不錯 但蛇非常少 反而個臘味糯米飯仲好食過個蛇羹老闆送左碗蛇湯比我地 但個蛇湯無乜味好清😂但亦感謝老闆 非常有人性味整體不過不失 我亦會再幫襯👍🏻…查看更多

每年冬天我都會食蛇暖下身，今年天氣咁凍，就梗係掛住碗蛇羹啦。可惜而家食蛇嘅店越嚟越少，往年食開果間，今年都冇開啦。於是乎搵到呢間蛇王弟，店面細小，由幾位姐姐主理，店內貼到滿滿的各式各樣東南西北的餐牌，又咖喱、又泡飯，同店名蛇王弟真係唔多配合。。。睇到眼花撩亂😐，所以直接點了一份大蛇羹。後面我問姐姐大羹有冇咩套餐，姐姐話加多碗糯米飯，一共九十幾。我諗既然一場嚟到試食，就試埋個糯米飯咯。蛇羹大大碗，以我個人來講，藥材味稍淡，羹裡面雞肉多，蛇肉份量少，另外仲有云耳等。枱上面配料有檸檬葉、薄脆，檸檬葉用膠盒裝住，切得好够絲👍🏻，但係好濕，唔係干身，癡埋一舊，唔知點解。而薄脆就有啲硬身，小脆。另外仲有浙醋供應，我冇放。糯米飯暖暖哋，唔够熱，應該係煲果種，唔係炒嘅，我覺得比較普通。店內環境情況就真係，反正我入到店果刻，店內一個客都冇，但兩邊枱面都擺晒客人食完的碗筷，冇人執枱，可能啱忙完一浸呱。不過姐姐都好熱心招呼，馬上執咗一個位置俾我，但就冇抹到枱。而當我就快食完果陣，阿姐都出嚟用潔而亮抹其他枱。應該頭先都係忙唔過嚟。我自己都係做餐飲，香港地經營小食店，的確唔容易，加上成年幾以來的社會運動、疫情的影響，香港人應該多一份包容、理解、體諒，社會會更和諧。用餐完埋單一共$98，感覺呢間似小餐廳多過食蛇店，香港做蛇店真係唔容易，改變都係為咗生存啫，加油吧。…查看更多

呢幾日氣溫驟降🥶，天寒地凍就令人諗起冬天必食蛇羹🐍，之前一直聽聞荃灣呢間蛇王好特別，有好多一般蛇店冇嘅嘢食，今日決定嚟試試。店面唔算大，只有四至五個向牆坐嘅座位🪑，而店內貼滿了形形色色的餐牌，果然除了蛇羹同糯米飯🍚外，仲有好多特色食品，不過一場嚟到梗係都試咗個蛇羹同糯米飯先啦。店員姐姐👩🏻收到柯打後9秒9上菜， 不過蛇羹唔算太熱而糯米飯亦只係溫暖，對於愛食熱嘢嘅我略為不足。蛇羹🐍好多料滿滿一碗，蛇味亦唔算太重，脆片就有啲偏硬，浸咗好耐都唔腍。糯米飯睇落只有細細一碗，但材料充足有好多臘味同花生🥜，飯粒亦粒粒分明唔太黏口，食完都好滿足。整體來講，蛇羹同糯米飯都尚算抵食，味道就冇乜意外驚喜，不過天冷冷❄️時食返碗蛇羹亦都令人大滿足嘅😍！…查看更多

天氣咁凍，唔打邊邊，食蛇羹，好養生！呢間舖頭有好多嘢食，本來想叫C餐蛇羹加海南雞飯套餐$92，但係原來呢個係細蛇羹+海南雞飯，如果要大蛇羹+飯，只有A餐幫到你，仲送埋蛇湯🤤大蛇呀大蛇，請賜我溫暖和力量⋯啲魚片仲厚過金幣😍，啲蛇肉仲粗過橡筋🤭🤣👍超正呀。食呢個好有一種尋找他鄉的故事嘅感覺，糯米飯有好多蠟味，係我食過最香嘅糯米飯，真係叫多兩碗都唔怪，添飯食多碗，另一碗拎返屋企。豬頸肉是真豬，$22來講真係抵到爛！當然唔係燒啦，但係想多款餸黎講係必叫！…查看更多

套餐糯米飯加蛇羹，2樣招牌，果然冇失望。蛇羹熱辣辣，好足料，有蛇肉、木耳絲同豬肉絲。味道岩岩好，唔會太咸，都唔會水汪汪。配埋檸檬草同薄脆真係一流。糯米飯配蔥同花生超級香，啲飯煙韌，份量好多。一個人食細糯米飯加蛇羹已經好飽！…查看更多

$62已經有蛇羹和糯米飯，仲要送埋蛇湯，呢個價錢真係經濟實惠！ 👍🏻👍🏻我仲可以慳番車錢，唔使搭車出深水埗食蛇羹。至於味道真係相當唔錯，首先蛇羹非常足料🐍，調味亦都剛，冇過鹹或過淡，過稀過杰。其實今時今日能夠做到咁樣都已經算好高質了👍🏻👍🏻蛇羹沒有太大腥味，但足料。最緊要加埋佢哋自製嘅脆脆落碗湯度，咁就無懈可擊啦每一匙羹都有蛇肉加其他配料亦都分量十足糯米飯雖然唔係生炒，但係一啲都唔濕，剛剛好唔會過硬或者軟林林,而且味道有功架，臘味有抄香香過，花生夠脆卜卜。夠乾身的糯米飯先稱得上叫糯米飯，識食嘅應該明我講咩啦店內仲有其他野食，例如咖喱或扣肉飯，我都一定會再試！…查看更多

天氣凍冰冰，今晚和老公去吃蛇羹。見到荃灣有蛇王X，所以就來試試。我們叫了一個大蛇羹加糯米飯及一個大蛇湯加糯米飯。蛇羹有好多肉，細的是蛇肉，比較大的就是雞肉，它寫明沒有豬肉的。加了脆脆及檸檬葉，簡直一流。蛇湯裏有胡椒，所以飲落去會感覺暖粒粒，非常好。糯米飯都好好吃，有臘肉、蝦米、花生和蔥，份量都幾大。這間店還有很多東西吃，例如咖喱、人蔘雞、滷水、水晶雞等等。所以夏天來的話，不吃蛇，還有其他可以選擇。…查看更多

今日係荃灣黎到食蛇，超多人呀，等了15分鐘有位，估不到現在除了蛇，還有這麽多選擇韓式人蔘雞? 咖喱飯系列? 湖南梅菜扣肉? 客家霸王雞? 寶島黃酒水晶雞?麻辣口水雞? 加凍飲$8 加蛇湯$10 都好經濟，但很意外有這麽多不吃蛇選擇， 除了秋冬，平日都可以選擇來食普通午餐了真係好特別蛇店。 我點了糯米飯，大蛇羹餐$98和朋友2份吃。實在超大份，下次可叫細已經夠成個大湯碗，很豐富材料，啖啖蛇肉，味道很濃但真材實料。糯米飯 煙韌，乾身 炒得夠香，花生脆咸，少量臘味粒。（ 可選擇加$10臘腸/潤腸）同事決定不吃蛇，點了飽魚撈飯，哈哈！食豪d.鮑魚應該鮮飽炆，有冬孤，糖心蛋，糖心蛋超滑流心，煙燻過好正有幾片肥牛雜錦冬瓜湯有豬潤，蠔仔，肥牛，芽菜，芫荽，蔥，肉碎，糖心蛋 食完隻鮑魚，我建議大家應該放白飯落湯，成成湯飯，一味2食呀！今次吃得很滿足，夠3人食，可以做飯堂了！…查看更多