影片
营业时间
今日营业
11:00 - 23:00
星期一至日
11:00 - 23:00
以上资料只供参考，请与餐厅确认详情
今日（20-12-2024 Fri）天冷，突然谂起好多年前喺深水埗同同事食过暖笠笠蛇宴，到放咗工返屋企搭䢂时，街坊甲问拎住嘢嘅街坊乙拎住咩嘢？乙就答$70.00嘅蛇羹，买嚟试试。甲续问喺边喥买？乙形容嘅地方就系呢间。我返到屋企，就send message问老公好唔好买蛇羹？佢答好。于是佢返荃湾就嚟买，佢send咗外卖menu俾我睇，见到有糯米饭，但我已煮饭同𩠌，唔可以食糯米饭lu，于是我就$96.00嘅大蛇羹，佢都话好。买到返嚟睇，装得满满嘅，呢个份量可以分到3碗，我哋开餐喇，一食，只食到一大阵药材味，而肉呢？竟然食到两旧几大件嘅肉，系咩肉？唔会系蛇肉，系猪肉，好离谱，从未食过蛇羹会食到猪肉，重要系咁大旧。而个羹都落咗唔少生粉献，都几杰，老公直接话系碗仔翅。上次食评系2017年3月15日刊登嘅呢篇：https://www.openrice.com/zh/hongkong/review/%E9%AD%9A%E7%9A%AE%E5%9C%A8%E9%82%A3-e2746597
继续阅读
今日喺荃湾行街，想食蛇羹，食开𠮶间休息，所以就嚟呢间蛇王弟食午餐。坐低咗之后，目标清晰嘅我就叫咗个大蛇羹餐，有生炒糯米饭同蛇汤佐餐。一共102蚊。餐齐开始食，发觉蛇羹嘅蛇肉好少，仲要系蛇丝，系好似普通碗仔翅咁，味道仲好一般。糯米饭居然唔热，口感仲要有生饭粒，腊味又少。最离谱嘅就系个蛇汤，大家可以睇返其他人放嘅蛇汤相，根本系清鸡汤黄色。我一饮，就知直情系普通史X生清鸡汤加热当蛇汤，会煮饭嘅人实知，一试就试得出。成餐都好难食，活受罪。我写食评绝无加盐醋，对得住良心。希望各位去食之前睇到，唔好上当，本人已亲身试伏，中埋伏。完。
继续阅读
天气冻谂住买碗蛇羹返屋企暖下肚, 行过呢间蛇铺门面好似几干净又光猛, 蛇羹价钱唔算好贵, 仲有套餐选择, 谂住试下, 点知......一打开碗蛇羹唔系太见到蛇肉, 再兜下下面都系无, 再入埋口都唔太觉得系蛇肉, 无蛇味, 似鸡丝多D, 成碗就好似碗仔翅咁, 唔得啰...而个糯米饭都算正常, 唔会太湿, 干身既, 但系腊味材料唔多, 得几粒.而套餐有碗蛇汤, 有味既, 但唔知系咪味精味.整体唔系食蛇羹但卖蛇羹既价钱.
继续阅读
第一次食一碗冇蛇嘅蛇羹好多猪肉食碗普通碗仔翅好过,仲要特登搭车过去应该一定唔会再帮衬除非变返有蛇的羹蛇汤都过得去糯米饭就一般你叫我写80只字我真系写唔到落去，但系为咗其他食客我唯有写
继续阅读
蛇羹 内整条的蛇肉寥寥可数，通常一些店家为补蛇肉不足，会加入鸡肉、猪肉以增加口感，不过这家的做法真少有。将猪肉等等做了免治！于是乎，整个蛇羹的口感 便"鞋烚烚" 的成口肉碎。连附送的薄脆也难吃，我建议店家去另一家饼店取薄脆货好了，应该用南乳薄脆！其实蛇羹的总体味道和香气不差的，店家应该宁愿加价也要增加蛇肉量，更加不要再用免治肉来泡制了。蛇汤也不用加钱饮了，基本上是茶餐厅中式例水级数。另外一样，则要特别一赞，糯米饭做出水准以上。沾度、软度、韧度 全部掌握上乘，不肥不腻 腊肉均匀加入，整体咸度刚好。入口弹牙好味，热度刚好，完全没有一粒生米哽牙，葱花和花生都比例刚好。虽然蛇羹失色，但这个糯米饭却是上乘之作。如果没有这个糯米饭，我要给劣评的了，但一碗糯米碗使我给他加回分数。在荃湾想吃糯米饭的，我建议来这一家吃，算是喜出望外的上乘水准。荃湾想吃蛇羹 都是 蛇王如 较好。
继续阅读