影片
以上资料只供参考，请与餐厅确认详情
招牌菜
琴晚第一次食，以为多人就入去试吓，点知啲中哂伏！一坐得睇到个餐牌见到个价钱都已经唔开胃，都算喇，啲嘢食一嚟到，哗难食到癫，啲嘢食又唔热又无味，叫咗个皮蛋嚟食，完全无味，个口感又奇怪，跟住叫咗个牛脷，呢个仲癫，食紧个阵个感就好似同紧只牛打车轮，好难食！警世，唔好再去食！
继续阅读
本人昨天本来约3位朋友到这家店食烧烤，饮啤酒聊天的，我和一位朋友6:15分先到，见到店铺门口开门了，我便准备和朋友先入去坐下，先喝啤酒等其他人到，一入门口店员说未开门，这时我便问什么时候开门，店员就说‘唔知㖞’，态度极差，这样的态度还会再光顾吗，我和朋友没说什么立即走人，大围又不是只有你这里有东西吃，吃东西没必要受气的，如果你们是未开门做生意，可以在门口挂一牌给客人看，客人便不会进来，不用受你们的气了
继续阅读
自从疫情之后已经好耐冇去过食蚝烧..以前耐唔时都会嚟呢度坐响出面食下串烧饮下啤酒….一于叫番啲以前成日叫既野食先烧茄子🍆有小小烧唔熟…有生生地既feel..烧扇贝新鲜 + 大大粒….招牌烧生蚝即系蒜蓉烧生蚝…手掌咁大既size…鲜味十足…蒜蓉焗花甲..花甲都系大大只…红肉够鲜甜…不过有D就有沙..烧翠肉瓜 ，烧鸡软骨，烧蒜头翠肉瓜juicy烧和牛粒..唔像和牛粒….好重腌料味…呢个就一般..烧鸡亦尖 ，正…叫左两转..
继续阅读
本身食开隔离𠮶间点知七点先开心大心细咁入咗嚟做试伏专员点知真系濑晒嘢 嘢食真心贵贵都唔紧要交唔到功课俾我九成嘅食物都系无味㗎 除咗条茄子有蒜蓉味之外其他都系淡茂茂 就算摆喺枱面𠮶啲调味粉落咗都系无乜味 惨过食斋𠮶串鸡肾硬到好似石头咁 完全食唔到食咗一旧摆番低 叫个职员收走佢佢同我讲话仲有串嘢未食我话硬到食唔到 个职员已笑姐丑唔知食咗啲乜嘢食咗差唔多五旧水真心食返隔离168好过 千祈咪入去中伏
继续阅读
当你开工开到好晏，而且又好肚饿既时候，最好既选择应该系油尖旺区，但对于我地呢啲新界中区既朋友实在系太遥远，好彩我地仲有大围呢个宵夜城，有打冷，烧烤，糖水，车仔面，应有尽有。蚝烧，我已经唔记得第几次食，开左几年，食物质素算系中上，而且佢每款食物都有3个口味俾你选，分别系蜜糖，沙嗲，重庆烧。照旧，大啤一支，再将纸仔拎俾店员，由于即叫即烧，都要等十零分钟。蜜糖鸡翼，系鸡翼中间介左一刀，方便入味，鸡翼唔会太干，仲有肉汁，调味整体良好。蒜蓉牛油焗金菇，牛油味无挥发得严重，蒜蓉好多，食落满口牛油味。啤酒迷必叫下酒菜，烧鱿鱼干，饮啤酒既朋友，最岩叫呢个，干身，薄肉位脆，点少少辣椒豉油，呷上一口啤酒，无可匹敌。如果你又系夜晚收工，想饮一啖收工既啤酒同埋治疗下你寂寞既胃，我非常推荐你黎蚝烧。
继续阅读