影片
营业时间
今日营业
10:30 - 22:00
星期一至五
10:30 - 22:00
星期六至日
11:00 - 01:00
以上资料只供参考，请与餐厅确认详情
通常行到荃湾，如果𠮶排热气，都会入去帮衬下....通常我都系食 $180， 或者 $90。有时谂，呢啲药材嘅嘢用嚟写食评啱啱呢？算啦 ，即管试下啦，今日叫咗一碗 180蚊； 虽然系药材， 但系我觉得甘甘地几好饮，好似饮一碗好食嘅汤，所以次次我都系要饮热嘅。相比之下，我感觉以前更加 有回味甘， 而 龟苓胶 嘅浓度以前更加浓。但系畀起其他舖头 ，我都系惯咗呢度， 以前我 住喺荃湾， 搬咗，总之返到嚟都会试下。其他糖水我都试过，但系我都系比较钟情 龟苓胶。
继续阅读
呢间位于荃湾兆和街23号地下10号舖，店名兰苑饎馆，呢排大感冒后，变成气管敏感咳，睇极西医、中医都唔好，又临近农历新年将至，朋友介绍不如试下食龟胶，因为朋友有湿疹都食好左，初时以为是龟苓膏，唔使去甘远食呀，周围都有得食，朋友话兰苑系唔同的，去试下先啦，见要去荃湾办年货买瓜子，甘顺便去试试啦，唔打唔撞又比我揾到，门口简直是一间中式甜品舖，没有什么特别，入到店舖连装修都系中式，哗，见到龟胶分别为HKD55、HKD99、HKD180及HKD410，问老板有什么分别，老板话一搬人食HKD180, HKD410你未必接受到”苦”，我心谂系我未必接受到个价钱😂，不过一埸来到就试试180蚊款啦，第一次食龟胶，原来系液体来，不是膏状，食完其实觉得无乜感觉、特别，好似饮凉茶甘啰，返到屋感觉要排毒，排完后感觉又觉得特别舒服㖞，完全觉得系排出身体毒素甘，第二日起身，气管敏感咳明显好转左，于是放工再去食多次，老板叫我试下连续食3-5樽，效果会更好，一于听佢讲试下，就连续食3樽，真系好左㖞，见甘神奇，于再去买6樽返屋企比爸爸妈妈当调理身体先。呢间店舖绝对非常值得介绍比身边的亲朋好友呀！
继续阅读
食完煲仔饭行阵消化下，为嘅系食埋个中式糖水😅荃湾食中式糖水嘅选择有两间，我比较钟意食兰苑！原来今日佢地都系第一日开返！所以有两款糖水未做得切！我当然照旧合桃露啦！同以前一样咁好味😋朋友想食嘅红豆沙未有，所以食绿豆沙～都唔错呀！好足料嘅海带绿豆沙👍🏼
继续阅读
香港传统糖水舖，卖少见少，好难揾到间真正好食嘅，网上有人评价呢间既传统又好味嘅合桃露，刚好路经该地，所以就放心去捧场一下。本来都想试下亀灵膏，但好多人赞佢哋合桃露好食,所以都系拣咗合桃露嚟食。唔知系咪年尾收炉嘅关系，呢碗合桃露色水已经唔似样，偏浅色，有网评话合桃露特别滑，但又唔多觉得，只觉得特别稀，唔厚身，唔挂碗，合桃味欠捧，只系一碗几甜嘅糖水，我只可以讲"伏"字，$26一碗，我宁愿用粉冲嚟食了。
继续阅读
㖊日(25-4-2020 Sat) 晏昼同老公落荃湾买嘢,买完行阵,佢话要食龟苓膏,喺兆和街有间唔知咩堂嘅,但冇龟苓膏,佢谂起有间食龟苓胶嘅,冇错,系有一间,就系呢间.我决定要$24.00嘅桑寄生莲子蛋茶,老公就要$50.00嘅龟苓胶.桑寄生莲子蛋茶味道唔甜,重食到似龟苓膏嘅味道,莲子正常松化.老公嘅龟苓胶呢?我一啖都冇试.之后睇到有$20.00嘅鸡蛋马蹄露,就买一杯外卖俾爸爸.佢饮咗后都冇咩comment.原来我哋第一次嚟帮趁(𠮶个食评: https://www.openrice.com/zh/hongkong/review/%E8%B5%B0%E8%86%BD%E5%9B%BA%E9%86%87-e2039824)系2009年嘅事,重要食同样嘅嘢.服务:亲切有礼.o衣o家睇返上次食评(https://www.openrice.com/zh/hongkong/r-%E8%98%AD%E8%8B%91%E9%A5%8E%E9%A4%A8-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-%E4%B8%AD%E5%BC%8F%E7%B3%96%E6%B0%B4-r18625/reviews),系两年前嘅事,睇见冇加过价,好难得呢.
继续阅读
您可能会有兴趣的...