影片
在这家怀旧的小店里，点了一碗沙嗲牛肉面和一杯热柠茶。沙嗲牛肉面的汤底虽然沙嗲味道并不特别浓郁，但汤底却意外地清爽，没有过于油腻的感觉，让人感到舒适。牛肉片嫩滑，与公仔面的搭配也相当和谐，公仔面方便，我特登叫老板爽一点，整体口感令人满意。虽然整体来说不算特别惊艳，但这家小店的氛围让人感到放松，静静地食个早餐感觉都几好。
继续阅读
呢两年都无咩行过呢头，今日行过见佢仲顶得住疫情，铜锣湾区食个常餐都仲系$40唔驶，门口仲见佢贴住有做派饭活动，本身谂住睇多几间都即刻唔谂，支持下善心小店其实十年前已经发现呢到既沙爹牛肉系我细个食过既味道，但周围都已经做唔返呢只味道，佢只沙爹味唔系得个浓字，放埋落个汤面到真系夹到晕，唔识点形容，太阳蛋又煎得靓，多士烘到啱啱好，卜卜脆，见个餐咁平就顺手再叫多个鲜油多，虽然牛油唔系铺满成块多士，不过咁啱呢排有d肥😂 对我黎讲啱啱好！
继续阅读
哩间苏记茶档，座落系一个唔多起眼唔系D大街嘅谢斐道，吸引我嘅原因系价钱平!同样一个沙爹牛面特餐，隔离和记卖成50几，苏记连冻饮都只系38蚊，仲要质素好D㖭!正常都转场啦!而38蚊有咩呢? 沙爷牛肉面系主角啦，可以选择煎蛋定炒蛋，火腿一片，烘过同占上牛油嘅方包一片，冻0茶少冰.位处铜锣湾哩D高消费区，38蚊绝对系抵啦!唉...... 依家铜锣湾出差返工，有排都未转返工地点，怀念之前开工红磡区....主角沙爹牛肉面，牛肉份量不少无偷工减料，另外沙爹汁香浓，已经唔系第一次帮衬，知道苏记沙爹汁唔差，所以要求多汁，令到成个汤底都好香浓，好味到汤底都饮咗一半，而隔离和记嘅沙爹汁系好奇怪嘅糊状，一比就比下去!系门口等外卖期间，见到佢门口有个派饭通知!苏记价钱又平食物唔差仲做埋善事㖭!有咩办法唔多多支持吓啫!
继续阅读
真心觉得呢度平靓正，呢个下午茶餐$38，块鸡扒又煎得靓，脆得来又不油腻，令我忍不住吃埋鸡皮（肥膏当然不吃）。佢嘅面餐仲平过我呢个餐，所以绝对抵食。P.s. 又话厨师牌肠仔执笠，但都仲有肠仔食。。。咁我唔明大家做乜咁紧张会高价买厨师牌来食?
继续阅读
公司叫外卖经常食呢度嘅炸脾。呢几日食滞咗，加上今日嘅晏昼食咗好大碗油面，今次pass，要个鱼柳包，唔想饮嘢。鱼柳包嚟到都仲微暖，而且好大个，面包就一贯嘅软熟，鱼就明显系雪藏货冇乜质感𠮶啲，但啲酱都够，加埋啲生菜丝，食落几好，不过我觉得咸咗少少。下次都系食番炸脾。
继续阅读