藍鯨日本料理 (已結業)

今晚,約了家姐兩個一起到紅磡搵食.起初,我們一致打算到意蠔屋的,但可惜意蠔屋滿座及門口仍有不少食客等位,之後再行前少少,看見"藍鯨日本料理 "門口貼著晚市八折,之後再看看menu,一碗粒粒魚生飯未折是60多元,8折後也不貴喎. 後來,職員主動出來招呼我們,我也厚著面皮問,請問粒粒魚生飯是否$60多元八折,她也很有禮地回答我,而且也沒有睇少我的眼神,所以最後我們便決定入座了.還記得"藍鯨日本料理"的前身是" 爸爸壽司小料理". 有不少食家也讚揚,可惜沒有機會試試便結業了. 今次在同一位置,又開了一間日本小料理,來試試吧!看到menu,有一款名為"什錦魚生飯",另一款名為"粒粒魚生飯",兩著有何分別? 職員便說,粒粒是砌粒,內裏有三文魚,吞拿魚,蟹籽,另外什錦的種類比粒粒的種類多了帶子,蝦,等.兩款只相差$20,加上我們兩款也想嚐試,所以我們各order一款share.其實,兩款都是魚生飯. 只是一款砌粒,種類少一點,什錦種類多些,而且也尚算厚砌及大塊的,一點也不姑寒. 另外,兩碗魚生飯也是選用珍珠米的,加上很香的香醋,真的是飯又好食,魚生又鮮甜. 不錯. 還有一件事也想讚揚這小料理的職員

從餐廳門口看似乎店舖不小, 猜不到內裡竟然這麼又狹窄而且座位少,更沒有椅背, 只有7-8張二人及四人枱左右粒粒魚生飯$50魚生包括最普通的魚生~三文魚，立魚、吞拿魚及魚子等粒粒魚生入口有些滑滑口感，魚生總算新鮮沒有雪藏已久的冰凍感魚生飯質感則一般，日本米飯不是預期般軟糯感北海道魚生飯$80我問侍應這個名堂與雜錦魚生飯有何分別什錦魚生飯是沒有海膽的，而我最想吃海膽價錢只差$5，當然選擇了這款魚生飯了，魚生一般，海膽也不見得海膽鮮味濃午市套餐包括麵豉湯及甜品麵豉湯豪不吸引而且味道十分淡一看見甜品就更加想棄之不要凡惠顧午市定食另送以下任選一款炸野菜餅/日式蒸蛋/三文魚刺身/蟹子沙侓我選擇的蒸蛋，送上枱一看，我被嚇了…怎麼好似蛋似蒸過時兼起水泡當然是難看又難食，經詢問侍應解釋是蒸過了時所致但我的午飯時間已到不能再等了結果這頓午飯只有魚生稍為可以，其餘的都不合格

今日突然想食日本野，之後去左間家庭式日本餐廳，叫左兩個套餐，叉燒拉麵、魚生飯，重送前菜同埋麵豉湯，個叉燒拉麵湯底係白色，飲左一啖，勁好味，湯底好濃，亦唔覺係味精湯，食完唔會好口渴，麵質亦好彈牙，碗麵比100分。魚生飯亦好新鮮，魚生有成8-9塊，飯和醋都溝得好適中，比99分，價錢都唔貴，晚市平均套餐只係$45-$65，估唔到鋪頭細細，有咁好質數食品，店員都好親切，見佢地同D食客有傾有講，原來訂位先，重有9折，下次再去食過，不過訂左位先，因為有9折，重抵！

一向唔鐘意食魚生的我……最近竟然變成了藍鯨日本料理的常客我在紅磡工作，有次同同事去了藍鯨日本料理食 Lunch，當時 order 左三文魚親子剌身飯，發覺佢地D剌身好新鮮…好好味，而且更覺得藍鯨日本料理…比起其他餐廳的刺身用料好，有時連放左工，晚上都去食埋晚飯！ 今次我有朋友生日，特登去藍鯨日本料理為他慶祝，我地 order 左…燒雞軟骨、燒牛舌、鹽燒三文魚頭，三文魚壽司、火艷三文魚壽司、帶子壽司，三文魚親子飯、粒粒魚生飯、三色魚生飯…等等刺身新鮮就一定，而且刺身飯係厚切，十分滿足，原來燒物都好好味…由其燒雞軟骨同鹽燒三文魚頭，燒雞軟…燒得骨好脆，好野味！燒三文魚頭…勁香！食食下有個廚師，竟然送上好名貴的金薄三文魚壽司蛋糕，蛋糕入面好多料，重好多蟹子、蟹柳…等等，嘩…真係好名貴同好有心思，因為我地成班朋友都係做珠寶行業，最近D足金咁貴，當然氹到他們開心到飛起啦！重話下次要再來食過喎…美中不足係餐廳比較細，不過又令我地反而覺得有一番風味，好似在屋企慶祝生日咁，份外溫馨，我D朋友重玩到企晒起身添…真係當自己屋企一樣…笑死！我地玩足成晚食足成晚，價錢都唔貴，真係好開心！

夜晚同朋友肚餓行過見到呢間新開既日本野, 入面又幾多人食緊, 個裝修又OK , 入左去試好LUCKY 唔使等位, 入到去原來唔係好多位~ 小店經營, 好有屋企FEEL , 仲有得睇電視見到夜晚佢都有D DINNER SET , 但同朋友都想試其他小菜~叫D SUSHI , 3文魚, 劍魚腩 , 3文魚子, 帶子等左冇耐就有得食~3文魚好肥美, 3文魚子好食到要再叫,又圓又大粒, 一D都唔腥, 再追問原來係師父自己"葉"好味道, 帶子好鮮,又夠大~但係劍魚腩就比較淡, 冇咩味~再叫左軟X蟹同特價雞軟骨,我最愛, 保持水準見到佢推介生蠔北海燒, 叫左一隻試下, 甜甜地幾好味,出面好小地方可以食到呢個整法 , 估唔到係呢間細鋪可以食到仲整到咁有水準!!燒鯖魚, 睇落好似有D 濃, 但係一D 濃味都冇, 仲要個面係脆卜卜, 入面燒到又唔會過老, 好味最後叫左稻座烏冬, 清清地同燒雞泡魚干慢慢咬！一見到D野食實在太吸引我地食左先影-V- 次次食完先記得要影相2人食左都係300幾蚊, 都算中等價錢~但只要野食好味就得啦侍應默默加茶, 勤力!會再去架~~~~~因為見到DINNER SET 都係5X

琴日同朋友行過見到有間食日本野既地方,個門口裝修幾靚於是行左入去試下....一入到去時個d侍應好有禮貌,裡面既裝修都好靚,我同朋友係個到叫左d刺身,天婦羅炸物同埋日式火鍋!!佢個到d刺身好新鮮,而個d天婦羅有炸得岩岩好....佢既粉漿岩岩好....唔會有個感覺食到成口粉漿咁....^^而個日式火鍋整體都ok....湯底唔錯....價錢合理值得再一試!!

今日星期日等左3個字左右...都OK既不過出面有得泊車係門口等得有D可憐= =入到去...環境都OK 我鍾意D LIGHTING 剛剛好有獨立洗手間 有高清電視...最最正係坐邊都可以睇到電視 因為店內鏡面設計終於上菜第一道係牠牡蝦+三文魚腩隻蝦真係好正! 賣飛佛之後...芝士三文魚 芝士味太重冇左魚味帶子壽司 帶子爽口亦貝 更爽吞拿魚京蔥 滿口吞拿魚蝦天婦羅 唔夠脆身薯丸 脆返焗什菌 買相但味道清酒煮硯 鮮甜仲有 唔記得整體黎講門口個MENU同張宣傳單張設計都幾簡陃 俾我感覺入面 哈哈哈哈哈哈不過原來都唔差食物OK,會再食! 但上菜MAMA...= =隔離台上得好快 即使同一味我叫先都上佢地先 老闆注意一下上菜次序就GD哂啦