藍記士多

营业中

休息中

對爬艇同行山人士（要行幾百級樓梯落嚟的👍)來説，土地灣的這間士多真是恩物，精神與肉體的booster！是日行程是大潭灣順時針爬獨木舟，爬了三個鐘到了十二點鐘方向的土地灣上岸，同行一大伙每人一碗！豬扒、雞扒(要等一下可能在解凍)、雞翼都有仔細煎香，豬扒有蒜香味，煎得剛好，肉質比外面不少茶餐廳的薄粗肉好，菜葉厚潤，有誠意！開餐前老闆在解凍一大盤雞肉，好奇一問食材如何運入，原來是船運！溫馨提示星期六日先開門，平日老闆在市區喔。

埋單計數，05/06年度同Openrice的食友行過西貢二尖的釣魚翁及蚺蛇尖，季尾就以一個一星級的港島徑埋齋，都算是完滿結束。作為一個飲食網，搞幾次遠足都算有聲有色，有得玩有得食，都算係咁。經過長長的引水道，到達土地灣，當然要小休一下。以前在隔離玩獨木舟時，已時常幫襯這裡，只因方圓十里只此一家。一些食友急不及待的叫麵吃，因為之後還會去吃泰菜，還是喝罐啤酒算了。在夕陽中，跟T兄及專兄喝一啖啤酒，作為行山年度的結尾式，都不錯。主理人婆婆有點撞聾，但火氣一點不收，我問：「婆婆，有咩啤酒？」婆婆答：「有咩啤酒？你估呢度大酒店呀？啤酒任你揀，又......」就係咁。青島十二蚊一罐，在此地方，都不可以話唔抵。題外話：是日的行程，小兒科而已，如不是怎麼能傷了膝蓋都行埋全程？希望我地年尾又行過。

呢個石沉左個多月的食評,嚴格黎講,唔算係食評.只係二月尾OR行山團中之其中一幕.尾站土地灣,終於搵到間士多作息.好幾個食友,已餓到死去活來.頂唔順之下,屈服左餐蛋麵之下.鑑於其後會在石澳開餐,所以都係忍一忍手.但好辛苦,果一刻絕對相信.此個餐蛋麵,會係全世界最美味的食物.小休完畢,行幾百級樓梯上石澳道,果刻腦海只係諗住呢首歌."現我像乘著白金升降機，直上頂尖地......."