22
1
2
港铁长沙湾站 C2 出口, 步行约6分钟
继续阅读
营业时间
星期一至六
11:00 - 15:00
18:00 - 22:00
星期日
全日休息
以上资料只供参考，请与餐厅确认详情
食家推介
素食友善嘅餐廳，有時未必要有超多素食選擇，例如位於長沙灣喜漾嘅 “薰甘同味”，只要表露你係素食者嘅身份，老闆娘會好詳細同你分析你可以選擇食啲乜。以下係佢建議素食者嘅食法，餐牌冇寫明㗎。😉特色湯麵 ($50) 之中，馬拉白咖哩烏冬係素嘅，食芝士嘅素友亦可選韓式芝士撈麵。🍜但佢可選嘅小食全部都係肉，點算呢？可以選以下其中一樣：🥬 菜心/生菜🥐 雜菜春卷🍕 印度薄餅❄️ 冷盤三小碟（麻辣蓮藕，麻辣蒜蓉雲耳，芥辣秋葵，香醋青瓜，日式麻醬豆腐）雜菜春卷雖然配辣雞醬，但原來個醬係素嘅（成份見附圖)。反而印度薄餅嘅青咖哩汁唔係素，所以一係配辣雞醬，或者煉奶亦可。雜菜春卷大大條入面全是蔬菜，即炸好脆，又唔油膩唔熱氣。印度薄餅好香口，配煉奶出奇哋夾。🍼白咖哩烏冬嘅白咖哩好好味，烏冬亦都好煙韌，我都試過轉佢哋嘅自家製拉麵，但覺得配烏冬比較夾啲。配料有芽菜，豆卜，蘿蔔同少少蔥，圖中嘅係我要求嘅多蔥版。😋芝士撈麵本身有蟹籽，素食版會幫你走哂。老闆娘好細心咁提我如果跟本身個韓式即食麵份量會較少，想夠食啲可以免費轉自家製拉麵。但我覺得個即食麵份量雖然少，但麵質真係幾好，而且即食麵呢啲冇益嘢少少哋食又冇咁邪惡。😈一大塊芝士攤响有少少湯嘅即食麵上，睇住佢慢慢溶，真係好療癒。鍾意食辣嘅朋友可以加辣菜脯，我就無論食芝士麵定白咖哩烏冬都要落勁多，好鬼好食。😆三小碟我通常揀豆腐，蓮藕同秋葵，老闆娘提我唔一定要三樣唔同，鍾意可以三碟都叫同一款小食。份量好多，食哂都飽咗四成。而且每樣都各有特色：◻️ 豆腐夠哂滑，麻醬又夠味，配埋少少蔥食好鬼香口。🪷 蓮藕好爽口，配埋麻辣汁好刺激又惹味。🥒 秋葵嘅汁竟然係 wasabi 汁，天呀，太好食了。另外可以加 $7 配佢哋自家製涼茶（係五花茶）或柚子蜜（冷熱同價），質素都好高㗎。🥤有時老闆娘唔响鋪，但其他店員都會知道呢個隱藏餐牌，所以冇問題嘅。會咁貼心支援素食者嘅小店，大家記得多啲嚟食呀。🥰💚
继续阅读
身為素食者，又介紹下呢間願意為素食者提供特別餐單的小店。係原訂餐牌上嘅配菜係冇素選項，但小店的主理人提供「素選擇」，包括：薄餅配青咖喱，雜菜春卷（二擇一），又或者係素前菜當中揀三款取代：包括涼拌雲耳/素瓜，芥末秋葵，麻辣拌蓮藕，麻醬豆腐48蚊lunch set 除左可以試到高質自家製拉麵，仲包埋自家涼茶/罐裝或盒裝飲品，超值。如果係嚴謹素食者，仲有素湯底：白咖喱湯可選擇！如可以接受鍋邊素的，推薦上圖嘅喇沙湯底。如果想清一點或on diet 中的男士女士，鏗魚濃湯湯底清清地，不失為一個好選擇：）#薰甘同味 #素午餐
继续阅读
拉面烏冬飯都係不過不失 但豬軟骨超好食 真係入口即化 雞扒亦好有水準 小食方面薯餅及雞翼真心推介 重點係價錢平民化 良心小店 我3個人食晚餐 一人一個主食加小食 埋單200百頭 cp值非常高
继续阅读
🍜馬拉喇沙湯米粉+招牌秘製豬軟骨 $43秘製豬軟骨軟硬度恰到好處 唔會話誇張到入口即溶喇沙湯底香濃唔會死鹹 蘿蔔大大舊清甜亦都無渣 🧀韓式芝士撈米線+招牌秘製豬軟骨 $43本身配搭係辛拉麵 問可唔可以轉米線老闆娘亦好好咁幫我轉咗🥰 結構好簡單 就係米線上面鋪咗塊芝士 最上面堆咗啲蟹籽增加口感 但個人認為蟹籽同麵唔太夾。🐽九州豬骨湯拉麵+招牌秘製豬軟骨 $43豬骨湯係平時香港拉麵舖會食到嘅味 有油香唔會太鹹太膩拉麵唔會太軟腍但可以再彈啲~🍚泰式青咖哩雞球飯 $45青咖哩質地偏稀而且完全唔辣所以唔太過癮。雞球大大舊 而且飯量都好多呢個餐絕對夠飽🐔芝士醬雞球 跟餐+$16雞球得3粒但都幾大舊可惜肥膏比肉多口感麻麻欣賞嘅係雞球係即叫即炸嘅 所以上枱時熱辣辣芝士醬可以話係0芝士味 點完只係令雞球更濕潤同埋增加咗啲鹹味
继续阅读
一黎到問我地食過未 未就仔細介紹餐牌 好貼心講解邊啲辣唔辣 仲介紹佢地既辣菜甫我點左白咖哩 自家制拉麵 香茅雞扒 炸得好脆 都好食 但另一個招牌豬軟骨真係做到入口即溶 必點喇沙湯都好濃味 仲送飲品 居然有涼茶 要求温既都冇問題
继续阅读