影片
以上资料只供参考，请与餐厅确认详情
素食友善嘅餐厅，有时未必要有超多素食选择，例如位于长沙湾喜漾嘅 “薰甘同味”，只要表露你系素食者嘅身份，老板娘会好详细同你分析你可以选择食啲乜。以下系佢建议素食者嘅食法，餐牌冇写明㗎。😉特色汤面 ($50) 之中，马拉白咖哩乌冬系素嘅，食芝士嘅素友亦可选韩式芝士捞面。🍜但佢可选嘅小食全部都系肉，点算呢？可以选以下其中一样：🥬 菜心/生菜🥐 杂菜春卷🍕 印度薄饼❄️ 冷盘三小碟（麻辣莲藕，麻辣蒜蓉云耳，芥辣秋葵，香醋青瓜，日式麻酱豆腐）杂菜春卷虽然配辣鸡酱，但原来个酱系素嘅（成份见附图)。反而印度薄饼嘅青咖哩汁唔系素，所以一系配辣鸡酱，或者炼奶亦可。杂菜春卷大大条入面全是蔬菜，即炸好脆，又唔油腻唔热气。印度薄饼好香口，配炼奶出奇哋夹。🍼白咖哩乌冬嘅白咖哩好好味，乌冬亦都好烟韧，我都试过转佢哋嘅自家制拉面，但觉得配乌冬比较夹啲。配料有芽菜，豆卜，萝卜同少少葱，图中嘅系我要求嘅多葱版。😋芝士捞面本身有蟹籽，素食版会帮你走哂。老板娘好细心咁提我如果跟本身个韩式即食面份量会较少，想够食啲可以免费转自家制拉面。但我觉得个即食面份量虽然少，但面质真系几好，而且即食面呢啲冇益嘢少少哋食又冇咁邪恶。😈一大块芝士摊响有少少汤嘅即食面上，睇住佢慢慢溶，真系好疗愈。钟意食辣嘅朋友可以加辣菜脯，我就无论食芝士面定白咖哩乌冬都要落劲多，好鬼好食。😆三小碟我通常拣豆腐，莲藕同秋葵，老板娘提我唔一定要三样唔同，钟意可以三碟都叫同一款小食。份量好多，食哂都饱咗四成。而且每样都各有特色：◻️ 豆腐够哂滑，麻酱又够味，配埋少少葱食好鬼香口。🪷 莲藕好爽口，配埋麻辣汁好刺激又惹味。🥒 秋葵嘅汁竟然系 wasabi 汁，天呀，太好食了。另外可以加 $7 配佢哋自家制凉茶（系五花茶）或柚子蜜（冷热同价），质素都好高㗎。🥤有时老板娘唔响铺，但其他店员都会知道呢个隐藏餐牌，所以冇问题嘅。会咁贴心支援素食者嘅小店，大家记得多啲嚟食呀。🥰💚
继续阅读
身为素食者，又介绍下呢间愿意为素食者提供特别餐单的小店。系原订餐牌上嘅配菜系冇素选项，但小店的主理人提供「素选择」，包括：薄饼配青咖喱，杂菜春卷（二择一），又或者系素前菜当中拣三款取代：包括凉拌云耳/素瓜，芥末秋葵，麻辣拌莲藕，麻酱豆腐48蚊lunch set 除左可以试到高质自家制拉面，仲包埋自家凉茶/罐装或盒装饮品，超值。如果系严谨素食者，仲有素汤底：白咖喱汤可选择！如可以接受锅边素的，推荐上图嘅喇沙汤底。如果想清一点或on diet 中的男士女士，铿鱼浓汤汤底清清地，不失为一个好选择：）#薰甘同味 #素午餐
继续阅读
拉面乌冬饭都系不过不失 但猪软骨超好食 真系入口即化 鸡扒亦好有水准 小食方面薯饼及鸡翼真心推介 重点系价钱平民化 良心小店 我3个人食晚餐 一人一个主食加小食 埋单200百头 cp值非常高
继续阅读
🍜马拉喇沙汤米粉+招牌秘制猪软骨 $43秘制猪软骨软硬度恰到好处 唔会话夸张到入口即溶喇沙汤底香浓唔会死咸 萝卜大大旧清甜亦都无渣 🧀韩式芝士捞米线+招牌秘制猪软骨 $43本身配搭系辛拉面 问可唔可以转米线老板娘亦好好咁帮我转咗🥰 结构好简单 就系米线上面铺咗块芝士 最上面堆咗啲蟹籽增加口感 但个人认为蟹籽同面唔太夹。🐽九州猪骨汤拉面+招牌秘制猪软骨 $43猪骨汤系平时香港拉面舖会食到嘅味 有油香唔会太咸太腻拉面唔会太软腍但可以再弹啲~🍚泰式青咖哩鸡球饭 $45青咖哩质地偏稀而且完全唔辣所以唔太过瘾。鸡球大大旧 而且饭量都好多呢个餐绝对够饱🐔芝士酱鸡球 跟餐+$16鸡球得3粒但都几大旧可惜肥膏比肉多口感麻麻欣赏嘅系鸡球系即叫即炸嘅 所以上枱时热辣辣芝士酱可以话系0芝士味 点完只系令鸡球更湿润同埋增加咗啲咸味
继续阅读
一黎到问我地食过未 未就仔细介绍餐牌 好贴心讲解边啲辣唔辣 仲介绍佢地既辣菜甫我点左白咖哩 自家制拉面 香茅鸡扒 炸得好脆 都好食 但另一个招牌猪软骨真系做到入口即溶 必点喇沙汤都好浓味 仲送饮品 居然有凉茶 要求温既都冇问题
继续阅读