影片
招牌菜
系旺角，D野食多到唔知自己想食咩，好似间间都千篇一律咁 ... 同朋友好灰咁谂住去食鱼旦粉嫁啦，突然经过呢间薯粉家，俾佢既招牌同香味吸引住，就拉左班朋友去试。唔想坐吧台，所以等左一阵。成间铺应该得一条友，都几多人下，真系踢哂脚。同朋友一人嗌左一碗红著粉，我唔太食得辣，只拣左BB辣，另外2位朋友都拣左3度辣。本身佢地想嗌4度，店主表示都几辣下，佢地缩沙另外再叫左拍青瓜、饺子、鸡翼、鸡肾、鸡软骨、鸡串、牛串。冇咩太大特别，唯一要讲讲 : 红著粉 - 呢间红著粉都叫好食，够滑够味够林，BB辣唔算太辣带点惹味，GOOD。 朋友话佢地3度辣都OK，有机会会试下4度。鸡翼 - 其实佢都整得好食，但真系要讲下 .... 一碟鸡翼十几蚊，但竟然系斩半鸡翼.... 好细份，有少少失望。饺子- 本身麻麻地饺子，朋友叫左就试下。佢地叫店主俾左碟辣椒油(3度辣)。我试左2只，一只系咁而沾左少少辣油， 都真系辣嫁对于我黎讲! 不过仲顶得住。 另外试果只就咁食，但仲辣过头先果只，成条脷麻哂 我都唔明点解........总括黎讲，同朋友一边食一边倾下计都唔错既，不过大食既人就可能会唔够食，我呢个女仔食都觉得岩岩好咋。D野食真系太细份埋单$200几蚊。OK啦。
继续阅读
成日经过都想试，因为店嘅闪灯同招牌好吸引，今日终于试咗!!!总共叫了4款食品+1杯珍珠奶茶，鐡板鸡翼、鐡板鱿鱼须、鐡板饺子&芝士烟肉焗饭。鐡板鸡翼~将4只鸡翼切开一半，8件.....感觉有啲取巧，根本就唔系鐡板，系炸鸡翼，仲要系无咩点腌嘅!!上碟前加上煎酿3窦甜豉油，得咗!!!鐡板鱿鱼须~餐牌见到无青椒，系满满嘅鱿鱼须，不过嚟到见切丝青椒多过鱿鱼须啰，啲鱿鱼须仲要比手指尾幼同短，呢个酱汁都系煎酿3窦甜豉油，够咸!!鐡板饺子~又系用鐡板字眼!!根本就唔系啰!!!感觉似煮熟再轻轻煎一煎，㶶都唔㶶，饺子皮仲要稔到一夹就散，里面啲肉都算OK的，一样系配煎酿3窦甜豉油，一般啦!!芝士烟肉焗饭~份量是平时街外焗饭SIZE嘅一半，焗饭唔系炒饭底，普通白饭底，饭面淋上切条烟肉加芝士，上枱时有浓浓芝士味，系真的有焗过的，最好算系呢个喇!!珍珠奶茶~茶嘅比例极少，奶味亦不够浓，，珍珠一啲都唔弹牙，台式饮品作主打，但连珍珠奶茶都求其制作，不如做普通奶茶、咖啡好过!!整体而言，食物都可以放进口中的，不过味道份量就不敢恭维.....另想说，收银那位，戴著一只手套，看似卫生，实质收碟、抹枱、收钱、上菜，甚至帮客人笃饮管都系𠮶只手，何来卫生可言?!
继续阅读
同男友睇完戏,探完佢婆婆,路经此地,俾佢既环境吸引咗(开喺一条横行入面)麻辣烧卖,普普通通拍青瓜,好味道,够野味烧茄子,配料够多,又香、又好味开头谂住order 8级,老板话好辣ga wor,建议我减d,我就转要6级,老板话试下5级先la,唔够先加,点知5级已辣死我,下次我唔敢睇少呢度既辣la!! 薯粉太少la,得几啖,不过可以加$加底,喜欢呢度既汤底唔会好多油,正!!巨峰提子沙冰,好好饮
继续阅读
琴晚老公特地出泥詹我食饭...今次去左....."薯粉家" 酸辣粉可以分不同程度既辣~连BB辣都有....劲丫~先叫左2碗酸辣粉, 唔记得帮老公走青....自己慢慢夹返出泥啦~有好多青, 花生, 仲有D酸菜同D长条型既豆豆... 都够辣, 不过唔够酸~个粉都几粗嫁...好彩佢系"林"咋~一般啦... 老公叩左D小食...个饺子几好食 鸡翼都唔差~ 仲一只鸡翼切开为2件添...食得方便 仲叫左珍珠奶茶...得左都好耐~ 个茶都叫OK, 哗果D珍珠呢....."林"到爆丫~见到都好多特别野既...都可一试~
继续阅读
早前到旺角探访老人院的老人家，沿途在某唐楼转角经过一家不算起眼的小店，店前有五张酒吧椅，旁边放了数张折台和椅子。我和朋友们正在讨论什么是薯粉之际，老板娘见到我们便立即走过来十分热情地招待，也为我们介绍和解释各款食物。他们的主打是酸辣粉，可选择 BB 辣、小辣、中辣、大辣等程度，材料很足，酸味也恰到好处，也总觉有种特别的香草味…而且那个汤是标榜完全没有味精的！我很怕吃味道重的食物时，一放入口就有一阵盖过其他食物味道的胡椒粉味，吃完过后口里还有味精酱油味，不久还会口渴，吃完这个完全没有这些感觉！那个薯粉啊，比外面的酸辣粉有点不同，看起来更粗，但更加烟韧，嚼劲十足。不过呢，我觉得这店出色的食物在焗薯类啊！这个烟肉焗薯和芝士火腿焗薯，放到我面前时，那阵牛油味实在太香！吃下去也有浓浓的牛油味，却不油不腻。有时在外吃焗薯，也会遇到里面还未熟透，或是外层过软至咬下去似薯蓉的情况。这里的厚薯煮得刚好，里外熟透也硬度适中。建议加少许芝士粉或沙津酱就更好吃！我们也试了鸡翼，煮太久了，味道也有点淡，不过总括上还好，只是没什么特别。比较可惜的是店舖主题是台式饮食，但那些台式饮品的质素却很差。那个奶茶太淡，可算得上是淡得过份。茶的浓度不知道有没有外面的 1/20？而且奶粉味太重，喝起来像感觉很假的奶水…那些珍珠煮得还算刚好有嚼劲，只是饮料里还有其他饮品的残余味道，招牌奶茶有之前朋友叫的茉香奶茶的味道啊！跟老板娘闲谈，原来是她男朋友打本给她管理的店舖，开一间小小的食店，由他们亲自下厨，亲自服务顾客是他们的梦想，难怪这店和食物让人感觉好有Heart。值得再去的，想念那些焗薯啊 =)
继续阅读