影片
港铁柴湾站 E 出口, 步行约6分钟
继续阅读
营业时间
今日营业
11:00 - 22:00
星期一至日
11:00 - 22:00
*截单时间: 21:30
以上资料只供参考，请与餐厅确认详情
今日嗌咗两个肉酱多利亚，我地外卖自取，拎到屋企开嚟睇，发现其中一个仲系水状，好似完全冇焗过咁，就谂住拎返落餐厅，请员工焗好啲再俾返我哋。点知拎到落去餐厅，员工话：「公司规定而家啲白汁咁水」😅😅两个都系肉酱多利亚，但系分别咁大，完全唔关白汁水唔水嘅问题，真系当客人系傻嘅咩😅唔好擘大眼讲大话啦🙁😮💨😅不过，好彩最后都肯换另一款意粉比我地，但系今次用餐体验确实系差，以后都唔会再帮衬此餐厅啦😮💨
继续阅读
今天去咗环翠商场的萨莉亚食晚餐，当我哋入座时，个职员话叫我哋等一阵要抹咗张枱，点知等咗超过10分钟先可以坐到。入座之后，有个职员帮我哋抹枱，仲以为抹得好干净，点知好多汤渍喺张枱到。最令人嬲嘅嘢系𠮶叫餐系统同嘢食份量有问题，明明点咗一碗忌廉蘑菇汤，点知张单系两碗，搞到要俾多份钱。仲有，个职员好大力劈低碗鸡翼俾我哋，好无礼貌，同埋啲食物比想像中细份，其他分店好似俾呢间萨莉亚嘅份量多啲，真系又嬲又失望😮💨😡
继续阅读
柴湾呢间分店外卖 出餐出得特别慢👎平时返工系佐敦果间萨莉亚叫个外卖大慨等个15-20分钟已经有的拎走柴湾呢间我6点20分叫个外卖 最后等到6点50分先，等左30分钟已经唔系第一次要等咁耐呢间次次叫亲 企系度都要起码等个30分钟先拎得走见到d迟过我落单既堂食 都已经成枱野食（我望住佢地入座的） 都系饭啊意粉啊，但我仲系2手fing fing企系度等未走得仲有个现象就系次次黎亲呢间 d楼面都可以全部唔同哂人🤷🏻♂️
继续阅读
之前朋友极力推介又请咗我去北角分店食都ok, 自己一个人又食过石门𠮶间都好受迎。所以行过见到柴湾哩间就同老公入去试吓，是关老公同学都推介话抵食，又见未够钟睇医生就当食下午茶啦！入到去冇乜人，任坐。环境唔错有大玻璃街景尚算光猛。食客有小情侣一对及两三枱妈咪带住肥肥的小学生，似是放下午先来充饥跟住又要去补习的家庭。老公点咗鸡扒套餐，有汤，有汽水，有沙律配菜。我点咗黑松露长通粉，不过来似汤通粉冇谂过啲汁咁多，不太够热。老公啲食物都ok，我食咗佢份沙律。沙律菜尚算新鲜。佢喜欢自助汽水因为任饮。其实小朋友或大人俾你任饮咪至多两杯起三杯止，都饱啦！个鸡扒份量中小，味道不过不失。如当午餐份量少咗啲，但下午茶就足够有余。
继续阅读
人手不足，本身12点几成个场先见到得两个员工。去到一点多啲到先至叫做有三、四个员工！一个员工又话叫我等等，等佢带位，但系等极都冇带入去。另一个又话自己见位就坐🤷🏻♀️咁到底我头先等紧乜？！咁我唯有自己见位就坐，点知张张枱都污糟。有唔少食物残渣，摆明根本就冇抹枱！唔怪得之我见有其他太太坐低𠮶阵都要自己用消毒湿纸巾抹枱🤷🏻♀️环境清洁度同员工服务态度有好大进步空间！等足15分钟先有食物五碟一齐上枱，唔紧要，嘢食够热，最多食快啲啰，唔系就冻哂唔好食。但竟然一支啤酒一件雪糕蛋糕，唔使煮嘅都要等半个钟。食饱咁滞先有嘢饮！总括嚟讲，嘢食品质尚可。不过倒米嘅服务态度同清洁环境卫生度，令人却步！真系唔系好想帮衬！几抵食，都系咁话🤷🏻♀️
继续阅读