影片
食家推介
试过呢度唔同嘅饭、意粉、pizza，经过试验，结论系意粉真系麻麻地，pizza都好勉强，但肉酱多利亚饭真系好食，而且非常抵，只系$30！虽然份量系细左啲，但今时今日嘅香港$30可以食到个咁嘅饭，确实冇得挑剔！
继续阅读
好耐冇食呢间平民西餐厅，价钱超值，份量适中，可以叫多几款都食得哂，感觉好抵，味道亦几好。甜虾沙律 $24，长期人气No.1沙律，都几大盘同多生2菜，个沙律酱都重味，配甜虾好正，而且甜虾真系几多。水牛芝士薄饼(8") $29，用左双重芝士，水牛芝士都多，香味浓厚，喜爱芝士朋友不容错过，批底薄薄地，而且唔油腻。酥香炸虾，份量多，炸衣薄而酥脆，虾肉微弹，大只过甜虾2倍，好抵食。墨鱼汁意大利粉 $32，墨鱼酱配以鱿鱼圈，意粉反而唔太大碟，不过价钱仍吸引，墨汁味突出，意粉煮得有咬口，但超级咸，所以好失望。温泉蛋肉酱多利亚 $32，萨莉亚人气肉酱多利亚配温泉蛋，口感丰富，完美配搭。肉酱多且蕃茄味重，好惹味开胃，焗得够香，饭比例较少，料过多，变得太湿太腍。
继续阅读
好耐好耐无食萨利亚了。行过谂紧食乜之际，见到萨利亚无人排队，实在太难得了！所以行左入去。萨利亚咁多年都无变过，一样的餐牌、一样的座位、一样按钟叫职员落食物，总是有一种旧旧的感觉。幸好望落周围都是干干净净的。自己一个人食，叫左一客肉酱多莉亚（＄27）同一客芝士焗薯角（＄17），食物系用兜上，焗到热辣辣咁，好好食！食到饱饱都系俾＄44！抵到烂！不过去食萨莉亚有一样野唔系咁好，就系要饮野就要加钱买饮品吧（＄13），个人觉得好难饮得返回本！所以我都系决定饮水就ok！
继续阅读
一间餐厅无得叫外卖就唔紧要嘅～亚男同事，唔驶cut线嘅！你门口咁多蚊，次次黎食等亲位都比野咬，唔够人又唔比入，咁即系要一家大细系度齐齐喂蚊啦～～真系唔知系蚊定「室」！真系好多野咬了，小朋友咬几啖真系成晚唔驶训！成餐饭都食唔安坐唔落！唔想比野咬真系唔好系门口等！架货䢂又污秽又垃圾味，推轮椅/bb车真系谂清楚先黎！你地服务态度又差，我又唔想食野食到成肚气，先唔想系度等先叫外卖黎拎，想叫卖外都成肚气真系第一次！
继续阅读
之前食过新墟间分店觉得ok,平价西餐黎讲算唔错，点知我懐住新墟间店既预期质素黎食呢间，发觉良景呢间甘差，差到要black list首先卫生好差，啲杯无洗干净，我倒左杯汽水，饮落口系油菜味!!即时想呕!我再拎其他杯都系油淋淋无洗干净!啲刀叉都差不多。跟住叫左个pizza同两款意粉，肉酱意粉啲茄酱水流流甘，好稀。另外海鲜意粉啲海鲜好猩，啲青口猩到呕，即系劲唔新鲜喇，或者厨师明知唔新鲜又唔会落啲白洒去辟味，pizza味道都麻麻地，只可以讲好恶劣，成餐饭我食左几啖食唔落!真系难食到呕!都唔明甘难食又甘污嘈都开甘耐。重要有人排队。
继续阅读