蕃茄牛扒屋 (已結業)

今日放工諗住再黎試多次,今次試下中式小菜...點知....失望!(1) 葡汁焗四疏: 好多汁,"Lo"飯唔錯...不過菜就少少(2) 豆腐枝竹火腩煲: 份量唔多,豆腐比較硬,無味道,咬落去既口感有d怪怪地...枝竹又係唔掂,咬落去好"將"住個口

昨晚第一次去呢間食晚餐,叫左一個2人套餐,食到我地2個都好飽,仲食唔晒添(1)法式焗田螺: 整得唔係咁咸,岩晒我胃口,因為我唔鐘意其他餐廳整得咁咸,搞到我次次咸到都食唔到(2)吞拿魚沙律/什肉沙律: 都幾大碟,食完都有d飽(3) 牛柳/可斑: 雖然唔係好大份,但味道都唔錯總體都唔錯,下次會再去食,不過我地食得太飽,都食唔到甜品

中學時成日去食的，今次再去試試我地等朋友坐左30MINS先開始食，完全冇人黑面OR 問我地幾時開始食，服務絕對很好﹗不過野食有點退步，雖然仍然抵食又大份，但D SOURSE有點怪3怪的希望可以改善

今次又同男朋友黎据扒~~每次一想鋸扒都會諗起番茄屋雖然佢位置比較偏但都唔會影響到我去幫襯既意欲因為真係好抵食!!!!!!!是日晚餐有鑊仔牛柳&豬扒拼石班牛魔王既我地當然諗都唔洗諗就揀左鑊仔牛柳啦~~今日餐湯有洋蔥忌廉&羅宋湯...呢度既羅宋湯係我既至愛仲有一個熱辣辣既餐包~~只係一個普通餐包但唔知點解覺得好好味?無耐牛扒黎啦!!配上我鍾意既GARLIC汁...另外仲有一碟飯包埋添牛扒一d都唔"un"~~仲要有埋薯條添呀!!!只係六十蚊咋咁平邊度有得食呀?食完我同男朋友都覺得好滿足...兩個攬住個肚返屋企^^

我地3個人,個個都係想"食肉為主"除左食肉之外,有時都想食餐包+湯是日餐湯洋蔥湯顏色比忌廉湯深色少少,味道好濃好香,有多洋蔥,不過d湯太"傑",稀少少會好好多,好似飲汁多過飲湯,餐包熱熱地,好香面包味,沾湯飲好食就一流咖哩牛腩餐好大碟又多份量,咖哩好香有點微辣(我鐘意),牛腩肉質好鬆軟,好細力都可以咬得開,因為太大碟,最後都要打包唔好浪費呀~肉眼餐6成熟配蒜蓉汁,肉汁豐富,肉質好林,又大件又厚,最後老公都則剛剛好得晒,底層有薯條,一條都無剩~什扒餐有雞扒豬扒腸仔配洋蔥汁,個汁好好味,連雞扒豬扒都好林,好多肉汁一d都唔鞋,食量少d都食唔晒~凍奶茶茶味夠又香.熱好立克都係平常味.

今日又去美孚食 Lunch, 不過今次去左間新既餐廳食飯, 間野係美孚新村平台上面, 如果係保齡球場行過去 2 分鐘到.我叫左 E 個 咖哩牛脷飯, 咖哩 就一般啦, 唔算辣, 但個牛脷就好厚, 分分鐘厚過牛扒, 鐘意食牛脷既可以試下 ..E 個湯特別囉, 好似平時叫碟頭飯 D 汁, 我第一次飲咁似汁既湯 .. 不過 E 個湯係送既完本無既.... 佢地見我地成班人去食飯, 所以識做送 D 湯我地飯 ...碟飯就細左少少 .. 不過是但啦 , 一餐半餐 ..個奶茶都唔錯 ...

好幾年前來美孚探親戚時, 曾去過這餐廳, 好有印象這裡的鐵板餐及咖哩是不錯的. 但今次去到, 一望見餐牌就有些失望, 因為太多, 即是太雜, 好似樣樣都有, 除咗鐡板餐, 還有很多, 連海南雞飯都有...好似有啲怪囉, 而味道方面已經大不如前了...一般茶餐廳水準...失望!

星期天, 一早起來落街辦點事, 反正屋企雪櫃除了牛奶麵包及一些家姐說明不准我食的東西, 早起既早餐, 不如落樓下搞掂. 反正好耐冇去樓下間古式扒房食過野.$22一份早餐, 就入去坐坐, 自己選了一個二人卡位. 發覺美孚真的不少早晨街坊客, 星期日一早, 一家大細落樓下, 輕便食個早餐, 一個簡單經濟的家庭樂.不想食麵粉之類的Fusion菜, 純西式是最好不過. 雞扒煎雙蛋, 兩隻太陽蛋, 蛋心不是太流, 蛋黃半熟, 算是做得不錯. 但雞扒方面, 相信是炸了, 完全是一片雞扒乾, 加了一些不知名既汁, 但都無補於是.多年前食過午餐, 還可以的, 但是日個早餐, 唔合格. 難怪名嫂住左美孚咁多年, 都未幫襯過.

放假屋企煮飯嗰個罷工，咁就出街食啦。又唔想去得遠，但又唔想食茶記喎，靈光一閃，記得美孚有一間鮮為一知的餐廳-蕃茄屋，跟住一家人就入了去。其實呢間餐廳的裝修並不華麗，好有住家的感覺。因為負責餐廳的人都好似係一家人。我就叫了一個吉列豬扖沙律，等咗差不多十五分鐘，上菜了，賣相並不是太特別，但食落去就會有唔同的感覺，熱辣辣的，點埋個沙律醬，惹味到不得了。大家唔好以為佢的沙律好似其他餐廳咁，只有薯仔，金筍。如果喜歡食雜果的朋友就啱口味，以一個套餐$60來說，有餐包，主菜，連飲品，我覺得就超值了，比有牌子的牛扖餐廳更有水準呀。

雖然以蕃茄命名，但此店menu卻標榜其curry。可惜，它的curry is a bit salty for me. 反而它的牛脷做得不錯。至於小菜方面，就麻芝地，not recommended.

食物不過不失,不中不西,但奶茶應該係全美孚最差。雖然我住樓上,但三個月先去一次。仲有,五後至五平千其唔好去,因廚房開飯,落左單都冇人整比你。

雖然以前比較好食! 但都係首選！

睇過d食評後...lunch 特登由青山道行過去美乎...點知... =_= 仲以為叫"牛扒屋" 個門口會好似舊式既扒房... 點知完全不是!!!個outlook just a 港式荼餐廳, 不要俾個名騙了!!入面全是中學生... 因為有學生餐, 之後放棄冇入去, 改去Baby Blue Cafe & Bar.服務, 味道同抵食就唔知, 可以當係工廠區附近食市...門口好油笠笠... 環境係港式荼餐廳o羅.

i think the set lunch and dinner is very good, and the bread is always hot enough , i enjoy tyhe soup very much.

以前都會間中來這裡食lunch.午餐大約三十幾蚊啦.味道不過不失.但唔知點解.每次食完個身都好大陣煙味.但入便又唔係好多人食煙喎.真寄怪.