影片
开饭介绍
顾名思义，主打蕃茄系食物。自选各式粉面，均可配浓味蕃茄汤底加滑蛋，更可吃到鲜茄肉，蕃茄迷必试。
继续阅读
营业时间
星期一至四
09:00 - 23:00
星期五至六
09:00 - 00:00
星期日
09:00 - 23:00
以上资料只供参考，请与餐厅确认详情
时时见到好多人喺门口等，见食评又高分，咪去试下。可能当日喺晚上八点多，等候既人不多，等左一阵，就有位。不过餐厅地方狭窄，坐得不太舒适。睇睇餐牌，就点左脆皮咸猪手蕃茄滑蛋浓汤螺丝粉咸猪手太肥，炸得过火，变左脆皮较硬鸭胸味道可口，螺丝粉粉量充足，蕃茄汤底香浓任何汤粉可加$20就有薯饼及粒粒粟米及饮品，菠菜烟肉薯饼好味，不太油泡沫柠檬茶值得推介，甜味适中
继续阅读
我久唔久都会嚟呢间食下蕃茄汤粉，今晚嚟到见到有新嘢食，一于试下先。呢个芝士蕃茄汤要$75，初头谂: 同我平时食蕃茄汤加芝士有乜分别呢???不过见佢个𩠌有帆立贝又跟埋可乐，我至爱，又试下啦！我怀住好期待嘅心情，等呀等~终于嚟喇!(其实都唔系好耐，8分钟到，可能我好心急啦!)哗!原来都几大碗下，即刻好心急咁呷一啖汤，抬头个姐姐望到我笑一笑话:捞均佢先~~好食啲㗎！我即刻起势捞~~果然，正呀！我跟佢个温馨提示食微辣，蕃茄同芝士味都有喺度，唔会是但一方抢咗另一种味，微微辣果然系神之点滴，令你唔会觉得“溜”!到粒帆立贝~~用咗蛋黄酱焗，又系呢种微微辣，真系坚惹味!好幸福嘅感觉呀！呢个餐可以话你知咩叫完美，当我好enjoy时，攞起杯可乐啜一大啖，个情境就好似套戏“我左眼见到鬼”嘅其中一幕，亚肥妹鬼上郑秀文身为咗食饱打个饱嗝，就系呢下，好耐未试过食餐饭食到我咁冧!蕃满门，俾个叻你!
继续阅读
12 点去到见到唔洗等，其实以前都想试呢间。有个男侍应生出黎比飞，我地系下一张台。之后等左好一阵，终于有好多人食完就走出门口。点知仲要等20分钟先话有位。。。但明明有好多吉台！因为加上你系望到入面既情况。个男侍应系比左全餐厅最唔方便既位我地，台系搭出黎咁济，近门口，又系走廊度，由于有其他吉位，问左可唔可以调去好坐D既位，个侍应既回答系：系比6个人坐。但之后唔够5分钟就比左2个人坐！！未食都已经咁既状况，你想像到吧。点左如下：唔知乜野“冻茶”菠萝蜜桃冰(少冰唔该)女侍应都话无问题，点知一上就7成都系冰。。。蕃满门鸡翼好味！有微微的辣，好炸/焗芝士球因为原来落留单，所以等左超耐。。。味道普通。焗猪排饭虽然侍应事先同我地讲焗饭要耐少少，但都唔系45分钟吧？！！我呢个饭，唔及朋友既饭㶶。饭系食到疆味，不过都系焗到好黑，好失望！！！焗牛腩饭睇相，㶶到要祝朋友身体健康。。。朋友份人好好，好Nice。所以叫我唔好投诉。。。ok，咁同经理单声都得呱？我系咁2同个侍应讲D饭有少少过左火，㶶左少少。。。之后佢话“等阵”，就一走了知。。。一去10分钟，我之后就望住个个侍应，佢先至叫经理过一过黎。原本只系想讲D饭㶶左，但因为整个食饭过程都唔好受，所以就语气重左。最后卖单打左个9折。唔会 BlackList 住，下次点粉面试下。～～～～～～～～～～～～～～～～～～Overall the arrangement for the seats are not well organized. Baked cheese topping rices are not recommended, not only the waiting time is quite long but it comes all burned.Snacks such as TomatoClub chicken wings are recommended, drinks are also nice.Well we will try noodles and vermicelli next time.
继续阅读
蕃满门位于太和同大埔2个站之间，座位唔多，晚饭时间都要等位一段时间，但系D野食好好味，餐牌上超过9成既野食都系同蕃茄有关。本人系番茄爱好者，今日叫既系螺丝粉配原味蕃茄蛋汤底配鸡肉同菇，螺丝粉好大碗，成碗蕃茄汤呈现深红色，汤底蕃茄味十足，落左唔少蕃茄溶，好浓好足料，无咩味精，酸酸甜甜好开胃，会食到啖啖鲜茄肉，炒蛋亦都相当香滑，处于半熟流心状态，至于螺丝粉爽口之余仲烟韧弹牙，唔会太腍。一口鸡肉，一口蕃茄浓汤，令人食到停唔到到口。蕃茄汤超级大碗，仲热辣辣，钟意饮汤既话，真系唔需要另外叫餐饮呀。
继续阅读
特色蕃茄滑蛋浓汤配螺丝粉好大碗，个滑蛋好正，但反而个汤有d太浓，不过我都有饮晒。香煎鸡扒正，点唔点泰式辣酱都好食。脆皮咸猪手望落好吸引，食落系ok但未去到极力推介。整体黎讲，$48加一（浓汤粉加一个小食）真系好抵食！
继续阅读