影片
第一次食评，纪录可能系最后一次品尝到既餐厅。杏花难得既一间新派素食店，一直会间中支持，但发现做到10月20日就租约期满😭米兰牛膝配番红花椰菜花饭用莲藕腐皮做牛膝，好香既西式番茄米兰酱汁，还原素食者都能享受既外出西餐风味。椰菜花饭伴浓厚creamy汁煮，粒粒分明，好有口感，只食饭都好够味。泰式木瓜沙律木瓜丝配泰式沙律汁，有花生、新鲜沙律菜，另伴素甜三文鱼籽有惊喜。养生素炖汤满满汤料，有多种菇类、龙眼、鹰嘴豆。
继续阅读
好少有食素嘅餐厅，同屋企人都有咁好嘅评语！唔知系咪因为之前疫情嘅关系，餐厅只要系外卖都有折扣优惠。叫咗两个晚市套餐，价钱大约系$108-128，有前菜，主菜同汤。沙律入面嘅素叉烧比起餐厅嘅三色斋更加好味，因为素叉烧嘅边烧得好香！沙律入面亦有一粒爆珠，咬落去好似芒果汁一样，感觉好新鲜。串烧嘅味道好香好浓，不过相对地味精可能会有少少，所以食完之后有啲口渴。我哋分别叫咗两个炒饭，个牛油果海鲜炒饭味道好重奶香，椰菜花又够晒健康，整个饭都好好食！钟意食浓味啲或者辣嘅朋友，就会好钟意食冬阴功新猪肉饭，味道又香又浓，仲好食过喺泰国菜馆食嘅炒饭添！
继续阅读
平日午市套餐$60+日式叉烧糖心蛋拉面➡️套餐可以跟汤或者沙律，另外仲有杯饮品。汤系某种菇嘅汤，仲有啲龙眼肉，饮落重茹味，咸味中带点微酸。饮品系热柚子蜜。拉面汤底饮到好重嘅腐竹豆浆味，素叉烧偏咸，拉面面质好似公仔面咁都几好食，拉面同汤中和叉烧嘅咸味，糖心蛋正常，整体都OK
继续阅读
难得平日放假又想食素，近近哋见到杏花新城有得食仲可以逛吓街12:15左右已经有四五枱客，估唔到都多人选择食素㖞！不过一条友又系唔洗等位即入午餐都好多选择，价钱合理，我都左谂右谂要鲜淮山芫茜汤素饺子定素带子罗勒牛油果酱烩椰菜花饭好呢？养生炖汤有龙眼肉同好多菇菌好饮！《素带子罗勒牛油果酱烩椰菜花饭》有素带子、西兰花、甘荀粒、粟米粒、豆角粒、牛油果粒、椰菜花粒仲有藜麦卖相同味道都好好相比平时嘅午餐今餐自我感觉良好嘅午餐
继续阅读
今日衬返工又想食清淡d, 就谂住食餐斋啦 😌以为一路食开个既椰菜花饭都觉得好香好creamy ,但系今次真系差左🥲我今日叫左个镇江骨石锅伴饭，其实个石锅只系道具, 完全无饭焦，另外所谓镇江骨就系腐竹，虽然好多旧好饱 但系一d都唔满足🥲可能暂时都未必会来啦
继续阅读