蔦 (已結業)

今日嚟咗試哩間米芝連一星拉麵店。大約係星期六嘅兩點半倒到，排咗一陣，前面有八至十個人。唔係等咗好耐就有得坐底，大約廿分鐘倒啦。全部員工包括整麵師傅都係香港人。it's fine, since it's in HK. 坐咗係bar枱都要等十幾分鐘倒先上到你碗麵。我覺得有啲耐我叫咗個四片豬醬油玉子拉麵，$149。我覺得有啲貴，但人哋有星，有裝修，唔緊要！諗住佢有星，又咁多人排隊，我係有期望嘅。個麵 ... 好難食。醬油湯，淡到我覺得似飲緊一碗滴咗三滴醬油嘅湯咁。個pat黑松露醬我唔知佢想點 ... 但全靠佢個湯先有啲味，但都係怪。成件事錯哂。拉麵唔夠熱，錯哂！玉子，唔係溫泉蛋，裡面熟咗一半，真心唔知咩事。麵，普普通通。成碗麵完全唔掂！！日本係唔係好食啲？我唔知！但香港哩間真心唔掂，我唔會再去！佢攞到星應該都係因為西人喜歡 black truffle。總知，fusion得嚟好怪，好唔得！真心覺得唔好食，連最基本都做唔好！speechless

夠膽收$98一片义燒的拉麵，無釐頭加黑松露醬，完全唔夾味。用幼麵soba 過冧唔彈牙冇麥香。豉油湯底又咸又唔香。我好少食拉麵飲唔晒D湯，今次都是第一次。應該不能在燈籠街生存下去。剛剛去得幾個客

講起日本拉麵，其實可以大分為兩種： 清湯 同濃湯。至今為止我係香港食過既清湯拉麵，間間都好似飲水咁，但真係估唔到連米之蓮都係咁⋯⋯老實說可能係為左迎合香港人既口味都唔定，但係個湯真心唔夠咸叫左個醤油味拉麵，結果連醤油味都冇，D黑松露仲要搞到碗湯苦苦地，真是有D失望⋯⋯試問我食過大阪既金久右衛門，又食過北海道既星龍軒，佢地都係清湯拉麵，都係出囇名，但個湯一D都唔水，仲要好濃，成口都係日本魚乾既鮮香味。唉⋯⋯剛剛開業，我唔講咁多啦。總知有待改進！

蔦在香港開分店最大的貢獻是擴闊拉麵食家的視野。在香港豚骨作湯底當道，偶爾會混入魚介及雞白湯，以醬油及盬湯底作主打及揚名獲獎的拉麵店在香港是乏人問津。蔦在登龍街立足，一來帶來新競爭，二來為拉麵街帶來更多不同麵食給食客選擇，一條街有七至八間麵店更具特色。蔦獲獎加上新店自然大排長龍，但我一個人食只需5分鐘便可入內。一入內便要先付錢後才可入座，如果是以日本的售賣機出票形式售賣還覺得地道有趣，但是以麥當奴那種按螢幕選擇及以八達通付款我又認為太過快餐模式。今次去光顧由於付款系統還未可以啓用，結果仍是以人手收錢。店鋪設計華麗時尚，比起同街拉麵店更覺豪華，而所有座位都是圍著廚房而坐，相隔距離極近，看著師傅煮麵，可觀性極高，唯一不好的是厨子偶然用廣東話說著閒話。我點選了醬油味玉拉麵及日式白米飯，由於加入了松露醬及松露油，陣陣香氣撲鼻，先喝醬油湯不濃不淡，餘韻醬油味隱隱在舌頭顯現，而松露油亦提昇了味道的厚質感，但本人認為松露醬的味道還是有點霸道，雞蜆魚乾而成的湯味不能完全發揮，談不上什麼淡麗。自家製的麵條我是要推介的，原因是幼麵條吸收了湯頭的精華後，好味又易入口，咬感十足，兩個字，爽快!拉麵叉燒使用豚肩肉

放工後，相約好友出來晚飯，輕鬆一下！到處行下就見到這間 Tsuta （第一間得米之蓮的拉麵店），香港店於五月開業。環境方面：餐廳設計開揚感覺，只能容納20 為客人的餐廳，以高身的吧椅圍繞開放式的廚房，讓客人可以於不同的角度看到廚師專心地為客人準備美食。餐廳最佳的位置在於製作拉麵的位置前方，客人可直接由廚師親自目到製作過程。食物方面：menu的選擇不多，而拉麵分為兩款，分別是鹽味和醬油湯底，而價格不同在於拉麵裡加入不同數量的叉燒、溏心蛋、筍乾與蔥絲，而大部分的配料都可以額外添加的。而且有幾款小碗裝的米飯選擇。我們點了醬油拉麵、醬油味玉拉麵 及鹽味味玉叉燒拉麵，出湯底清湯，清得黎有味道，正！湯底是原隻鮮雞與海鮮及香草等食材熬製而成。叉燒是半肥瘦，好嫩，很好味！而且除了特定的麵款意外，還可以自選加入額外的麵條、竹筍、叉燒與煮蛋，也可以點選多款的米飯菜式。醬油拉麵鹽味味玉叉燒拉麵醬油味玉拉麵總括來說係可以一試！

可能期望過高...見好多人擁住去食呢間擇星拉麵，假期就一於去朝聖，排左個半鐘左右，肚餓去食最好不過! 朋友揀左醬油味玉叉燒拉麵，鐘意食黑松露嘅會覺得好香，但同拉麵好似唔太夾。而我就食鹽味味玉叉燒拉麵，期待嘅溏心蛋竟然係熟蛋麵質無咩特別，湯底太油吧! 結論就係不值一試，失望而回最後同朋友係同街街尾間日本野，外賣左件手卷，滿足番🙈🙈

充滿期待既一間米芝蓮1星拉麵店, 先未講拉麵, 師傅滿頭大汗咁同時整4碗拉麵, D 汗會唔會跌落D 拉麵到呢? 送上黎之後, 食落D 麵過軟, 湯底麻麻, 蛋熟左既, 得少少流心, 食落出前一丁仲好食過佢, 整體完全唔值$149 蚊唔會再黎排隔離豚王仲好過佢 名不符實的一間餐廳 

所謂的米芝連根本是一個騙局😡認真⋯點解你有一星呢？⭐️來自日本⋯點解全部人都講中文呢？😯（難道只限開幕日？）都算🌕🌖🌗🌘🌑🌚一心諗住品嘗一⭐️既拉麵，點知中伏🌚碗麵價錢由$98 -$149，分別只係多片叉燒/多條筍/多隻＂玉子＂😒我揀左$149，諗住豐富點😵中伏了叉燒⋯有筋🤦🏻‍♀️又凍又無味條筍⋯想點呀？同一條未經處理既筍有分別嗎？😕玉子⋯點解個黃熟左ga leh?🌕同埋點解要加簿苛葉呢？大錯特錯！😡😡（我在越南餐廳嗎？/定薄苛葉用來蓋過無味既湯？）總結：中伏味超重🌚杯麵都好食過佢⭐️wor 憑什麼？🌚🌚千萬不要試!好後悔! 環境係不錯😗但坐著傳單位，我覺得好嘈😒🤦🏻‍♀️again 師傅全部講中文⋯其實你介紹到個一⭐️由日本帶過來，點解無日本人企煮麵位🤦🏻‍♀️🤦🏻‍♀️仲有全部人⋯流矖汗😱唔怪得之我碗鹽味拉麵味道怪怪的🌚衛生在哪裡？我出門囗既時候只係想佢賠過返個出前一丁俾我⋯

路過登龍街，肚仔餓就想揾碗拉麵食下，見到呢間米芝蓮，門口set好哂位俾人排隊，咁啱呢個時間唔使排隊，即刻拿拿林就衝入去試下啦。入到去見到餐牌都幾貴下，有兩款湯底揀，鹽味或醬油味，最後叫左玉子义燒味拉麵，盛惠$149。等左大約七八分鐘就有得食了，樣子普通，白葱份量夠，有洋葱碎幾得意，湯夠熱，開動。先飲湯，清淡之中有點油香，幾好味。跟住食麵，好淋呀，完全無咬口，硬過米線少少，我心諗係煮耐左定係呢間嘅特色來架，連隨試埋义燒同蛋，好普通，一般貨色，咁嘅水平收$149，絶對係一個伏。整體來講，麵非常唔掂，性價比極低，好彩我唔使排隊，如果唔係真係喊得一句句。

湯底：清淡風味，一點也不肥膩！醬油味玉拉麵 醬油湯底+松露醬原來好襯，fusion得嚟唔會搶晒本身醬油味呀！鹽味味玉拉麵鹽味湯底+橄欖醬清爽口味，魚湯雖然鹹，但又完全不會令人口渴，有點薄荷葉的清新味道！叉燒：薄切&大大塊，但偏瘦！蕎麥麵：份量較少，都幾爽口彈牙！蛋：完整一粒上枱流心度100分可惜蛋香味不濃要扣10分！灸燒骰子丼豚肉6粒：口感似燒腩仔配搭洋蔥燒汁，撈飯食味道一流！於拉麵前上枱，以前菜來說份量則剛剛好！

那天晚上8時35分, 等位等到9時20分才能入店內, 在外面排隊期間望入店內, 見到其實店內有幾張空椅子(應該是用作給客人在店內等候用), 但店員沒有安排在店外的顧客進店入座(當時室外溫度極高), 我想這是為了打造一個好多人在等位想吃這店的錯覺吧好了, 叫了個醬油叉燒拉面, 湯好清, 味道亳無特別, 吃了這個後, 我想起了其實味千拉面真係都幾好食 , 再想想, 其實自己煮個出前一丁也比佢更好味, 為什麼要用百多元吃這個拉面? 我一面吃, 一面懊悔, 回想起等後的時間和安排, 火氣就大了, 什麼日本米芝連? 唔係卦, 有條脷都應該分得清係咪真係好食, 我覺得佢唔值呢個價, 同埋味道真係有待改善, 首先, 先WIN 了出前一丁先, 之後, 再挑戰味千拉面, 把呢D 敵人打敗後, 才好叫米芝蓮怪物來試味

有些店不論有多少人建議:不要光顧！你也會義無反顧。本人是日點了醬油味玉叉燒拉麵及冰麥茶。（總計$164）湯底:喜愛濃味的拉麵粉絲，蔦的湯底是清甜的雞湯及海鲜味為主，難免有落差。叉燒:有肉味，偏瘦(可能是豬肩肉)，但若果是腩肉的死忠，會覺得不夠爽。(因為不夠肥美)麵:可能因我相機先食了30秒，本人覺得不夠爽口彈牙。味玉:食蛋無數的我(小學至中學），蛋味不夠香濃，醃浸時間也不足夠。麥茶:沒有驚喜。服務:是日傾盤大雨，員工也提供雨傘給店外輪候客人，雨勢加劇，也讓客人在店内等候，加分！沒有機會嚐過日本的蔦，但我深信，日本人對食物的堅持及細緻掌握，放上枱的，必定是最好的質素。而遠道而來的蔦，由食材、烹調以至服務，定有很多問題要克服。對蔦光顧與否的建議: 不用急！(但熱愛放閃的香港人，很難慢慢來)

「#香港。#食記」#tsuta #蔦 #拉麵今天在香港試了一間來自 #日本 的 #米其林 一星 餐廳～價錢還蠻「高貴」的⋯⋯😅 但畢竟位在銅鑼灣的拉麵一級戰區，租金相對也很高。菜單還蠻簡單的，就只有分醬油跟鹽味拉麵兩種；根據你選的拉麵料的多寡有不同的價位。我點了醬油味玉拉麵，113塊港幣。麵條很細（像蕎麥麵的細度）、叉燒非～常的薄⋯⋯（所以男生別猶豫了直接選四塊叉燒那碗吧😂 一塊絕對不夠吃⋯⋯），湯頭還不錯不會很油跟過鹹，配上松露醬其實還蠻搭的，沒有違和感。最大的亮點是 #溫泉蛋！超～～級好吃！😍 大勝香港的一蘭⋯⋯（日本跟香港的一蘭我都吃過，覺得味道真的差不多，除了「蛋」；日本的一蘭溫泉蛋真的比較好吃⋯⋯）整體算是好吃，不過不失囉～（份量的話男生應該一定需要加點替玉⋯⋯女生吃算剛好會飽。）值得一提的是，師傅們都很優雅的準備餐點，完全沒有一般的店那種趕著要完成點餐單的感覺；他們是在你面前很認真地一碗一碗細心烹調你點的東西，所以會等稍微久一點。聽說丼飯也蠻好吃的，有機會可能會再嘗試吧～但這樣的一碗拉麵價位真的算是蠻高級哩～CP 值 ⭐️⭐️⭐️

Tsuta 拉麵「蔦」來自東京，是全球第一間米芝連級日本拉麵店 。據說開業不久每天都會有條長長的人龍在等候。由於不想排隊我更要做足準備，避開人潮時段。當天五時左右到達，果然一如預期只有幾個人在排隊。等了只有約幾分鐘左右店員已經可以安排我就坐了。店內只有一張對著廚師的長枱，較為簡約，而面積比一般的拉麵店更大，座位也尚算舒適的。這裡的菜單相對簡單，一頁紙上只有兩款招牌拉麵，分別是醬油湯及鹽湯配上不同的配料。我選擇了「醬油味玉拉麵」$113配料有日本大蔥、荀乾、叉燒一片、半熟蛋一只和黑松露醬等。已端上的拉麵放在我面前，一口喝下熱湯，熱度足，醬油味濃香而不咸，不似是普通醬油味單調，原來當中加入了鮮雞海蜆、高級魚乾等熬9小時，難怪味道如此鮮甜，當黑松露和湯底溶合了，味道上更富層次，鮮味更提升。麵底雖然聲稱為蕎麥麵，但口感絕對拍得住烏東，彈牙不在話下，軟硬度適中，還富有淡淡的麵粉香氣。原來這裡的麵團以三至四款麵粉製成，每天在不同時段在店內製麵，以確保麵條保持新鮮。薄切叉燒入口軟滑有肉香，輕輕一戳玉子蛋黃隨即湧出來，鮮豔的黃色引証其新鮮度。一碗普通不過的拉麵如何能成為米芝連級數，其質素也不須懷疑吧。

五月份時路過此地，見到人頭湧湧，便已經有朝聖念頭。過左幾日，朋友先行排隊，我遲到，他排了超過一個小時。入座前，先由職員介紹拉麵，決定左才入座。價格貴不在講，拉麵到後，才發現中伏。湯底味道不行，加入黑松露也不能加分。面質還可以，但份量只適合女性，如果大食的話，必須坐下來前就決定加底，否則不可以追加。不過慶幸並沒有追加，一路吃，一路覺得為何會是米芝連一星，甚至覺得出x一丁也比它好吃。如果還未試的朋友，請慎重考慮。如果想試下，還是不要抱太大寄望，還要趁少人排才去比較好。