蔦 (已結業)

這個星期五，與同事相約出外食午飯，同學A説不如新試野，來到這間聽聞有米芝蓮一粒星評價的拉麵店，前面有兩人在等位，大約等了十分鐘，到我們時服務員給了我們餐牌，餐牌選擇不多，有三款湯底及不同價錢配菜，我選擇的只有一隻蛋及一塊叉燒的鹽味湯底價值$113，在開放式廚房下看著他們工作，一人在用機切叉燒，一人在分湯底，一人在分配菜，雞蛋在一大盒膠箱內拿出，感覺好像完全不太要技巧的機械式運作；他們把拉麵送到面前，份量不大，看似有一些不同配菜如紫洋蔥，一大堆洋蔥絲，一小堆醬料，滿心歡喜的品嚐入口，湯底真沒味道，那麼只有一塊的乾叉燒何其普通，麵也很少，不知道為何蔥絲何其多，唯獨流心蛋是最好吃，以這個價錢來說......只來試過一次便足夠

東京的米芝蓮一星拉麵竟然可以係香港食到，就係海港城，非常方便！晚上去排長龍，不過都好快排到。日籍師傅的精彩表演。客人都圍住bar枱坐，可以睇到師傅的現場表演。Menu精簡，選擇不多，好精！椅子設計不錯，有收納空間，可以把包包放在椅子下層。味增味玉叉燒拉麵 ($149)紅白色碗和匙羹好精緻，配料豐富，有叉燒四片、紫洋蔥、味玉蛋、粟米、芽菜、辣醬、牛肝菌蘑菇油、西洋菜，味噌味湯底很濃郁，自家制醬料不會辣，只會提味。用上日本雞蛋，非常新鮮，金黃色的蛋黃好靚，味道超正。鹽味味玉叉燒拉麵 ($149)有叉燒四片、味玉蛋、筍乾、日本大蔥、橄欖醬。叉燒即場切的，好大塊，肉質很嫩，不會柴，肥瘦適中。長筍味濃。自家制湯底加左海蜆，味道很鮮，不會鹹，也沒有腻的感覺，食得出完全沒有味精，真材實料，真心好味，拉麵也是我喜歡的軟硬度。

拉麵宜家越開越多。可能睇到佢有米其林一星，所以期望有d高。禮拜日大概兩點，15-6個人排隊，大概排左15分鐘就到我地。湯底係幾好，試咗miso同醬油湯底，miso濃。不過個人對麵就有所保留，麵底口感一般般。其他配菜都中規中矩，無咩特色。骰子肉可以試下。有氣sake好似sparkling wine咁，甜甜地，有d唔係我expect咁。對比起係日本幾間米其林推薦的拉麵店，呢間米其林一星真係好一般。可以試下，但係如果排長隊就肯定唔會來。

這天終於到了一間之前一直很想嘗嘗的拉麵店，原來又是一間米芝蓮推介。本來想吃網上介紹的乾麵，類似沾麵的，可惜原來是期間限定haha店裡設計特別，正中間為製作與出餐的位置，食客都環繞著製作的地方，是香港比較少見的裝修。我們點了醬油味玉拉麵和味噌叉燒拉麵，還有兩個伴菜，分別是燒烤梅花肉及灸燒骰子肉。看著製作過程真吸引，猛火灸燒骰子肉！店員介紹了湯底原來是用了雞，蜆和魚乾熬制九個鐘而成，貴不得不覺得味精濃，反而一啖啖品嘗當中的精華，醬油味玉拉麵醬油味道不會太濃，麵條比較幼身，叉燒肥瘦剛好，溏心蛋也十分巨大。骰子肉鹹香十足，加了紅酒灸燒，帶甜酸味道的醬汁，十分惹味。麵條十分爽口彈牙，如果能推出沾麵更好。至於梅花肉跟我想像的不一樣，想不到這間店裡竟然有像西式的菜式，它是由牛油汁拌制，那時候想，如果配上芝士，就像在品嘗西菜一般。味噌叉燒拉麵味道比較特別，湯底和平時的味噌湯底有點分別，有種清新的感覺，麵量適中，我還是更愛味噌的拉麵選用的粗麵，更加彈牙爽口。最後，喝了口麥茶，一解油膩感，十分滿足！

其實都聽聞「蔦」好耐, 皆因佢係全球首間日本拉麵店有米芝蓮一星的榮譽。但係奈何自己一直都未有機會去東京旅行朝聖, 唯有食住香港的蔦頂住當先。 尖沙咀的蔦係海港城港威中心, 果日同朋友去完九龍公園玩行過黎都只係5分鐘, 醫肚真係勁方便, 餐廳唔係好大, 但我最喜歡的地方是食客可以「觀看」師傅整個製作的過程, 由生麵煮成熟麵, 再加不同的配料/醬油調味落碗麵到, 至送到你黎面前都可以全部「收睇」。 今日和朋友黎, 叫左兩款拉麵, 分別係味噌味玉拉麵同鹽味味玉拉麵1.    湯底味噌拉麵的味噌來自德島縣，湯底再加上自家製的辣醬作點綴，惹味得黎又唔會太辣, 有多層次的味覺享受。至於鹽味拉麵的湯底, 以雞及新鮮海蜆、魚乾等熬足9小時而成, 湯色清澈, 非常清新, 輕而不淡, 入口帶獨特的海鮮香甜味道。 2.  麵條蔦的麵條混合了麵粉同蕎麥粉，每日係餐廳入面手工新鮮製話，有一陣蕎麥香氣, 而直身麵唔算十分厚身, 可能是因為這個原因, 感覺未算十分掛湯。 3.  溏心蛋是驚喜之作, 入味爆汁 4.  炙燒豚角丼另外我們還叫了炙燒豚角丼, 豚肉粒油脂豐盈, 大小適中, 經過炙燒後更覺香口惹味,  蔦拉

蔦位於海港城海威商場，由尖沙咀沿海防道行過來過馬路，其實都不用5分鐘。這裡的格局像置身日本的拉麵店， 食客都是圍著餐廳的開放式廚房而坐， 可以看到師傅煮麵的整個過程，無論是切叉燒，還是煮拉麵，還是到上菜也一一可以看到每個步驟， 一覽無遺。我和朋友分別叫了醬油味玉拉麵和味噌味玉拉麵，先講湯底，由於蔦行的路線都是清淡風， 佢哋嘅湯底係清澈見底嘅唔會係啲豬骨湯煲到好濃好杰嗰種，無論係醬油定係味噌湯底都唔會太濃杰，又唔會太鹹。 雖然如此但是湯底還是很有層次的， 醬油湯底會加上 黑松露醬， 使味道加添變化。至於味噌湯底， 湯底有股的牛肝菌油味， 與味噌湯底都幾match， 與一般豬骨湯底的拉麵與別不同， 確實值得一試。至於麵底方面，與香港其他拉麵店有啲唔同嘅係 ， 呢度嘅所有拉麵的硬度都係由拉麵師傅發板，雖然拉麵冇得揀硬度， 但係拉麵的韌度都不差，分量也夠一個大男人飽足。而且塊叉燒是經低溫處理的豬肩胛肉，唔會太肥， 粉粉嫩嫩 ， 而叉燒是師傅即席用機器切割的, 沒有一般拉麵店叉燒的肥膩， 但豬肉味仍然充足。 而隻流心蛋係原隻上嘅， 真係食過返尋味。另外我們還叫了一個燒烤梅花丼， 雖然每片都刨得薄

尖沙咀開左間米芝蓮推介既黑松露拉麵, 抱住一個期待食好東西既心態黎試, 但實在令我太失望了.拉麵不過不失, 係我喜歡既幼麵, 湯底絕對有黑松露味, 清淡唔油膩, 叉燒入味夠淋但不散開.可惜唔知點解湯有種酸味 (可能係黑松露油味), 麵身偏林 (個人喜歡有咬口), 而且份量好少, 叉燒薄到透光, 筍又得一條, 成個麵連料, 用五啖就食完, 半個公仔麵都大過佢. 以$98黎計, 太貴了. 我寧願食4個麥當勞餐都好過佢. 女仔食都唔夠飽, 何況男士?原來午飯黎食, 係唔洗排隊. 而且由坐低到食完, 只係20分鐘, 人流非常快. 不過都唔出奇, 個麵細到咁! 如果大家想見識下米芝蓮推介食肆, 可以試下.

今日去開尖沙咀行街，係附近見到呢個拎左米芝蓮嘅拉麵，時間又尚早見無咩人就入左去食。<醬油味玉拉麵，$113>醬油味玉拉麵由叉燒一片、味玉蛋、筍乾、日本大蔥、松露醬而成。當然先試湯底，味道好清香，鹹左少少但係可以接受。然後將松露醬撈勻，個湯又有另外一番風味，濃郁嘅松露醬令到成個湯底都好香。叉燒整得好腍，味道比較清淡我喜歡。拉麵都算煙韌，唔錯。味玉蛋係十個讚，蛋黃係流心嘅，生熟度岩岩好，超正！<味噌味玉拉麵，$113>味噌味玉拉麵由叉燒一片、紫洋蔥、味玉蛋、粟米、芽菜、辣醬、牛肝菌蘑菇油、西洋菜而成。本身呢個味增湯我覺得太過濃味，但係將辣醬撈勻之後，我湯底帶啲辣就變得好惹味。雖然有辣醬不過唔會太辣，想試但怕辣既朋友都可以一試。<炙熱骰子肉，$28>呢個骰子肉好好味，將叉燒切成粒，再加左啲蒜蓉去燒，好香好好味。夠厚咬落好有口感但係仍然好腍，而且$28有8粒我覺得好抵食！<(凍)麥茶，$15>麥茶嘅味唔係每個人都鐘意，男朋友就覺得唔錯，飲落唔似用水即沖，真係煲過咁。

早幾個月去東京旅行🇯🇵 蔦係其中1間bookmark左既拉麵店可惜最後都係無時間去放棄左咁就食住香港分店先啦😆-◽️醬油味玉拉麵🍜 $113有一片叉燒 一粒味玉蛋 竹筍 日本大蔥 松露醬湯底用左雞🐔 海蜆🐚 魚乾🐟等食材熬製9小時而成 比較清爽 帶鮮味 亦唔會好似平時既豬骨湯咁油膩特別之處係加入左松露醬 好香👍🏻-◽️鹽味味玉拉麵🍜 $113同樣有一片叉燒 一粒味玉蛋 竹筍 日本大蔥 再配上橄欖醬店員建議攪勻個湯底先食清淡既湯底加上薄荷葉既香味 幾有層次麵質有嚼勁 食落富蛋香值得一提既係粒味玉蛋超級好食 蛋黃呈半流心狀態🥚如果唔係已經好飽 會想再encore多兩粒🥚🥚而叉燒既脂肪比較少 就唔係我偏愛既口感啦-◽️炙燒骰子丼🍚 $35師傅用火槍燒過 所以十分香 骰子肉外脆內軟D肉汁同醬汁配飯一齊食 味道好唔錯-◽️燒烤梅花肉🐷 $28切成薄薄既一片 係凍食架 不過我就比較鍾意炙燒骰子肉啦-◽️麥茶☕️ $15可以無限添飲 茶味幾濃郁-P.S. 幾間出名既東京拉麵店都係香港開左分店 雖然價錢一定比日本貴 但可以解解拉麵癮都唔錯🤤

今日同朋友7pm係尖沙咀book左做瑜伽，諗住唔好食太飽朋友介紹咪黎左蔦食米之蓮拉麵，襯住5pm冇乜人排隊，但舖內已坐滿九成客人，一入去見到環境清雅仲係開放式廚房，感覺一定好衛生，望見廚師炮製一碗又一碗嘅拉麵，口水已在心裏流。醬油味玉拉麵$113米之蓮拉麵，一定要試啦，特製酱油湯底上面配有黑松露，义燒，玉子，竹筍和日本大蔥，湯底濃而不膩，麵質爽滑鹽味味玉拉麵$113清甜湯底帶有薄荷葉香,出奇地配，肉味很濃义燒，一片是不夠喉的，下次會選擇4片炙燒骰子肉$28看着廚師在你面前用火槍燒骰子肉，已經覺得很吸引，入口有少少溶在口內甘香味道，相當唔錯燒烤梅花肉$28簿切梅花肉用牛油酱混燒而成，食到停唔到口麥茶$15有涷熱任選，無限添飲，自加製麥茶，散發啖啖香濃麥味

星期五的晚上🌛，這次換我來接加班的老公🍋了。辛苦了一天😣，老公🍋突然想說要來一碗拉麵🍜，看著商場的商舖指南📱，很快就能看到它的名字🌺。看到了名字就馬上記起🤔，這家店的名堂可不少呀😲，畢竟它是全球首間米芝蓮一星日本拉麵店✨，並於2016及2017年蟬聯米芝連1星殊榮⭐️。上次在東京🗼吃不到，這天總算有機會了🤩！湯底以鮮味見稱😋，用上雞🐣、海蜆🐚、魚乾🐠等每日新鮮熬製9小時而成🔥，不含味精🚫，湯色清澈😍，更能突出食材的原味👍🏻。而店內則以招牌醬油拉麵🍜及鹽味拉麵🌊2款為主。另亦有2款小食供選擇🍢。店內設有開放式廚房🔥，在等待的過程不妨欣賞師傅們👨🏻‍🍳利落的煮食手勢。醬油叉燒拉麵🍜：上麵前加入了松露醬🖤與特製的日式醬油㊙️，湯底顏色淡啡，入口甘香濃郁🤤；叉燒肥瘦適中，入口即溶👍🏻；麵條幼細，口感爽滑💖。味噌味玉叉燒拉麵🍜：以叉燒🐷、紫洋蔥💜、栗米🌽、芽菜、西洋菜等作配料，人妻🐷更加上了一隻半熟蛋🥚，再加入牛肝菌油及自家製的辣醬🌶，味道比醬油更為濃郁😋，入口香濃但不會過鹹，辣醬更是為味道增添了不少層次感💘。總結：提提大家，它是一家正宗的拉麵店🇯🇵，故沒有🚫那些可自選湯頭濃淡度和拉麵硬度等等的點餐

之前聽朋友講過呢間響東京要朝早攞飛，晏就再跟籌號碼去食，到香港時都知會風靡一時，終於今日黎食到米芝連星級拉麵喇！有幾張櫈坐住等位先，員工都好細心，比定餐牌我地睇先！坐的方式圍住廚師坐，即使正在煮野食，熱力也不會攻到食客，而且親身睇住廚師煮菜，也真的別有一番風味！高湯底每日9小時精熬，用鮮雞、鮮海蜆、高級魚乾非常鮮味，不含味精！一盒盒即開即煮的手工即製麵條！搭配獨家特製松露醬同松露油，有3款醬油、鹽味（淡味d）、味噌，再細分有4種大致數上係叉燒既片數同味玉蛋！味噌味玉拉麵濃郁牛肝菌磨菇油香味，叉燒肥瘦分明，最喜歡洋蔥，中和了膩感！（叉燒一片、味玉蛋、 荀乾 、紫洋蔥 、粟米 、芽菜 、少量辣醬 、牛肝菌磨菇油、 西洋菜 ）醬油味玉拉麵好鮮松露味，一啖湯一啖麵，加上爽爽荀乾，好滿足，麵量又剛好 ，清碗！（叉燒一片 、味玉蛋 、荀乾 、日本大蔥 松露醬）必點燒烤梅花肉，薄片，咬落肥瘦分明，醬料好開胃，每片配上大蔥食更清新，一碟唔夠喉！凍熱麥茶，清甜解渴不收加一服務費，都一樣有服務！

朋友剛由外國回來，當然要帶他食好西。尖沙咀海旁有間米芝蓮的拉麵，價錢在這地段來說，都是明白和可以接受的。環境上，十分企理， 廚房的透明度亦很大，讓顧客十分放心衛生情況。 而店員亦十分有禮貌，服務周到，值得一讚。這裏主要有分三個湯底，另外還有不同價錢的價位讓顧客選擇。醬油味玉拉麵 $113而醬油味是這三款湯底之中，最不濃的那一款。 店員向我們解說，若果是第一次吃，可以先嘗試醬油味，其後可以再嚐其他的湯底。當中有叉燒一片，味肉蛋，荀乾，日本大蔥，松露醬。 醬油味不會過份地濃，不會很鹹，味道帶點松露香，很特別的湯底，沒有介紹錯。鹽味味玉拉麵 $113當中有叉燒一片，味肉蛋，筍乾，日本大蔥，橄欖醬。這個原味的湯底比起醬油味濃一點兒，雖不夠 醬油湯底的香，但是味道上更豐富。它的叉燒很大片， 脂肪與瘦肉的比例很好。 咬起上來的時候很軟棉棉，入口很快便溶。而它的味肉蛋超級好吃， 裏面就像糖心蛋。而他的拉麵量不小，咬起上來很煙韌彈牙，不會是一餅餅的，或者是冧pat pat的。加了一隻味肉蛋 $15因為它的味肉蛋打太好吃，所以朋友另外再加了一隻，味道帶點香甜， 當中的蛋黃呈半流心狀態，實在太邪惡太好吃了

比想像中好的拉麵😉未食之前知道呢間係米芝連一星拉麵 滿滿期待💓但網上見到大家評價都麻麻 的確有點卻步🙈行過海港城見無需排隊 試試吧！🍜嗌左醬油味玉拉麵 $113呢到嘅湯底並非用豚骨湯底係用左雞 魚乾同蜆熬成 無甘油 湯底較清👍🏻有一塊大叉燒 蛋 同黑松露醬🤩幾喜歡麵嘅質感 煮得剛剛好呀有黑松露嘅點綴 令湯底更香 增加湯底嘅層次🤤蛋煮得超好 係我最愛嘅流心蛋一咬開 蛋漿就會湧岀 十個滿意💋炙燒骰子肉飯 $35燒嘅時候 已經聞到超級香🤤肉汁十足 外脆內軟 一定要跟飯呀唔好浪費啲肉汁😝麥茶 $15這是無限添飲的自家製嘅麥茶好香濃配拉麵就啱啦😉🍽 蔦 (尖沙咀)🔎 尖沙咀廣東道3-27號海港城港威商場地下G111號舖

這間蔦頭頂頂著米芝蓮的光環，腳踏在海港城旁邊，基於這兩個因素，大致是沒得輸。店鋪位於海港城旁邊，進入店鋪前還須多走幾步階梯，多有氣勢！進入店鋪，裝潢令人眼前一亮，用餐空間寬敞舒適，有一排圍著開放式廚房的吧台，另有單人座位面向街景，以拉麵店來說，的確不錯。這裡的主打是雞湯湯底，以雞骨、蜆、昆布和魚乾熬煮了九小時，標榜無味精，純手工，即叫即做。⭐️麥茶$15茶味甘醇濃郁，很順口。⭐️味噌拉麵$98我喜歡濃味湯底，所以選擇了味噌拉麵，湯頭有淡淡的雞湯和蘑菇味，原因是湯底下了牛肝菌蘑菇油，令湯底更添風味。豚肉由於是機切的關係，口感和味道差了一個層次，有點美中不足。⭐️鹽味味玉拉麵$113鹽味湯頭清澈一片，清淡不膩。加了糖心蛋後，使湯底的味道更完整。這裡的麵條不夠爽口，吃下去不見特別，整體來說中規中矩。⭐️燒烤梅花丼$35這裡的豚肉和拉麵的豚肉如出一徹，吃起來肉味不夠香，不過加入拉麵湯底後，的確很好吃，湯底應記一功。⭐️茶漬飯$20品嘗拉麵後將拉麵湯底加入飯、海苔及柴魚中攪拌，增加口感，同時能再一次細細品嚐湯底的鮮美，的確不錯。▪️這裏的用餐環境舒適，不像一般吃得那麼拉麵店匆忙。餐碗外白內紅，跟招牌很搭，品