影片
今日系大埔墟做野，放午饭时间经过蔡润记心郁郁想试吓，记得对上一次帮衬已经系读书年代，所以对佢嘅味道已经完全忘记晒。餐厅装修保持住 80 年代色彩，食物款式唔算话太多，叫咗自制鱼蛋河。🍜 自制鱼蛋河有四块鱼片及四粒鱼蛋，鱼片味道偏咸，而且比较细块，自制鱼蛋都系偏细粒，食落冇乜鱼味，口感又冇乜特别，虽然碗面睇落去好大碗，但个碗其实好扁身，所以食完都好似冇嘢落个肚咁 🙂 埋单盛惠 $38 蚊，以后都应该唔会再帮衬了。
继续阅读
真心食评、成日见呢间嘢咁多人排队谂住去试吓点不知中伏、从未食过一碗咁差嘅鱼蛋粉、汤底简直系一碗豉油汤、加腩汁一啲牛腩味都冇、鱼片通透有一块攞起见到啲光线、真系眼都凸埋、好薄冇口感、鱼蛋大个粒波子少少、鱼皮唔同出面播啲舖头、佢系落粉炸出嚟揸到脆晒一啲鱼皮味都冇、真系冇第二次帮衬.
继续阅读
个日约咗朋友系大埔东昌街打羽毛球，打完有啲肚饿，友人推介去附近嘅蔡润记食碗鱼蛋粉，医下肚仔✨个日星期日，门口有条少少嘅人龙，不过都排得好快，我估大约十分钟左右已经入到去。舖头环境好复古，绿白色嘅地砖设计，加上圆形嘅折台折櫈，怀旧味十足！每次试新粉面舖我都一定试吓佢哋嘅鱼片河（走葱加腩汁）加鱼皮。可惜个日可能已经系晏就，鱼皮经已售馨🥺🥺我见啲人系自助式咁去雪拎嘢饮，所以我都去拎咗一板忌廉～（竟然仲系用玻璃樽🥹）🥹🥹我叫咗一碗鱼片河，友人叫一碗筋腩河，单双拼都系每碗$38，如要加底就加$4，汽水就$10一枝🤤临走时，老板会即刻心算，然后大叫你𠮶枱系几多钱，然后你直接攞现金出去埋单就得㗎啦🤝
继续阅读
前几日谂住去开大埔，顺便揾下好嘢食啦！点知中伏。。。话说上网睇吓大埔有冇d咩快靓正嘅嘢食，因为有 d 赶时间，睇到蔡润记好似唔错、又老字号、又几出名咁。。。就谂住去试下啦！闲日去到2:00p.m.左右，见到有条小人龙，都要等3至4张枱左右。。。谂住要排队。。。应该都唔会伏挂。。。。结果等咗10-15mins左右有位。。。我叫了个鱼片、鱼蛋河。。。其实佢嘅鱼蛋&鱼片 size 真系比一般少。。。鱼片有 d 似一般春卷切片嘅 size。。。😅😅😅粉嘅份量都不多。。。我见好多人都要加底。。。😅😅😅当然都无想像中咁好食。。。鱼蛋有 d 腥而且不算太弹牙。。。再加上汤底偏咸。。。完全不是我杯茶。。。要收$38一碗。。。本人真的觉得有 d 偏贵。。。真的不会有下次！😑😑😑
继续阅读
以前啲人成日讲新蔡旧蔡，新蔡已经无做了，到左今时今日就只有一间蔡润记 （其实一直都系得一间，明就明）。 好多人黎到都系食鱼蛋或者牛腩，仲有炸鱼皮。常见嘅叫法有：（1）牛腩河加净蛋片（一碗牛腩河加一碗净鱼蛋鱼片）；（2）鱼蛋河加鱼皮（留意返呢个加鱼皮系加两三旧炸鱼皮，好似叫多个𩠌咁，而唔系一碟炸鱼皮，如果想叫一碟嘅话要讲清楚）（3）粉肠/牛肚都有唔少捧场客，例如肠蛋河、肚皮河都系常见组合。 而我就通常都系叫鱼蛋河，叫鱼蛋河已经包括有鱼蛋同鱼片，间唔中会加鱼皮，主要系肚唔肚饿或者有无卖晒。黎到怀旧港式粉面档，当然要叫返支玻璃樽汽水先似样，细可乐都系我指定项目之一。 以前嘅辣椒油系一碗粉面配一小碟辣椒油，而家系一大罐放喺枱面。 唔知记得开始，食粉面嘅第一个步骤系呷一啖汤，感受下每间舖头独有嘅𠮶种清甜或者香浓。 鱼蛋虽然细细粒，但系好够鱼味，当然唔会好似用机打𠮶种强劲嘅弹牙感，但系就有手打嘅弹牙感。就好似整蛋糕手打同机器打咁样，手打做得好都可以保持稳定水准，同时又会有多一种随意又美丽嘅寛容度。
继续阅读