影片
食家推介
睇网评话野食劲差，服务唔好，朋友话要试下有几伏，所以黎试下。去到，阿姐都几好服务，都见有4-5枱，仲陆续有一两枱入黎。野食一般，无网评讲得咁差，而且主食份量几多。海南鸡饭配青红萝卜汤（$108）：汤系普通茶餐厅味精汤，海南鸡饭个油饭ok,鸡唔算好滑但唔系韧𠮶种，仲有啲鸡有好多件，好大碟，整体ok，不过个姜蓉好咸。小食拼盘（$108）：有4款小食，青木瓜沙津，春卷，扎肉同虾饼（不过虾饼卖晒转左猪颈肉），每款味道都正常，不过不失。香茅猪扒捞檬（$70）:好大碗，个捞檬汁ok,但个猪扒好咸，同埋层粉都几厚。大家要叫就唔好叫有猪扒嘅菜式！用app book有折。
继续阅读
在会展工作的第二天💼继续到附近的餐厅觅食🔎本身都好钟意食越南同泰国菜🇹🇭所以决定入呢间试下一入到去见到人不算多同partner就觉得好幸运，即刻坐低拣餐我好钟意食香茅猪扒，所以一见到都有得叫就即刻落单😂😂谂都冇谂到个餐仲包埋杯特饮，有得拣椰汁冰同三色冰之类🤤觉得都几抵咁，但张单黎到，先知要加一😂冇谂过呢啲餐厅都要加一不过好食嘅话都唔紧要嘅～一送到黎，我有啲失望😞啲猪扒好似蒸/烚熟咁我食开嘅香茅猪扒系煎得好靓好吸引而唔系咁样.....啲饭...得白饭...鼓油都冇落😂平时食开果啲香茅猪扒饭唔系有架咩？结果我行左出去佢个调味柜度拎鼓油自己落唉...谂住猪扒个样唔靓可能都好食呢但食落去冇乜香茅味...连咸味都欠奉...本身个饭已经白饭啦个猪扒仲要唔够味...面头有啲葱油，我谂住都应该唔会差，可以俾番啲味个猪扒点知🙁佢啲葱系冇爆香过！真系就咁葱加油（好难食）全个餐最好味系杯三色冰😂👏🏻.唔会再有下次...咁嘅质素收加一...真系好无奈
继续阅读
作为公司左近既饭堂，对饭堂既食物都无乜期望，你唔太差既话永远都会有人泥食，就算你服务再差，点都要食完开工。神奇地无泥一排，入到去无乜人。饭市wo今日叫左个湿炒河，先比张食完既相你睇，以为食汤河，d汤多到呢。一泥卖相碟野好似水灾咁，唔知影唔影到你睇，开头我以为系芝士粉，原来系胡椒粉，唔知点解要沙上去，系咪知道唔够味呢？整体泥讲d菜都系白洽偏硬，味道偏小小咸，可能饮太多汁。河粉系唔多条，河粉份量大概是半碗饭到，你眼见到几多多番小小就系。三色冰餐饮正常，但小了一只色。白色应该唔计痳..整体泥讲未去到难食，服务态度一贯作风，「赶」。
继续阅读
人生未写过食评，但呢间的食物质素真系令我忍唔住破戒。一个人系湾仔周围行揾野食，向来喜欢越泰食物，见到呢间价钱合理环境不错就入左去。叫左冬荫功河但落错单冇左冬荫功，我废事改就算了。心谂泰式河粉，仲要香茅鸡翼，点都唔会难食得去边，点知我真系太天真。以为求其落左啲香叶萝卜就ok? 碗汤完全冇味，更遑论有正常泰式河粉应有𠮶种味。平心而论啲金边粉都尚算可以，但碗汤实在失望。鸡翼，冻嘅，似炸完放左10分钟，啲皮已经淋哂。咬落去仲有阵味，类似雪味，总之系唔新鲜嘅味，其中一只仲要红红地唔知熟唔熟，我都冇食到了。人地香茅鸡翼supposed 有嘅味佢完全冇。我求其食完就走左，唯一叫做好啲嘅系间舖都算坐得舒服嘅，但咁嘅食物我唔会再试多一次。
继续阅读
今天在湾仔会展参加conference,中午放饭匆匆走出湾仔揾食，到处都是人山人海，好不容易找到间吃越南泰国菜，门口写上驰名海南鸡饭，咁就不作他想就来个无骨海南鸡肶饭加青柠soda.简简单单卖相吾错。先夹起件鸡，皮下冇肥膏，咬落肉滑有鸡味，又吾会太腍，而且鸡是暖暖的，应该是上碟前淋上热汤，够细心。酱汁只有一种，味道调得不错，酸辣得宜。鸡油饭做出味道，配上二片爽口青瓜和新鲜番茄片，把口腔肥腻清空。唯一久奉就是一碗珍肝汤！
继续阅读