蓮花新派健康料理 (已結業)

元朗出名美食多，估唔到素食都好好食！三個人，叫咗個四人餐，四餸一湯。首先嚟嘅係呢一個仿翅，估唔到同平時食到嘅差唔多，有驚喜。然後呢一個係佢哋自家製嘅玉子豆腐，上面有啲菇菌，下面就係佢哋嘅玉子豆腐，蛋味十足。美中不足嘅係，小棠菜有少少青味。呢一個係蜜汁叉燒，呢個真係好好食咬落香甜，用嚟送飯簡直一流，不過屋企人覺得甜咗啲，我就覺得雖然甜，但係都接受到。最後一道仿肉嘅係辣子雞，個人來講覺得唔算太辣，不過小朋友未必食到。正正經經炒番個菜，估唔到都幾有鑊氣。三個人食，可能因為係素食，所以我哋食得落。（真係食到好飽好飽好飽）總結呢一餐，其實都幾滿足到我嘅「肉望」，突破左我對食素嘅古板印象。而家一路打食評，一路回味返佢嘅味道，都好想再去多次，希望嚟緊再有機會去食。 服務方面，樓面好似得一兩個姨姨，不過都唔會無人理你。一坐低佢就會同你介紹吓啲嘢食，食到一半都會關心你嘅需要，好有屋企食飯嘅感覺。

人大左越食越少肉，今次就試下呢間蓮花素食，之前有家人推薦，食落真係唔錯，比起其他素食店，無咁油，個豉油王炒腸粉出色，似乾炒牛河味，其餘炒粉面都好味，個腐皮卷好香脆，但包點認真差，扣回不少分數，首先個飽唔甜都算，個素叉燒包個涵好難食，賣相好似...，唔信叫黎試下

香二月期間，個人都係唔想食咁多肉~呢日難得朋友問有冇興趣一齊去元朗食齋，話多個人可以食多D野喎! 反正今日得閒，咁我當然應約喇!平時我就真係冇乜幾何會入元朗，入襯去都係為左食我地搵左一陣路，大約12點幾去到，唔使等位直入~去到睇左陣餐牌，侍應姐姐好有禮，裝定湯比我地飲~點餐既時候我地問佢入面係有D咩，佢都能夠解答!呢個湯係送既, 唔知叫咩名=-= 但絕對足料+好飲!!齋鹵味 (大)- 同出面既唔同, 呢度只有三樣野係入面, 味道唔會太濃!蜜桃咕嚕肉 - 呢個超好食!!!!!!!!像真度超高, 而且個汁唔會太甜唔會太酸, 推介呀!!自家制珍菌玉子豆腐 - 豆腐係自家制, 味道好特別, 外皮有種脆脆的感覺, 咬開入面就係好滑既豆腐香煎腐皮卷 - 聽侍應姐姐講入面既蓉都係師傅自家制架!如意脆仙班 - 即係芋頭魚, 呢度既好大塊, 仲自己用刀叉切, 我自己就麻麻地芋頭既, 不過呢度既芋頭蓉都做得好幼滑!唔錯~珍菌炆伊麵 - 足料唔會好油~份量都多喎!!味道正常, 唔錯!總括黎講: 鍾意食齋既朋友絕對要黎試試!!

今晚特登想食素，就揾左哩間，兩個人去本身都無咩期望，心諗唔太油就滿足，去到本想叫兩人餐，但又想試炒飯就散叫，價錢兩餸再叫炒飯都係差唔多，第一個餸南乳羅漢齋煲，比想像中大煲，南乳味唔太多但有，總括都係媽媽的味道feel, 不過不失，另一個係冰梅骨，總覺得黎食素，要食d扮骨睇功夫，一如以往都係用面粉整，但特別在佢在淮山配菜外，仲每一舊骨都加條淮山係中間扮骨，特別得黎個汁亦好好味，最後講個炒飯，黑松露鰻魚，素鰻魚都係面粉嘢，但黑松露就超香，大大碟三人份量多夠，另我地叫左支黑麥汁，好好飲而且$15 相比出面自己買都係lee個價，總括黎講係值得食的素食店

本人不是素食人, 不過食咗一次,完全癲覆對素食既觀念,間鋪既菜式非常新穎, menu 有d 同酒家相似, 真係肉類既名照寫上去,叉燒, 牛仔骨, 好鬼馬, 叫左咕嚕肉,雞c 粉皮, 嘩,大佬,好好味, 雞絲似到我懷疑係真雞肉,我仲損乾淨個麻醬黎睇, 無論口感定外型, 可以話AA+貨最勁係個咕嚕肉, 好L 好味, 又係懷疑系列, 炸同炒中間做得洽到好處, 中間有舊好似合成火腿既物體再溝埋個蒟蒻扮肥膏, 汁係完全似樣,酸甜適中,有火喉又佢又凍上, 即刻唔熱氣, 有d 藍莓,份子蜜桃味粒中和下, 個味生色不少一句到尾，好味

最近吃得太多肉，於是決定吃點素食，減輕一下腸胃的負擔，蓮花素食是我們其中一間素食之選餐廳。因為這裡餸菜的份量頗大份，每人點一個菜就很足夠了。蜜桃柚子骨，清香的柚子汁包著炸過的麵筋，帶有淡淡的柚子酸味，配以清甜的蜜桃，酸酸甜甜的很開胃。羅漢齋炒麵是我最喜愛的素之一，這裡的份量非常多，麵底炸得香脆可口，以羅漢齋舖滿在麵上，一部份麵底吸收了羅漢齋的味道，一部份仍保持香脆的口感，是味覺一大享受。餐很還送上滋潤的木瓜雪耳糖水，為這一餐素菜劃上完滿的記號。

平時過嚟都係夜晚，今日中午過嚟食午餐，人唔算多不用等位，兩個人叫咗一個羅漢齋炒麵一個炒飯，份量好多，其實叫一個都夠，都食唔晒60幾蚊一碟，無飲品，味道偏鹹，需要比茶位

環境坐得舒服, 但不知師博是否資深或自己食素, 多測試自己, 賣相還好,但太咸, 試過葡汁麥樂雞飯, 汁太多太咸, 老闆應叫廚房減少用鹽份量, 改用生抽, 較易入味和控制用鹽份量

太咸無誠意素食一行五人想食素，元朗區唔知邊間好，打算門口能拍車方便就可以，於是亂點了蓮花，晚市人不算多，坐下第一張枱就為了冷氣滴水要轉位，再各自選想吃的。服務員算有禮，熱心推薦冬瓜盅，不過送來七個餸，全部都不好吃👎🏼👎🏼簡單雜齊，40元一個大的，來到怪怪三色加幾件素鵝，兩堆黃/橙色湖狀汁醬東西已知中伏，呢個做不好其他不用想🤦🏽‍♀️第一份來是芝麻卷，厚到不能再厚，味道就是一般，質地好鞋；冬瓜盅極推薦，但我吃到滿滿料子都是沒味的；豆腐和南乳齊放入口咸到不想再吃；芋頭魚無味，素鵝剛才吃雜齊時已知無味道，所以不浪費下才繼續吃，大家愈吃愈不想吃🤪因爲太咸叫杯羅漢果茶飲，想要小甜，服務員說有，原來是加多點冰。🙄😆整體食物不用討論，但服務員姐姐是有禮的，門口拍車是方便的！不過我們不會再回來是一定的😜

食野食到無頭緒，一反常態去食素食🥬🥒🥦前菜係餐廳送既海帶竹旬，幾惹味，不過旬的味道對我黎講太重。鍾意濃味既人應該會鍾意。主菜有酥炸脆皮鴨。餡料係用芋頭做的，好實，唔太鹹，點埋酸酸地既醬汁好好味。不過芋頭加上係炸物實在太頂胃，一舊起兩舊止即可。然後第二主菜係豆腐（忘了名字😭）賣相非常之美。黃色醬汁係用南瓜製成。中間有粟米，紅蘿蔔，白果，蟹柳，荷蘭豆，等等...最頂既脆脆條炸得好脆，又唔油。食完仲有椰汁西米露食，不過有點稀，不合我口味。

今晚唔做有營煮婦😆約左朋友仔食飯🥰朋友仔唔想食太多肉諗左好內決定食素😊大家決定左去開左冇內旣蓮花素食😋之前經過都有D人流😜😜😜其實間唔中食下素都幾好👍🏻清下腸胃😆同埋依家素食都好多款式一於試下，入到去坐低左我哋就睇餐牌，餐牌唔算太吸引都難㸃菜🙈因為之前去開食素旣地方可能菜式Fusion D 🤣唔緊要點D正常D，我哋㸃左福建炒飯，金粟豆腐羹，南乳粗齋煲,香煎腐皮卷,上菜囉⋯⋯係上炒飯先🙈真奇怪，其實唔係上羹先咩又或者上腐皮卷先🤷🏻‍♀️個炒飯賣相都可以味道唔差但我朋友仔覺得D米硬及生🙈我覺得硬身未至於生米我接受到🙇🏻‍♀️跟住上南乳煲🥺🥺🥺呢個就真係麻麻地冇味其實南乳應該野味🤐不過唯一好係夠熱,食煲要熱先好食👍🏻跟住上羹個羮偏甜可以小甜🤣🤣🤣腐皮卷正正常常,不過可以有更多改進空間,所有野一般唔知係唔係我哋唔識叫野🙈🙈🙈🙈🙈

好耐無同好好友共聚…今日慶祝“媽媽”回歸，就揀了她最喜愛的健康素食！一行五人嚟到就傾計不斷，差啲忘記點菜涼伴手撕雞我本身係食肉獸，呢度當然不會有真雞絲食，但呢個小食味道真的好，食起上嚟真係好似啖啖肉，爽口有咬口，我鐘意！齋鹵味(大)都係小食，有三款齋，大大碟…齋鴨腎略嫌啖口，醬汁甜些更好！枇杷豆腐炸得脆口，醬汁適中～咖喱角新鮮炸起，咖喱薯仔饀多～味好！咕嚕肉其實真係唔知邊種素菜，但食响上嚟都好好咬口，甜醋汁夠酸夠濃！粟米猴頭菇我個人最喜歡呢味～好好食！仲有好飲足料酸辣湯火速飲完無影相四季豆夠鍋氣惹味炒米較油

齋鹵味變醙、咕嚕山藥未煮熟滑潺潺， 食完之後喉嚨痕、 豆腐也有少許變酸， 整體非常難食， 又要搭枱， 侍應禮貌一般，唔會再幫襯！ 難食……………………………………………………

媽媽是素食者，經常出外大魚大肉，偶然帶媽媽吃一下素菜也不錯啊😛可惜元朗素食的選擇不多，曾經試過蓮花素食舊店的品質不錯，所以今天就來試一下新店吧。琵琶豆腐 $68 - 豆腐比例只佔三分一，令我有一刻感覺難道豆腐也變做高價材料嗎？其他材料分別有芫茜，紅蘿蔔等，而麵粉的比例過多，有粘口的感覺。熱食時還好，但放涼了連同變杰的芡汁就更不討好了。鳳梨咕嚕鮮淮山 $88- 調味偏酸，酸得有輕微的嗆喉感。淮山與咕嚕醬應該也可配的，欣賞他們勇於試新的心思，但要改善一下調味。鰻魚菜粒炒飯 $68 - 唔好睇佢樣樣衰衰咁，做得唔錯架！飯炒得夠乾身，粒粒分明，炒飯底質素已不錯。所謂「鰻魚」其實只是黃豆及薯仔做的素魚，素鰻魚彈牙有咬口。吃起來有像鹹魚雞粒炒飯，有驚喜完全沒有吃素的感覺。新店環境比以前好，食物質素不過不失。但印象中舊店的食物更為出色。服務態度也比以前差好多😿還我舊店啊

十分之差嘅素食店新開張時菜式別緻 但今日在去食所有嘢走曬樣 啲嘢凍冰冰 味道唔同曬十分差 問佢點解咁差 佢就話廚師啱啱走咗 冇辦法 問你死未 問佢點解將啲普通齋鹵味扮貴價 五福臨門 就淨係識笑 話唔好意思 以後都唔會再幫襯