影片
以上资料只供参考，请与餐厅确认详情
唔系第一次帮衬，每次都吃唔同款式嘅素菜，今次拣咗咖哩鱼蛋........咖哩系辣嘅,口感就同食真嘅鱼蛋冇分别我真系分唔到佢系真鱼蛋？定系素鱼蛋？各位有兴趣一定试试
继续阅读
星期日去完蓝屋参观中秋灯笼，转过弯发现呢间素食小店。满满的人情味，装修充满著怀旧嘅蓝屋气息， 有一些历史的摆设，还有昔日的怀旧纪念品。 虽然店里人手较少，上菜较慢需要比些耐性，食物种类不算太多，但全部是健康素食，十分美味。酸梅汤全部即日自家制 ，仲有亲手包嘅饺子，三色芝麻红豆椰汁糕，还有浓浓的跟餐炖汤，完全感受到丽姐份心意。跟丽姐倾开，知道本店原本在湾仔地铁站附近 ，但原来她一早有跟蓝屋这一个活化项目，所以知道有吉铺，二话不说将分店开在这里，街坊小店，满满的香港人情味。
继续阅读
去左蓝屋影中秋灯笼, 顺便去试下莲子丽姐。叫左一个无乜人讲过既清汤萝卜素羊腩(有饭$60 走饭$50)。我见素羊腩多数系咖哩或竹枝羊腩煲, 未食过清汤, 唔知可唔可以重塑清汤腩既味道。白萝卜唐生菜好清甜, 咁讲好"蕃茄有蕃茄味"但系好多时出街食, 菜唔一定新鲜更加唔会系甜, 我无谂过我会好enjoy食"清甜唐生菜"。羊腩有好浓既冬菇味道, 咬开都有冬菇粒, 食落口感有d似冬菇蒸肉饼, 始终真清汤腩有多D 油脂, 要完全似样应该无可能。虽然卖相不能再普通, 但味道系食物原味道, 我都食得好开心。另外叫左椰汁雪燕桃胶糖水($40), 呢个真心推, 桃胶雪耳超足料, 食落椰汁好浓稠, 唔系平时糖水店水汪汪咁样。莲子丽姐宜家开到9点, 就算唔黎食饭都不妨黎食碗糖水。
继续阅读
啲人成日都话 #湾仔 系 #美食集中地，横街窄巷到满布大大小小嘅餐厅，呢日我就跟 #地胆 嚟到「蓝屋」，试吓 #丽姐 嘅手势😉「丽姐厨房」原址位于 #湾仔谭臣道，不过呢日咁啱要过嚟 #合和中心 做嘢，顺理成章就行咗过嚟「蓝屋」揾食😉 对于一个成日话要 #戒淀粉 嘅我，对于 #碟头饭 确实有啲抗拒，不过既然有人拍心口帮我包底，咁就豁出去啦😅 对于有选择障碍嘅我，点菜咁重要嘅一环，梗系要交俾丽姐嘅熟客仔… 我朋友😏 佢话 #榄角素叉烧饭、#卤水素杂锦汤面 同埋 跟餐嘅 #素汤 都系推介之选，为食嘅我就加咗个 #咖喱素鱼蛋 做 #小食 🤤榄角素叉烧饭#素叉烧 味道不过不失，而成碟饭嘅灵魂竟然系切碎咗嘅 #榄角，带出独特嘅香气同口感🤤卤水素杂锦汤面#卤水蛋 同一啲用 #面筋 同 #腐皮 造成嘅 #素食，全部都腌制得好入味🤤 而最值得一赞嘅系佢哋嘅 #清汤白萝卜，入口即化，味道仲甜甜地，好想encore呀🤤 咖喱素鱼蛋#咖喱汁 配衬爽弹嘅 #素鱼蛋，非常惹味🤤 唔讲我真系唔知自己食紧斋㗎😅其实要食晒两个主菜加个小食已经系创举😅 不过望见餐牌上嘅 #椰汁雪燕桃胶 又咁吸引👀 一于食咗先讲😎 呢碗落足料嘅 #糖水真系唔嘢少，满满嘅 #桃胶 同 #雪燕 未入口已经觉得非常滋补，配埋香浓嘅椰汁一齐入口，口感非常丰富🤤 我建议大家就算唔嚟帮衬食正餐，都可以嚟试吓佢哋真材实料嘅 #甜品 🤤 餐厅地方虽然唔系太大，但系胜在人情味够，而且装饰得几骨子，值得嚟打吓卡😉📍 莲子丽姐素食 (湾仔)石水渠街74号地舖
继续阅读
跟老人家来食素，第一次帮衬，素汤好好饮，素饺一碗6只份量食完刚好，再叫个红豆沙糖水超级多料，陈皮好香同莲子全去心，甜左少少不过都食晒超饱！老人家点了合桃露我都试左少少，好香唔太甜，价钱都好合理，40蚊大大碗。见隔离枱的加喱好香份量都足，餐厅小小好快坐满，下次会再试其他野食，推介大家不过要注意店员都系老人家，如果你急任食要快，呢度可能唔啱你，同埋佢哋只收现金，埋单都要慢慢加数😆适宜慢慢食唔赶时间随心随缘的人，见到就知无得催佢哋☺️
继续阅读