蓉玥 (已結業)

2021年9月3日 晴今日同同事出去食lunch, 由於本身個間太多人, 臨時轉地方之下見到呢間我未食過就入去試下la午市套餐大部份都$65-$88, 有一杯茶(都幾好飲) 同沙律。沙律, 正正常常, 有d 芝麻醬, good good.無敵蔥油雞 $75, 雞份量都多, 同食落幾滑幾香, 唔錯川式豚肉手撕高麗菜 $68, 份量有點少, 除此之外味道都幾好, 好香同個圖比較份量係少d, 而且隔離枱個碟都大碟d, 我地唔好彩lu招牌老壇酸菜魚 $88, 大大份, 魚片都幾多魚片都滑, 但會有小細骨, 要小心。而湯底比較酸, 但佢辣度都夠, 唔會死辣, 係會慢慢辣出黎, 唔錯個裝修仲好靚tim

今日朋友講有新餐廳（原來唔係），帶路黎食，位置有點偏僻。但今餐食得非常非常的不愉快！！唔止食物質素，還有服務態度都令人極度的失望。。不推薦！（食完睇其他食評先知 ⋯ 😫😫）餐廳食客唔算多，環境裝修都唔算好新（因為係朋友佢地搞錯 原來唔係新餐廳）。三個人大家各點左一個酸菜魚、麻辣雞、宮保雞丁。酸菜魚：酸味淡、魚片薄，同普通中式餐廳唔同，係冇薯粉的存在。。。麻辣雞：只辣不香，食落亦唔夠香口，又一失望。。。宮保雞丁：不推薦。。。飯係帶左啲啲紅米既飯。。但紅米量都得好少。大重點係服務態度，真係一點都唔尊重客人。令人失望又惡劣的對待，仲有係到同其他客人當眾嘈交。 依家先發現其他食評既好多客人都有被不禮貌對待過！！真的Blacklisted ，不了！價錢⋯ 性價比不值⋯ 今次既一餐，成為我人生第一篇出既負評⋯

用左OpenRice訂左兩位食晚餐，不過可能因為冇咩人食，服務員都唔理有冇訂枱。之前食過幾次午餐，第一次黎食晚餐，個餐牌都有唔同。不過都照舊點左酸菜魚，啲魚份量都幾多，$198係一至二人份量都幾抵食。另外提一提佢個炸饅頭新鮮炸出黎好好食，可以當前菜。

依間餐廳聽左好耐，大家都話酸菜魚有幾好食幾正，一直都想試不過聽講lunch time好多人，所以一直無試到今日難得有準時收工，一於試下佢既晚餐6:30pm前到達餐廳，入面一個人都無唔知係太早定係不嬲晚市都少人呢？餐牌野食望落都好吸引不過既然第一次黎，當然試下最出名的酸菜魚啦叫左小酸中辣，但係我見張單只係見到標注了「小酸」，無寫我要中辣成盤魚基本上真係無辣味，失色！湯底黎講屬於正常，不是飲落去會令人想繼續飲果d魚片份量足夠但係！但係！但係！魚有骨，而且係多骨！每啖都起碼有一條細骨........一舊魚有十條八條骨要食得超級小心可能有人鍾意，我自已就麻麻地咁多細骨的魚食得好唔爽，唔會再食第二次另外叫了蒜蓉炒萵筍絲反而有驚喜！份量足，有鑊氣，最後食唔落酸菜魚都要食到萵筍絲見底另外一定要講既係室內都幾熱食到出汗唔係因為辣（況且都唔辣）而係因為冷氣唔夠！唔知係咪樓底高，定係冷氣壞，真係好熱問waiter可唔可以開大冷氣，佢地話已經最大，同埋有冷氣會自動關機 (??)熱到都無心機食總括黎講應該都唔會再食第二次啦

成日聽人講呢度既醉菜句好好食，有機會黎食，就打電話黎睇下仲有冇位啦，因為係walk in咁滯所以係6點就食因為太早而且得2個人食所以淨係食左酸菜魚加一個土豆絲。未上菜之前上左2杯紅棗飲品，好暖心亦幾好飲，只係可能因為全店得2個人冷氣開得細左啲，加上紅棗呢啲熱飲就熱上加熱。不過唔緊要！最重要係主角酸菜魚，平時唔係好食魚既我都覺得真係好軟滑好入味！酸菜都好好味。不過我唔太食得辣，少辣都有啲太辣。至於土豆絲都好好食，夠淋夠入味，不過爽返少少就prefect 池啦。非常推薦大家去食，但係最好夠啲人試多啲野，記得book位呀！

最近鐘意食酸菜魚 聽朋友介紹呢間係上環出名既放工過去 都已經full晒 好彩有book到 同埋地方比較細 坐得唔太舒服叫左個葱油雞同埋酸菜魚食 上菜時間快首先個葱油雞比想像中好 少食雞皮既我都有食埋個皮 原因係佢已經將d雞油整晒出黎 同埋個雞好滑 起左d骨 葱味濃 配飯一流然後主角出場 反而比下去 個湯唔夠酸 連酸菜都冇酸味 魚係滑 但其他配料非常少 比較失望 個湯既味道唔夠濃 兩個人大概三百幾蚊 聽朋友講番唔知係咪個師父轉左 d味道都唔同左

呢間川菜餐廳幾有趣裝修同埋播既音樂都好fusion食住中菜 聽住英/韓既音樂 望住日式既擺設老壇酸菜魚（中辣）$328 3-4人份湯底顏色好濃郁 但食落唔算好酸 唔係好辣/麻 算易入口而且魚片有骨 有少少失望古法干鍋豬大腸 $128呢一碟入面都有幾多野食 除左豬大腸仲有薯仔不過豬大腸比較"炸" 唔似平時干鍋個種做法感覺比較熱氣油膩川式豚肉手撕高麗菜 $78佢有個"辣"既標誌但都係唔辣既反而佢落左少少醋 都幾開胃既帝王辣子雞 $178成盤佈滿紅色辣椒 但都係唔辣既哈哈就算咬到辣椒籽都唔覺辣雞肉好細粒而且有骨 唔算抵食鹽酥脆杏香菇 $68呢個小食反而幾好食炸得幾好 金黃酥脆 入面好juicy總括尼講 唔辣~怕辣又想食川菜既朋友可以一試嗜辣朋友可以揀第二間~

鐘意食酸菜魚嘅中上環上班族一定有聽過九如坊呢間人氣長龍店，基本上有一半人都係為酸菜魚而來，而我哋都唔例外 如果要避開人流一定要早過12點到，否則到下一輪起碼12:30後先有枱。招牌酸菜魚咁出名就唔多介紹，今次我哋另外叫咗兩樣新野試試手切牛坑崩沙腩有得揀酸湯或者清湯，今次揀咗酸湯，湯底有啲似酸菜魚個湯底不過就唔辣嘅，牛腩好林啊同埋仲有啲牛筋，配埋個湯都幾入味我覺得呢個比酸菜魚更加好食，唔鍾意食魚嘅朋友呢一個係一個唔錯嘅選擇蔥油撈雞本身我哋係諗住食手撕雞嘅... 咁不過手撕雞已經賣晒所以就叫呢個蔥油雞，有啲乾蔥同埋啲雞係超級香我覺得比手撕雞更加好，因為手撕雞汁太多，有啲鹹... 反而呢個食到雞嘅嫩滑同埋蔥香，個底墊左啲青瓜，仲可以做埋前菜添呢度午餐大部份都係$100以內，以味道來講唔怪得咁多人，不過留意番預咗等位嘅時間會相對長，同埋如果叫酸菜魚嘅話等嘅時間都會長啲

我一般不太喜歡酸菜魚 因為不太喜歡那股酸味 但這裡的酸菜魚沒有令人討厭那股酸味 關鍵是魚片質量比其他地方好 雖然偶爾有點小碎骨 但整體切得挺薄及非常嫩滑 還有光澤 一上菜我和朋友也垂涎欲滴 拍了張照片就急忙開動啦 建議大家加薯粉 是寬寬透明有咬口那款 非常搭！

🇭🇰蓉玥·話說我之前睇飲食男女 見到一位三星米芝蓮餐廳嘅主廚講野好搞笑 見佢自己係中環開咗間餐廳所以就save低左決定黎試下😂😂·招牌老壇酸菜魚$198 l 薯粉+$12我覺得佢個酸菜魚好好味 因為我地唔係好食得辣 所以我地嗌左bb辣 佢面頭唔會有一層辣油 就咁飲都超級舒服 而且好夠味 不過佢個辣係你一停就會攻上黎 又麻又酸 超惹味😍😍之後佢啲魚片全部都好嫩 而且無骨 好滑溜🐟佢啲酸菜都好好味 不過我覺得佢啲酸菜反而係全兜最辣既😂😂我地加既薯粉都好qq 超入味 而且所有野份量都超多 係食到最後都仲有 每人都有超多舊😈·鬼馬鳳梨咕嚕肉$138 l 蝦乾啫啫時菜煲$118 l 黃金墨魚餅$58佢個咕嚕肉係用五花腩整既 炸到超級酥化 好好味 食落唔覺得肥 但係你知佢超肥🤭🤭之後佢入面啲油炸鬼都炸得好好味 而且啲鳳梨真係新鮮既 好甜🍍佢個啫啫時菜煲超有鑊氣 而且入邊又係超多菜 好惹味 個黃金墨魚餅就遜色少少啦 佢唔係手打個種墨魚餅黎既 所以無咩口感咁 係似大塊既墨魚丸咁🙊🤣·#rbyeat#rby西餐#rby中環 #rby上環·📍中環九如坊6-10號地下C及D號舖

早在11月中本來已經相約了辣友往蓉玥聚餐，可惜疫情爆發下又收緊至四人限聚令，加上大家也覺得出外用膳較為危險，最後無奈下被迫取消了這場約會！來到復活節假期有緣跟另外三位朋友來一個午餐短聚，辣癮驅使之下選上數間辣店給大家選擇，最後大家揀了到中環九如坊內的蓉玥來相聚！甫踏進看見這間吃川粵菜的餐廳裝潢極富時代感，坦白講我不說相信大家也估不到這兒是吃中菜的餐館吧！甫坐下侍應已即時為我們送上健康茶水及沙律，這天我們得到的健康茶水是夏枯草，喝下輕甜的夏枯草很足料味道十分不錯耶！沙律是賣相嬌美的紫椰菜胡麻沙律，吃下口感爽脆感覺很是清新呢！打頭陣的飲品和沙律也令我十分滿意，弄得我很期待主菜的味道會是怎麼樣！我們共點了兩款小食、一客午市套餐和招牌老壇酸菜魚，不消一會已陸續來到我們的檯上喇！我們點選的兩款精美小食其中一客是紅油抄手＄28，一客共有6小粒正宗Size的抄手，汁醬中的香醋比紅油更搶味，而抄手外皮有點偏硬我吃的那一顆肉球比例亦不夠均勻，整體表現未能討得我歡心！另一款小食是鹽酥脆杏香菇＄30，這個杏鮑菇炸得超級酥香內裏還帶滿滿菌香，一口咬下外脆內Juicy確令嘴巴很享受呢！在我影完門面照返回坐位時好

因為太鍾意食酸菜魚啦，所以每次見到有酸菜魚嘅餐廳都會搵機會試一試，呢間係之前揸車經過朋友介紹話幾好食嘅酸菜魚。咁佢位置處上環，就於是約埋一個朋友lunch time去食，怕要等位所以12點就一早去食，佢個門口幾黑，不過入到去都好光猛、樓底好高。冇乜裝修，坐嘅位置都幾迫。除咗酸菜魚之外佢仲有其他中菜，咁叫咗個酸菜魚同埋服務員推薦嘅蜜汁骨，兩樣都唔錯，特別係個酸菜魚個湯底同出邊食嘅唔一樣，我估佢應該真係魚湯嚟嘅。

我用Openrice定了今晚3位7點，到了餐廳才知道今晚關門！完全冇通知，昨日還收confirmation email! 咁都得！地點已經唔係方便，到咗先知關門，真係一肚氣！

今晚6個人食飯，其中一枱叫咗酸菜魚，追加咗薯粉，有落單，冇上到。同侍應反映冇薯粉，佢居然反轉再反轉兜酸菜魚搵薯粉 😐 啲魚俾佢攪到爛咁濟，老年咁大條薯粉攪一兩下見到冇，就應該同客話「唔好意思，而家補返俾你」，唔需要一反再反啦下話？！阿侍應好似覺得我地呃佢咁，以中環餐廳嚟講，咁樣嘅服務態度真係非常之差。仲有追加嘅所謂酸菜魚最佳拍擋都冇上到🤷🏻‍♀️ fine! 唔會再嚟，亦都唔推薦俾任何人 🙅🏻‍♀️

First thing first, this place was very value-for-money given the portion (generous), the location (Sheung Wan), and who’s behind it (former Michelin chef from Eight in Macau and that’s just one of his many credible backgrounds).We ordered a cold starter, baby lotus roots, which was very appetizing if you were into vinegary things.The huamei plum sauce pork knuckles were falling off the bones and were thoroughly marinated.The highlight was the (healthier version) hot and sour fish soup with homem