影片
海鲜控不可错过！已经帮衬过蒸蒸日上四、五次。每次嘅水准都好好。冇得弹啊！简直有种想「抱拥这分钟」不停口品尝鲜味嘅感觉。同其他蒸海鲜嘅食肆有少少分别，蒸蒸日上系「私房菜」嘅形式。所以每一日嘅中午就一定要confirm究竟有几多位客人会到。因为晚餐嘅海鲜系当日晏昼先买嘅。所以食材十分新鲜。亦都因为佢哋只会买够预定客人数目嘅份量，如果多咗人去就会唔够食；少咗人去呢...你都要俾埋𠮶份钱㗎 (都公平啫)。以下系其中几样我最喜欢喺蒸蒸日上食嘅海鲜；佢叫做黑珍珠贝。唔系成日有。蒸起之后黑珍珠背肉里面会藏住一泡水。非常鲜甜。可能你会觉得赖尿虾冇乜特别。但系赖尿虾蒸起之后，店员会帮你起肉，食起上嚟一啲都唔麻烦。系炸芋头丸。系好香口，食落去外皮松脆里面软林林又唔太甜嘅甜品。如果有朋友生日，仲有特制嘅QQ公仔寿包添。
继续阅读
话说有朋友生日约出嚟食饭，想食海鲜又唔想去西贡呀同三圣啲咁远嘅地方，所以就揾咗间蒸海鲜嘅铺头食啦！咁呢间都系朋友揾出嚟book位嘅，信得过佢拣嘅食店！咁第一道类似蚬嘅东西，其实我都唔知系乜嘢嘅，食落就有海水咸味而且都鲜甜嘅！咁之后呢就到蒸大虾啦，啲虾够大只而且都好鲜甜，食埋虾头啲虾膏真系超级正！之后就蒸扇贝，不过佢就唔连壳上，呢个就冇乜特别啦！再嚟就系蒸贵妃蚌，味道都几鲜甜，上边有蒜蓉同埋粉丝加埋一齐食十分正！之后就系蒸东风螺加埋芋头南瓜同粟米，东风螺好鲜甜，而芋头南瓜同粟米亦都好好味！之后就系蒸龙趸啦，其实我平时就唔多食鱼嘅，不过见佢整出嚟都好靓咁，食左第一啖之后嚟咗觉得又真系几好食嘅，肉身都比较爽同有弹性！之后就到蒸蟹啦，只蟹本身都多膏嘅而且味道亦都鲜甜，食咗都觉得十分满足！不过就唔知点解要连埋啲猪皮一齐蒸，猪皮我就觉得麻麻啦！再嚟就有呢个蒸肉片粟米仔同埋菇，肉有得比你拣要牛肉定猪肉，咁我朋友就唔食牛肉嘅，所以我哋全部都要晒猪肉啦，猪肉味道都唔错新鲜而且唔会簿身！咁其实系蒸海鲜嘅底部系有个粥底喺度嘅，所有海鲜啊肉加菜蒸完之后啲精华呢就流晒落个粥底度，所以最尾食埋个粥底系超级正嘅！咁因为其实我哋多人食啦，系有两个蒸锅嘅，所以都有返两个粥底唔同味道嘅！食完呢个之后呢，佢就上埋个炸地瓜比我哋，咁食落同台湾果款我觉得差唔多味嘅，都OK唔错！咁最后呢其实有个惊喜嘅，如果食饭𠮶时入面有人生日嘅话，预早定位𠮶时讲定，系有一啲好得意嘅蒸包送我哋嘅！
继续阅读
今日好难得约了大女幼稚园同学的妈妈食团年饭，今次又是去「蒸蒸日上」，食蒸海鲜 🐟🦐🦀！ 菜单好简单，大约分$330、$430、$530，当然价钱越贵，食材都越矜贵！我地就通常食$430的一款，但其实季节唔同，每次食材都有少少分别！ 澳洲蓝青口，好鲜甜，仲带少少海水味！ 海虾都好鲜甜。 BB象拔蚌，咁多款之中我最钟意，好鲜味！ 圣子皇 鲍鱼 游水海班，平时我麻麻地鱼，但连我都觉得好正！ 蔬菜，粟米甜，芋头粉，南瓜甜。 海蟹、黑松露墨鱼丸，海蟹都好新鲜。 手切牛小扒蒸得刚熟，好正！ 蒸鸡好滑！ 最后碗鸡粥真是好好味！ 连甜品脆皮紫心丸都好好味！ 难得每次去水准都一样好，海鲜每次都好新鲜，而且价钱是set定，唔怕食海鲜时价比人当海鲜咁「㓥」！
继续阅读
我个日同朋友上左蒸蒸日上第一次试呢间餐厅🤤🤤🤤有惊喜！！！我食左好多海鲜，全部都好鲜，我地食左🦀🐟🦐好好味呀！佢地呢间个时间较得岩岩好！啲鲍鱼完全唔un, 食左好多旧ahah!!!!（唔会好似某啲咁唔理我地）除左食物，餐厅既环境都令我地觉得好舒服，完全唔觉得好逼（我觉得kiu脚坐都仲好够位）！呢到2个人来又得，超多人来都得！坐位好flexible! 佢地仲有间房嫁食海鲜当然要有酒，呢到有好多拣，我地都饮左好多呀重点系放工过来超级方便仲有要一提，呢间餐厅老板娘好有heart 嫁！佢会推介啲野比你，有咩够鲜叫左实无甩拖🤤🤤🤤下次同朋友一定会带再想呢间食！总分十个星满分
继续阅读