蒸品

試過菜肉包、鍋貼、蔥花卷、饅頭、蔥油餅，蔥油餅太油，其他都唔錯。我frd鍾意鍋貼，仲帶埋朋友過去買。見到有人評論話唔熟，其實可以同老闆講。間鋪頭已經開左咁耐，都多人幫襯。…查看更多

唔洗講咁多，呢到Ｄ菜肉包係唔熟既，一打開就見到生勾勾既粉紅色，好彩我咬落去果陣ＦＥＥＬ到口感怪怪地，做咩咬唔斷既，望一望先發現到原來未熟，係成件都係生勾勾既粉紅色附近有兩間學校，周不時都見到有Ｄ學生哥係呢到買黎食，比佢地食左都唔知點算，如果係中學生都還好，小學生既話就真係好大鑊其實呢間野都唔係第一次架啦，好多時係到買包都會見到未熟，特別係朝早多人買的時段，應該係因為佢地為左出貨快而冇理Ｄ包蒸左幾耐咁既鋪頭真係執左佢好過啦，寧願貴少少去後面包點先生買，起碼連鎖店有保證！…查看更多

每月一次早上任務前，都會幫襯佢各款包點，大大個、熱辣辣、無花巧、價親民，佢仲有點心同飯賣，好多選擇tim~每月每次我都是係點蔥花卷蔥花卷從熱櫃內取出軟綿綿、少少鹹蔥同火腿粒粒嘅鹹香，為清清哋嘅包帶來更突出的鹹香中間都包有蔥粒同火腿粒，有蔥油香，寡得嚟又有D料比你過吓口癮啲料平均分布啖啖有料到睇相好似唔係好大個，但比起連鎖空氣包，呢個更有質感、吃完是有實在感同存在感的隔離近月開了包X先生，價錢較貴繼續支持樸實小店…查看更多

今朝早起身，平時唔食早餐既我，突然有少少肚餓。落左樓下準備要返工，見到一間野排長龍買早餐，我又去八掛下。價錢都幾平，同埋見到佢係即時包，即時蒸，即時有得食。咁新鮮，一定要試試。生煎菜肉包，一個$5蚊，仲好大個！$10蚊3隻煎餃，都幾抵。仲可以叫埋蒸飯，蘿蔔糕，薄餐，點心，叉燒包，炒面，炒米粉，馬拉糕...不過要早少少去，一遲左去就多人。同埋好快比人買哂，要等好耐先有新出爐，等我聽日早少少起身，試埋其他早餐先！…查看更多

5月初一早出去大角咀做嘢天氣只是23度，早上工作最想整個熱辣辣蒸包醒神吓「蒸點」似是街坊小店，餐牌款式甚多除了主打的包點和點心外，亦有焗飯同咖哩飯，價錢仲要只是$2x......真係估佢唔到蒸包放在蒸櫃內，有order就從櫃內取出給客人每個包都蒸得脹卜卜，大大個，熱辣辣啱晒又濕又凍嘅morning吃點了蔥花卷 （$6）貪佢清清地，有啲蔥，又有少少鹹香偶爾咬到火腿粒，更覺鹹鮮和味卷卷層次分明每層都有蔥，所以吃每一啖都有味，唔係只是饅頭麵粉味賣相討好，少少嘅蔥油係呢個花卷嘅靈魂啱晒早上食，唔heavy，又有味支持街坊小店…查看更多

早餐家裡通常沒東西吃，唯有在街邊解決。😔蒸日有$4.5一個的菜肉包或香菇雞包，我選了後者，味道不錯，還是熱的，冬天食簡直是一流！👍🏻😋雞肉很滑，硬度適中，非常好！😍…查看更多

這店買的食物多數能拿來當早餐。沒有堂食，只能買走。有蘿蔔糕，香菇雞包，餃子，白菜豬肉包。全部都放在蒸櫃裡，有兩個店員負責賣。特別推介蘿蔔糕，味道不錯，不會太粉，也不會太油。…查看更多

一早諗緊食咩早餐，行過見到有間中式麵包舖，就決定試下，由於太多選擇，我見到有剛剛煎好既鍋貼，我最終決定買鍋貼同至愛既鵪春蛋燒賣，二十蚊兩樣野大件又抵食，！味道ok，鍋貼見住佢地即煎，好新鮮熱騰騰既鍋貼，鵪春蛋燒賣好大粒入面有豬肉同冬姑，下次試下食菜肉包同奶皇包。…查看更多

在附近上堂，想吃點省錢的，便去新開張的「蒸品」買個包 店舖內自設廚房，所以常常有新鮮的包點出爐。人來人往，買包的客人絡繹不絕。買了兩個，分別是奶皇包和生煎椰菜豬肉包，size 比掌心還要大 奶皇包非常鬆軟，可能吃慣流沙包，所以覺得奶皇包的味道不夠濃。生煎椰菜豬肉包，餡料不錯，椰菜爽口，肉汁多到漏出來。不知是否翻煎，包的底部已經焦黑了 :(大部分包點的定價為 $3~$4，確是便宜划算。看到不少客人外賣盅頭飯，相信水準不俗。…查看更多