蒲頭島 (已結業)

認真價錢一般般，偏貴啦，但環境幾好，裝修得幾靚，地方夠大，人偏多，嘢食選擇唔算話好多，但都OK啦，海鮮都夠新鮮，有得打邊爐有得韓燒算係咁，其餘啲肉都夠新鮮夠靚，大致上都可以嘅☺️…查看更多

我來了幾次$218海鮮抵食有龍蝦，牛肉好食加人蔘雞湯底一流，格局好，我平時食間都沒有這間好食，又方便訂檯，過年都帶母親來食，而且仲喜愛食這間軟雪糕都好好味，2人平均$250，長者仲平$50…查看更多

之前見到依間野嘅時候都有啲心動想試，但最後都冇試，始終太新，想等佢穩定啲先再試。今日終於試左，但有啲後悔依度嘅裝修佈置都ok嘅，坐位都算闊同舒服。服務都唔差，幾好！但食物質素就見仁見智啦，我就覺得麻麻啦，海鮮唔靚，得隻鮑魚叫新鮮啲，其他就好差，啲蝦最唔新鮮，蝦肉霉霉地，蜆就大部份都有沙，象拔蚌呢......不願置評但最差嘅就係通風系統了，韓燒同鐵板燒啲油煙完完全全困左個地牢到，跟本唔太抽到上地面，冷氣又唔多夠，焗到一個點跟本唔值佢個價錢:(…查看更多

見到Facebook宣傳得咁行去試下，話大圍新開張，Set HKD328變HKD164原來要早一日book先有，walk-in喺無😅算...用正價都5緊要，等位嘅時候望就好正好香，點知到自己嘅時候...d海鮮好多沙，又5多新鮮...自助區可以揀嘅種類又5太多，唯獨職員嘅態度喺幾好抵讚之外，野食真喺全部都5喺幾得通風都5好，愈坐愈熱好似焗sauna😩😩全場視野都好濛...飲品選擇都5多，橙汁好似橙粉咁嘅味😭😭我5想浪費，但真喺好難飲!!…查看更多

要食250蚊個plan 有得邊爐 又有得網燒 仲有海鮮併盤送再加50 啤酒任飲 我地4個人任左4渣 咩都抵返晒野食方面算係咁，一般既野都有，係唔習慣落單既方式，要電話落單，不過效率又幾好，另外有小食可以自己出去攞，我幾中意個雪糕機，朱古力味唔錯。服務方便幾好，定時會過黎幫你換石紙…查看更多

食評如下:有日同朋友講起想食火鍋，又想食燒烤，於是介紹了一間在屯門區新開的火鍋/燒烤放題店 - 蒲頭島。朋友之前食過大讚。蒲頭島餐廳雖位於地庫，但地方都幾寬敞， 而且有燒烤與火鍋同時進行，讓我們這種有選擇困難症的人來講是個不錯的選擇。而食物質素也頗高， 只需花費多一點就可以有海鮮拼盤， 內有龍蝦、大蝦、帶子、鮑魚等； 牛肉質素也不差，而且有多款類別選擇；還有配料乾淨衛生，一小一小碟排好放在雪柜內整齊有序，補貨快不需等候。飲品選擇也多，必有一款合適自己。他們落單的方法亦十分先進，用QR code 落單，而且可以幾個人一齊同時落單，快捷有效，不會漏單。總結：對於蒲頭島的價錢與食物質素， 我們食得十分滿意，但去之前記得訂位。…查看更多

第一次黎食💁🏼‍♂️見有d肚餓又未到晚飯時間就黎左呢到簡左個98蚊任食自助火鍋🍲諗住平平地d野食都係普普通通。但令我最驚訝既係竟然有龍蝦海鮮湯好鮮甜唔似係雪藏海鮮真係一隻隻既大龍蝦所以都覺得呢個價食到呢種質素既野真係好吸引今日黎食都見到好多人 好早已經坐滿哂不過見樓面店員得好小得個3個跑全場好忙咁有野唔明佢地都會好有禮貌解釋得詳細而唔會係敷衍答幾句了事 P.S好心老板請多幾個人真係值得一讚不過有樣唔好既係有小小大煙。因為佢呢到有火鍋加埋燒烤同時進行下次黎呢到一定會試下見到隔離枱又燒又火鍋咁都幾過癮…查看更多

同家人慶祝生日，滿心歡喜黎到呢間餐廳，預早訂了位，晚上8：00到達，店員要求選定套餐，才可進入，有不同價錢的套餐。原先以為有女士半價，但原來是三位女士先有半價，同行兩女三男當然無啦。話生日，會有牛肉生日蛋糕，又話無貨！龍蝦 鮑魚海鮮餐又話無！要食燒烤火鍋餐，就只有268元的餐 ，店員話有少量海鮮包括 白鱔片，生蠔等... 最後揀咗268的餐。 家人便進入餐廳，當時我還未坐下，返轉頭同店員講，想改變主意吾燒烤剩火鍋，店員竟然話，已經點了餐就不能改的，（吓，吾係呀！剛剛點，即時改餐都吾得！）唉！因為家人已坐下，不想爭拗，唯有坐下。餐廳內環境昏暗光線不足，點餐用QRcode， 只可用一部電話落單。自助區熟食只有幾款，火鍋食物亦不多，有罐裝飲品，甜品只有朱古力軟雪糕，一款類似雪耳糖水（因沒有食）。落單後，食物陸續送上，所謂的指定套餐燒烤拼盤，令人失望，只有五隻吾新鮮扇貝，5隻手指公size 的墨魚仔，五條蟹柳，五粒丸，五串煙肉金菇卷，5件金沙骨，原先話有的白鱔片生蠔呢？搵返先前店員詢問，話無貨，（剛才入黎時話明有的:(！！）店員無法解釋下索性走開,（太過份了）再搵另一位店員問，店員最後取出5隻迷你生蠔及5隻大蝦（先前又話無貨:(）這樣的食材，每人加多$100的燒烤拼盤，實在不值（吾燒烤剩火鍋$168巳經任食）所以加錢燒烤，已經中伏了！！任食的火鍋食材，都是一般，湯底很鹹，食時不停要飲汽水。不會再來！！…查看更多

第☝️次黎蒲頭島食 環境氣氛同埋服務真係值得一讚同埋性價比都唔錯比預期中既好😼今日簡左個2号餐食黑門市場燒烤有埋火鍋個芝士菇真係唔錯 燒到啲芝士溶哂之後店員仲會好貼心幫你拎火槍燒芝士面真係好正呢下次一定帶埋一班朋友仔黎呢到食呀不過就大煙左小小 希望下次黎既時候見到有改善PS發現呢到服務都幾貼心 食食下野突然響起生日歌見到店員拎住牛肉蛋糕出黎送到客人面前 見到都覺得窩心👍🏻👍🏻👍🏻生日一定簡呢間…查看更多

好幾年前搬咗去九龍之後，就好耐冇返入屯門。最近機緣巧合，我又變返屯門之友啦。其實我係幾鍾意屯門，因為有好多我嘅學生都變成我嘅朋友，而佢哋都係住屯門架！今次同兩個俊男學生聚舊，佢哋帶左我嚟呢間可以燒烤同埋打邊爐，仲可以加錢啤啤佢嘅餐廳我哋揀左海鮮任食package 因爲燒海鮮係好能夠保持到海鮮嘅鮮味！今次每人有一隻龍蝦，鮑魚，大蜆等！好好味啊其他嘅熟食我比較喜歡嘅係串燒，打邊爐呢，就梗係非肥牛莫屬啦！另外可以加錢任飲啤酒呢個安排，亦都令我嘅幸福感大增…查看更多

今日4/4/2019， 打算嚟蒲頭島食火鍋+網燒，原自因為較早前喺報紙睇到， 有開業半價優惠 又有女士之夜活動優惠 所以whatsapp查詢一下價錢 點知話要三位以上嘅女士，先可以有半價優惠 咁我地兩男兩女， 所以用唔到呢個半價， 咁我就諗住預約卜枱食9點要套餐先， 龍蝦或膏蟹海鮮網燒 加任點任食火鍋放題及自助餐區所有食品及飲品，價錢$218 要九點後入座 點知佢對方回覆話九點後 係冇得預約留位只可以留餐不留座 所以我就諗留餐但到時去到，冇位咁留嚟都冇用，就無留到， 點知我今日呢到九點，佢就話冇C2餐, 龍蝦或蟹膏海鮮網燒點,知佢仲話介紹278 套餐畀我,話裏面有少少海鮮,但價錢貴咗好多 又唔係我鍾意食嘅嘢 所以我冇揀到 只係要咗套餐B, 任點任食火鍋放題加自助餐區所有美食及飲品, 佢話價錢係 178 九點半入座就148 （呢個價係喺現場個餐牌睇到嘅）（但報紙上就$138 九點鐘可以入座,當時無諗起）所以就 同佢講報紙上話九點可以入座， 咁佢就計返我哋148一位 9點畀我哋入座。 原來價錢都有咁大出入 搞到我都知有啲㷫㷫地 大家真係要小心啲留意價錢同時間。呢間野係用QRcode 點單叫野食嘅， 仲要只能用一部電話點單，真係好麻煩:(（只係2小時任食）, 我就要咗一個沙嗲湯底， 佢話如果要鴛鴦湯底就要另加48蚊， 所以我就唔加錢，諗住食完呢餐就算唔會再嚟， 同埋佢啲嘢食好唔得，冇樣嘢我能夠讚好食， 眼見到啲嘢食都好乾淨， 呢樣就幾抵讚。呢度地方係好大嘅有幾十張枱 四人枱 六人檯 八至十人枱都有， 但有一樣嘢唔好，就係通風系統唔掂，我見啲人一邊火鍋一邊網燒啲煙多到不得了，散唔到。我哋叫咗蒲頭島牛拼盤牛肩胛雪花肥牛粒牛脷 豚肉丸 牛丸 一口帆立貝 鮮墨魚丸 韮菜餃 粟米豚肉餃蟹柳棒 雲吞水餃 田雞腿先或雞件五花豚肉有啲其他食物可以去食物凍櫃度自取芝士腸仔午餐肉 鮮支竹南瓜 豆腐 粟米 蘿蔔 鮮冬菇 芋絲 廚師腸 蟹柳 生菜 娃娃菜。。。其實較早前喺whatsapp已經問咗，九點後入座係唔限兩小時食嘅，點知我哋食到將近兩個鐘佢就話畀我哋聽淨番15分鐘食，你話激唔激死你 咁嘅情況你話你仲會唔會幫襯總，之我就冇下次。 食物水準低， 我諗好多酒樓百蚊火鍋任食仲好過呢度， 熟食區啲嘢食少到爆， 真係不提也吧。…查看更多

今日又同仔女一齊嚟 烚下烚下，當然,今次都唔會放過100個字就會有 95 折嘅優惠啦。。。95折呀, 100蚊就即係五蚊，200蚊就即係十蚊, 300蚊就即係15蚊, 400蚊就即係20蚊, 五百蚊就即係等於25蚊, 所以為咗平25蚊，我決定再次發輝小宇宙， 再嘗試寫一下。。。 上次講左 一鍋堂, 今以就用荃灣嘅大鍋口嚟作對比， 嗰度長期都要排隊， 而且食材方便呢間位於屯門中旅社旁的（3浦） 的確在食材方便更是有過之而無不及 食材新鮮 ，我今次終於食到個海鮮餐嘞，啲蝦同埋鮑魚都幾大隻，仲有 龍蝦， 生蠔加埋大蜆， 今次 我都係選擇咗用打邊爐嘅方式來食佢哋下次會再試埋用 路邊燒嘅方式再食多佢一次，再食佢隻鮑魚，剝佢隻大蝦。。。 總括嚟講 今次都非常滿意， 已經係第三次返食了 😂…查看更多

我從來都唔寫食評,因為覺得唔掂就唔再幫襯,但係今次我真係忍唔住啦!樓上個個都講到咁勁得3個話唔掂,都係我太天真本身訂左8:00pm枱,7:50pm去到時見仲有枱就問早到可唔可以？侍應哥哥冇答我,但前面仲有幾個人要佢帶位,所以我就攞起餐牌望住先,佢返黎就問我揀邊個set,我同男友決定C2(海鮮打邊爐加網燒或鐵板燒)一心想鐵板燒佢話得網燒得大埔分店先有(佢餐牌又有喎)算...照食,坐底入QR code先發現大部份網燒食品售罄,咁我地叫呢個set有乜意義？？問佢可唔可以轉,又話唔比轉,因為已經入左單,我地兩個O晒咀即係要焗食｡所謂海鮮有1隻龍蝦,大蝦,花甲,大蜆,鮑魚,蠔各2隻,除左大蝦,全部鹹到腎炎,唔係海水味,係鹽水浸咗三日三夜一樣, 入晒落啲肉裏面,結果冇食過,打邊爐同樓上講既一樣,呢餐飯食到勁冇癮,希望我分享左自己既經歷,大家唔好再中伏｡｡｡｡｡｡…查看更多

今晚黎左試下係屯門呢間蒲頭島，係食火鍋放題同可以網燒既，不過今晚因為黎到冇晒龍蝦lu ，不過就咁食火鍋價錢都幾抵食，另每位加15蚊就有任食廣島蠔，醬汁料又多選擇，仲有其他熟食，D野食都幾新鮮又多款食物。仲有湯底都好濃郁。…查看更多

之前去咗好多次，仲贊口不絶過，已經一段時間無去，見今日涷涷哋，去食下啦，去到點知原來價錢+優惠價嘅時間，任飲任食都改變咗。心諗人哋生意旺咗，想賺多一啲我都恭喜佢。但係我唔會再去，因為已經唔低食。…查看更多