蒲羅

营业中

休息中

週六原本諗住，簡簡單單叫個外賣食，左揀右揀，見呢間未試過就叫黎試一試啦，仲係叫咗，好穩陣嘅海南雞飯。點知....個海南雞飯餐，送到嚟，個湯蓋都未冚好，倒曬啲湯出嚟。嗰啲海南雞，食落去一啲味道都冇（唔係雞無雞味，嗰啲廢話，而係瞇埋眼你根本唔知係食緊肉），肉又柴。蟲草花湯，係用味精粉開出嚟，啲粉仲未化曬，你可以幻想下一碗麵豉湯就放幾條蟲草返落去。連個油飯都係乾爭爭冇味嘅。真係未試過食一個海南雞飯係每一樣都唔掂。最好飲竟然然係我杯凍檸茶走甜。真係好失敗，好失敗。希望餐廳管理人員可以見到我嘅留言，如果唔係就唯有希望你地喺呢個競爭環境中淘汰走吧啦。

今日去到將軍澳搵食，呢道平民區啲野都唔會好貴，適合一般平民老百姓，今次呢間餐廳都非常親民，價錢都比較相宜。首先我地叫左個小食，斑斕咖吔多士，中間厚厚一片牛油，配咪斑斕醬真係口感非常豐富，麵包脆，中間滑。係我既至愛。主食方面我地就叫左兩個自由選A+B+C。第一個套餐就選左順化香茅豬扒配檬粉，豬扒炸到黃金色，分開上，香脆可口。檬粉又好有口感，非常彈牙。跟餐小食就選左星加坡鹹蛋黃魚皮，鹹蛋味好出，魚皮非常脆口，非常新鮮，大大塊十分滿足。另一個主食就點左馬拉咖喱豬頸肉配米飯，咖哩撈飯係非常野味，一啲都唔辣，甜甜地非常好味。豬頸肉好香，味道好，值得一試。隨餐小食就點左順化香茅雞翼兩隻，外脆內軟，味道岩岩好。最後飲品方面就選左薄荷青檸梳打同咪桂圓紅棗茶熱飲。兩款口味都各有千秋，兩款都唔錯，值得一試。

好耐之前已經知道哩間餐廳，成日以為佢係又貴又食唔飽嘅餐廳，一直都無去試。原來係我誤會咗佢，係好抵食!!餐廳係食新加坡菜，但係上網睇食評嘅時候，大家都話佢係越南菜。原來有個餐牌係做越南菜套餐，一個主食、一個小食、一杯飲品，都只係$8x。而且無加一，飲品冷熱同價，好抵。順化湯檬 (檬粉) ($88)配料有牛丸、牛展、扎肉、扎蹄。湯底微辣，好惹味。份量算大，啲配料每款有兩、三件，食極都有。香葉烤雞扒喇沙摻摻 ($86)雞扒厚身大大件，煎得好香。肉質好滑好嫩，亦唔多肥膏。佢係喇沙摻摻，所以有油麵同米粉。湯底同樣係微辣，唔錯。新加坡咸蛋黃魚皮街頭雞肉串燒跟餐配埋小食，我哋叫咗兩個餐，可以揀兩款✌🏻咸蛋黃魚皮好似新加坡嗰隻😂始終咸蛋黃就油啲，食落成口嘅感覺，但味道係好食。雞肉串燒有兩串，燒得香口，肉質同樣好嫩。薄荷青檸梳打凍馬來手工拉茶兩個麵嘅湯底都係微辣，揀咗兩杯凍飲。甜甜哋，好岩解辣🌶️食物味道唔錯，份量好夠。而且價錢平，套餐有小食、主食、飲品。又無加一，一個人一百蚊有找，絕對係平、靚、正晚餐首選。職員好有禮貌，服務好好。有一個食客睇咗好耐menu都決定唔到食咩😂，但係職員都無催佢。推薦👍🏻

今日午後和朋友到了將軍澳寶琳運亨路新都城中心一期揾食，看見地下有一間名叫“蒲羅”主打地道東南亞菜的餐廳。門外擺放了兩個banner，正在推廣越南美食套餐，選擇亦多，都頗為吸引，於是就進入店內一嚐這間餐廳的美食。這裏地方雖然不算大，但坐得都頗為舒服，且光線充足。我揀了越式烤豬頸肉配撈檬+熱檸檬水套餐 （可轉配米飯） $58豬頸肉上蓋滿了炸蒜片、花生碎和葱粒，底層是蔬菜絲。豬頸肉醃得非常入味，不覺肥膩，外脆內軟，咬落還有微微的肉汁流進口腔裏，再連同炸蒜片、花生碎和葱粒一齊食，層次感十足，提升了豬頸肉的香味。蔬菜絲感覺鮮嫩爽脆，檬粉不太冧也不太靱，恰到好處，再淋上少許甜甜酸酸的醬汁，令人胃口大開，感覺清新。

睇完戲，經過呢間舖頭，發現有套餐食，主食、小食及飲品，十分抵食，款式多，環境又優雅，食物都好好食。無骨海南雞配油香飯:嫩滑的雞肉，無骨方便進食，又啖啖肉，正！搭配特製的醬油和辣椒漿，加埋粒粒分明好香嘅油香飯，非常美味！正宗巴生肉骨茶配油香飯:肉骨茶湯底香濃，豬骨好大嚿，配埋香脆可口嘅油炸鬼食，口感一流！順化香茅雞翼: 雞翼炸後，外皮酥脆，肉質鮮嫩，令人想一食再食。蝦頭膏生菜: 用蝦頭濃厚醬汁搭配新鮮的生菜，口感清新。

行完商場後，該區餐廳有很多款式揀，但見這餐廳裝修優雅，食物也很吸引，所以入去一試，食後發現食物十分好食，下次會再試其他食品。1. **越式綜合牛肉湯粉**： - 雖然這道菜是越南的經典，但在新加坡的越南餐廳中也經常可以找到。牛肉香濃，湯底清爽，味道鮮美。2. **順化香茅豬扒配米飯**： - 香茅豬扒通常用香茅、蒜和其他香料醃製，然後煎至金黃，搭配白米飯，風味獨特。3. **新加坡咸蛋黃魚皮**： - 魚皮經過炸製，裹上鹹蛋黃，外酥內脆，是新加坡獨特的小吃之一，常用來搭配飲料。4. **街頭雞肉串燒**： - 在新加坡的街頭小吃文化中，雞肉串燒是一道必不可少的美食，用醃製的雞肉串在烤架上燒烤，外焦裡嫩。

- 喇沙好- 其他食物味道ok- 食評要考慮埋價錢的，有咩可能把$70的晚餐套餐，有主食，小食，凍飲，同人地百幾二百元一餐比較？- 坊間而家用QR code 落單都敢收人加一。呢度人手落單都不收加一- 屋企人打瀉凍飲，職員馬上安排換位，清潔，仲送返杯凍飲，120分服務- 邊有人食飯會寫200字？除非係打手

蒲羅將軍澳寶琳運亨路1號新都城中心一期G樓G13-G15號舖味道評分:☄️(必食之選)>☀️>🌤>⛅️>💨☄️自由選A+B+C A: ☀️無骨海南雞配油香飯 $86 (轉脾+$10)雞肉嫩滑，各自配上三款醬汁，甜鹹辣都有！配搭油香飯食開心🥳B: ☄️新加坡鹹蛋黃魚皮魚皮嘅表面充滿鹹蛋黃醬同鹹蛋黃碎，食落超邪惡，新鮮炸起脆卜卜食到停唔到口🙈C: ☀️南洋白咖啡每個餐都跟一杯嘢飲，抵食！A: ☄️越式綜合牛肉湯粉 $90［生牛肉、牛肉丸，牛展］生牛肉的份量好多，食落都好出色，口感嫩滑，牛肉丸嘅牛味都非常出，好食！湯底味道咸度適中，整體配合得好舒服👍🏻B: ☀️街頭雞肉串燒(2件)配搭沙嗲醬食用，鹹鹹甜甜咁好食！C: ☀️鹹桔水咁啱嗰日喉嚨唔舒服，飲佢好適合😎好飲又養聲~

「蒲羅」而家新出左套餐A+B+C 平均每一個餐都係$86起，食品質素好好😋😋，仲要不收加一服務費，所有職員服務態度都非常好👍👍，店舖乾淨。地點位置在商場內，又近寶琳地鐵站👍👍。

將軍澳新都城商場內有多間食店，今日好隨意地走進了一間叫《浦羅》。呢度主打星加坡菜，裝潢黃綠色為主調，有星加坡渡假 feel. 一般下午茶都是$50 -$60， 相當抵食。下午2時開售，今次來叫左:✨️《檳城排骨山配米飯》 $522塊手掌咁大塊的排骨和有一小碗飯，都係幾十元，真係超级抵。排骨上有青檸蓉、芫荽、紅辣椒，酸酸辣辣嘅味道，好味到容化了我嘅心靈。✨️《河內生牛肉湯粉~檬粉》$48共三、四片牛肉，肉質鮮嫩，配合香葱、洋蔥、香葉一起吃非常香口。✨️《桂圓紅棗茶》跟餐$0內有玫瑰花'、菊花、紅棗、龍眼，只是一杯熱都有咁多樣材料，真是非常用心裝作，飲落順口舒服。✨️《凍檸檬茶》跟餐$3檸檬新鲜，味道正常發揮。

放工返到屋企樓下去到新都城一期地下見到有間叫蒲羅嘅餐廳係食新加坡菜的望下個餐牌又啱食就入去食個early dinner 啦🍽️餐廳六點就會供應晚餐佢有個自由選A + B + C 嘅組合好特別👍🏻一你餐有哂主菜小食餐飲今晚就試吓呢個啦✨越式綜合牛肉湯粉🐮🍜內有生牛肉，牛𦟌，牛肉丸🥩🧆擺款好靚有好多䓤，洋蔥同埋炸蒜襯托🧅🥒重點係可以見到仲未熟透嘅生牛肉湯底好熱，所以都肯定真係生牛肉放上麵上出落前先淋湯上去就能夠做到半生熟嘅牛肉👍🏻👍🏻食落有牛味，應該係牛板腱唔會全部肥膏而牛肉好慷慨地有四塊🤟🏻牛𦟌有三塊每塊都食到好重牛肉牛筋味道而且唔係一咬就散，好firm 的👍🏻牛丸反而有驚喜🥳望落以為係普通牛丸食落原來係重牛味嘅牛筋丸呢個舉動令成碗麵加好多分👍🏻👍🏻食越式粉麵最鐘意將麵同埋洋蔥肉湯一齊食🧅🍜✨街頭雞肉串燒🍢🍖一上菜就聞到好香嘅炭燒香味雞肉串全部都係肉唔會得皮或肥膏而且配埋跟碟上嘅XO 醬食落好惹味✨南洋白咖啡☕️🧊要求走甜真係有做到咖啡內有濃嘅榛子味🌰加埋咖啡嘅味道，好襯餐廳侍應態度好好👍🏻對食客嘅要求都有求必應餐廳仲少有地全日免加一餐廳環境整潔企理會繼續幫襯🥳

今天午餐第一次嘗試寶琳新都城這間星加玻菜，好好彩入到去即刻有位，唔使等 我哋叫咗兩份午市套餐和一份咖央多士咖央多士上菜時溫度夠晒熱，牛油是溶化的，雖然邪惡但非常滿足牛丸清湯河：佢哋嘅牛丸細細粒，不過有八粒咁多，都有少少彈牙，味道不錯豬頸肉喇沙滲滲：喇沙湯底少少辣，但味道唔算濃郁，豬頸肉燒得有啲偏乾/ 硬，需要咀嚼較耐，麵和其他配菜則算正常發揮這兩個午市套餐還包括免費熱飲，我們選擇了馬來手工拉茶和咖啡，唔使加一，全部加埋都係$122 ，性價比好高，是月尾開餐的好選擇

將軍澳呢間餐廳主打星加坡菜式下午茶時段套餐． 超抵食仲要全日免加一服務費吸引不少附近街坊✨無骨海南雞 配 油香飯海南雞無骨啖啖肉配上三種不同口味嘅醬汁令嫩滑嘅雞肉更惹味✨順化湯檬四種不同配料帶點微辣嘅湯底味道香濃✨越式烤豬頸肉豬頸肉烤得香口肉質爽彈．係必點嘅小食✨酸辣無骨鳳爪口感爽脆嘅鳳爪帶點酸酸辣辣嘅味道開胃又好味✨椰汁紅豆冰椰汁製成嘅冰沙加入粒粒軟腍嘅紅豆味道唔會太甜．冰涼又消暑✨馬來手工拉茶加多杯必飲嘅手工拉茶茶底香濃．口感順滑

先下結論：份量很足但好難吃兩人都選擇了A+B+C🌟香葉雞扒摻摻+雞爪+馬來拉茶摻摻的湯非常難喝，濃但沒什麼味道，粉面兩摻有點硬湊合，豆角夾生，雞扒好吃的，雞爪是全場最佳，拉茶也是淡到無味🌟順化撈檬+蝦頭膏生菜+蘇打蝦頭膏跟稀釋了一樣，生菜還不錯價格是正常水平，但是真的不知道自己吃了些什麼…環境和食物拍照出來又是好看的。本來期待就放得蠻低，只要是普通的晚飯就行，沒想到是可以低過預期，不會來第二次了

今日一個人係屋企就去咗屋企附近嘅蒲羅食下午茶平時都冇留意到蒲羅啲下午茶餐都幾抵食有飯有麵揀送埋嘢飲都係四五十蚊到可惜今日晏晝我食咗個比較豐富嘅午餐到下午茶時間又未算真係太肚餓所以我只係叫咗我最鍾意食嘅小食嚟食咖央多士：外層香脆入面啲咖央醬加牛油真係非常之香炸蝦餅：蝦餅炸得香脆得嚟唔會覺好油膩而且蝦餅非常彈牙點埋泰式酸辣醬一齊食正👍🏻嘢飲我就叫咗紅豆冰紅豆唔會太甜 甜度啱啱好其實得閒咁樣一個人悠閑地嘆返個下午茶食晒自己想食嘅嘢都咪話唔爽！