蒲公英和牛專門店

营业中

休息中

今日LUNCH 又黎到觀塘駱駝漆覓食，不過由於該大廈好多電梯在維修， 所以好多人等𨋢，所以就選擇低層餐廳， 哩間蒲公英和牛專門店， 係一樓， 聽名以為食和牛。 實際食餃子為主， 佢既餃子隻數選擇 為 7 / 10/ 12隻。 今次我揀左12隻韭菜煎餃， 朋友叫左3款8隻薄皮水餃 (鮮蝦白菜餃, 栗米餃, 芫茜馬蹄豚肉餃)哩個餐廳水餃有得揀 薄皮 定厚皮 比客人多個選擇佢D餃子整體都唔錯， 好食，多汁，餡料都夠。 不過價錢略為貴少少， 12隻韭菜煎餃 $62蚊。 加埋罐汽水埋單 $70。 LUNCH 黎講算較高... 間唔中一次半次都可以。 多就唔算好實惠了.......佢另外仲有生餃可以比大家買返屋企煮

好耐之前發掘咗呢間餐廳，疫情之後突然之間好多人講起好多人推介呢間，不過咁啱都係non peak時間去，所以唔使排隊等位。餐廳姐姐依然都係咁友善，有禮貌今次嗌咗西洋菜同埋白菜，覺得西洋菜都一般般，白菜厚皮真係最鍾意鋪頭入面仲有其他急凍肉類可以order, 仲免加功費又有折

經開觀塘，突然好想食餃子，見呢間正評都幾多，同埋餃子100%用日本黑豚肉整成，所以決定試一試！店內有約7款餃子味道選擇，可選生煎或水煮；亦提供2款套餐。今次㨂左套餐A，有餃子6隻 + 牛舌/豬扒/豬肋條/劍魚腩 + 支裝飲品 $68*水煮西洋菜餃：菜及肉比例平均，肉味較普通餃子濃厚，而且好多汁，餃皮又唔厚，幾好味！*香煎牛舌：牛舌味道正常，但部分牛舌有筋，有啲難咬，都算多汁。美中不足，食完覺得有啲口渴，可能味精落得較多！

蒲公英和牛專門店位於觀塘工廈中，雖然店名叫和牛專門店 , 但其實店內還有餃子堂食!!雖然價錢非常親民，但餃子皮非常講究，厚皮及薄皮任君選擇，厚皮稍微有嚼勁微微煙韌，薄皮則嫩滑順口。餃子份量都好貼心，可以選12隻或15隻唔怕食剩浪費!鹿兒島黑豚肉白菜餃+韮菜餃 (15粒)餃子簡簡單單沒有很多口味的選擇但勝在很有家的味道，選擇了薄皮的餃子 , 餃身皮薄滑溜 , 透視餃餡 , 餡唔算澎湃 , 一口份量 , 但粒粒都充滿肉汁，肉餡鮮嫩 , 肉味唔重 , 韮菜餃比較濃味所以比白菜餃較討我歡心店員建議先試原味 , 唔好沾醬 , 單食原汁原味 , 然後試加麻醬、豆瓣醬～辣度唔高 但好香蒜味～

睇完食評過尼食，見大家話唔差就尼左。點知去到 叫左個烏冬餐 等左十五分鐘，再叫左煎餃 等左十五分鐘以上先到……………..鋪頭承諾煎餃八分鐘內到，等左前後三十分鐘先到，講緊係非繁忙時間。老實講，餃子同惠康食開既真係無乜分別🙌🏻

蒲公英和牛專門店位於觀塘工廈中，除左火鍋配料仲有餃子堂食!!雖然價錢非常親民，但餃子皮非常講究，厚皮及薄皮任君選擇，厚皮稍微有嚼勁微微煙韌，薄皮則嫩滑順口。餃子份量都好貼心，可以選7隻，12隻或15隻唔怕食剩浪費!!👵- 水煮粟米拼白菜餃 HK$38 🥟🐷超飽滿水餃!!肉餡使用鹿兒島黑豚肉，肉香十足，不會過於肥膩。白菜及粟米肉餡更甜美可口。餐桌上亦提供了不同醬料可供搭配，重口味人仕最愛!！餐廳價格公道，味道有驚喜!!如果唔想午餐食太多飯麵，這裡絕對值得一試!!

呢間餐廳絕對唔會再去！份量同質素覺得俾人敷衍我想講呢個份量女仔都唔飽…本身以為餃子得5隻，塊牛舌會大少少啦，點知細過手掌，薄過我塊面，餃子餡少得可憐，空左一半空間。味道方面十分普通，無咩調味。煎餃子個皮係淋嘅，食唔出黑豚餡同普通豬肉餡有咩唔同，如果想慳錢又食得飽唔會係呢間，9樓嘅滾餃餃子性價比會更高用料足、新鮮，蕃茄湯有誠意。呢餐最多值$40，食到好空虛特惠套餐A $68•煎餃5隻/水餃6隻•煎牛舌/豬扒/豬肋條/劍魚腩

呢間舖頭主要買各種凍肉同埋生餃子，但係其實都可以有幾個位俾你坐喺度食佢哋即包嘅餃子。你可以揀厚皮或者薄皮，可以揀煎餃或者水餃今次我就揀咗三種唔同嘅水餃:白菜餃子、韭菜餃子同粟米餃。食落去嘅感覺其實都幾足料，都唔會好大浸雪藏味，都幾多肉汁，同埋入面啲韭菜都幾香。枱面就有好多唔同嘅醬俾你自己配搭，其實都可以適合唔同人嘅唔同口味。雖然食落去唔係會好驚艷，但係呢個價錢其實都唔錯，下次可以試埋佢哋啲牛扒。😛

諗住入去食個午餐，所以點左牛脷烏冬見到其他人都係點淨餃子，不過第一次試就冇所謂啦，貴少少諗住試新野，點知嚟到份量係勁少，我諗係小童份量，牛脷又薄又難咬，唔夠飽之後再叫多八隻餃子食。料好一般，口感好普通，又細粒，唔會想食第二次

dumplings are very nice but the environment is not as spacious and comfy餃子非常美味，但環境可能不夠寬敞舒適。首先，讓我提到餃子的外觀。每一個餃子都被巧妙地包裹在薄而有彈性的皮膚中，看起來十分吸引人。餡料的填充度剛剛好，不多不少，保證了每一口都能品嚐到充滿滋味的內餡。而且，店家還提供了多種不同的餡料選擇，從傳統的豬肉餡到創新的海鮮餡，滿足了各種口味的需求。吃上一口，餃子的口感令我驚艷。皮薄餡多，餃子的內部充滿了豐富的湯汁和鮮嫩的餡料。咬下去時，湯汁在口中爆裂，釋放出濃郁的鮮味，令人回味無窮。餃子的餡料口感細膩，肉質鮮嫩多汁，與蔬菜的搭配十分協調。每一口都是一種享受，讓我難以停止。🏷️ 蒲公英和牛專門店📍 觀塘開源道60號駱駝漆大廈第3座1樓F室😋味道　：7.5 / 10💰性價比：8.0 / 10💕回頭　：8.0 / 10🍴 粟米餃 12隻- $60🍴 白菜煎餃 + 豬扒 - $68

標榜自己係黑毛和牛佢個價都唔係平 話試食價有6折揀咗塊$439 170g 折左$263 煎完出黎 除咗得d油同筋位我完全食唔到肉😵‍💫成盤冇食到擺返係到佢仲話和牛係甘樣😂😂我食開個d真係未試過係甘個職員平多$50蚊比我當無左件事其實都幾好搵 希望大家唔好中伏啦餃子好麻麻 反而佢個豬肋條幾好食最後擺低左$280 食左成口油佢有話整返塊細既和牛比我 但我都拒絕咗 因為已經成日油 食咩都覺得好油 亦都唔想嘥咗佢d和牛因為我睇哂佢雪櫃既和牛 都係甘既貨

第一次幫襯，見網上好多好評最尾買左白菜韮菜厚皮15 隻， 60 蚊皮係幾好， 但肉真係得勁小， 我覺得深水埗既3x 蚊鬆餃子同佢差唔多到我覺得整體唔難食但唔出色， 諗唔到食咩可以一試

店內主要售賣各種凍肉和生餃，但旁邊有幾個座位讓客人可以坐下來享用他們即包的🥟餃子可以選厚皮或薄皮🙈我喜歡有咬口的餃子，所以點了厚皮。兩款餃子都很足料，咬下去會有肉汁溢出🤤🤤韮菜豬肉餃的韮菜味道很香。枱面有他們特製的辣椒醬和芝麻醬，把兩種醬料混合起來，配餃子吃超正🤭雖然味道未到很驚艷的程度，但確實是用心製作的餃子🥟不錯🤪🤪🤪

喺觀塘駱駝漆行到好夜，見到求其有間餃子店就入去食。估唔到都咁好食！佢個門口完全唔知佢係食咩，因為佢係寫住和牛專門店，仲要裝修超級簡陋，入到去原來可以食餃子同和牛😂正常人應該會比門面嚇親.特惠套餐 (HK$68)見到有特惠套餐就緊係揀套餐，最後揀左白菜水煮餃+豬扒！佢個餃子皮薄多汁肉味濃，配埋個醬汁超好食。佢嘅醬汁係日本芝麻醬＋鼓油＋豆瓣醬，食落出奇地夾同野味！而個豬扒都係肉味勁濃，佢又煎到好香口🤤勁好食！唔記得影豬扒，失策🥹.果到仲有得即場係雪櫃到買塊和牛，店員仲會即場煎比你食添。我見隔離有客人食，如果大家有興趣都可以試下😂

以前觀塘區返intern，有同事帶我食呢間lunch呢間野係駱駝漆一樓，去過嘅都知道排隊等電梯係可以等成三四個字，所以我地行樓梯上去嘅。裝修係超級簡陋，好平民嘅感覺~同時間普通入面好多雪櫃，可以買走啲餃子、和牛甚至呢度用嘅醬料都可以即刻叫即刻食寫紙仔落單，飲品就自己去雪櫃攞~ very casual我已經好耐無黎啦~ 見到新出咗煎餃！以前係無架！淨係得水煮（薄皮/厚皮）新出梗係試下啦7隻白菜豬肉煎餃（$38）好好味~佢地淨係煎一邊~唔會太燶都係忍唔住叫埋水煮薄皮~都係白菜豬肉 （$38/8隻）配芝麻醬就最正！一個人清曬 haha好好味~每次黎觀塘都會食！！