蒲仙味滷麵

营业中

休息中

一個人食午餐冇咩選擇，經過見呢間福建菜未食過，就入去試吓。最後叫咗個好似叫扁肉嘅餃子 韭菜餃餡 大份20隻 仲加咗個麵（+$10） 結果面同埋餃子都比我想像中多 食晒餃子就食唔到麵韭菜餃味道唔錯，略嫌皮比較多，湯底都味道可以，佢嗰個配料嘅酸菜反而幾出色，有驚喜！麵質比較幼身，清清地，加埋個酸菜都幾好食下次可以再試吓佢其他嘢食

📍外賣體驗：尖沙咀呢間福建小店外賣「快靚正」！返工嗌左幾次佢哋嘅外賣，落單後15分鐘內就送到，仲快落樓下買兩餸！ 🥟大白菜鮮肉餃子 (8隻)：一打開盒就見到薄皮餃子！餡料比例拿捏啱啱好，白菜爽脆鮮甜，豬肉醃得入味帶少少麻油香，都冇乜雪藏味。最驚喜係個自家製蒜蓉辣椒油，唔太辣又吊到味，食完成個口腔都係辣油嘅香～ 不過食左幾次都係嗌餃子，其他嘅menu暫時未嗌過，見其他食評好似都唔錯，有機會會再落鋪頭試埋佢🤣

尖沙咀K11附近有一間食上海菜嘅小店，裝修採用中國風，幾有特色嗰陣時啱啱開始下午茶，下午茶選擇有幾款，同朋友各自order咗一個餐😎花生醬拌麵嘅花生醬唔太夠，但份量唔少，花生同青瓜絲尚算新鮮🍜第一次食漁民紫菜炆飯，個飯有少少濕，感覺幾特別😍炸扁食即係炸雲吞，好明顯係新鮮炸起，所以好香脆，不過中間嘅餡料就偏少😛涼拌皮蛋嘅皮蛋冇乜皮蛋香，中規中矩呢一餐不過不失，勝在喺尖沙咀食到一個$48嘅下午茶，都幾實惠

今天下班和朋友来尖沙咀的福建菜吃！超级养生，家乡味道就是好😋🍲全家福扁食汤扁食外皮柔韧，内馅鲜嫩，汤汁清澈鲜美。原味鲜肉扁食醇厚，香菇与虾皮的搭配增添了鲜香，韭菜鲜肉的清香则让整体口感更加丰富。🦪海蠣煎-外脆内嫩，海蠣鲜美多汁，饼边香脆。海蠣的鲜味与香料的调和，带有海洋的鲜咸感，适合搭配辣酱或醋。🐷九转套肠肠衣韧性十足，内馅香滑丰富，口感层次感强。🐓虫草花炖乌鸡汤汤汁浓郁，鸡肉鲜嫩，乌鸡的滋补与虫草花的清香相结合，汤底鲜美，略带药材的清香，滋味醇厚。🐮药膳炖牛尾汤牛尾肉质软烂，汤汁浓稠，滋补感强。药材的香气与牛尾的鲜美融合，味道醇厚，略带甜香，适合寒冷天气食用。

扁食肉和酸辣海带丝的量都少的可怜，可能是之前我们第一次点外卖的三分之一量吧……一直在让已入座的客人挪来挪去，给新来的多人客腾桌子……体验极差，应该不会再去了……

【油尖旺區】【蒲仙味滷麵】一直同大家喺尖東搵嘢食，開始慢慢殺入尖沙咀入啲喇。堪富利士道都有幾間餐廳，首先吸引到我嘅係呢間福建菜，我對福建菜要求幾高，挑戰吓佢。喺「蒲仙古法扁食湯類」揀咗 $55 嘅小份「全家福扁食湯」，有 15 隻，仲配嘢飲，我揀咗「熱奶茶」。扁食味道可以，小雲吞嚟講合格，熱奶茶只屬正常，比港式茶餐廳差。之後食 $68 嘅「蒲仙九轉套腸」，呢個腸係嗰啲「腸包腸」，相當考工夫，而佢個味道都合理，至少唔係難食先。跟住我就食 $43 嘅「蒲仙炸荔枝肉」，見到呢個價錢都覺得有古怪。因為荔枝肉呢味菜係透過豬肉同糖醋醬色，整到好似荔枝咁，仲會伴鮮荔枝肉食。有啲勁啲嘅仲會用十字花刀將長形瘦肉切到荔枝咁，炸起再同荸薺一齊炒，上碟嗰陣似一粒粒荔枝咁，好癲，呢碟就純粹係一碟普通炸豬肉，好一般。埋單 $166，當買個體驗。。。（地址：尖沙咀堪富利士道5號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #g

🐯尖沙咀特色扁食湯 想試扁食要黎睇下🐭 ⭐️按「更多」睇詳細食評😋懶惰二人組今日同大家去食呢間位於尖沙咀既餐廳去食扁食。其實扁食即係小雲吞。而我地主要係想食扁食，所以今之就叫左兩款。《原味鮮肉扁食湯》 15隻 $39 20隻$47《韭菜鮮肉扁食湯》 15隻 $43 20隻$49唔好睇佢一碗有十幾廿隻，但係其實每隻都細細粒，一口粒咁食就啱啱好。皮都幾滑，不過可惜個湯唔夠濃，飲落覺得冇咩味咁。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物味道中規中矩，未見得十分出色。不過價錢又唔算好貴。而且雲吞水餃店就見得多，但有做扁食既又唔係成有咁。如果想食扁食嘅話都可以嚟試一試。💚環境方面，木製嘅枱凳同埋有少少中國古風嘅裝修。同嗰啲名嘅vibe都幾襯。💛服務方面，員工服務正常。Rating： 懶惰鼠😻😻+0.5懶惰虎 🤩🤩📍蒲仙味滷麵💰人均消費：$50⏰營業時間：11:00-22:15 #懶惰在香港 #lazifooday #香港美食  #扁食 #尖沙咀餐廳 #尖沙咀美食 #hkfoodie #hkfood #食在尖沙咀  #tsimshatsuirestaurant #hongkongtravel

睇新聞成日都話香港冇乜旅客，但今日去尖沙咀行街，發現遊客仲係好多好多，商場入邊嘅餐廳都好多人，Zaza唔想等位，走咗去K11 art商場附近搵食，最終去咗座位闊落嘅蒲仙味滷麵Zaza叫咗兩份下午茶，漁民紫菜炆飯個口感好特別，而且味道好豐富，好有層次感；炸醬麵賣相吸引，但炸醬好唔夠，令到啲麵冇乜味；涼拌皮蛋中規中矩；炸扁食即係炸雲吞，雖然細細粒，但係炸得好脆，而且冇多餘嘅油分加上價錢唔貴，係性價比幾高嘅一餐，大家去尖沙咀嘅時候，都可以幫襯吓呢間小店

星期五下午約3點叫餐，職員俾張QR code我落單，確認訂單要輸入電話號碼，要輸入驗證碼，我都覺得好奇怪，點解落單要入電話號碼，好！我都重複做咗兩次，但輸入咗兩次驗證碼後，亦都落唔到單，最後唯有搵職員。職員叫我用微信，但我話我冇，佢就話幫我落餐。正值下午茶時間，我就嗌下午茶餐入邊嘅原味扁食20隻加飲品包括豆漿，所以我揀咗原味扁食20隻及一杯豆漿。當我食完，買單之際，發現賬單上是單點扁食+豆漿正價，並不是我要的下午茶，下午茶是$48 ，而家要$56。我問職員，佢覆我話係扁食20隻加豆漿，但我話下午茶餐都係20隻扁食+豆漿，食嘅食物係一模一樣，但佢話落咗單改唔到，最後我唯有比多20%。詐騙！詐騙！以後唔會再幫襯

喺尖沙咀嘅鬧市中，有各式各樣嘅食品，呢間湯餃麵店就喺鬧市之中嘅一旁。第一道了店家推介嘅家鄉炒米粉，呢碟炒米粉唔同平時喺出邊酒樓或者其他餐廳食咗嘅米粉，因為米粉比較幼身。而且呢家鄉炒米粉嘅配菜亦都非常之多，味道唔會過濃，食得出係店家嘅手工菜。第二道菜點了湯餃20粒，餃子一粒一口，size剛剛好。而且餃子嘅餡比想像中多，雖然體積細小，但都令人10分滿足。湯底係可以飲用嘅湯底，唔會味精過重，飲起上嚟很順口。

一個人想坐低正正經經又食平d嘅晚餐，呢間幾好。叫咗8隻大白菜鮮肉餃子$52，一碟紫菜炸蠔$53，一個人食，好丰富啦。食物夠熱，炸蠔不咸，香口，唔油膩，只係如果放得太耐外皮會腍咗，宜即食。叫大白菜鮮肉餃，但係嚟咗9菜餃，我無叫換。侍應不夠細心，四人座位，隔離枱撘枱嘅人叫嘢，侍應擺低本菜牌喺我嗰邊枱面時，擺咗個角喺我碟炸蠔嘅碟角落上面，個碟都郁一郁，差d掂到我嘅食物，隔離枱食客都留意到。縱使如此，$105，尖沙咀，坐得基本ok，食物又基本上不差，中上，ok啦。

收工搵好西食，行過比佢的餐牌吸引左,什麼叫扁食？原來即係雲吞，係福建的美食，我都係第一次食。我當時係肚餓，但又唔會食到太多，所以叫左個’原味鮮肉扁食湯’。好像小雲吞，啖啖肉，一口好方便。而且雲吞皮好特別,有煙韌,有口感,又滑,覺得好有驚喜。本來吃不完的扁食湯，我也地它全吃了。好飽，大滿足。另外點左個蒲香秘制炸雞翼,外脆內嫩，好味。後來我問同事，原來佢好鐘意食呢間的麵，好出名好好味的，我同事好挑食，佢都話好味的，咁我下次一定要去試個麵先得。

平時喺尖沙咀上堂前必定會食呢間，成日encore ，因為呢間啲嘢食好健康，而且非常扺食，環境同座位舒適。蒲仙漁民紫菜燜飯配蟲草花燉烏雞盅湯 ＄82蒲仙漁民紫菜燜飯份量十足，蒲仙漁民紫菜燜飯將豬肉、蠔豉、紫菜、蘿蔔同飯擺埋一齊燜煮，個飯濕濕地，加埋上面有啲花生食口感十足。個湯真係好好飲，我本身都鍾意飲湯，湯入面好足料，有烏雞肉同蟲草花，清甜得嚟好好飲。全家福扁食湯＄35全家福扁食湯有幾款唔同嘅扁食，扁食皮薄，內餡以豬肉為主，咬落去滿滿肉汁📍蒲仙味滷麵尖沙咀堪富利士道5號地舖

基本上在香港要吃到不同類型的中菜並不困難, 因為這裏大陸各省份的朋友, 選擇甚至被不少國內大城市還要多, 例如是福建菜, 從前只會想起北角及炮台山一帶的餐廳及小食店, 例如是真真美, 但現在不單選擇更多, 而且地區更廣, 例如是莆田的港九新界分店, 也例如今次介紹的蒲仙味, 發跡於深水埗, 到現在搬到尖沙咀的位置, 主打福建的滷麵, 用料除了有傳統的蠔仔外, 也可以配搭龍蝦等矜貴食材, 但並不太肚餓的情況下, 選擇了相當地道的扁食.扁食其實就是餃子的分類, 是閩南地區的做法, 比一般的餃子皮薄而更彈牙, 肉餡被敲打所以會更扁, 也就是其名字的由來. 通常配以高湯, 一啖湯, 一啖扁食, 簡單而且便宜, 但相當飽. 這裏的清湯清甜, 不會死鹹也沒有味精. 內餡以豬肉為主, 口感軟滑但經過敲打, 比一般雲吞內餡密度較高, 所以肉汁也不少. 在這遊客區域, 40多元就能結帳, 這樣的風味和水神我也覺得不錯.

第二次光顧這間福建菜食店。要了一客招牌菜 – 鮮肉扁食麵。扁食類似豬肉小雲吞, 一碗有十粒, 皮薄, 份量十足, 湯底配上紫菜和蔥花, 湯好味道, 食完不會口乾。鮮肉扁食湯麵是熱呼呼上菜的, 食材新鮮, 有家的味道, 十分美味。 食店環境十分清潔, 座位舒適, 員工友善。食物的份量質素和價錢都十分合理。有員工現場包扁食餃子。強烈推薦。