蒙麵

中學以來就知道蒙麵的存在，但是那時候，這家小店並不起眼。時光飛逝，已經過了10多年，原來仍然有間叫蒙麵的小店。雖然不知道是不是同一間，但是這間蒙麵變成了人氣的車仔麵店，每每經過都是排隊的人，終於的起心肝一個放工的晚上，走去排隊。雖然門口條隊唔長，但係都排了超過半個鐘，因為小店座位實在太少。在排隊期間已經寫好單，所以一坐低好耐車仔麵就上枱。一個沙嗲汁金錢牛肚、滷水大腸，脆皮多春魚配幼麵。另一個是腩汁蠔仔煎蛋、滷水牛腩、辣味魷魚。拌麵送上的是一大茶匙芫荽蔥蒜，這個值得讚！辣味魷魚是獨立另上的，辣汁做得十分不錯，但是魷魚略嫌沒有脆身，食落有點腍。香辣菜甫是免費的，味道不錯。車仔餸的款式，比起其他車仔麵店，多了特別款，麵底也可以有瀨粉和銀針粉的選擇。蠔仔煎蛋大大件，食落不錯。脆皮多春魚同個名一樣，成條脆卜卜可以食晒！至於其他車仔餸，感覺比較正常水準，沒有很特別。招牌蜜汁叉燒係幾好食，不過焦黑的地方，要搣返出嚟，不過細細串$35，性價比低了點。至於重點湯底，就比較失望。完全唔濃，或者我們沒有升級湯底，有沒有試到招牌辣汁，所以這個湯底對我們來說，真的很普通，或者期望越大，所以失望也有點大。如果不揀招牌辣汁，又或者唔會升級湯底的話，這碗車仔麵唔會太吸引我回頭。尤其如果門口有人龍，更加唔會再排隊食多次。…查看更多

蒙麵 📍：香港紅磡差館里9-15號協輝大廈地下1號舖🚗：黃埔地鐵A出口 步行6分鐘📞：+852 2363-8166💲：~HKD120/head for lunchFood quality✔️：三餸車仔麵、辣味魷魚、新鮮三甲、特濃蕃茄薯仔湯、脆香多春魚、招牌蜜汁叉燒串、新鮮蝴蝶腩👌🏼：鹵包仔豆腐、麻辣烤雞翼、檸蜜、銀針粉總結：😋一間出名勁有性格嘅車仔麵店 雖然唔平但學老細話齋唔好食平都冇用😝😋車仔麵嘅餸同市面好唔同 見到新鮮三甲同新鮮蝴蝶腩即衝 好食 真係夠新鮮‼️😋特濃蕃茄薯仔湯真係好有家庭🏡味 蕃茄味好濃😋招牌蜜汁叉燒串係必點 叉燒好好食 勁邪惡但真係必點😋脆香多春魚同辣味魷魚🦑都好正🤔連鹵包仔豆腐 麻辣烤雞翼都唔錯🤔我未試過車仔麵係配銀針粉 幾特別 但比我想像中好食😣😨以車仔麵嚟計cp值真係偏低 但所有食材你感覺到係畀心機煮 所以唔會有唔值得嘅感覺 一分錢 一分貨👍🏼…查看更多

今日心血來潮超想食車仔麵！！💘聽講呢間爆人氣🔥，成日排長龍，但點都要試一次～點知第一次嚟撞正冇人排隊！！直接入座✨ 叫咗串【蜜汁叉燒串】🍢蜜糖燒得閃令令✨，咬落去軟嫩爆汁，甜香得嚟唔膩口～真係忍唔住咬多兩啖😋！主菜自選三餸配銀針粉🍜：▪️ 咖喱魷魚 — 魷魚爽彈唔韌💫，咖喱濃郁帶少少辣🌶️，掛汁力超強，啖啖滋味！▪️ 脆香多春魚 — 炸到金黃酥脆🐟，一咬「咔嚓」聲💥，魚春卜卜脆，勁有口感！▪️ 豉汁鳳爪 — 超級腍滑👅，豉汁入味到骨，一啜就脫骨～雖然價錢偏高💸，但真係料足味正，食完超滿足～絕對係「貴，但貴得值」✅！一定會再encore！！💯…查看更多

💥**為食要付出代價** • **排隊1小時起跳**：1800後人龍超長，想食建議提早/宵夜時段撞運氣 • **環境逼仄**：鋪仔細細，搭枱難免，但為咗呢碗麵——忍！ • **味道救贖一切**：一啖落肚即刻明白點解街坊甘心企足粒鐘 ⚠️「味道絕對5星，但環境同排隊扣1星」 「外賣自取快過堂食，但豆腐會冇咁爆」 「大腸癡必encore，完勝九成滷味店」 ### **🍜【必試車仔麵組合】** 1️⃣ **「爆漿豆腐 + 朱紅大腸」招牌配搭** - **爆漿豆腐**：外皮微炸鎖住豆香，一咬開**滾燼豆漿噴湧**，嫩滑度可比燉蛋！ - **朱紅大腸**：滷得通透呈琥珀色，**軟糯帶蜜糖香**，毫無內臟腥味，連平時唔食大腸嘅朋友都搶食！ **「咖喱魷魚」隱藏辣魂** - 魷魚爽彈唔橡膠，咖喱汁**微辣帶南洋香料香**，撈麵食惹味到停唔到口！ --- ### **⚠️【真實體驗報告】** ✅ **優點**： - **配料高質過人**：大腸乾淨、豆腐爆漿、蘿蔔無渣，每款都似單點小菜級數 - **湯底有層次**：唔係普通清湯，飲得出有長時間熬煮嘅鮮甜 ❌ **缺點**： - **排隊地獄**：平日18:00後排**45分鐘-1小時**，週末更恐怖（建議17:30前去） - **環境狹窄**：得十幾個位，搭枱難免，夏天仲會熱到冒汗 - **無得預約**：即場排隊，外賣自取都要等20分鐘 …查看更多

多年前聽朋友介紹，今天終於有機會試一試，今天下午茶時間到達，排第六等了20分鐘，雖然期間已給你點單紙點餸，坐低仍需等多15分鐘，明白舖位細所以排隊，但是眼見是廚房用慢動作準備食物，有製造排隊假象之嫌，我點的是一般四餸車仔麵，諗諗如果即叫即做應該也很不錯，前後35分鐘，終於見到我碗麵，加了秘製醬汁，湯底一點也不濃，冇味鹹水一碗，豬腸不夠熱，豬紅豬腸魚蛋不入味，油面煮得太腍，一食就知不是優質油麪，食兩啖放棄走人，非常失望，一定冇回頭…查看更多

紅磡呢間車仔麵門口經常見到長龍，夜晚到咗仲有啲人等位，氣氛真係熱烘烘。6點3、4嚟到都要排隊一個鐘左右，但入座後上菜算快，食完意猶未盡！🍽️特濃蕃茄薯仔湯配米線、新鮮花甲、鹵包仔豆腐、香煎腐皮角人氣必點蕃茄薯仔湯底香濃，番茄蓉同軟糯薯仔混埋一齊，米線滑溜又有咬口，食得出真材實料，暖笠笠好開胃！新鮮花甲份量多到驚，煮得剛剛好，肉厚又無沙，鮮甜到爆，撈完即食真係滿足！鹵包仔豆腐軟滑入味，鹵水滲透到每啖豆腐，簡單但味道夠，配湯底超啱！香煎腐皮角煎得香脆，內裡軟嫩又有料，食落層次豐富，幾乎每枱都點，唔試真係浪費！🍽️馬來喇沙湯底配公仔麵、蠔仔煎蛋、香茅魚餅喇沙湯底椰奶香濃，帶點微辣，公仔麵吸滿湯汁，蠔仔煎蛋大大件，夾滿粒粒鮮蠔，唔腥又juicy，煎得金黃好吸引，用碟另上唔怕同湯底既咪撈埋一齊！香茅魚餅香氣撲鼻，魚肉彈牙又帶檸香，煎得外脆內嫩，配麵條超正！🍽️招牌蜜汁叉燒串炭燒味濃，蜜汁甜香同焦邊混埋一齊，肉質juicy又多件，熱辣辣上枱真係抵等！…查看更多

第一次試食評，因為呢間真係食過最差最差嘅車仔麵。由於舖頭座位比較少，前面只是四個人排隊已經要等位25分鐘，入座前10分鐘已經將點餐紙交給店員，入座後10分鐘先叫有得食，但係碗麵，魷魚，韭菜餃同津白餃，竟然要分開上，先上魷魚，煮過龍，加上得個鹹字，再等5分鐘，碗面上啦，餃子又未到。叫你食住麵先。湯底叫咗秘製辣醬，我一睇以為佢搞錯咗，好似清湯咁，原來中間有Pat辣醬，呢個湯底真係我食過最差最差嘅車仔麵，好似雞精湯底加Pat辣醬一樣，出前一丁個味精包都好食過佢，又淡又唔夠辣，我同朋友叫咗粗麵同米粉，兩個麵底又係煮過龍，麵質本身亦都差。雖然已經等到好肚餓，但係食咗幾啖，真係完全食唔落，掙扎咗一輪，決定放棄嘅時候，餃子先到，餃子係比較好少少嘅，但係已經冇心機再食啦，成個感覺係，湯底冇味，面質差，食車仔麵啲餸竟然要分開上，一路食，一路懷疑點解呢間舖頭有人讚好。明白車仔麵唔係一個貴價嘅食物，但係都希望每一間食肆都認真去對待每一位顧客，每一個order，食肆係靠口碑，靠食物質素去維繫。靠廣告，靠鱔稿，就只會給你帶來更加多嘅差評。…查看更多

在紅磡某條街角藏身的「蒙面」，是一間低調但人氣極高的港式車仔麵小店。小店只有13個座位，營業時間一到便已門庭若市，足足排了45分鐘才得以入座。雖然等得耐，但入座後的味覺體驗，絕對值得。今次點了他們招牌車仔麵，選擇了稻庭烏冬作麵底，搭配津白餃、溏心鹵蛋及新鮮蝴蝶腩三款配料。烏冬爽滑彈牙，吸滿濃郁湯底，每口都帶有鹹香與微辣的味道。津白餃皮薄餡靚，咬開時湯汁四溢，內裡肉餡鮮甜，手工感十足。而溏心鹵蛋則處理得恰到好處，蛋白入味，蛋黃仍保留半凝狀，鹹香濃郁。最驚艷的是蝴蝶腩，肉質嫩滑，油脂豐富，入口即化，絕對是牛腩控的福音。另點了叉燒串，剛燒起上枱時熱辣辣，表面微微焦糖化，帶點甜味，肉質鬆軟多汁，香氣撲鼻，好吃得令人無法停口。還有厚切煎餐肉，外層煎得香脆，內裡保留濕潤感，簡單但極具風味。…查看更多

本身好少食車仔麵，因為大部分餸都唔啱食，但見到好多人推介紅磡呢間車仔麵，所以慕名而來。星期一晚上6點3嚟到排隊，前面排緊6位，等左半個鐘先入得。小店大概有12-15個座位，職員有四位，比起平時D車仔麵店，呢度嘅上菜速度好慢。響鈴、蝴蝶腩馬來喇沙湯米加辣味魷魚(另上)魷魚好入味，應該煮左一段時間，不過真係好辣，辣到食唔到其他味。喇沙湯偏向椰奶，飲唔出湯底係咩材料煲出嚟，只知飲落幾啖(味覺可能已經比辣魷魚攪到失靈)。鹹菜脯唔特別，唯一用途係為碗麵添加爽脆口感。由於每碗麵3餸起，無奈之下點左唔脆嘅響鈴。咁多款餸入面，最好係蝴蝶腩，切到大大件，仲要有6件咁多!! 我中意蝴蝶腩偏瘦帶少少肥，雖然跟左個汁，但唔點就咁食已經好有肉香。米粉好幼，幼度似超力，但口感偏淋。五香牛筋、金錢牛肚配招牌辣汁菜脯米線加辣味魷魚(另上)牛筋同金錢肚嘅份量比一般車仔麵多，前者炆到好軟淋，滿滿嘅膠質!!湯底未撈勻D辣汁前試左一啖，湯頭偏清淡，但撈完之後就好後悔，因為真係好辣，辣到食唔到其他味…(我平時只食譚仔5小辣)，如果唔食得辣嘅朋友仔，真係唔好試😂米線偏硬，唔會一夾就斷，係我中意嘅口感。人氣推介蜜汁叉燒$35機乎每枱客人都會點嘅一款小食，上枱果陣食得出係啱啱燒出嚟，熱辣辣。叉燒多肉少肥膏，但唔會好韌好難咬得開，肉質稱唔上鬆化，有別於燒味舖嘅叉燒，所以喺我心目中佢唔係叉燒🤔。如果以串燒嘅心態去食，反而會好D。兩碗麵、一款小食、一杯凍飲，埋單$191，以車仔麵嚟講唔算平，不過餸嘅份量比坊間其他車仔麵多少少，而且又有車仔麵少見餸，如果想食D特別餸嘅車仔麵可以嚟試，但要有心理準備要排隊!!😏…查看更多

<蒙麵>呢間車仔麵聽過好多次，但每次經過都太多人排⋯⋯假日中午時段 排咗1個鐘先有得食 大熱天時 大家真係要啲耐性先有得食～三餸車仔麵（辣味魷魚、韭菜餃、香煎腐皮角）每條魷魚都勁入味🔥 魷魚爽口彈牙！！韭菜餃有手掌咁大隻，勁多韭菜！腐皮角煎得好香！另外香辣菜脯：脆卜卜 好香口！好可惜一個人食唔到咁多嘢，下次再去要食叉燒、蝴蝶腩、花甲！🤤Rating: 9/10📍蒙麵紅磡差館里9-15號協輝大廈地下1號舖…查看更多

配料上我覺得大家按自己喜好叫，量都好合理，食咗沙嗲肥牛、蘿蔔、多春魚、豬大腸都唔錯，牛筋好值得一提，好腍，滿滿嘅骨膠原😙蝴蝶腩配埋特製豉油，辣得來肉質都算鬆化~題外話！千祈唔好好似小編手痕叫粉絲😭好快就無晒啲湯底（$35）蜜汁叉燒串必叫🐷！排隊嘅時候已經見到係即叫即整，基本上每枱都叫，肉質彈牙，燒得有啲燶邊，岩岩好~…查看更多

之前經過，見到有人排隊時，便已經想嘗試一下今次約朋友5:30，門口已經排隊，我們大約等咗半個小時便可以入去店內環境不是太大，同一時間只可以坐十幾個人他們的車仔麵價錢比普通的車仔麵貴少少，見到門口貼上「有西洋菜餃」所以我個朋友都試咗，果然沒有失望，大大隻嘅西洋菜餃味道濃郁，我朋友那碗可能太多餸，所以要分開另一個碟仔上而那個蝴蝶腩，配上秘製的辣椒豉油，令味道更上一層至於其他的餸菜也好好味當然他們的招牌串燒叉燒，亦是十分吸引，味道濃郁，而且口感好好…查看更多

今日送阿女去紅磡分校比賽唱歌🎤送完就係附近搵好野食下，結果就揀左蒙麵。中午時分，有好多人排隊，大概派咗半個鐘左右，不過排隊嘅時候隔離嘅豬肉檔嘅豬肉好臭😷令我覺得好難頂。招牌蜜汁叉燒串-即叫即燒，燒到剛剛好，不會太燶，淡淡嘅蜜汁味加上半肥瘦嘅叉燒，每舊叉燒都保持肉汁，好食😋多春魚花甲沙嗲肥牛蕃茄薯仔湯底粗麵-第一次喺食車仔麵有多春魚，炸到脆卜卜，唔會乾身，食到停唔到口。花甲一定要食非常新鮮，冇沙最怕食到有沙。反而沙嗲肥牛就冇乜特別，正正常常。蕃茄薯仔湯底有家的味道。呢間車仔麵不是食劣質嘅食材加極濃嘅調味料落去就算。食到的冇諗過會出現係車仔麵嘅配料，但價錢略貴，但一分錢一分貨。😆…查看更多

講起長期高人氣排長龍車仔麵就一定知係蒙麵，今次係第二次黎食 專登早少少6點過黎排隊 但都要排第3個，排隊個陣已經可以填紙仔寫定想食啲咩 咁陣間一入去就即刻可以食。等咗大概10分鐘左右就入得！蜜汁叉燒味道上出色 食得出醃料夠入味，份量慷慨，亦有燶邊，可惜叉燒太瘦（個人覺得），咬落去好實的的 去唔到入口鬆化蕃茄薯仔湯粉絲（蘿蔔+西洋菜餃+牛筋）湯好飲 筋夠淋 餃好食！粉絲同蕃茄薯仔湯簡直係perfect match，粉絲索哂啲湯 夠哂味；而牛筋好入味又淋身 偏向啫喱狀 每一啖都係滿滿嘅骨膠原；另外西洋菜餃食落有陣住家味 似係媽媽嘅味道，肥瘦肉均勻但菜偏多 好食 下次會再encore！（不過西洋菜餃要自己寫 張紙仔無show出黎） 唯一麻麻嘅係蘿蔔 唔夠清甜同埋有渣蕃茄薯仔湯粉絲（蝴蝶腩+香煎腐皮角+鹵包仔豆腐）一樣啦 湯好飲 腩夠味 腐皮無得輸！最驚喜係腐皮角，無諗過入面有蝦滑 再拎個腐皮去煎，一入口外脆內彈牙，本身腐皮已經好好食 咁樣整真係無得輸；蝴蝶腩聞落好重牛味，食落易咬開 唔會太un又唔會痴牙，鐘意食牛嘅好推薦！而鹵包仔豆腐就好一般 可以skip喇沙湯粉絲聞落唔夠香 味道層次單一，個人鐘意蕃茄薯仔湯多啲食過嘅都會明白點解蒙麵長期要排隊 咁嘅質素完全係對得住佢嘅價錢 簡直係物超所值！（次次食完出黎都見到條人龍排到去隔離鋪 )…查看更多

返教會boardgame前去人氣長龍車仔面店蒙面😷，第二🥈次去，特登預早d去排，排咗第三個人都要排15分鐘，未入前已經要落定單，最少要叫三餸但唔包花甲同叉燒，三餸叫咗蘿蔔$12、豬大腸$16同蝴蝶🦋腩$20，配銀針粉$15，新鮮辣汁，加新鮮花甲$42同燒叉燒$36，過百蚊既車仔面。坐喺轉角位都鬆動。用石碗上，保溫，皓大碗，全部花甲面，花甲嫩滑新鮮，下面蘿蔔皓冧皓爽，豬大腸皓乾淨，蝴蝶🦋腩有另外一碟辣椒🌶️豉油點，都鬆化，叉燒5分鐘後燒到，熱辣辣，有蜜糖🍯香。第二🥈次冇第一☝️次咁驚喜。埋單可俾八達通…查看更多