董家台灣牛肉麵 (已結業)

星期5已經辛苦一星期, 唔想煮飯就出街食, 見好耐無食過台式食品, 就去屋企附近試下係門口見到Menu, 二人餐只需$99+10%, 價錢都幾化算就入去試下一入到去坐低望清楚menu, 就覺得自己中伏了, 部份小食要加錢, 仲要睇食咩而加幾多我呢個精明消費者梗係唔上佢檔, 點都唔會加錢食二人餐, $99+10%蕃茄牛肉麵三杯無骨雞飯一口炸豆腐蒜泥黃瓜凍烏梅汁蕃茄牛肉麵一黎到係好香蕃茄味, 但好可惜個麵勁硬, 唔彈牙, 牛肉都係,似食緊橡筋, 而最過份既係, 下面呢塊完全唔知係咩, 個侍應話係牛皮喎, 咁都可以比客食既咩三杯無骨雞飯賣相似人地食剩先比我咁, 無骨雞即係雞粒, 入面有冬菇同薑, 飯就多多, 同餸既比例完全唔成正比, 味道都好一般一口炸豆腐係熱辣辣即叫即炸, 一咬落去就覺得自己食緊油, 豆腐一d都唔滑蒜泥黃瓜算係呢餐比較好食既一款, 青瓜爽甜既凍烏梅汁似飲緊一杯水, 無味的...

下午茶要加一， 叫了牛肉面 + $4 點了黑糖薑茶牛肉面， 牛肉入味， 面都彈牙， 水湯夠濃郁， 可惜整個份量超細， 我三大口，基本上整碗面也吃光了醃羅白起酸可放下不理， 雞翅其實係“老水”雞翅， 夠入味黑糖薑茶， 好足味！如果要抱著要飽肚的話就不要來， 但食物還是好吃的

跟朋友在大圍踩單車,中途有位朋友覺得肚餓,剛好到大埔海濱公園那邊,跟朋友泊好單車就決定到大埔超級城搵食~大埔超級城我都是第1次到,zone區分比較多,而食肆都比想像中多樣化,看到商場指南有這間"董家台灣牛肉麵"的台式餐廳一直想找回台灣牛肉麵的味道的我當然立即拉攏朋友們試試這餐廳裝飾偏古典風,感覺很寧靜而座椅有庭園風很美很舒服很特別,<可惜忘了拍照而枱與枱之間距離較近(幸好客人較少)一入座店員即上了每人1杯熱水/熱茶?? <我都不清楚剛剛好是下午茶時段,枱面上都擺放好下午茶menu點了T1的"呀Q小版牛肉麵"(都是$26+10%)還送2隻炸雞翼和2塊薄薄的蘿蔔片...呀Q小版牛肉麵是紅燒牛肉麵!還有2件紅蘿蔔作伴!最面是青蔥花而不是醃菜/鹹菜實在太好了!<因為之前食過其他店的紅燒牛肉麵面是配醃菜/鹹菜對不喜歡的我來說,,如果整個湯底都是醃菜味怎麼辦!!!!牛肉麵的湯夠濃!面上加少量青蔥花,有點清新的感覺..麵質很好,粗幼和熟透度適中,不太硬又不算軟牛肉牛筋很入味附送的炸雞翼很脆又不算油膩,而蘿蔔片酸酸的很開胃還很爽口!整體上都很滿意這餐,雖然牛肉麵都不是很正宗,最

呢個飯有肉燥, 有2隻炸雞翼, 1舊鹵豆腐, 半隻蛋, 分量唔少, 只係$40, 肉燥偏甜, 送飯幾好!呢碗麵已經係最貴既一款麵, 都只係$55, 足料! 老公話麵質都好, 湯夠濃! 牛根, 牛肉, 牛肚全部都正常好食~$30 炸尤魚鬚, 食得出係即炸, 唔會乾爭爭, 好食!! 分量還足夠2個人分既~$15 黃瓜都幾好, 個汁有輕微既辣, 幾開胃!熱飲加$5, 凍飲加$6, 薑茶唔夠薑.... 另一杯就似現成雪梨茶~

完全明白晒間舖頭係唔想人幫親姐, 點菜無人理, 點完等左九個字先黎, 小睡都睡醒了.麻辣羊肉面, 就算已經好肚餓都覺得味道一般, 麵糊羊肉騷.麻辣牛肉面, 牛肉少到離譜, 牛肉是配菜嗎? 麵糊牛肉硬.豬耳, 爽但味道淡. 蔥油餅燒焦了. 荔枝玉露又細又難飲. 

晚上跟朋友二人到此店吃牛肉麵，$55 有一碗紅燒牛肉麵 + 小食 + 飲品， 這價錢算抵食！食品份量及味道亦不錯，正常情況下我會再光顧！但店員的態度真令人卻步，我跟朋友的牛肉麵已經差不多吃完，見隨餐小食❨鍋貼❩還未送上，所以詢問那位女店員說：我哋係咪仲有份鍋貼呢？此女店員第一個反應是很積極地催單，然後走到我們面前跟另一位店員說：要催就去食M記啦！我跟友人聽呆了 ，想不到可以有這種態度！

我點了紅燒牛肉麫，個餐包小食和飲品，但要等成15-20分鐘，先來小食煎餃子，皮薄夠熱，吾錯，碗麫到左，望落都幾好碗湯有葱花和紅蘿蔔，鹵水蛋味道不錯, 有微微酒香，紅燒牛肉樣子不太吸引，但炆得幾腍、很入味，麵條質素不是爽滑那種但湯底不錯應該有甘草和花椒。價錢只是40多元一碗有小食和飲品，有這樣的質素算是合格。

聖誕夜, 點了兩個晚餐, $48-$55(視乎主菜叫咩), 包小食、面/飯、飲品.小食點了窩貼及拍小黃瓜. 窩貼麻麻地, 皮面唔係好夠脆身; 拍小黃瓜…無味喎, 於是我加左少許辣椒醬、少許醋, 味道返晒黎 我點既呢碗排骨面, 好好味哦~ 湯底好似帶一點點胡椒味的, 有埋幾粒白蘿蔔, 算是一餐裏有點蔬菜吧~要讚既係個排骨, 一咬落去, 佢既炸漿令我想起豪大大雞排, 夠脆唔太油, 正!!!男友既蕃茄牛肉面都唔錯, 我試過湯底, 幾好, 唔會酸. 但D牛肉係點我就唔知啦, 因我唔食牛~~餐飲只有汽水或果汁類, 若要檸茶或奶茶, 要加$5, 其實我好憎D餐廳餐飲只有D唔健康既樽裝果汁, 所以我選擇加$10要杯珍珠奶茶(雖然都係唔健康…), 我這杯是茉香珍珠. 珍珠, 我始終都掛住台灣春水堂的, 所以無得好比.店內環境都幾靚啦~ 每張枱之間唔會太貼. D椅很特別哩~

晚上九時左右到達餐廳，可能是稍晚的關係，不用等位。我們一家點了主食藥膳牛肉麵、鹵肉飯和前菜三色拼盤。藥膳牛肉麵散發香濃的藥材香，惹味可口，方粒牛肉鬆化香軟，麵質恰到好處，美中不足的地方，是麵條未有吸收藥湯精華，藥湯、牛肉和麵條未能混為一體。鹵肉飯用料十足，香菇和肉粒毫不吝嗇，且放有蝦米帶出飯香，但略嫌太咸。三色拼盤自由選擇，我們選了豆腐干、青瓜和木耳，水準一般，沒有特別。值得一讚的是侍應服務態度。由於帶了BB車，侍應安排了一張較寬敞的位置給我們；我們要溫水開米糊給BB，侍應亦十分殷勤。今時今日這種服務態度很少見。

話說今日去食LUNCH既時候.見到個門面幾乾淨咁諗住去試下啦~雖然都聽過吾少無語既評價..但我都試左==入門口吾洗等位..好快咁叫左野食.麻辣羊肉面少辣..+小食豬耳等等等...半個鐘後,,,,,追單..個吾知係侍應之主任之類既物體黎同我講..吾好意思羊肉未解凍...而家整緊等多陣..我已經燥燥地..跟住佢話出左個面同小食比我先.其實味道冇想像中咁差..但D麵質就麻麻..小食都還可以..食左5分幾鐘度啦..佢地拎左碟熱水煮過既羊肉出黎...我即刻夾D肉想浸浸佢..一夾起..裡面生既....完全吾知講咩好..肉仲痴住一堆咁,,血水仲滲緊囉..即刻呆左...我叫佢即刻求其搵碟肥牛又好咩都好.大佬.趕時間返左架我..都係一樣白SAP咁...咋咋臨食完就走了...埋單個陣仲吾記得睇佢收左我牛肉定羊肉錢囉..真係完全無語...今次係第1次幫襯..我相信都吾會再有下次囉..

台灣牛肉麵一向出名，今次來這店試一下。一坐低有侍應給了熱茶和餐牌，我決定要雞扒麵丶紅燒牛肉麵丶煎餃和蔥油餅。雞扒麵的雞扒是另上，咁就唔怕浸到淋哂，雞扒的炸粉不算厚，不太咸，比起那出名的大大件雞扒，我覺得這裡比較好。淨湯麵有紅蘿蔔，不至完全淨面，湯底亦不是只有咸味，是牛肉汁湯底吧，麵條煮得剛好，粗幼適中，很美味。紅燒牛肉麵的湯㡳是與雞扒麵的湯底一樣，牛肉很淋好入味，好食蒽油餅我覺得一般，似超市買到果啲貨色，沒有特別。煎餃我都覺得係超市貨色，由於不夠熱，所以食起來總覺不夠好，沒有香口感。侍應方面應該是人手不足，很難叫到侍應落單及上菜比較慢，不過侍應態度不太差。

上個星期日一家大細4個人去大埔行街食飯，點知間間都要排隊，見到呢間好似冇咩人貪方便就入左去，叫左4碗麵，下，牛肉麵d牛肉得3粒，唔係通帳成咁下，d麵又太林啦，個湯底又好喊，唉，仲衰個公仔麵，早知落樓下食個公仔麵冇咁嬲，起碼有塊餐肉食下，跟住試埋個紅燒牛肉湯，查實冇咩特別，感覺係牛肉湯加辣椒油。一味得個辣字，試下過蔥油餅啦，哇，我以為去左非洲，個餅黑蚊蚊ga,即刻叫個侍應換過啦。奇怪點解咁大個場得幾個侍應，等左幾分鐘先叫到人黎換。個煎煱貼又係黑蚊蚊ga？食到呢一刻真係想起身即刻走.把鬼火，差，食一次就回味。

星期日周圍都係人, 見呢間人少少等左2張台就有得食。個蔥油餅個面燶黑色既, 不過就幾好食。大家食到好口喝, 點知叫野飲就出事啦! 珍珠奶茶($18)杯野超甜, 最過份係杯荔枝玉露($18), 個杯已經細, D冰多到接近9成, 真係兩啖就飲完(如圖)。

星期五，三點左右終於食飯，去左做野附近既董家。叫左個午餐，紅燒牛肉麵、前菜木耳、同埋加錢轉飲品做金柑青檸。上黎寫食評睇先知d評語咁鬼差，不過呢餐我又覺得唔至於差到以後唔黎。木耳：蒜味頗重，夠香，木耳好爽，好好食。紅燒牛肉麵：雖則主角牛肉的確好普通，應該係雪藏牛粒，但勝在湯底夠濃，個麵亦煮得啱啱好，叫做補左少少鑊，都唔錯既。金柑青檸：因為覺得要配合番個感覺，所以轉左杯台式飲品，味道偏淡，唔知點解飲完仲覺得口渴？服務方面，唔知係因為平日非繁忙時間定點，眼見都係得兩個侍應，仲要有一個睇緊個師傅整冷氣，另一個就長期守住門口……要睇準機會同大聲先叫到人寫野同埋單。雖然係得個幾張台有人，但都要有人理下掛，呢方面真係有待改善。

今日同家人第二次去食 第一次去食係佢新開張 個次去到 叫咩都冇 諗著第三次去 開左咁耐應該唔會啦今日11點35去到 見佢連燈都未開 就問下入面d人 開幾點啦 個侍應依依啊啊咁話話11點半之後啦 我望下隻錶 11點35都未開 比個準確時間都冇出去行左個圈見佢開門就入去啦 當時已經有一個枱客(2個人) 我地係第二枱 order左兩個蕃茄牛肉麵同一個麻辣牛肉麵 有3個小食跟的 叫左一個青瓜 一個餃子 一個油豆腐等左都幾耐 有個侍應就話冇油豆腐 咁就叫多個餃子啦 等d麵到左 第一啖就覺得係一pat野 之後我阿媽就話d麵未煮熟 (個湯唔熱的) 叫左個侍應過黎話佢知d麵唔熟啦 個侍應就叫左個應該係經理的過黎 我地同佢講話d麵唔熟 個經理重要話佢地d麵係咁架 我地話上次都唔係咁啦 熟定生唔會分唔到啊 d麵重係一舊咁 之後個經理好唔高興咁話換過d麵 第二次d麵好好多 係分得開的 d湯又熱好多 個陣真係想問返個經理 今次同上次個碗點解可以分別咁大 但係d麵的份量好少 幾啖就食晒 牛肉有4-5粒 好似手指公咁大啦 3個人食左一百四十幾 一路食一路聽到 話冇呢野冇個野 叫d客轉 = = 又見到有人退返d麵