葉記大排檔 (已結業)

條街最旺的一間，先前已吃了2次，每次都滿座。平日很多工友都來開飯喝啤酒，熱鬧非常。出名的小菜都吃過而也很多人介紹過。今次點了些平時較小吃的菜。 鐵板豬雜， 香香熱熱的上抬，送酒一樓。肚，腸，膶都有。 醋香骨 都不錯，帶酸甜排骨。隔離抬工友興高采烈大聲聊天，後面檯有亞視時殭屍劇集的明星天X。…查看更多

本身想食楚xx但太多人排隊，唔想排於是搵下附近有咩食~行左兩條街都無咩特別想食上網睇到有人話依間小炒都唔錯咁一於黎試試個糯米飯好正！仲有蠔餅都唔錯·！不過沙薑雞有d鹹推薦雜菜煲！依餐飯整體黎講係好味！下次會再黎…查看更多

招牌秘制沙薑雞馬拉盞通菜脆炸大腸砂煲腩肉潮州鵝片朋友約我到葉記大排檔，還真以為是大排檔，還帶定私家風扇仔，怎料是大大地舖，門外又有位特地給食客泊車，適合開車的我。又說是有名的🤨週六8pm了，客人呢？ 殊不知，9pm 滿客了，真的熱鬧，下次來大家知道幾點來吧？ 以往吃沙薑雞，每間都說自家是秘制，最後每間一樣，今次葉記大排檔應該改名叫「驚喜沙薑雞」😍雞上舖上的蒜蓉和沙薑，很特別，好食，好香。馬拉盞通菜，炒得恰恰好，菜熟了又脆脆的，我最喜歡，另外那個馬拉盞不像平常吃的只有少少肉碎和調味，它加上了蝦米，有料的醬👍🏻鵝片都是我喜歡的 Yum Yum Yummy!…查看更多

點咗三個小菜：孜然骨，例牌蠔餅，鵝片.優點：1, 新年仍然開工.2, 服務態度有改善.3, 蠔餅份量足.缺點一大堆！1, 所有蛋類食品，我都極極極討厭食到蛋殼，今次食蠔餅，勁多蛋殼！件件都有！份量幾足都無用！2, 唔好以為孜然骨就有孜然粉，眼前嘅孜然骨就係無孜然粉(或者有都少到等於無！)，都算！上水居民都唔係居水上，孜然骨炸得過火變得乾身柴口，又唔入味！攪到食唔哂打包都唔想變大哂鬼！3, 鵝片又係乾身！4, 三個小菜都質素變差，都重話要加一，問佢攞個舊餐牌，待應話唔俾得，要落單就睇份新餐牌，擺到明新年時間用"特別餐牌"！三個小菜，最正常居然係鵝片墊底嘅芽菜！睇怕今次係最後一次嚟幫襯！…查看更多

女友突然話放工后想去食聖子!佢放工成夜晚9點半, 咁夜都唔清楚鄰近邊到有聖子食.最後打電話落葉記, 問佢地有無聖子?佢地話有! 不過係細品種，唔係大品種！無問題! 細種聖子更好!幫襯潮州打冷, 唔知點解韭菜豬紅必點, 變成餐前小食.女友重想食乳鴿, 我就點咗個滷水什併.首先今次服務態度有改善, 無再 Hard sell海鮮而且D妹妹招呼熱情.我中意食聖子多過食蜆, 一來蜆容易有沙, 兩來聖子肉比蜆肉嫩口.點咗豉椒炒聖子, 肉質鮮嫩入味, 滿意.除此之外, 佢嘅配料例如洋蔥同青椒都好好味, 相信吸收咗唔少豉椒蒜蓉味吧.乳鴿皮脆肉嫩, 不過, 都係果句, 每次必須點兩隻係缺點.滷水什併有滷水豬大腸, 生腸, 紅腸, 墨魚同豬耳, 我唔中意食芽菜同紅腸, 但今次紅腸相當嫩口, 驚喜.食飽之后, 女友請我食甜品!Y(^0^)Y…查看更多

近日兵荒馬亂, 所以唔想去太遠食飯, 又好似有段時間無落去葉記大排檔, 於是揸車落去晚飯.嘩! 落到去居然爆場!點咗九菜豬紅, 豉椒炒花甲, 鐵板牛仔骨.今次服務有改善喎, 唔係好似上次咁, 不停推介我食蟹喎! 俾翻個 like 先.自從係尖沙咀食過鵝紅之后, 返唔到轉頭, 因為比豬紅更滑.豉椒炒花甲肉質鮮嫩, 滿意.鐵板牛仔骨外表以為煮得過火, 食落啱啱好唔會老, 而且口感鬆軟, 係另一滿意菜式.今次上枱速度超快! 好似當年馬浚偉果套"大廚出馬", 三分鐘起一道菜! 哩頭相機食先, 未影完已經上第二,三道菜! 勁!…查看更多

已經有一段時間無落葉記幫襯, 食過佢地嘅鐵板燒汁茄子之后念念不忘, 於是同賤內一齊落去開餐.想再點客家釀豆腐, 賣哂!豉椒炒花甲呢? 賣哂!炒聖子呢? 賣哂!喂! 有無咁鬼好生意呀! ~~>_<~~唯有點大路潮州菜, 滷水併盤, 賤內點咗隻紅燒乳鴒.優點 :1, 鐵板燒汁茄子保持水準, 外脆內軟哩個煮法相信唔係好多間餐廳食得到.2, 我唔中意食牙菜, 所以滷水併盤用豆腐底唔用牙菜底更夾自己口味. 雖然用佢黎墊底但質素唔錯, 滷水味入哂豆腐而且豆腐幼滑. 極之出色.3, 滷水併盤有紅腸, 豬耳, 生腸, 墨魚, 滷水豬大腸, 唔知點解依家D紅腸咸得太誇, 所以葉記用薄切方法, 令到紅腸唔太咸, 都算可取方法, 而紅腸入口又真係唔太咸喎!4, 豬耳, 生腸, 墨魚, 滷水豬大腸屬水準之作.5, 乳鴿骨脆肉嫩, 有一D部位嘅軟骨直頭可以吞落肚.6, 凌晨3點先收工, 晚少少去都重未關門.缺點 :1, 冷氣唔夠.2, 點乳鴿一點就要點兩隻, 無單隻賣!3, 滷水併盤份量偏少, 哩個係潮州食店通病.4, 點四個菜無三款, 反而不停推介我食蟹, 有D反感.…查看更多

最近一大班同事放工之後去聚埋食飯，人多一定要圓枱同有得訂位🤣 所以選擇左食潮州大排檔😍 「葉記大排檔」👍🏻👍🏻👍🏻由於係平晚同早嘅關係，所以無咁多人😌由於食過1次，明知佢地嘅份量係「大」，亦提左大家，但我地9個人最終都點左九個餸+6罐汽水🥤+4大支裝啤酒🍻👏🏻👏🏻👏🏻 勁豐富😋🤤 本人意見*份量大*：😲😲😲蠔餅、蒜蓉迫爆花蛤、梅葉蒸菜心、水煮魚、本人意見*必點*： 👍🏻👍🏻👍🏻😍滷水雜併、蠔餅、蒜蓉迫爆花蛤滷水雜併 - 雖然份量唔係勁大，但係相比其他大排檔，佢都屬於大架！一定要提嘅係跟雜併嘅辣椒油，佢唔係好辣，但點左特別香，特別好味，特別野味！愛上了它，哈哈！😏😍蒜蓉迫爆花蛤 - 隻隻都好大隻，仲要有成三十幾四十隻架！ 亦無沙喎（好重要），味道鮮！連埋湯一齊食，當然一流呀！👍🏻😍👍🏻😍👍🏻😍👍🏻😍👍🏻蠔餅 - 勁大碟囉！😲😲😲平時食蠔餅多數都係粉多餡少，但係呢間係粉同餡嘅比例適中，而啲蠔係唔細隻，亦冇腥味，我魚露都唔需要呀！👍🏻👍🏻😍好難每款都詳盡， 不過一定有下次！而價錢亦唔貴呀！我地9個大人，平均每人二百蚊有找，抵！👏🏻👏🏻👏🏻😃…查看更多

🚩土瓜灣🥘葉記大排檔-要說潮州大排檔 葉記都算係平靚正食過好幾次 每一次叫嘅餸菜都很不錯!!每次去食都會早啲到 避過人流每樣餸菜都大大碟 但又無肉質參差既情況！👉🏼最喜歡都係椒鹽鮮魷 魷魚嫩滑厚肉 炸粉又唔厚!👉🏼韭菜豬紅就正正常常👉🏼蒸田雞好滑 又多肉👉🏼仲有鵝腸！都唔多地方有得食 好爽口👉🏼今次食咗水煮魚 魚肉鮮而多肉 下面嘅酸辣粉皮都好索味 好有咬口！如果再酸辣啲會更好食！👉🏼砂礓雞味道濃郁 撈飯一流每次同屋企人食都好滋味🥳-…查看更多

差唔多半年無去葉記, 揸車經過又見佢地門口有位泊車, okay, 停車, 熄匙, 攞個銀包出黎!可能太夜落葉記, 成10點半, 客人唔多, 唔洗等位…..點咗三個菜, 韭菜豬紅, 椒鹽鮮魷, 芝士大蝦伊麵.韭菜豬紅 : 同上次同樣經歷, 人地豬紅少韭菜多, 葉記就相反豬紅比韭菜多, 豬紅唔會一夾就散哂, 唔洗叫都主動奉上辣油, 服務算唔錯啦!椒鹽鮮魷 : 望埋去好似炸得過火, 但仍然外脆內軟, 可惜份量少咗D.芝士大蝦伊麵 : 原本想食龍蝦, 但龍蝦賣哂, 改為大蝦, 蝦肉彈牙, 最重要有膏! 正! 伊麵同芝士份量足, 忍忍若若見到一條半條洋蔥, 落多D嘛! 洋蔥太少鳥!  …查看更多

今晚想食打冷，於是來到土瓜灣的葉記大排檔食晚餐。餐廳裝修整潔，不是很大間。鹵水掌翼鹵水掌翼味道尚算不錯，有辣醬及醋跟配，但鹵水掌翼鹵得未夠腍，比一較軔，底有花生及豆腐。蠔仔粥一碗蠔仔粥一碗，份量一般，放上少少胡椒粉，味道尚算不錯。…查看更多

葉記大排檔以前老鋪坐在街邊，離遠已見到燈光火著，熱熱鬧閙，氣氛濃厚⋯⋯可惜，重建後，搬入店鋪，氣氛沒有了。不過，方魚蠔仔粥依然火喉十足，蠔仔大大粒，湯味清甜，夠火喉，加上尤魚塊，味道更重，值得一試。推介指數：8.5/10另外，滷水什錦拼盤，失色不少，份量細水，紅腸薄切，一舊滷水鵝都冇，全碟每樣得幾舊，全部平價貨，絕對不試也吧。味道，滷水味不重，豉油味就極多，墨魚切頭切尾，口感不佳，豬腸是唯一的一様似滷水食物，有滷水味，有口感。厚疉芽菜在底，以为好多！！唉.....推介指數：3/10…查看更多

成日行過見到好爆場，今日見得閒就即興打冷。潮州打冷必食滷水鵝片，叫左例牌，三個人食都綽綽有餘，鵝片滷得入味，鵝肉唔肥，味墊底有豆腐，不過豆腐就一般，一夾就散，唔多入味:(焗魚腸，呢個係我必叫既，雖然好麻甩，但唔係間間都可以做得好食，因為整得唔好隨時都會好腥。但葉記整得又真係唔錯，食得出浸鮮味，而且唔腥，另外都加左薑絲辟腥，蛋味好濃，外脆內軟，不過如果魚腸多啲會更加好，記得落啲胡椒粉更加惹味胡椒豬肚浸大蜆，呢個大推，勁大盤，入面份量好足，豬肚好厚，蜆好大隻好鮮甜，粒粒都冇沙架，酸菜令成件事好開胃，湯底因為胡椒而愈食愈辣，食完好滿足由於每碟份量都唔惹少，所以試唔到其他，會再黎食，推介推介…查看更多

當天7個人叫了8個菜，全部都令人失望，最好笑來了1⃣️碟炒花甲是半碟臭的，向樓面呀姐講佢話今晚冇人投訴過係咁㗎啦！一陣收呢碟平啲，誰知埋單$1500，問佢有冇計番平啲，呀姐大大聲話減咗啦，本來是$1510，真多謝呢位呀姐睇$10咁大糯米米飯蒸蟹-蟹是霉水蟹，糯米飯硬過條命鐵板茄子-皮是燶的孑然骨-比狗食一流好似條柴滷水拼盤-黑孟孟椒鹽沙猛-乾過我銀包炒芥菜-油多到好似水煮九菜花牛肉-超低水準這家又嘈又污糟服務其差的大排擋呢生人都唔會再去…查看更多

我唔識食鴨舌，有人話教我食鴨舌.經過葉記，見佢地有鴨舌，就係哩個原因就走咗入葉記。餐牌上寫住風味鴨舌，問侍應風味鴨舌即係咩煮法，佢話用四季豆炒，唔多啱心水喎，問佢可唔可以椒鹽鴨舌，回覆可以，不過貴好多。由$88變成$120！唉..... 貴，都無計啦.有d餐廳死硬派，加錢轉都唔肯！另外再點咗個客家煎釀豆腐同鐵板燒茄子.鹽椒鴨舌未至於外脆，但一定內軟同入味，可惜顏色深咗, 而且唔似台灣鴨舌成條喉嚨都有，無咗哩部份.客家煎釀豆腐芡汁唔吸引，我情願用熟油加甜豉油就夠，豆腐偏硬，當然我明白如果用軟豆腐處理好麻煩.最有驚喜係鐵板燒茄子，個樣好似炸芋條，食落出奇地外脆內軟，送啤酒一流！…查看更多