343
79
54
港铁湾仔站 A5 出口 继续阅读
电话号码
28028888
开饭介绍
万丽咖啡室被誉为香港最受欢迎的自助餐地点之一,供应环球美食,备有二百二十个座位,环境舒适,是与家人共用天伦的好地方。除了供应丰盛的自助早餐,万丽咖啡室亦精心炮制了滋味的自选菜谱,满足宾客的不同需要。 继续阅读
特色
适合大伙人
庆祝纪念日
营业时间
今日营业
06:30 - 22:00
星期一至日
06:30 - 22:00
**外攜美饌於12:00 – 22:00供應 (最後點餐時間為21:30)
付款方式
Visa Master AlipayHK 支付宝 现金 美国运通 银联 OpenRice Pay
座位数目
220
其他资料
网上订座
Wi-Fi
酒精饮料
自带酒水 详细介绍
切蛋糕费 详细介绍
泊车
电话订座
外卖服务
加一服务费
可持续海鲜
当面支付
以上资料只供参考,请与餐厅确认详情
有关奖赏计划
食记 (580)
等级8 2024-03-27
3483 浏览
舊年就到訪過「萬麗咖啡室」,睇番啲食評,原來剛好一年前嘅事,當時就為通番關嚟食餐好嘅。今次見到餐廳由依家到4月尾做緊西班牙主題自助餐,西班牙一向都頗有特色,加上又做緊啲優惠,所以,同老友嚟嘆番吓。眨吓眼又一年,個環境當然無乜點變啦,柔和燈光加寬敞空間,依然予人感覺舒適,所以,整體感覺幾舒服。而食物區都喺二字左右排開,集中晌一個範圍,唔使左兜右轉,亦都比較方便。上文都講,今次自助餐以「西班牙」為主題,四周嘅牆上都貼有唔少西班牙嘅裝飾,而菜式方面就有唔少西班牙特色菜。星期一至四晚計,成人收$808,星期五至日及公眾假期成人收$848,另收10%服務費,晌官網網上商店預訂有75折優惠。如果想再食平啲,可以考慮自助午餐,同樣供應西班牙主題自助餐。冷盤先講講冷盤同沙律,就晌食物區嘅頭位,選擇夠多喎,唔喺一般嘅凍切肉腸、莎樂美腸。有好多款都喺主題菜式,包括西班牙蕃茄凍湯、數款西班牙醃肉腸、一款牛奶芝士及一款羊奶芝士、西班牙沙甸魚、醋漬鯷魚、西班牙蕃茄麵包、煙三文魚,仲有啲橄欖呀、酸瓜……等配料。Joselito西班牙火腿而一入門口就見到有侍肉師傅即場將西班牙火腿切片(限星期五、六先即場為客人切片),薄薄一片,仲要砌到好靚仔。唔講真喺唔知,原來「Joselito」呢個西班牙品牌已有150年歷史,單喺呢點,啲火腿理應已夠晒質素啦。沙律沙律吧陣容夠晒鼎盛呀,4款沙律菜、大大少少近20款配料,如鮮蝦、煙肉碎、露筍仔,配以4款自家調製醬汁,唔鍾意嘅,可以簡簡單單淋啲油醋,但我就鍾情蜜糖芥末汁同牛油果醬。此外,仲有款預製好沙律,包括意粉沙律、煙鴨胸沙律、蕃茄水牛芝士沙律、烤和牛沙律、海鮮沙律,喺唔想煩嘅懶人之選。將最心水、最精選嘅沙律同冷盤放埋一齊,造就小弟呢碟超豐富頭盤,樣樣都有啲,夠晒多元化,色彩又夠繽紛,睇見都已經好醒神。幾款主題西班牙食材,果然有質素,尤其啲火腿,唔好見大片白色「肥膏」,出奇地無乜油膩感,反而有陣陣脂香,鹹鹹哋嘅味道,正呀喂!幾款預製好嘅沙律亦都好食,食完胃納大開。海鮮食自助餐最回本嘅一定喺啲冰鎮海鮮啦,今次所見,就有法國麵包蟹、澳洲青口、長蟹腳、翡翠螺同凍海蝦,佐以幾款醬汁,如雞尾汁、辣芫荽汁、紅酒醋同蜜糖蕃茄汁,都幾特別。就目測所見,呢啲回本嘢好搶手,但成晚都見補貨甚快,完全無間斷供應。刺身、壽司、卷物就晌近門口,凍海鮮傍,小弟平常比較少晌自助餐度食壽司,因為自助餐所提供嘅一般都喺啲大路貨色,但偶爾見到質素高嘅都會試試。今次就見啲帆立貝同八爪魚好靚,仲有一款炙燒和牛壽司好有興趣。冰鎮海鮮又喺樣樣試啲,拎滿一大碟,再加埋刺身嘅帆立貝同八爪魚,做成一份海鮮拼盤咁。每一款都有其獨特嘅鮮甜味,麵包蟹好多膏喎,蟹腳鹹鮮味十足,蝦肉同螺肉又爽,啲帆立貝果然喺刺身級,又大件,柔嫩鮮甜,真喺「鮮」入為主。老友原來都幾鍾意刺身、壽司,趁佢拎時我就搭單,再食啲帆立貝同八爪魚,但重點喺想試件炙燒和牛壽司,的確好正,壽司飯捏得緊致卻唔死實,燒和牛既有肉味,又帶點油香,正呀喂!湯品呢度嘅湯品喺亮點,因為佢哋有提供是日燉湯,名稱就無講,但湯內睇得出有好多料,加上上次飲過確喺正,今回就當然翻兜。此外,仲有1中1西嘅「例湯」,前者寫住龍蝦菜湯,其實似喺加咗龍蝦肉嘅碗仔翅咁,後者就喺南瓜忌廉湯。覇氣咁一次過試咗3款湯,包括西班牙蕃茄凍湯、南瓜忌廉湯同燉湯,可謂各有賣點。凍湯好少飲,入口清爽感極強;個南瓜忌廉湯亦都打得好滑溜,滿滿南瓜香味,等至於個燉湯,絕對喺高質量出品,飲落非常之清潤,味道醇和,可以講喺飲得出真材實料無欺場。即煮粉麵晌自助餐嘅即煮粉麵、即煮意大利麵……等等,都一律少試,因為太易飽肚,不過,偶有例外,就好似今晚咁,供應嘅喺馬來喇沙,仲要配半隻龍蝦,夠晒豪氣,又合晒小弟心水,就算易飽肚都想試試,好彩老友都鍾意,嗌一客兩個人「些牙」。個喇沙湯底入口真喺唔失禮,比一啲主打賣東南亞菜嘅餐廳所出品唔差得遠,香味四溢,而麵底可以揀油麵或米粉,識食當然梗喺揀摻摻啦,至於隻龍蝦啲蝦肉好爽口,充滿鮮甜味,加上成嚿蝦肉好易起出嚟,啖啖肉,食得超爽;此外仲有啲豆卜、芽菜同雞蛋作為配料,製作絕對唔馬虎。咖喱、熱盤、烤肉另一個「長區」就喺擺放多種熱食嘅食物區,晌呢度有好多精彩美食,先講重點,就喺多款西班牙主題熱盤,包括最大亮點嘅西班牙乳豬、西班牙海鮮炒飯,以及西班牙香菇炸丸子、西班牙薯仔蛋餅、西班牙欖油蒜香蝦、香烤西班牙腸、香烤豬肉串,淨喺呢幾樣已好精彩,仲有新鮮蒸焗波士頓龍蝦。以其餘嘅 熱盤,一口氣介紹埋先,計有印度咖喱雞肉、印度皇飯、鑊炒和牛粒、烤爐魚、炒蜆、咕嚕肉、煙肉芝士焗蠔、紅燒鮑魚、烤牛肋排、焗薯、炒野菜、龍蝦茶碗蒸、海南雞、蒸大鱔……等等,都喺睇相寫返出嚟,可能都有遺漏,總之,可以講喺種類繁多。講真, 邊可能試得曬所有嘢, 所以去到呢個大類都喺重點出擊,揀3、5、7款心水嘢嚟試。雖然喺咁,都砌咗成大碟「主菜」,蒸龍蝦當然喺以回本心態拎嚟食,不過,啲龍蝦好食就值得再回味;而西班牙乳豬非常之脆口,肉質好爽,香菇丸子咬落唔油膩,外脆內軟,味道幾特別,蒜香蝦充滿香蒜味,自然惹味十足,西班牙炒飯都做得有水準,至於其他嘅熱盤,就都樣樣拎少少嚟試下。慢煮牛柳晌熱盤類嘅篤篤最尾,仲有一個即做慢煮牛柳嘅檔口,點解要特別分開嚟講呢,因為,師傅會直頭好似啲高級餐廳咁做成一道主菜咁,墊上甘筍蓉再配烤青椒,賣相非常精緻。的而且確,牛柳入口肉質細緻嫩滑,肉味不俗,而墊底嘅甘筍容 亦都打得柔滑非常,清甜好食。生果、甜品食得幾飽都好,點都要留返10%空間進擊甜品嘅,呢度嘅甜品都好有亮點,擺到琳琅滿目,尤其今次更加咗數款西班牙主題甜品:西班牙油條、香橙米布甸、聖地牙哥杏仁蛋糕、巴斯克芝士蛋糕,此外,其他款式如朱古力紅莓慕絲蛋糕、天使蛋糕、香桃批、焦糖牛油蛋糕、桂花啫喱、意大利芝士餅、紅棗雪耳糖水、曲奇、蝴蝶酥、朱古力噴泉、糖果……等等,絕對滿足到所有甜魔嘅喜好。挑戰甜品時段就一口氣揀咗9款,砌成一大碟甜品大拼盤,老友睇見都覺得我瘋狂,唔喺講笑,小弟堅喺食得晒。好難逐一評價,但整體而言絕對無令人失望,滿足晒嗜甜嘅心癮。而個人最推薦就喺巴斯克芝士蛋糕、朱古力紅莓慕絲蛋糕、天使蛋糕、香桃批、意大利芝士餅,真心正呀!XTC Gelato、即做迷你窩夫XTC呢個品牌嘅雪糕比較少接觸,進擊完個「甜品拼盤」,真喺差唔多到頂,但點都貪心哋想試埋個窩夫拼雪糕,再搭啲生果。窩夫雖然攤涼咗,但新鮮製作關係,仲好脆口,仲喺綠茶口味添。雪糕就揀咗芒果雪葩、港式奶茶同開心果,個人覺得奶味無咁重,但3款嘅本身味道都好突出。飲品自助餐本身已包一杯果汁或汽水,然而,晌肉品自助區,就放置兩大部咖啡機,有多款意式咖啡供選擇,另一邊就放有檸檬片、鮮牛奶、數款茶包供自由取用。此外,另加$188 就可以無限暢飲果汁、汽水、精選啤酒、氣泡酒及紅白酒。由頭食到尾,食吓傾吓,抖吓又再食吓,今日狀態唔錯,夠持久力,所以,真喺食咗唔少嘢,可謂大滿足。順帶一提,呢度啲招呼幾好,侍應有禮,服務殷勤,收碗碟都好快手,補充食物又足。 继续阅读
西班牙嘅美食令人相當懷念 總係有舖癮咁!最近萬麗海景酒店萬麗咖啡室推出咗全新主題buffet-西班牙漫味「豐」情自助餐盛會一次過可以嘆盡十幾款西班牙美食 見咁抵食 咁點都要試下啦🙌🏻*****************************嚟得呢度 西班牙美食自然係主角❣️🐖原隻西班牙烤乳豬 由專人即點即切外皮烤得香脆 乳豬肉質嫩滑 充滿油脂香味😋🥘經典嘅西班牙海鮮燉飯 亦不容錯過海鮮份量非常多 面上嘅青口同魷魚堆砌得好靚😍西班牙米飯粒索滿醬汁 充分吸收海鮮嘅精華 咁啱係星期五、六晚 可以試埋Joselito原隻西班牙火腿❣️由侍肉師即場切出 片片都切得均勻 工整地排喺碟上 真係少啲功夫都唔得同場仲有提供好多款精選西班牙醃肉及芝士鐘意食肉肉嘅朋友仔一定會好滿足叫得西班牙主題當然唔少得西班牙Tapas❣️呢度有好多款 完全滿足晒為食嘅我哋最先食嘅係我最愛嘅西班牙番茄麵包🍅面包上舖滿蕃茄 大滿足呀😝馬鈴薯蛋餅亦係我嘅心頭好 香口又美味😋另外仲有特色嘅西班牙凍盤醋漬鯷魚、西班牙沙甸魚、醃製鮭魚、Fish Carving 等仲有平時較少見到嘅西班牙番茄凍湯、西班牙香菇炸丸子、西班牙欖油蒜香蝦等除咗西班牙特食美食外回本區當然首選靚海鮮😍有凍蟹腳、麵包蟹等各款時令冰鎮海鮮🦀 全部大大隻 整齊咁排列好 新鮮美味而想熱食嘅亦有香口嘅炒蜆肉等龍蝦喇沙亦值得一試🦞 湯底充滿海鮮嘅鮮甜味另外仲有多款日式刺身、壽司、雜錦魚生丼🍣有少見嘅和牛壽司 一定要試下呀😋最後當然唔少得要食埋甜品 餵埋第二個胃嘛~有西班牙炸油條🥨、巴斯克焦香芝士蛋糕、聖地牙哥杏仁蛋糕、香橙米布甸🍮同Tiramisu等仲有Galato雪糕呀🍨*****************************見到咁多美食 每一款都好想試少少結果我哋都食到爆晒肚先走🤣同行朋友都大讚好高質 又唔洗就住食🙌🏻我哋係喺萬麗網上商店預訂架 會有7️⃣5️⃣折 超抵玩呢❣️ 继续阅读
(以上食记乃用户个人意见 , 并不代表OpenRice之观点。)
今個月細佬👦🏻生日 早排史努比雖然已經親身下廚幫佢慶祝但都唔少得一餐有儀式感嘅celebration🤭咁啱見到萬麗海景酒店自助餐做一個買一送一嘅優惠計埋加一平均$509位😳聽L佛講呢間質素相對穩定所以就趁佢減價book咗位🤭有龍蝦和牛等等嘅嘢任食 史努比就覺得幾抵一於分享下有咩好食😆-🔸「萬」遊海陸自助晚餐 $509/位(折後價)由18:30食到21:30 總共3個鐘🦞凍海鮮 7.5/10選擇唔算特別多 但有嘅款式質素都唔錯👍🏿麵包蟹啖啖蟹膏好正 唔好錯過!!不過記住要第一輪攞 因為之後見佢冇再refil蟹蓋🥺淨返啲蟹鉗👍🏿蟹腳帶啲鮮甜 海水味亦唔會太重系略嫌佢肉質唔夠紥實👍🏿螺肉爽口彈牙 非常大粒 食得過😆史努比冇食蝦但屋企人都話唔錯嘅👌🏿唯一差啲嘅系青口 不過應該都系睇彩數史努比食到隻有少少唔新鮮 但屋企人又冇事喎🫣🍣刺身壽司 8/10 一開頭淨系見佢有三文魚 油甘魚 吞拿魚 鮑片同八爪魚後來竟然加咗原粒帆立貝😳即刻加分🤣👌🏿吞拿魚就好普通 但好彩冇筋👍🏿三文魚正常 切得好厚 食落都夠肥美👍🏿油甘魚唔錯 系近腩位魚油豐富入口充足油脂香🤤👍🏿當然唔少得壓軸嘅帆立貝原粒大大粒果然特別好食 口感好正厚肉肥美又鮮嫩👍🏿👍🏿仲有唔好錯過咗佢嘅和牛壽司史努比見到師傅都不停refill值得一讚系壽司飯唔會硬晒舦溫度質感醋味各方面都做得幾好😳加埋油脂含量啱啱好嘅和牛入口隨即成個口腔充滿牛脂香 軟嫩又有牛味😚真心值得試🫶🏿🥩熱葷 8/10明顯地西式熱葷佔嘅比例較重👎🏿中式真系好少 感覺上只有乳鴿🤔媽媽👩🏻話乳鴿整得麻麻地 所以史努比都冇試👍🏿西式熱葷入面必食嘅當然系和牛😍厚切得嚟一啲都唔鞋唔韌入口軟嫩多汁 牛脂豐富食落油香四溢但依然帶啲肉肉嘅口感🤤👍🏿仲有就系龍蝦當然為佢加咗唔少分🤪龍蝦即煮熱辣辣 肉質爽彈食到明顯嘅鮮甜🤭其如嘅就唔算話好特別👍🏿但燒牛扒同羊脾都唔錯嘅起碼肉質都算嫩 食得過🤪另外媽媽👩🏻推介紅酒燴牛尾 好淋好入味😚有讚當然亦有彈👌🏿燒魚嘅肉質稍為鞋咗少少👎🏿芝士焗蠔都系唔推薦嘅🥲蠔太細隻 芝士同忌廉汁佔嘅比例勁多搞到好漏😩🧀芝士冷盤 7/10冷盤吸引嘅地方唔多芝士有3款 cracker都有兩款🤣👍🏿Brie cheese口感軟滑幼細 帶淡淡嘅鹹香👌🏿Gouda cheese系硬芝士 質感偏粉狀👍🏿仲有一款寫住唔知咩gala cheese😂食落似藍芝士 味道較濃 但鹹香十足史努比覺得配crackers好食🫵🏻👍🏿煙三文魚幾特別 唔系平時食開嗰啲反而帶少少酒嘅甜味 食落有油香 唔錯👎🏿ham嘅部分史努比覺得可以skip 比較乾 冇乜油香😗🍜湯粉麵 7/10👌🏿最近佢哋主打龍蝦叻沙不過史努比就覺得叻沙湯龍蝦冇咁好食因為叻沙唔夠香濃 純粹得微微嘅辣味而且好似肉質都冇熱葷嗰邊嘅龍蝦咁好原味正啲🤣👍🏿屋企人推薦燉湯 嗰日系螺頭湯佢哋話清甜好飲 爸爸媽媽每人各飲3碗😂不過最後有一碗突然鹹咗啲🫣🍮甜品 7.5/10女仔都系鍾意食甜嘢🤭史努比覺得佢哋朱古力嘅甜品幾高質👍🏿特別推介朱古力mousse❤️質感滑溜 朱古力味非常濃郁食到明顯dark chocolate嘅甘香甜度適中 必試😚👍🏿Tiramisu都好食 cream好滑蛋糕嘅部分浸咖啡應該浸咗好耐😂比較濕潤 但唔會淋blabla 食到香醇嘅咖啡味😋👌🏿Basque burnt cheesecake就麻麻地 質感唔夠smooth 比較硬實👍🏿Passionate fruit cake酸甜調得啱啱好清新唔會好漏好滯😆👌🏿mango cheesecake似mousse多啲但味道普通😗👌🏿佢哋所有pie同曲奇都有同一個問題 質感偏硬 爭咁啲牛油香但overall系唔錯嘅🥰啲嘢唔會死甜🍨Gelato雪糕 7.5/10早幾日嘅story而家開估!!史努比食咗10球😂總共有7款口味 整體其實唔錯嘅 都算滑要挑剔嘅系有啲食食下有碎冰 扣咗啲分同埋有啲可惜嘅系佢哋冇咗轉盤雪糕變咗架雪糕車咁🥺👍🏿最推薦朱古力味 質感夠滑 甜中帶dark chocolate嘅甘香🤤👍🏿抹茶都唔錯 食得出茶味香醇👍🏿咖啡同樣濃郁 唔會好苦 食到奶嘅香甜❤️夠滑身👌🏿雲尼拿稍為甜咗啲👍🏿raspberry同埋芒果似sorbet 酸酸甜甜好refreshing 怕漏嘅可以揀呢兩款😆👌🏿唯一唔鍾意嘅系士多啤梨 有少少嘅藥水香精味 但唔系太過分嘅 都可以接受👎🏿隔離仲有即製窩夫 但味道麻麻一嚟唔夠脆 二嚟差咁啲牛油香食落麵粉味頗重🫣🍹飲品方面有咖啡/茶任飲另外只有每人一杯welcome drink得橙汁同汽水😗感覺有啲cheap ah😂😂不過史努比又唔好嘢飲 就由佢啦-總結呢間自助餐食物選擇唔多但系質素唔錯 唔會話有一個area啲嘢特別伏亦都有回本位例如龍蝦和牛帶子等史努比都幾鍾意呢種貴精不貴多嘅buffet😚以優惠價五百幾蚊嚟講絕對值嘅 食得過但如果原價$8XX 史努比就覺得唔抵啦🙌🏿.有一點要彈嘅系服務麻麻地佢哋好stubborn咁一定要喺buffet開始嘅5分鐘前安排入座 有啲啲唔願serve你嘅感覺21:15嘅時候突然收晒啲餐具話自助21:30完架啦但其實仲有15分鐘喎 有必要收餐具咩?🤔收碟速度快嘅 梗系啦餐具都收起晒唔會收碟慢嘅😌至於自助區嘅staff就好啲啲嘅有啲都幾好笑容好肯去serve你~雖然整體唔算好差 但以香港一間5星酒店嚟講服務上有好大嘅改善空間🤔.整體評分:味道: 7.5/10環境: 8/10服務: 5.5/10衛生: 7.5/10抵食: 8/10唔評回頭率啦 冇咁有錢成日食buffet😂 继续阅读
(以上食记乃用户个人意见 , 并不代表OpenRice之观点。)
萬麗咖啡室 (灣仔) 📍灣仔港灣道1號香港萬麗海景酒店閣樓友人幫我慶祝生日🎂, 選址YouTuber 大讚既灣仔萬麗咖啡室。當天星期六中午都座無虛席,十分誇張,人均要511 元(連加一)價錢絕對會同五星級酒店睇齊,一於大快朵頤一試究竟。海鮮:有雪場蟹、蝦、小龍蝦🦞青口,螺。雪場蟹腳不會死咸,有一定粗度,基本上多食幾條都值回票價。蝦肉肉質扎實、容易脫殼。螺都好大舊好有咬口,蘸上雞尾酒醬,提升鮮味。小龍蝦🦞都有鮮味不俗。熟食區:提供了多國的食物,有即席煮理龍蝦喇沙,豬肋骨、三色椒🫑炒牛柳粒,炆冬菇枝竹、炸豬頸肉、連銀針粉都有。最正係提供印度咖喱配蝦片都幾好味,吾夠飽仲有長米。重點必食西冷牛扒🥩肉質粉嫩、沒有多餘血水,本身帶點迷迭香調味。相反,同樣是即席料理牛肩排反而顯得遜色,沒有太濃牛味,反而其配菜盡顯心思,用上牛油🧈忌廉煮過既薯蓉。連荀都有用香料熬煮。沙律區:提供多款cold cut ,預拌調味沙律🥗,同埋可以自行調教沙律口味的醬和topping 。醬汁都有五六款 、必食泰式鳳爪,海鮮沙律、雞肉沙律,仲有和牛沙律! 是但一款都啱口味。甜品:甜品選擇豐富多樣,大推天使蛋糕🍰即整窩夫🧇好出色,搭配上自家製GELATO 雪糕,完美的組合,冰火交融。仲有懷舊糖水紅豆湯圓,點少得大大細路都鐘意既朱古力噴泉⛲️。最值得一讚既係有五款新鮮生果🍊提供,有菠蘿🍍、蜜瓜🍈,哈蜜瓜、仲有吾太甜既西瓜🍉👊🏼飲品:竟然可以無限添飲咖啡, 可以自己沖茶包茶同暖水提供,每人都會包一杯橙汁/汽水。總結:最驚艷是西冷牛扒🥩坐得舒服 對得上價錢#灣仔#萬麗咖啡室#自助午餐#海鮮#刺身#慶生#朱古力噴泉#西冷牛扒#牛肩胛#沙律#龍蝦#回本 继续阅读
(以上食记乃用户个人意见 , 并不代表OpenRice之观点。)