萬芳冰室 (已結業)

近年坊間出現不少懷舊主題餐廳，其實在離筆者家不遠的雅都商場內就有一家「萬芳冰室」。「萬芳冰室」的舊店開業於50年代末，後來因為收地原因而結業；現在由家族後人再次把招牌發揚光大。餐廳內一礫一瓦都依足舊香港冰室的設計風格，還設有2個圓拱形的包廂房。來到這類懷舊冰室，當然點隻炸髀體驗一下。生炸雞髀外表炸得脆卜卜和金黃色，單是賣相已經令人口水垂涎了。炸雞髀體積之大更媲美臉頰，果然是餐廳的招牌作。雞髀炸得非常香口：酥脆的外表藏著惹味juicy的雞肉。白飯淋上了甜豉油，雖然簡單，但豉油撈飯絕對是不少人的童年至愛。每一口飯，吃到的除了是美味，也是回憶。呈半生熟的太陽蛋煎得非常美麗，把蛋黃篤穿拌勻飯粒，豉油香中又多了股蛋香。適逢冬天時節，冰室推出了煲仔飯系列。餐牌上註明了用的是榮華臘腸，如果筆者的猜想正確，這似是加瘦臘腸。相信這可以更配合新一代注重飲食健康的理念，但加瘦臘腸香氣口感還是依舊。鮮雞件雞肉嫩滑，亦頗有雞味。煲仔飯淋了附上的醬油，每一口飯帶著咸咸甜甜的味道。精華所在——飯焦脆卜卜又有飯香，越吃到底越過癮。筆者每次光顧都會點的菊花茶，用玻璃樽盛載，每一個細節都跟足老香港時代的冰室架步。「萬芳冰

懷舊冰室好多時都係旅客會想到訪的地方，有否想過也是香港人的平民飯堂。冰室裝修行復古路線，牆身有不同設計的海報。如果無咁多人，都會係一個打卡好地方～______________________________🔸手撕雞湯米 配 煎蛋套餐 $48手撕雞肉多而幼，幾香。配上新竹米粉，口感Q彈。蛋仲可以揀菜糕蛋/ 煎蛋/ 烚蛋。🔸 熱唂咕 (跟餐）熱唂咕未必所有茶餐廳都有，見到時覺得幾特別。同一般熱朱古力外貌相近，但唂咕少了一份香甜濃滑，反而濃郁苦澀，仲帶啲回甘。🔸瑞士汁豬扒撈丁 $32豬扒超大塊蓋住公仔麵，夠juicy得黎又唔太肥膩。瑞士汁甜甜地，撈丁麵食夠哂港式。🔸熱麥精 $16雖然無得跟餐要單點，但冬天飲返枝熱麥精，真係好old school既動作啊！岩哂冰室主題夠復古～．by VIN環境分數: 7/10食物分數: 7/10

位於屯門vcity 附近的一個擁有香港傳統冰室環境佈置，感覺非常親切有意思，鄰近西鐵放工食飯先返屋企，非常方便服務員由外邊帶位到坐低介紹菜式都非常有熱誠有禮，笑容又好親切🙂經過侍應姐姐介紹～我地好聽話咁就叫左兩個煲仔飯窩蛋牛肉飯每粒飯都有咬口🙀仲有煲仔飯精髓～飯焦～窩蛋配牛肉絕對係絕配仲有叫蛋個蜡腸排骨飯我一個女仔可以食哂全個飯皆因煲仔飯既飯焦係我最愛💕侍應姐姐仲推介枝自家製菊花茶濃濃的菊花味，真係想叫多幾枝👍🏼👍🏼

呢間萬芳冰室聽得最多人講既炸雞脾，但要等成20分鐘先有得食，已經餓到咕咕聲既我地，梗係嗌其他野食。睇落好似好多張餐牌，但其實都係豬牛雞粉麵個d例牌野~呢個係豐富常餐，牛肉通粉豬骨湯底，配牛油多士、雙蛋、餐肉同1杯熱飲，盛為$42，快靚正。公司三文治超足料，要壓實個包先一啖咬得哂所有料，麵包烤得夠脆，豬排好香，好似澳門某間好出名豬排包既味甘好食~底層既番茄生菜中和反上層既午餐肉既油膩~呢個$40真係超值！

今时今日的这样的服务态度系唔得嘎，叫服务员过来的时候她说话的态度真的超级差。客人来吃东西虽然不是大晒，但是基本的礼貌还是要有。本来给钱吃饭不是说要服务员要当他们是上帝。但是也不能呼呼喝喝。吃都吃了一肚子火。还会再来吗？

今次係我第二次去萬芳冰室上次點左個常餐鮮牛肉通粉加個炒蛋紅腸另加錢叫個蕃茄湯牛肉份量唔多蕃茄湯唔算出色我估可能係我嗌唔中出名果啲野食今次去本來想叫午餐但四十幾蚊一個飯+$12先有野飲我睇唔明嘅係明明餐牌寫「送」野飲但其實係補錢先有對於冰室嘅價錢要求係要抵食d所以最後叫左佢個手撕雞米粉其實係幾好味但個米粉份量真係少如果男仔食一定唔夠食最後加塊蛋就$48我覺得真係唔太抵令我幾失望或許有興趣人士可以試下佢個沙丹豬排飯可能會有驚喜

今晚和老公二人，回來吃我之前喜歡的手撕雞湯麵，事隔一段日子，好像什麼都變了，湯-不熱的，米粉硬到吃不到，似小時候用熱水浸泡去吃的超力米粉，但如果湯不夠熱，米粉如何㓎軟😭沒辦法下只好請店員，幫忙「叮」下，結果回來後，都是「硬」米粉（比先前稍為好少少）😭，湯稍暖一點，最後為免再麻煩人，我硬食！因為不想再麻煩廚房哥哥了，叮完一次，結果也是一樣。味道好咸😭（對我來説），之後狂飲水😭老公吃公司三文冶，不過不失，也可接受！只此，放棄不再回這𥚃了！沒用心去烹調！是否是冰室文化？我不認同！希望管理層留意一下出品！失望🤦🏻‍♀️

有一排無黎食過炸脾，同男友行開呢頭 決定食下好耐無食的萬芳去到門口滿座要等陣，問店員拎將menu睇下，黑口黑面，算黎到呢到，基本上係一定要搭抬坐，我地叫左一個常餐一個炸脾常餐好豐富好好食，豬骨湯再加胡椒粉係perfect match😋叉燒都好淋男朋友就叫左個炸脾，一如以往咁好味對面坐左位男士，叫左個lunch setWaiter前前後後行左黎幾次 同佢講無呢樣無個樣，最後話無lunch set..原先因為以為有lunch set的關係，個位waiter比左個大菜糕佢，當佢準備食之制，個waiter突然又衝埋黎收走左，大家都呆左望住佢，或者我諗最小可以講句因爲lunch set無左唔好意思要收返。。最後比錢的時候，收錢姐姐收完錢之後，吹水吹得好開心，完全無諗住找錢咁，直至我地岀聲話仲有二十蚊未找。。雖然食物係好味，但咁的服務真係好難吸引我再去

現在冰室多的是，要突圍而出真係好難，呢間萬芳冰室裝修已主打舊香港，已經吸睛，而見到餐牌，食物算是普通，大路簡單野為主，我叫左碟生炸雞脾煎蛋飯，需時15分鐘，炸雞脾確係大件，肉亦好豐滿，係略嫌炸得太勁，邊位太硬，好難咬，整體都食到好飽，算是良心冰室。

已經吃了好幾次,十分鍾情它的生炸大雞脾,又大隻又炸得外脆內軟,外面雞皮脆口,但仍能夠保持裡面雞肉肉質鮮嫩多汁,而且本身雞脾之前已醃了味,咸咸香香,實在是百吃不厭😋不過這次光顧時發覺又加了價,本身生炸雞髀配沙律和薯條是一樣價錢的,但這次如果配沙律要另外再加多兩元,如果配薯條就價錢不變, 另外 它的自家製菊花茶是我每次必點的,味道不太甜,但菊花味很突出,非常好飲, 所以就算菊花茶只可單點,不能配餐,仍無阻我的選擇😆

其實呢間嘢我淨係食過兩次， 第一次呢就係食佢個炸雞髀飯， 佢炸雞髀個樣十分吸引而且好大隻， 飯量都唔少飲品幾大杯! 但係估唔到隻雞髀上枱嘅時候 放入口又乾又硬， 雖然未算係好差但係作為招牌菜實在係好一般， 甚至乎有啲失望。 價錢仲要五十幾蚊唔包嘢飲 直頭係有啲貴。因為以上原因好耐都冇再食過， 今次再食因為喺附近真係諗唔到有乜嘢事於是乎諗住隔咗咁耐畀多次機會佢， 食咗個沙薑無骨雞髀飯， 點知隻雞基本上升到啲肉縮曬水， 佢啲沙薑醬基本上撈咗落去啲 類似汁咁嘅水份上面都唔知係倒汗水定係汁， 唔係好夠鹹味。 啲肉又唔係好滑。 又係五十幾蚊唔包嘢飲再要加多十五蚊，套餐即係六十幾蚊一個晏晝。仲要有啲小插曲 就係落漏咗單， 漏單唔係最奇怪經常都會有發生唔可以怪， 最奇怪係15蚊有收到我但係冇收到個正餐錢 過咗一陣追佢又話個雞正常要等耐啲。 然之後 第二次追check 返張單先至同我講落漏咗. 食完飯 問佢哋啲人攞兩杯水有黑口黑面我諗呢間真係冇第二次!不過我同老婆一齊嚟食我老婆叫咗個常餐算係正正常常嘅.仲有呢間嘢係要搭枱, 其實搭枱都係冇所謂, 不過好奇怪 成間嘢都有吉枱點解仲要我搭枱, 可能係方便管

this restaurant又係主打懷舊。不過呢間野好有歷史。所以want to have a try!我記得佢最出名既係佢個紅豆冰。所以突登叫左黎試下。真係好好飲好有香港既味道。下次會再黎試其他。

相請不如偶遇，原本朋友的媽媽約我吃午餐，怎料巧遇另一位朋友，最後變了三人在萬芳冰室快閃午餐小聚。我們對粉麵的興趣較大，感覺飯太飽了，吃飯的話必定浪費，倒不如吃麵，份量剛好。我超久沒吃過出前撈丁，又想配料多元化，招牌公司是我不二之選，有火腿，紅腸，叉燒及鮮牛，完全滿足我貪吃的嘴巴。這出前撈丁醬汁竟然是咖哩汁，跟平時所吃的瑞士汁很不同。原本看見撈丁的咖哩汁這麼「少」，心想這麵會不會乾巴巴的，怎料醬汁恰到好處，均勻地滲進麵條中，惹味爽口彈牙，若果太多咖哩汁的話，麵會軟掉吧。鮮牛挺嫩滑，牛味雖不顯現，但以冰室水準來說挺不錯。飲品方面，個人超愛喝熱自家製菊花茶，尤其是在乾燥的秋天。熱呼呼的菊花茶不死甜，淡雅的菊花香味十分舒心，整個人都被滋潤起來。

次次睇戲前要揾野食都去咗萬芳屯門周圍d餐廳都要等位，係得萬芳唔駛等又快上菜~萬芳都算係隱世低調嘅有質素茶餐廳，可能地理位置問題(同層有兩間連鎖餐廳)，所以唔多人入去食啦不過都好，未有人推之前都可以唔洗排隊食！必食係生炸大雞肶+薯條，隻雞肶真係有半隻碟咁大唔同平時d炸雞，外層係冇加粉去炸，一咬個雞皮已經好脆！！！有d似炸乳鴿層皮咁~雞肶肉仍然好嫩滑，有肉汁邊食邊流出嚟食曬成隻其實都好飽肚，因為真係好大隻炸雞肶嚟講，依到真係整得最好食~另外薯條係最愛嘅粗薯，咬落有囗感，好似食緊一啖啖薯仔咁Yummy，成個餐都唔過$40，真心抵食除咗雞肶，佢嘅常餐都唔錯，尤其係個湯底~唔係一般味精湯，飲落清甜連埋dd薑絲帶辣，唔覺唔覺都飲咗一半好彩之都冇囗渴，應該冇乜味精見餐牌話用農場蛋，難怪特別黄。真係會蛋味濃d同埋幾滑。其他多士，火腿個d就正正常常，冇乜特別

屯門人揾食系列之説實在其實屯門真係有幾多好野食ge....今晚放工唔知食咩好咁ar返入屯門食la.今晚萬芳冰室.餐廳設計十分懷舊.好有60年代奇哥年代ge情懷.霓虹光管招牌磚仔牆.綠色工廠味地板上海洗髪鋪張椅同個條轉轉下招牌.亂世佳人手繪電影poster雖然我唔係lee個年代.但係都有睇過難兄難弟ge好la.睇下餐牌la.我地叫左個生炸雞脾配薯條(需時15mins)嘩沙煲咁大隻雞脾配波浪紋粗薯條.雞脾冇雪櫃味.炸得岩岩好.幾juicy.薯條炸至乾身不油膩.不錯配左杯凍鴛鴦.幾濃ge.不過有D甜.再叫左個沙丹豬扒飯配鼓油汁(內有太陽蛋.菠蘿.火腿及豬扒)嘩勁多宋.D豬扒勁juicy 好味ar.第一次食咁ge配塔食碟頭飯配餐湯:羅宋湯總結:比一般x華.大家x.的碟頭飯好食及食出有心思.坐得舒服又唔逼夾.野飲餐湯麻麻.但係雞脾同碟頭飯都做出水準.唯一要挑剔ge係冷氣太凍.令食物好快變凍就冇咁好食la.萬芳冰室係可以一試的冰室