萬花筒 (已結業)

🥢最後兩天限定懲罰 超濃芝士撈麵 🥢請支持即刻俾心👍🏻仲有follow @eatgoodwesteatbadwest🥢黃埔有間小食店，專食招牌芝士撈麵，最受歡迎是黑松露白松露芝士撈麵，仲有棉花糖，今次就特登去試下🥢日式蟹子芝士撈麵 $23打開蓋時真係呆左，大大一碗的芝士撈麵，上面重本舖滿左大量蟹子，芝士醬汁超多，是忌廉芝士汁，超級濃厚香芝士味，食一碗真係抵食又滿足🥢因為老闆堅了幾個月，始終無法支付高昂租金，14/11 是最後一天，想試的朋友要呢兩日去食啦請按右上角按三點，要按 就唔會錯過貼文啦#辣#香港美食#香港小店#今晚食咩好#今晚食乜好#食好西#食好西系列#非廣告#吃貨#吃貨日常#吃貨人生#吃貨日記#支持小店#旅行日記#食評#食好西黃埔美食#黃埔美食#黃店#黃店地圖#萬花筒#hongkongfood#food#foodie#hkfoodie#hongkongfoodie#eat#eatgoodwesteatbadwest#Eeeeeats#FoodPhotography

其實係一個幾月前食既，但最近睇相先醒起唔記得po，所以就算過咗一個月，我都要po返出嚟，因為真係超難食，諗起都嬲。我呢世人都食過咁難食既魚蛋，雖然我知道佢好多好評，但唔代表佢樣樣野都好食。見佢吉魚蛋比我嗰時已經覺得唔對路，佢一d都唔熟手，而且d魚蛋望落去好似放咗好耐咁。放下口嗰時魚蛋係偏凍既，一d都唔熱。咁都算，佢問我辣唔辣，我話辣，佢就咁倒d辣油係魚蛋到，我o咗嘴，你以為係燒賣? 其實都算，味道ok就得。點知放入口咬幾啖，我即刻吐返出嚟，d魚蛋酸嫁! 係酸嫁! 有陣酸叔味，講唔出既難食。 我聞一聞，哇，d魚蛋臭嫁，仲要好似未熟哂咁，口感好差，我真係覺得d魚蛋跟本係壞既，咁仲點食?我一啖都唔落，全部dump哂，難聽d講句，唔係比人食既，因為真係好似壞咗既魚蛋，你叫人點食? 送比我都唔要喇。其他野食就算你話好食都唔好預我，連魚蛋都表現咁差，跟本冇哂信心試其他野。

路經此地比佢既香味同多元的小食吸引😍點解可以咁多小食款式既? 佢有靚靚的做型和色彩繽紛既綿花糖、美味魚、蝦、豬肉丸串串、特色碗仔翅、唔同撈法既公仔麵…睇住個menu樣樣都想試吓😋，但黎一次係唔會食得哂㗎，今次食過一次之後我絕對覺得有下次，而家讚吓我揀咗既几款小食先!邊有翅咁多材料咁有口感㗎，冇得輸! 個湯底濃稠适宜，唔係得粉溝果種囉!簡單既蝦丸比店主加吓料就變得獨一無異，本身爽口再加埋鮮甜既醬汁確係為蝦丸生息不少，仲煎得香香的，真回味😋最怕撈麵啲麵攪埋成一體，分都分唔開，呢到就唔會嘞，條條麵分得清清楚楚，係哂味

話說口淡淡想食宵夜，嗌老公收工買外賣嚟食，佢買左呢間，雖然好熱氣，不過好正丫！呢間叫萬花筒，係黃埔明安街，開舖到零晨3點，應該愈夜愈精彩，因為d野食都真係幾吾錯。我老公買返屋企食，不過都冇變左味或者濕左淋左，水準幾好，我地嗌左燒豬頸肉，切左粒粒燒得岩岩好吾un，加左特別醬汁，幾好食！另外，老公買左一人一隻炸雞脾，好正丫，返到屋企仲熱辣辣脆卜卜，大大隻，好好食，老公話佢係即時整，所以吾係反炸，雖然要等陣，不過值得，呢d屋企煮吾到整吾到嘅，嗌外賣返屋企慢慢嘆真係好滋味！！

呢日係紅磡係完下午茶，之後去左觀音廟拜神，拜完都差唔多近黃昏入黑，但係因為係完個下午茶，個肚徘徊係未太餓但又好鬼口痕想食野之間，食晚飯又太full，所以決定買小食食。順路行番入紅磡寶其利街果頭，熱鬧d，亦都有好多食店揀，行行下見到呢間小店有椒鹽味既丸丸賣，決定同隻佬買番袋去附近公園坐低食。我地主打椒鹽丸，貪其夠香口，分別為椒鹽墨魚丸(四粒)、椒鹽牛丸(四粒)、椒鹽龍蝦丸(四粒) & 椒鹽魚蛋(六粒)同埋點左個碗仔翅&椒鹽雞翼(3隻)點完係店外等，因為係即製關係所以等左大約15分鐘，期間望下menu見到有串燒賣，本來想一試，但要8點先有得賣外賣包裝好靚仔企理，紙質既外賣包裝好少見，同平時買小食就咁用紙袋包住/用發寶膠盒裝好大比對，亦都無咁易滲油，外賣扲住無咁呢hea，相對上亦都環保椒鹽花枝丸一定要試，花枝丸不嬲係我最愛小吃之一，去親食串燒都係點番串炸到微微地金黃外表，大大粒因為即炸關係，入口仲熱辣辣既，好香口雖然係炸既, 但食落唔覺好油膩椒鹽牛丸好味，雖未有爆漿既效果，但牛丸好食，外皮有d脆，入面好咬口椒鹽龍蝦丸外面有dd微甜，咬落有汁，同牛丸係另一種口感，呢個軟身同彈，重點係椒鹽味夠香

今晚同朋友出開紅磡，紅磡一向多食店，而且好多食物選擇。今晚就比我發現到這間叫萬花筒的小食店。店的招牌好特別，好搶眼，店員也很友善。這食店只供外賣，叫咗個碗仔翅，份量又足又好味，翅又多，而且熱熱地。真係好好味道。另外叫咗炸雞翼，新鮮即炸出來，脆脆地，已經香噴噴，色香味俱全，真係做得好出色，而且味道好好食。個人認為是必食的食物。另叫咗椒鹽魚蛋，有6粒，又係即炸出來，炸到黃光色，賣相也非常吸引，又且又夠熱，口感也很好。另叫综合各方面，另叫椒鹽墨魚丸，墨魚丸也很新鲜，即炸出來，又夠香，好好食。即使是只有外賣，沒有堂食。也能保持到水準。综合各方面，食材材料，服務，價錢等。絕對是物有所值。個人必定再光顧這家食店。

係街邊小店都可以高檔吓，好正既黑松露士撈麵呀松露香氣撲鼻、芝士味濃，麵底亦彈牙，讚呀！魚肉蟹肉翅撈: 一睇就開心，起多料，滿滿的，啖啖都有料，係邊到揾? 味道方面當然一流。比超由細到大食開既魚肉翅更勝一籌!呢個係豬頸肉、龍蝦丸串。甜甜地嘅醬汁加咗喺啲爽嘅豬頸肉度 ，味道好、特別野味豬頸肉係超爽!另有一大讚係佢啲外賣食物盒全都唔係膠，其實明知係成本貴但小店都有這堅持，真係好有心支持環保! 我亦要多幫襯呢啲環保小店。下次一定要試吓呢啲只有去婚宴或大型活動而貴到嘔既靚靚綿花糖。係呢到買確係抵

今日正喺紅磡一間舊式的寶石戲院睇完戲，正想回家的時候，突然間好想買一些傳統的食物回家昨晚餐，光巧路過這間小店，被他的食品香味吸引 又估不到這間小小的店舖，食物的款式種類也繁多， 價錢也很合理 門口的介紹，有多款芝士撈麵，價錢也不錯 也有一些好特別棉花糖款式，今次沒有購買下次定一嚐店舖的靚仔哥哥介紹，魚肉蟹肉撈丁， 配上懷舊魚翅湯底加上粒粒的魚肉及啖啖蟹肉絲，很有創意也不忘傳統的製作，時代與傳統的熔為一體， 絕對值得嘗試椒鹽豬扒食得多，椒鹽燒賣真的第一次嘗試， 食落又很特別，微微的椒鹽香味，但又不會蓋過魚肉燒賣的肉香，表面又不太乾身另外一個值得一提的秘製豬頸肉， 豬頸肉的爽嫩肥而不利，再配以他獨特的醬汁，從未在其他的店鋪試過如此的美食 臨走前也多口問靚仔原來佢哋可以用whatsapp先落單後取貨

今日來到紅磡明安街，一間萬花筒小食店，這一間小食店的門面很有特色，我叫咗一個黑松露芝士撈麵，廚師很有心機煮，我的黑松露芝士撈麵來到，嘩！有很多黑松露放在芝士撈麵上面，黑松露很香，芝士撈麵，不太立口，很香芝士味，再叫咗一個，燒賣魚蛋，燒賣很煙韌很有口感，魚蛋很彈牙，還有一個豪華蟹肉翅，很多蟹肉在翅上面，很有特色，很有鮮味。

尋日同friend經過黃埔個頭就黎左呢間萬花筒，裡面ge野真係好好食好特別, 佢ge特色係萬花筒棉花糖,不過尋日就冇食到 可以下次再試講下個秘製豬頸肉先, 呢隻秘製豬頸肉係用左一隻好特別ge汁整,同其他小食店or餐廳唔一樣,食起上黎特別唔得,特別係啱啱送上來黎熱辣辣咁食真係好正然後佢ge咖喱魚蛋比起其他小食店都要香要辣 汁好好味椒鹽雞翼,好脆外皮ge調味粉好香好惹味雞軟骨都係 同椒鹽雞翼一樣都係有香香ge調味粉

今天難得去左黃埔行街，順便入埋民區，睇下有無咩餐廳可以醫肚，解決中午飯。入到去竟然發現，同細個住ge地方有難得相似ge地方！食完中午飯之後，走ge時候見到小食店，確實有D意外。身為食貨ge我又點可以錯過呢，當然要試下啦見到呢個menu都好多選擇，價錢相比其他小食店都比較平，特別適合小朋友放學去食今次我同男朋友都叫左唔小食物，可以順便呤翻去慢慢食1.魚蛋街邊小食最唔可以缺少當然係魚蛋啦，呢度ge魚蛋真係好值得食，7蚊7粒。魚蛋就好彈牙，但又有D糯軟，好有咬口。而且佢ge辣油唔係話特別唔辣，啱啱好，好適合唔係好食得辣ge朋友。2.秘製豬頸肉我平時就好少係街邊小食店會見到豬頸肉買，見到我都覺得幾新奇，結果就忍唔住就叫埋試下。豬頸肉唔係話特別鹹，而且佢個醬汁同豬頸肉都幾搭，食到佢個嫩口感。同我地一般係餐廳食到個感覺都好唔同下，都幾值得試下3.招牌碗仔翅碗仔翅真係我地兩個ge最愛，細個ge最愛，甘童年ge野又點可以錯過呢。佢呢度有三款可以間，分別係招牌，魚肉同埋蟹肉，我地就間左招牌試下啦。我以為佢會有好大部分都係湯底，結果唔係啵，佢ge配料好足，淡淡都係料，成日都會食到大大的蘑菇片而且佢比ge醋

昨天下午5:00在紅磡附近見完客，準備去超級市場買餸回家，路過一間小食店，而我又十分肚餓，看看餐牌，不僅是一間小食店而且賣的小食非常有特色除了最愛吃的傳統香港地道小食，魚蛋、燒賣、碗仔翅外，原來還有串燒、包點，但串燒要晚上才有的，那的點了魚蛋、燒賣和王牌的黑松露撈丁，魚蛋燒賣我在外面吃得多，重點是撈麵，都是第一次吃，吃第一口的時候好像在吃龍蝦伊麵的感覺，很回味吃下去會有一些芝士和香噴噴黑松露的味道，這兩樣東西一起吃相當配合，好好味，值得推介，找天晚上我會再去吃串燒老闆很用心去做，態度又親切，找回以前童年回憶

今日揸車嚟左黃埔行下街，呢間小食舖聽朋友講新開嘅又幾正，出面又有得泊下位，好方便，嚟考試下佢d小食！嗌左最愛炸雞脾$19，即嗌即炸熱辣辣好味丫，炸得香脆之餘又一咬肉汁流出嚟，超正，味道咸度適中，平靚正丫！仲嗌左金菇肥牛卷，吾會燒得太乾，味道岩岩好，大大串，$12，抵食！再嚟大大碌司華力腸，喜歡成條上，有d舖頭切到一塊塊咬落都吾夠過癮，呢間好食成條上，皮香脆，少少微燶，好食！飲返幾杯凍飲，真係好爽丫！

去開紅磡區掃街咁啱見到呢間小食店有撈麵 心思思想食撈麵喎 就試吓佢啲芝士撈.香濃芝士撈面 （$15）芝士味極重 好濃烈嘅芝士香 而且好creamy🤤 見到店主整嘅過程落左少兩種芝士 唔怪得知食落芝士味咁濃郁啦 .我見到排係我前面嘅細路仔食棉花糖搞到我都想食埋一份🤣搞到我勁想試囉同埋我見佢棉花糖個造型都幾靚更加想買來試吓心形萬花筒 （$15）見到個棉花糖由乜都冇慢慢整成心形 感覺試幾過癮 勁大個 自製豆漿2支（$20）有豆香味 都算係香濃

今日難得出開黃埔，跟朋友周圍行逛，買雞回家的時候，聞到隔離小食店的串燒很香，於是買了一點回家試試。碗仔翅($16)，見好耐冇食過，所以買黎試下。這裡的碗仔翅都幾足料，有肉絲、木耳絲、冬菇片等，飲落唔會好水!椒鹽燒賣($15)，椒鹽燒賣就好似平時食既串燒的味道!燒賣燒到好香口，魚肉唔好會好粉，另外調味亦好充足，幾惹味!椒鹽牛丸($15)，牛丸口感實得黎又彈牙，加入椒鹽令味道更特出。見小店其實會開到凌晨，除左有串燒、小食，亦有芝士撈麵，方便收工收得夜或者傾project傾得夜既朋友黎買小食醫肚!