今日我来介绍一家位于长沙湾的串烧店，食萍姐已经系我同一班同学毕业啱啱出黎做野就食到而家既串烧，大大话话都食左差唔多十四年喇，食过附近其他串烧，唔系烧定有人叫就翻烧，就系腌得唔入味，或者系入货整定果只垃圾串烧。而萍姐呢度腌得入味，冇雪味，全部自己人手串，而调味经过咁耐时间既意见洗礼已经冇起初咁咸，明炉烧串烧烧得刚刚好，一般唔会太㶶唔会生。呢度有各式串烧、韮菜、娃娃菜呢D系做串烧既基本啦，烧起唔会干仲好多汁。海鲜如果新鲜，实在系冇理由出事，烧生蚝系啱啱好熟，唔会干晒水，只蚝多汁又饱满又Creamy，扇贝用黎烧最易出事就系烧到韧，但老板真系好有心机烧，冇一次黎食系唔掂嘅。烧羊架唔骚多汁啱啱好，仲冇乜羊骚味串烧安格斯牛柳粒系呢度皇牌双雄之一、咁厚肉已经喺串烧界黎讲系甚少有，厚肉多汁牛味浓更加系难能可贵，黎得绝对要食。还有值得一提既系鸡髀皇扒，另一皇牌双雄呀，烧出黎皮脆肉嫩多汁香口，自己一个宵夜可以叫老板免剪，肉汁锁得仲好，又系另一种享受，而剪开亦方便一口口慢慢食，都系点都要叫。combo set 系鸡髀皇扒加串烧安格斯牛柳，搭串烧娃娃菜消消滞，再用条蓝妹作结下下火。一人套餐就系咁推介😆多人开餐唔该你任哎😎撇除环境既评分，10分 我会畀 9分。老板又唔会赶你走，话知你任坐，我地以前几个朋友未结婚，黎亲都丧叫串烧，饮吓啤酒吹吓水食住干烧鱿鱼，坐坐吓吹吹吓就三四点， 环境上冇要求地踎大排档类 ( 淄博烧烤咁 )，唔使话要好舒适，旦求食物卫生干净，至少咁耐以黎冇试过食完肚痛。而且价格也相当合(以人手即叫即烧黎讲)，唔好同我讲成本唔使咁多自己整一定唔使咁贵乜乜物物，讲成本唔该你收声😡，唔该你谂谂如果夜晚突然想食吓串烧呢D野食，你买唔买到食材先，有冇材料腌先？有冇工具烧先？又有冇烧得好食既工夫先？多人即庆又可唔可以即刻搞先？最后你又愿唔愿意事后清洁先？是旦一样你冇既，唔该唔好侮辱出面餐厅既每一个工作岗位。如果夜晚十点几十一点，我送串生牛畀你，你返屋企都即时烧唔出啦，系咪？萍姐呢度我食左十四年，点解而家先写？一来之前未开始写，二来因为佢地做街边档，始终都会影响到其他居民，尤其是串烧呢D咁大烟，又可以饮啤酒既地方，附近街坊的确系会影响甚深，被人投诉就真系意料之内，但近年来因为投诉罚款太金，所以最后呢度唔做喇 (畀人投诉唔通买凶杀人咩😏）呢个舖完成历史任务喇😝，所以咪而家先写攞。不过佢地搬喇，佢地搬去 大角咀中汇街9号 ，坐位入舖喇，搬大左，又有房，到时食几耐倾到几嘈都得啦😎…查看更多
