影片
葵涌工业区里面既隐世好食饭堂，一到午餐，下午茶呢度就会有好多人食。一路都知道但系冇试过，所以今日就俾个机会佢！呢度嘅特色系可以自助拎汤！呢度嘅汤唔算话好龙尾不过有啖汤水饮都已经唔差！🙊我哋叫咗两碟叉烧饭（$28）同埋一个干炒牛河（$38）呢个价钱已经包埋嘢饮㗎喇😌呢度嘅叉烧饭真系冇得弹！叉烧够浓又够半肥瘦，第二啲地方食都唔及呢一度咁好食！劲多白饭仲要俾埋好多菜，唔会好似出边得一两条咁少👍🏿一定可以均衡饮食🤩佢嘅干炒牛河都好有镬气！一碟望落去d牛都比得唔少，仲要大大份真系超级抵食！加埋辣椒酱咁就一绝喇😆呢度嘅卫生都好足，见到佢哋会用消毒酒精抹每一张枱！仲有佢哋会请有需要自力更生嘅残疾人士，真系超有爱心！😍 呢间一定会番食！🤩
继续阅读
到葵涌区工作及午餐嘅几会唔多，参考网上区内食评后，选择最近嘅工厦饭堂及近期无乜食过又见有几个好评嘅烧味饭。贪心一次过想试两个好评烧味就叫咗 熏蹄叉烧双拼饭；唔知系咪因为睇完食评大有期望嘅关系熏蹄与叉烧入口都只觉一般市场水准；熏蹄唔算特别香亦欠奉鱼露，叉烧有啲瘦，肉质较结实。如果无期待的话期实系可以嘅。不过加入椰菜与整碟嘅份量全碟饭都算丰富，整体不过不失。谂深一层新冠疫情期间工厂区饭堂可能真系食得饱比好味系重要得多，只系我个人太多期望。
继续阅读
今日去葵涌区揾几个朋友，食饭时间佢带咗我去间佢地经常会食嘅餐厅。一入到去感觉地方非常大，又多枱，朋友更话我知黎到列汤任饮，啱晒我呢啲汤水怪。干炒贵叼水准ok，见佢炒落都干身，配料都几足，味道唔会太重味，都唔系好觉有味精味。呢个系我由细到大嘅最爱，干炒意粉炒得好有镬气，有少少烧焦嘅豉油味，再加埋啲黑椒一齐，配埋块茶记牛柳，唔错唔错。系个意粉本身炒得比较油，所以间唔时先食下。个面底非常香脆，而面上面嘅肉丝汁都比得好足，唔会食到最尾得面冇汁。
继续阅读
葵涌区抵食饭堂之一，普遍味道正常，仲偶有佳作，地方大，易揾位。每日都有自助例汤，汤系任饮，但足料好味，唔会偷鸡，啱哂我呢啲汤精。呢到选择多，有不同嘅小菜，炒粉面饭，蒸饭，三𩠌饭，不过我最钟意都系呢到嘅烧味。呢头烧味饭嘅选择唔多，萃华嘅烧味饭绝对系呢区嘅首选。叉烧通常都系半肥瘦，唔会过瘦鞋口，又唔会过肥油冧冧，外表烧得干身香甜，肉质保持弹牙，食落仲好香口。熏蹄弹牙，而且处理干净，唔见有毛发，配埋酸醋非常开胃👍🏻冻奶茶味道一般，呢到嘅茶底唔啱我口味，永远都饮到好涩🙈
继续阅读
萃华最近做周年庆特价，快餐/三𩠌饭都系HKD$35，由于呢个反通胀价钱实在系太抵食，食物又唔错，座位又多，所以成为左我地近期最常去既饭堂。⭐️叉烧薰蹄饭 HKD$47虽然冇做特价35蚊，但萃华既烧味的确系唔错，价钱都正常唔算贵，以附近嚟讲，佢嘅叉烧最好味!⭐️是日午餐-星洲炒米 HKD$35绝对冇因为减价而缩水，大大碟，炒得有镬气。⭐️是日午餐-梅菜扣肉饭 HKD$35扣肉炆得入味香软，肥肉部份入口即溶，瘦肉有咬口得黎亦好松软，食落一啲都唔觉油腻，味道适中唔会过咸，反而梅菜仲带甜味.⭐️是日午餐-虾米粉丝水蛋饭 HKD$35大大碟好抵食，个人口味觉得淡咗啲。⭐️热柠茶 跟餐试过呢到既奶茶/柠茶，就算冻热都好重涩味，应该系茶底调得唔好。📝不过!! 佢呢到既例汤系自助任饮，足料得黎都唔错!
继续阅读