影片
以上资料只供参考，请与餐厅确认详情
上网睇左唔少资料，话过黎大围其中一定要食既小食最出名系手撕鸡肠粉手撕鸡就系普通手撕鸡，肠粉系普通肠粉加埋一齐之后就系【普通手撕鸡肠粉】有咩特别?冇特别，鸡都唔系特别滑手撕鸡应有既味道，麻油味麻酱味，佢有齐但就系一个手撕鸡啰其实你求其揾间手撕鸡，再求其揾间肠粉加埋一齐【完成】佢就只系方便左你将两样野沟埋反而佢支无花果雪梨唔错清甜得黎有些少冰糖味，热到死既时候饮返支的确唔错系个贵钱贵左少少睇左好多评论话呀姐态度差，的确有少少但感觉上佢似系唔多想讲野，又唔系话真系冇礼貌既
继续阅读
由旧舖开始排长龙开始买，都差唔多就嚟10年啲姐姐态度就不嬲都好差，次次买都好似我俾钱乞食，所以每次唔多唔少都有一啖气，奈何我屋企人钟意食，所以都要去帮衬，但估唔到而家连啲份量都可以少咗差唔多一半，价就照加一成几，肠粉量可以少到咁，连胃口少嘅都话之前都会食剩，今次系食完都唔饱仲叫饿，好呀，经过今次连屋企人都话以后唔去帮衬，冇计太激气，咁冻落去买完返嚟都系唔够食，当以后少咗个选择啰！(放唔到相俾大家睇)虽然味道都系还可以，但再者，态度差咁多人讲咗咁多年都冇改善，终归都系自己犯贱，以后出发去玩之前都唔使再佢，横掂堂食叫佢抹吓枱，一系俾佢冇视一系就话唔得闲，最后都系自己攞张布抹仲快，对于选择困难症嘅人都系好事嚟嘅
继续阅读
当日下午大约4点，路过见到原来搬咗，记得之前系单车铺隔离。企系收银 都无人会帮你过嚟落单，间铺只有两个系度食紧野嘅客，叫左一份手撕鸡肠粉，一份鱼蛋同一枝嘢饮 $85? 之后佢比左个 取餐器，震就可以去自己拎，𠮶取餐污糟到不得了，笠痴痴到呢…之后睇住佢对蓝色手套，收钱>找钱>俾取餐器>整嘢食>出餐，全部都系同一对手套冇换过，一啲卫生意识都冇！讲真个肠粉又唔散，又唔滑，仲要唔够热！最后佢会好大声同你讲要自己抌垃圾佢个风车垃圾袋𠮶度，我真系唔明佢可以代表大围啲乜嘢？
继续阅读
第一次去到舖头门口，本身系谂住入去食，然后见到枱枱都full晒，有啲人食完喺度玩手机又唔走，有啲就喺枱就劲污糟冇人抹枱，又冇人收嘢。我话5个人，个度有张大枱空左，可唔可以执吓想堂食，佢好似聋咗，净系系咁问我食咩食咩食咩。最后真系嬲撚得滞走左🫠咁第二次啲friend想去食咁就同再同佢哋入咗去食啦，个姐姐态度都系一如既往嘅西，其他职员都好。然后啲嘢食到咗，食到啲菜系饮浸青草味，食到劲想呕🤮食咗一半都冇就即刻走人，返到去之后仲要肚疴，我都唔会再去食呢间咁嘅垃圾😃
继续阅读
落单又唔听清楚 落错单等候时间要半小时员工态度欠佳绝对系一间唔值得去既食店食物质素又差 价钱又贵 性价比非常低建议大家唔洗为左佢既假好评而去光顾 浪费自己时间以后不会再去！
继续阅读
您可能会有兴趣的...