華記麵家

放假行过入去试吓呢间嘢嗌咗一碗杂可一碗猪手面碗面太细，份量唔多两个大人食咗都唔会饱于是再叫多一碗牛腩面最惊讶系碗面嚟到竟然得一粒牛腩？！我想叫个侍应埋嚟问清楚，不过朋友话算啦，最多以后唔嚟食咁佢讲得啱投诉都冇用，通常香港舖头都系死撑，所以啲人先至上大陆食，唯有感叹自己运气差或者系得罪咗个老细自己都唔知？就系因为得一旧牛腩全食唔出佢有乜嘢质感，因为根本冇得比较！食咗咁多年牛腩面呢间系至尊！似乎佢只系想做街坊生意唔想做外人生意！…查看更多

呢间舖头由细食到大，就算大个咗喺九龙住，时不时都会过嚟帮衬。一半系食味道，一半系食回忆。今朝过开嚟筲箕湾，就嚟呢度买个牛筋腩米外卖，分汤，谂住返屋企下昼叮返嚟食。点知返到屋企先发现得清汤、斋米，一嚿筋腩都冇，又冇腩汁，又冇理由过返港岛换，变咗食斋米。😔不过佢个牛筋腩同炸酱真系出色，可能系儿时回忆啦，所以我都系会继续帮衬。希望老板睇到，下次pack外卖就注意一下啦！…查看更多

呢条街好多食店，见呢间都几多街坊帮衬就入嚟试下，睇店面，估唔到佢冷气都几劲👍🏼我叫左牛筋腩云吞墨丸米😍😍啲牛筋腩又腍又入味😋😋云吞都唔错，墨丸一般朋友俾左块鱼片我食…唔太好食，唔爽口，味道淡左啲，不过朋友大赞牛杂好出色👍🏼👍🏼…查看更多

拣错店入去食嘢。 牛杂面$30，肺大大嚿 有三旧，牛肚一片，肠两少件，汤系甜嘅……唉！！！ 粉肠云吞米 双拼价 $38， 个汤冇味，清水加淡豉油， 粉肠腥清洁得唔干净， 云吞就似附近成记面食， 云吞入面有一只虾 ，有1细点猪肉， 米粉又粗又硬。 两样都食唔落去。到附近出名: (低调高手)买个夹饼，食完个人先至有番啲生气🤪…查看更多

呢间粉面食店在东大街不算起眼，我也是无意中才发现，于是入去试试，感觉到店员们的友善。明显是区内老店，储落一批街坊食客，老顾客未坐低，店员就能说得出「今日系咪云吞面走葱，啲面淋啲？」、「今日咁晏嘅？」、「哗，好耐无见你嚟咯」，熟识的对话，这份就是香港老店独有的人情味云吞面 $26 - 有4粒云吞，每粒至少有2只鲜虾，特别弹牙，乒乓波左右的大小，幼面亦很弹牙牛腩面 - 牛腩入味、够腍，想吃炸鱼皮，也可选择双拼 $34，一人份量刚刚好，少吃多滋味…查看更多