華記潮州滷水車仔麵

营业中

休息中

呢度車仔麵主打滷水汁咖喱汁全部餸都滷得非常入味，啲汁夠濃仲有少少辣，配上夠肥嘅豬腸好好食😆呢度嘅米線配菜可以揀份量我哋揀咗多蔥多芫荽不過份量冇想像中咁多如果份量多啲就真係正啦另一碗汁係重口味(即係滷水汁、咖喱汁同腩汁)幾款湯汁夾埋，碗湯會略鹹真係啱晒重口味人士配料中，蘿蔔夠晒淋夠晒入味豆卜都係，吸晒啲湯好食😆另外叫咗個韭菜豬紅份量好夠，一大碟豬紅夠入味，唔會有怪味亦唔會一夾就散，加上少少辣汁幾香值得一試

星期日同老公行街街，諗唔到食乜好，佢話想食搬咗新舖嘅華記車仔麵，反正未食過就行去望下，去到2:00幾左右都有8,9幾個人排緊隊，咁熱真係唔想等😖不過見佢餐牌又幾吸引，幾多餸揀，咪照排囉，大约等左15分鐘已經有位，都算快啦👍入到店內員工都好有禮貌👍不過安排座位有些逼，本身卡位唔算大，坐4人真係好迫，中間仲有膠板隔住，因為我地倆人叫咗好多款式餸🤣連對面搭枱情侶都望到眼碌碌🤭所以咪覺得張枱太细唔夠位擺囉😂叫咗個凉伴生腸😫有d失望，因為有陣味另外失望仲有豬红唔好味，牛腩炆得唔夠腍😑但牛筋同蘿蔔又夠腍喎👍不過有驚喜係個炸太陽餅😋新鮮炸起外脆內裡咬落好彈牙👍點埋個泰式醬好🌶其他鹵水餸都ok啦😋湯底都夠濃夠辣🌶🌶

車仔麵就食得多，但食潮州式的確第一次。我叫左油麵，豬紅，豆卜，牛腩，大腸，加腩汁，少咖喱。另外再叫多左客墨鬚。先講油麵，正常爽口，唔會有鹼水味，豬紅夠實唔易散，入味，冇錯係打冷既味道，豆卜本身底味都夠，再吸埋啲湯一流，牛腩少肥唔會好蘇，夠淋滑，大腸都係淋滑唔會有壓味，會最重要，我最驚喜係個湯底，係真係潮州打冷既鹵水味，食得出好足料，啲八角，桂皮等香料味令所有的食材香上加香，加上我叫左佢多青，所有肉既肥膩感，無晒。墨鬚，爽口彈牙，都係用潮式打冷做法，完全滿足哂打冷同食車仔麵既兩個願望。

住附近多年，以前知道有一間食鹵水嘢嘅(舊舖)，但係由於開得比較夜，所以一直冇幫襯過。直至早排知佢晌對面開新舖，馬上去食。仲一個星期食左兩次。第一次係堂食四餸：牛腩，牛筋，牛肚，生菜，滷水汁第二次係外賣四餸：今次冇牛肚，換上牛大腸，同埋個重口味汁。有驚喜嘅係牛大腸。平時豬就食得多，今次係牛所以冇咗陣“羶“味。我覺得佢冇豬大腸咁有咬口但食落個feel都好好。另一個重點係個重口味汁，味道堅濃。食哂啲料欲罷不能要飲哂碗汁，最正係唔口渴嗰下先好嘢。好彩住得夠近，食多N次又點話？(隔日先打篇食評所以冇相)

朋友上年介紹華記潮州鹵水車仔麵最好吃，剛好經過 界限街 嘗試一下，我叫了三餸一麵， 有豬紅 牛肺 豬腸 ，豬紅普普通通 ，牛肺 比較韌 ，眼看豬腸內臟沒有清理好非常之邋遢， 我刮了很多內藏污糟 的東西 出嚟 睇見都唔想食下去， 我都是吃了三分一，希望他們可以 清潔好豬腸內臟 的污糟嘢，才拿給客人吃 。]]]]]

據聞這間車仔麵在太子很有名，印象中應該就是之前對面街那間外賣店。先前已經吃了一頓下午茶，行咗一輪之後，來到這邊，反正難得出來九龍，再試一試吧。雖然不知道滷水車仔麵有什麼特別，因為平日吃車仔麵，通常都是一味靠濃味顯得出色，不過這次試了，就覺得都不錯，因為不像平日吃車仔麵一般一味死鹹，或是溝辣醬、沙嗲、麻辣來添加味道。不過唔係個個都能夠接受這種滷水甜香，因為妻子一向都不喜歡吃甜食，即是這種鹹得來太甜的滷水，似乎太多，也會覺得太膩。試試配料，如果本身不是有點飽的話，我一定會試腩肉，不過之前已經吃過一餐下午茶，這次只是淺嘗一下，點叫兩個餸，雞翼尖以及牛腸，牛腸以及豬大腸，的確要一起試，才想到其分別，妻子的豬大腸，比較粗壯硬實一點，牛腸，外面就比較軟林，的確好像牛雜裏邊的牛腸，比較容易咬開，但味道略帶牛香。雞翼尖份量都幾多，可能有七八隻之多，盡吸滷水的香氣。不過反而米線才是這餐下午茶的驚喜之處，因為米線使用了以往在大角咀<<巴蜀>>所鍾情的幼條米線，幼身而吸湯，是相當出色的。湯底加上香蔥，帶點甜味，香蔥的味道亦都相當出眾，不過就是不是個個都喜歡這種甜滷水味道。辣椒

以前華記潮州滷水車仔麵係響界限街單數號地鋪主打做外賣，最近搬咗去斜對面嘅鋪位做埋堂食，咁好耐無食過，經開太子又順道支持下，依家係自己剔低想要啲乜嘢食/飲，咁我就揀咗幼麵、豬紅、牛小腸同牛肺，汁就揀咗重口味推薦(即係滷水汁、咖喱汁同腩汁)，三餸車仔麵$48，之後加咗罐雀檸$7。當侍應同我覆單時問我駛唔駛走芫茜時，我即刻定一定神，望住佢話唔該多茜，可以嗎？佢話係可以嘅，之後佢就用電話落單，咁既然本身無對有芫茜嘅期望，就唔會對芫茜有多少而去失望，咁我又睇返餐廳所有嘢都係無任何「芫、茜、荽」嘅字出現過的。點知碗車仔麵一上枱時居然有驚喜，啲芫茜份量都唔少，仲要比起依家市面上某啲餐廳話重茜～～甚至要加錢先多茜嘅更加多茜，而對於我自己嚟講，芫茜嘅份量係合格嘅，餸都一樣份量十足，而且味道都唔錯，但價錢就比呢區附近貴咗少少。講返碗麵，平時我食車仔麵就好鍾意點公仔麵，不過呢度主打滷水汁，所以點咗幼麵，因為生麵可以更加索汁，甚至可以掛住大量芫茜一齊食，非常滿足，餸就點咗豬紅、牛小腸同牛肺，豬紅夠鮮嫩(但唔夠滑)、牛小腸肥膏夠邪惡又好嚼口、牛肺夠彈牙，汁係重口味推薦(滷水汁、咖喱汁同腩汁)，全部餸都滷得非常入

之前未搬去對面時經常大排長龍令人卻步如今搬入大舖做得舒服咗又易有位湯底：我自己叫咗混合重口味湯底（mix ）第一口超級惹味但過重的咖哩味把滷水味有點蓋過了可能分開會比較好一點點但總體黎講都幾唔錯另一碗叫咗滷水湯底滷水味濃厚，尾韻卻是輕甜。很小清新的結尾讓他與眾不同值得一試大腸好耐冇見過咁有誠意嘅大腸厚實彈牙份量十足滷得很入味鮮魷魚爽口清脆且先甜唔似一般車仔麵檔用開嘅玻璃魷魚熱愛鮮甜味道的人記得試試太陽蝦餅酥脆入味，香脆可口總體來說，份量十足，味道也幾好。如唔洗排隊，值得試試。

短時間內又心思思想食😋入到去都係好有禮貌嘅侍應哥哥招呼我今次嗌咗小食鮮魷魚撈撈，汁好野味，花生好脆脆，只係魷魚有一點點過熟嗌咗四餸河粉，咖哩汁加鹵水汁(咖哩汁係另上嘅，等我慢慢調味)咖哩汁香濃，鹵水汁甘甜蘿蔔(入味冇渣但淋得濟溶咗…)，牛肚(好味)， 生腸(未夠入味)，魚片頭(好味)整體都係唔錯❤️

幫襯咗舊鋪好多年簡直係陪伴我成長我係阿叔嘅忠實fans😋自從阿叔退休之後的確冇乜意欲想再食……不過以前辛勞完總係想食😂所以始終有種情意結索性去分店試下見到有十個八個人門口等外賣😮入去哥哥侍應好有禮貌招呼由落單到上麵到執乾淨枱都好有禮貌(讚)我嗌咗四餸河粉(足料，滿一碗😂)，鹵水加腩汁，蘿蔔(好入味無渣)，豬腸(若果可以去乾淨啲肥膏更好)，牛筋(好淋好入味)，牛肚(好味)個人覺得唔止保留到阿叔嘅味道我比較喜歡現在嘅味道，食完之後冇覺得好頸渴(差不多飲唒個湯😂)，徒弟青出於藍，阿叔應該好開心吧。

在舊鋪時，買外賣，質量 & 份量非常滿足搬到新鋪，有堂食後，份量明顯縮小，每件餸都剪細喇可能仍適應新鋪運作啦！外賣又少了一款餸，返屋企一打開，先有呢d驚喜！味道亦淡了。。。真無癮都係鐘意舊鋪既味道 與 份量 (滿足感)

見新開就黎試下，距離地鐵站都唔算遠好易搵，當日就唔算多人食，所以都唔需要等位😄二餸車仔面$40牛肺，雞中翼，米粉，重口味汁小辣-好大碗米粉好多，但牛肺食落淨係得牛肺味，就好似用水烚熟佢咁，而雞中翼都一樣好似就咁用水烚熟咁樣好淡，一啲都唔好食，湯底味道都ok但小辣唔算好辣😥😥😥五香牛腩，豬皮，米粉，腩汁-腩汁唔濃，牛腩算‘林’，豬皮爽口但都係好淡味，麻麻地😥😥通菜$20-本來想叫腐乳通菜，但佢地係無腐乳，所以揀左腩汁通菜，但腩汁真係好淡味，所以麻麻地

諗諗吓！對上一次光顧....已經係幾年前同老公拍住拖去舊舖，坐係街邊食啦知道開咗新鋪，咁啱堂食又開返，一於再黎捧場去到門口見到好多人排隊買外賣等咗5分鐘就可以入去坐啦！食車仔麵梗係食餸啦我同老公每人各叫咗四餸，哇！真係飽到一個點！當中有某幾樣我哋覺得好出色架！蘿蔔～真係好入味好淋好鮮甜！牛筋～車仔麵既絕配！牛肺～好特別，因為唔係周圍有得食！佢個辣油唔算辣，但有好多芝麻另香氣撲鼻！下次再試其他餸員工服務態度好好～因為有耐性介紹餐牌

讚1.服務幾好，夥計好好笑容2.滷水內臟好似豬腸、牛腸都真係幾好，入味、肥香，基本功夫真係做得好；麵質都煮得爽；蘿蔔好甜身同入味彈1.牛腩係韌左啲2.地板有啲黏腳

一個四餸車仔麵 滷水汁 豆腐春卷牛肚大腸三餸車仔麵滷水汁 蘿蔔豬紅雞翼尖滷水汁淡 因為本身唔係好食得辣 原本想試咖喱汁 阿姐話我唔食得辣不如叫返滷水汁自己有需要先加辣椒油的確加完辣椒油係好食啲 但餐廳名叫滷水又唔覺得個滷水汁好出位 餸嘅份量都多 春卷皮小脆 餡肉彈牙 牛肚蘿蔔都幾入味 幾淋 其他普通 豬血有d腥