華記滋味小食 (界限街)

喺太子街頭搵到「華記潮州滷水車仔麵」，真係內臟控嘅天堂！😍超過40款配料任揀，全部劃一價錢，想食咩就點咩！餐廳自設廠房，每日新鮮整潮州滷水，以傳統的潮州滷水口味聞名，平民價錢食到靚內臟🐮🫁，性價比爆棚！晚飯時段現人龍，但流程快，唔洗等太耐！餐廳環境舒適潔淨，用手機QR code落單超方便，2人各叫咗$53三餸車仔麵同太陽餅，份量多到食唔晒！✨街頭小店滿滿潮味，啱晒同鍾意食內臟既朋友搵食！豬腩肉＆豬頭肉🐷軟嫩入味，滷水味香濃五香牛腩🐮肥瘦適中，炆到入口即化，而且夠軟夠腍又夠香😚五香牛肚🐮爽口彈牙有嚼勁，又夠入味😋牛大腸🐮肥膏多而不膩，完全無怪味，洗得乾乾淨淨！雞中翼🐔肉質嫩，滷水味稍淡但夠Juicy！太陽餅（蝦餅）🦐新鮮炸起，香脆過癮！😍每塊有啖啖蝦肉，點甜辣醬超惹味！份量多又平，內臟控必試！下次試魷魚鬚同咖喱魚蛋！😉…查看更多

最近去左一間餐廳，真的要大力推薦吓！❤️❤️首先，呢度嘅環境非常整潔，畀人覺得好舒服。 👍🏻👍🏻呢度啲份量真係好多，點咗個三餸面，每樣餸料都畀得好足，非常滿足。 零舍要提吓佢哋嘅豆腐串，真係好長好抵食。🤤🤤再嚟就係牛筋，真系好滑好爽，每一啖都畀人意猶未盡。 🫰🏻仲有佢哋嘅太陽餅，餅皮非常脆，用料都好足，新鮮炸熱辣辣，咬一啖就能感受到滿滿的誠意。🌟✨ 魷魚嘅口感都好勁，非常爽口，咬落去又彈牙又多汁，而且隻汁酸甜適中，味道層次分明，讓人忍不住想食多幾啖。💯如果你都鍾意食份量足、味道好嘅食物，呢間餐廳絕對不容錯過。✨✨ 下次去開太子, 又想食車仔麵既話, 一定會再幫襯，絕對唔會失望！…查看更多

呢間真係全港我最鍾意嘅車仔麵檔每次都會食瘦牛腩（女仔嘛～食瘦d🤣）瘦牛腩口感唔會太柴 蘿蔔都係每次必點 好淋好入味滷水豆腐 大魚蛋都會推薦～我最鍾意河粉有時驚太飽會轉通菜地（不用加錢的～）重點係要點重口味全部汁都要（真係好正～🤣🤣）…查看更多

星期四晏晝去咗食 所有餸同埋湯底都好好 嗌咗豬大腸 豬粉腸 小辣 小食叫左個太陽餅都幾好食 推介唯獨係河粉淥到一嚿嚿 美中不足希望可以正視下呢個問題如果可以改善呢個問題就完美…查看更多

華記潮州滷水車仔麵 太子界限街34號民興大廈地舖近期睇左MM講華記車仔麵又見到Man姐都有去食一於就去試下啦😆點知一尼到條龍排到去轉角位勁多人！果然係近期網紅餐廳👍🏼牛雜麵尼到非常多料！你講得出嘅牛雜佢都有🐮而佢嘅牛雜吸收曬湯汁嘅精華好香濃😚三餸車仔麵(腸仔 豬紅 五香牛河)麵條同湯汁嘅選擇非常多仲可以揀重口味(所有湯汁加埋)又係爆料！太陽餅尼到嘅必食之選🌟勁好食😋香脆嘅外皮入面係有原隻嘅蝦係到🦐配上酸甜汁好正新鮮魷魚鬚又係份量十足👍🏼魷魚鬚🦑都好大隻環境：💘💘💘味道：💘💘💘💘服務：💘💘💘💘價錢：💘💘💘💘Encore指數：💘💘💘💘…查看更多

牛什麵🐂-滷水汁加腩汁$45呢個麵都幾特別😂材料豐富😊有牛肚牛腸牛膀牛肺😁雖然係牛雜但係都處理得好乾淨🤣冇嗰啲奇怪嘅味道😊又唔算腥😊整體嚟講爽口😇配埋去滷水汁同埋面值食得好爽三餸車仔麵-蘿蔔🥕魷魚🦑牛肉餅$49除咗牛雜同埋豬雜嘅選擇🤪仲可以有平時嘅車仔麵😇蘿蔔炆得超級林☺️又入味又大嚿😂牛肉餅其實係扁咗嘅牛丸😊係潮州嘅特色🙂幾特別😊魷魚都係好爽口😂配埋佢個辣汁好惹味太陽餅🌞$49其實即係蝦餅😁我覺得有少少鯪魚肉餅嘅感覺😂配埋酸甜醬😀啱啱好😌新鮮炸熱辣辣新鮮魷魚鬚🦑其實同上面嗰個車仔麵魷魚鬚係差唔多😌但係就落咗啲辣椒☺️同埋花生😉潮州辣椒又係好惹味😀又唔算好辣😀同魷魚都好夾…查看更多

好掛住華記既湯底，於是乎去完附近辦事就黎呢到食車仔麵🍜🍜 我地倆人，分別叫左三餸 $49 同四餸麵$59～ 👍🏻車仔麵配料選擇眾多，花多眼亂，每樣都想叫，但白蘿蔔係必叫，非常入味冇根又淋軟，仲足足有4大舊，非常扺食。其次牛筋牛腩亦入味及淋軟，唔“鞋“口。 👍🏻麵底有粗麵，幼麵，米粉，米線等，本人喜歡粗麵可以掛多啲汁，所以揀左粗麵。 👍🏻葱/芫荽 可以自由選擇走/少/多啲👍🏻醬汁方面，如果食得辣，建議揀“重口味推薦（即係全部汁都有，包括腩汁，清湯，咖哩汁，沙嗲汁等等），湯底濃郁，味道好夾，少辣剛好，唔會搶口。 總結黎講，性價比高，絕對會Encore既車仔麵店！…查看更多

真係好痴線，為咗趕睇戲🎬嗱嗱臨買個外賣食點知排隊等咗半個鐘呀😭鬼叫宵夜唔算多選擇，而我一直覺得宵夜檔比對面堂食果間好食😋難得等到11點先開門，估唔到咁長龍，人手得一個姐姐嘅關係，前面嗰個仲係4碗、3碗、2碗咁叫，結果等左半個鐘先到我😑即叫即做丫，姐姐亦記唔切太多嘢要續個續個嚟。蘿蔔今晚有啲硬，我平時就唔食稔，食爽嘅，但佢呢次好似未熟哂但有入哂味嫁喎🤔即係未煮好又浸住咁？牛腩同大舖唔同，係因為小食店冇得比你揀牛腩偏瘦定其他，而牛腩平時啲碎濕濕咁嘅今次嚿嚿都睇住佢剪大大嚿，平時小食店姐姐落手比較重，所以叫小辣。點知好似冇辣得滷水汁加腩汁咁。另一碗就叫大魚蛋、我至愛嘅魷魚鬚🦑,但好想食粒冬菇，3餸又肯定食唔哂，因為佢哋餸嘅份量真係唔手軟，姐姐話請我食兩粒🥰佢話新年最緊要開心呀⋯⋯呢碗叫中辣，又好似大辣咁辣，因為佢落咗好多潮洲辣椒油🌶️好彩我「筆」走咗啲。唔好嚇親，魚蛋唔係4粒，而係剪半，長洲大魚蛋真係好正！我最憎陳皮魚蛋～海量嘅魷魚鬚唔知點解佢啲魷魚鬚🦑一啲都唔硬，好彈牙，真係好足料，仲發現姐姐原來請我食4粒冬菇，雖然佢哋唔係大花菇，不過就好入味！每次都係食烏冬 兩餸$42 份量好似係出面嘅3-4餸份量，真心抵食！不過我想細份餸平幾蚊我叫多幾款餸囉😂蔥同芫茜自己選擇要唔要嘅！就係咁嗱嗱聲去睇午夜場啦！留意返夜晚呢間同對面果間嘅餸都唔同嫁！成日見啲人打錯食評，因為都係同一條街，係對面 不過呢間剩係做早餐同宵夜，主要外賣同有其他小食嘅。…查看更多

今天下午三点左右買一個二至三人份量鹵水牛雜再加一個生腸,居然响門外等了超過35分鐘先有,明白當時有好多人堂食,就係因為唔想嘥時間响度等堂食先至買外賣啫,況且啲牛雜係咁切啫,又唔使煮,真唔明点解咁耐.唔係昨晚ricky介紹而走去試下就唔會中伏.真心冇下次.…查看更多

某日夜晚肚餓，咁行過呢間車仔麵，叫麵好多人食，就外賣咗兩碗番屋企。大魚旦 肥豬肉 油麵 紅腸，有驚喜嘅地方係佢嘅秘製辣汁，真係好惹味。成碗湯食落去已經出哂汗，有少少不足係...後勁好咸要飲大量水😂大魚旦 紅腸 魷魚 米粉，魷魚佢地唔係咖哩，係白烚，所以佢無停味，所以一定要配辣汁吊番起佢嘅味道。大魚旦係炸過，唔似出面係白烚個種。紅腸都係煎過，香口。所以有心機。…查看更多

又半夜收工,阿強又話帶我食好西,原來係界限街間車仔麵,對面the bound 同基隆我就識,前面何車我都食過,係冇食過哩間,不過夜深人靜,香港依家既市道,就黎有24金拱門都要當恩賜,阿強話咩光頭藝人開既,關我鬼事咩,只要唔係乜乜正能樣就得啦.埋去叫餸,阿強細細聲同煮麵姐講野,唔知佢叫乜.我就求奇叫左牛肚筋膀肺米線,咁啱發現朋友係the bound 搞辣醬試食,問佢攞d 黎送麵,辣到飛天.攞完辣醬阿強已經食曬,我唯有拿拿聲食.好啦.總結,以車仔麵黎講d牛雜唔錯,好食嘅.宵夜黎講份量可以.湯重味精,第2朝訓起大人以為我比人打腫左對眼.半夜依家真係冇乜得要求.我見都真係好多人揸車黎買.…查看更多

最近搬咗嚟附近，成日都喺度食華記車仔麵佢通常好似係夜晚10點後先開，只做夜晚介紹咗勁多朋友食嗰個朋友都話好味通常我睇，牛腩，牛費豬腩，蘿蔔，豬腸等等呢度點嘅車仔麵真係超足料，送嘅份量比得好足每一樣餸都好入味，佢嘅辣同湯底都唔錯，仲可以選擇多蔥多芫荽冇記錯好似係$32. 40 48 55一送至四餸選擇…查看更多

喺社交平台經常見到這家人氣車仔麵店，已經很想去幫襯。😙😙😙今天平日放假；人流較少不用排隊，記得第一次幫襯排了半小時。今天準時十二點抵達不用排隊，簡單點了我喜愛的重口味推介湯底全部汁。入口有香濃的鹵水汁味，品嚐到香葉，花椒，八角，桂皮的香料味，層次有序。今次簡單點了一餸麵 ＋ 太陽餅，麵底是米粉，口感是我喜歡的那種，不會太粗或幼，不會只得滑滑口感那一款。太陽餅外皮脆內裡爽口彈牙，原來是用墨魚＋蝦膠做餡，仲會食到原隻蝦肉。一碟有五件，只賣三十八蚊，抵食。…查看更多

一碗車仔麵+4餸$65蘿蔔，腩肉，冬菇，翼尖呢一碗，純粹明星效應去初嚐4餸。無甚驚喜或出色腩肉，厚得似燒肉。味，無。湯底。咖喱汁，腩汁，滷水汁。混合湯底，無驚喜之作，贈送你飲一大杯水。可能每個人對車仔麵既感覺不同，但唔好用明星效應，催谷銷量。最終只會反效果。…查看更多

行街經過見到有滷水湯底既車仔麵有啲特別就入左去一試! 位置位於太子地鐵站行5分鐘左右地方尚算方便不過佢由舊舖搬咗去對面嘅新舖，本來係界限街27號搬咗去對面界限街34號。新鋪裝修比較大光猛，門口有溫度測量計！員工比較有禮貌落單快，招呼尚算好，我哋叫左個2餸：豬腸同豬肚，米粉（牛腩湯底）同一碗豬什粗麵 (滷水湯底）。可選多蔥或多芫荽唔鍾意芫荽嘅朋友亦可走芫荽，滷水湯底香濃入味，豬肚比較爽口，豬腸大件入味，蘿蔔煮得夠淋入味無渣，兩碗車仔麵都好足料，食完晒碗麵都仲有餸淨而家喺香港都好少見到，不過飲品比較少只有豆漿汽水同綠茶，無茶餐廳嘅凍檸茶或凍奶茶選擇，出菜時間都比較快大約5分鐘左右就可以品嘗到美食如果趕時間嘅你就係一個最好嘅選擇，門口有車位可以暫時停泊外賣朋友不用擔心抄牌問題！揸電單車嘅朋友更加可以連群結隊擺喺門口入去試一試！值得一試！…查看更多