華興點心皇 (已搬遷) 新店位置

是日晚飯，選擇呢間點心店，門面就冇咩吸引力，不過都想試多尐新嘢，所以就入咗去．入面係舊式設計，客人都唔少，全部都係街坊多．叫咗3個點心，蝦餃，燒賣同棉花雞再另加一個細盅頭煎蛋牛肉飯．蝦餃皮太厚，不過蝦肉都叫爽口．燒賣一般．棉花雞入面嘅魚肚吸哂尐汁，好好味，雞肉亦都幾嫩滑．煎蛋牛肉飯都係一般．

宵夜唔知食咩好，點心係一個好選擇。點心款式都唔少，價錢亦唔平。牛肉球，麵粉球，大大粒，個汁好味 鳳爪係飲茶必叫點心之一，份量唔多，得幾隻；而雞扎足料，可惜味道都係麻麻。

能嘆一盅兩件一杯靚茶又可負擔得起的茶樓已買少見少，今次去完下次可能已消失人間。不知華興其他點心或茶是水準如何，上次路過見其蝦餃賣相不錯，今天外賣四籠未蒸的蝦餃，回家用蒸籠蒸，店員更細心地送四張蒸籠紙，蝦餃蒸熟，大大顆，皮烟靭有度，蝦鮮爽甜，肥豬肉份量恰如其份，不油膩，令蝦和澄面皮更味美，這華興十六元四顆蝦餃絕不亞於大店十六元一顆的蝦餃王。沏一壺特濃普洱，what more do you want?

成12點都未食飯~又唔知食咩好~就黎飲個夜茶~少少地食下點心~唔會飽到訓唔著MA~華興點心皇都唔係第一次黎~一直都算係不過不失咁啦!~通宵營業的確方便左好多OT既朋友~冇驚喜嘅蝦餃~但又未至於失望~因為又冇咩大期望~皮厚左少少...蝦亦唔算出眾~可以接受啦~其他野亦都冇咩特別~夜麻麻有得食都冇得要求太多~唯一係煎蛋牛肉飯唔錯~

環境唔講了, 其實是經常(幾年間)路過, 心諗會唔會有臥虎藏龍的大廚在陣呢?!某日再路經此地,決定同太座一試”龍與鳳”,大致上感覺如下:蝦餃(大)- 皮厚且餡料只有免治蝦肉/豬肉互撈, 淋而不爽欠缺口感, 同現代版嘅蝦餃比較完成不合乎標準!鵪鶉蛋燒賣- 三隻燒賣之中兩隻的燒賣上面有隻完整的春蛋, 而另一隻的燒賣上面的春蛋只有半隻, 春蛋經過長時間蒸煮已經呈現乾硬化, 可幸下面舊豬肉餡都幾大舊下,义燒飽- 奇怪的是只有兩個,雖則size偏大,饀料的义燒夠大片有咬口, 相反現時有某些高檔茶樓切到义燒過份碎濕濕似個免治义燒餡,那些感覺最唔好,因為好似食緊獻汁夾住d肉未咁, 講番呢個义燒飽, 個獻汁味道幾傳統蠔油味, 飽皮都係傳統嗰隻, 軟中有實!牛肉腸- 腸粉皮奇厚, 捲得好其奇下, 排骨炒河- 排骨斬到好碎下約1.5cm.丁方, 肉質被梳打侵蝕至體無完膚鬆散之極, 河粉充分地撈了油, 唯一可以的只有個獻汁調味妥當, (大) $14, (中) $12 (小)$10, (特)$16 總括而言, 飲茶食點心自己就不會再來了,

今晚同屋企人食飯...不過,, 阿媽一早就BOOK 左呢度食...本來都無咩期望...點知又好OK喎...阿媽一早訂晒送... 唔夠食6個人叫多兩碟炒粉,, 飽晒..!OVERALL, D野都唔差,, 服務好好...係環境差D..但老闆就快會裝修..希望到時會坐得舒服D,...

勞動完也不早, 胃口差, 只想要些甜吃, 於是約晤友人於松記.抵步, 發覺友人仍在尖沙嘴, 就胡亂晃蕩一下.到東京街見這店10時許還有點心, 自己既然有時間, 亦有好些時間無食點心, 便外賣鮮竹卷一客.鮮竹卷太淋, 且味淡又寡, 不清楚是否錯覺, 第一啖竟有些酸腐味.不過, 這店24小時營業, 對附近突然飲茶癮起的街坊該是好去處, 就算點心差一點.

聽講長沙灣有間二十四小時都有點心食既華興點心，好耐無坐低飲茶，回味一下，開壺水仙，再叫鵪春蛋燒賣同雞扎，鵪春蛋燒賣入面d豬肉同雞扎入面d雞都唔熟的....... 雞扎入面d豬皮仲要好多毛，會唔會過份d呢？呢度既環境仲衰過好多舊式茶樓，但我成日都話，野食好環境差d都無所謂，但呢度肯定唔係囉，埋單十八蚊，咁既野八蚊都咪搵我食，無可能再有下次！

本來到洪x 飲早茶,原來不做早市,想起在兩個街口之遙的東京街,亦有間同樣賣點心的"華興".門面街坊格,價錢分小,中,大,特點.茶芥$2.點心也是大路貨,當中亦有近年大多點心舖開始復刻的鵪春蛋燒賣.其鵪春蛋燒賣有別其他店,用味菜或榨菜來配,幾特別,燒賣肉質爽.面頭的鵪春蛋,不用說.其蛋黃糯米雞,內裏用原隻鵪春蛋代替蛋黃,顯得更加"高人一等".蝦餃皮薄,原隻蝦肉作餡料,吃落鮮爽.雞絲粉卷的粉皮煙齦有致,鳳爪排骨飯亦有水準.飯底粒粒分明,很有咬口.在長沙灣飲茶,也真多選擇.

公事煩得要命，夜晚想飲杯中國茶紓媛一下。人就係咁衰，明明有從成都帶回來的頂級竹葉青，又有朋友送的龍井和普洱，偏偏就唔飲，要走出去飲ｄ低價貨。山長水遠搭車去我以前長大的地方- 長沙灣，來了一間24小時營業的點心皇，目的也只為飲杯茶。先來一壺茶，要普洱，比預期中好，起碼喝入口是舒服的。是但點了幾個點心，牛肉、雞扎和排骨，點心當然唔會好好味，如牛肉太粉、排骨肉質味道欠佳等，不過好在全部點心都夠熱，反正志不在食。一壺茶幾樣點心，消磨約一小時時間，再回家去而。

此處二十四小時營業那晚回家後從加拿大來的朋友話想食宵夜但我又不想去太遠的地方便去了此處食我們一行四人叫了蒸飯同一些點心北菇雞蒸飯d雞非常滑飯又軟硬適中點心選擇多俾附近另一間飲夜茶的飲店味道好好多而且不太油膩連我外國朋友都食得好開心唯獨他的壞處是裝修普通和他好像很污糟的外表**(我從沒試過在此食完嘢有痾嘔)但這也正是特色之一