影片
营业时间
今日营业
08:00 - 23:00
星期一至日
08:00 - 23:00
以上资料只供参考，请与餐厅确认详情
「点心水准以上，环境舒服」呢间位于元朗yoho mix嘅中式酒家，都系最近先留意到，假日人流不断，难得有位，梗系要试吓。分别试咗佢啲蒸点、小炒同埋炸物，觉得最好味系炸物😋无花果咸水角 （中点）HKD36.8外皮香脆软糯，甜咸夹杂，内里馅料丰富，有无花果、芋头，配搭新颖芝麻芋丝脆软夹 （大点） HKD40.8外皮炸得香脆，外面沾满芝麻更添口感。所选用芋头都松软绵密，唔错黑松露流汁叉烧包 （大点） HKD40.8颜控必点，好少见叉烧包系云石面。又真系好大阵黑松露味，叉烧汁劲多黑金流沙包 （大点） HKD40.8热辣辣奶黄流心馅，必点呀鲜虾炸云吞 （大点） HKD40.8好难揾到炸得好味嘅炸云吞，呢间又真系几唔错葱花炸两肠粉 （大点） HKD40.8炸两肠粉精髓在于炸两仲系脆口；肠粉皮软熟，加埋葱花豉油一流酱汁金钱肚 （大点） HKD40.8金钱肚入味，蒸得啱啱好总结/ 大西北又多一个有质素嘅饮茶地点啦，亲友聚会可到🥰
继续阅读
复活节长假香港人少，到左平时一位难求的华宴试下，佢位于YOHO MIX，可能因为连住西铁站，成日都劲多人等位，今日下午茶经过见唔使等咪试下啰。店员态度生硬，又互相指骂，作为食客听住都觉得不自在，坐落左就照落单饮下啦，叫做试一次先。⭐葱花炸两肠油炸鬼劲硬好似咬饼干咁😂太脆啦唔啱口味。⭐黑金流沙包呢个几好食，个包软绵绵又多馅，好流心🤤⭐虫草花浓汤鲜竹卷个汤系几鲜味，鲜竹卷饱满，腐皮包著鲜肉同蔬菜丝等。⭐芝麻芋丝脆软夹因为好奇所以叫嘅，有啲似芋丝糕但上下包左芝麻，煎得脆口，芝麻好香，好食嘅但好腻，一人一件已经滞左😂水唔够滚所以啲茶唔热，店舖细楼底矮好嘈，胜在地点好商场内易揾，但短时间内应该不去饮茶了。
继续阅读
食物系有质素嘅，但既然1至4人都是坐四人枱，为何取飞是1至3人//4至6人😒，结果我3人，竟被取4人飞即到的客人快过我😡又好明显，个叫飞婶婶无理会客人取飞时间😡😡😡建议应该set1至4人飞为同一group
继续阅读
讲重点 叫咗六样嘢1:脆虾球2:烤羊排3:清蒸苏鼠斑（都几贵）4:羊肚菇豆苗5:咕噜肉6:红珊瑚海蜇食评1:炸面皮超簿，即使上面有酱汁一样脆，虾肉大粒新鲜，份量多（有8粒），水果无抢味。2:超！级！骚！油脂偏多，肉质还可以3:同其他斑其实无太大分别，肉质滑同弹牙。4:够热！广东人就系要食热辣辣嘅野。菜新鲜，木耳羊肚菇都爽开，份量多。5:同脆虾球一样，做得非常好。要考厨师实力，除左鱼同鸡，另一样野就系咕噜肉。系少左少少汁，但整碟都高质，有汁都仲皮脆内嫩，肉仲Juicy。6:前菜，中规中矩，几开胃。结论呢间嘢可以再食。亦都值得比五星佢。希望可以继续保持水准。
继续阅读
这间酒楼嘅环境相当舒适，不但有圆桌还有卡座。我哋今日试咗几个点心仲有炒饭。黄金鲜味虾饺王虾饺大大粒肥美饱满，虾肉相当新鲜，加上少少金色，非常之有贵气。虫草汤鲜竹卷呢个星鲜竹卷放汤，用料比较清淡，蔬菜为主，味道淡淡，健康风味。黑松露叉烧包呢个叉烧包嘅包子皮相当松软，而且肉馅湿润，但有蚝皇风味，又有黑松露嘅味道，呢个配搭几新鲜。鲍鱼叉烧酥试过龙景轩嘅鲍鱼挞，觉得真系惊为天人，呢个鲍鱼挞亦都相当唔错，挞皮相当松脆，鲍鱼唔会好韧，有汁柔软，整体味道唔错。窝烧鲍鱼鸡粒炒饭炒饭充满镬气，热乎乎，唔会太咸或者太油。杏仁茶杏仁茶份量真系好少，系一杯嘅份量，口感又滑，但杏仁味唔算好浓，淡淡的味道，轻甜。Crème brûlée 焦糖皮香脆，炖蛋整得几香滑creamy,味道唔会太甜。
继续阅读