華宏燒味小廚 (已結業)

有天行過見新開, 猶如了很久才鼓起勇氣去試一試, 有點喜出望外...自此便愛上他的叉燒!幫親了3個月, 初頭我極力向同事推介,因為叉燒真的好味.但近幾次買叉燒飯入面既叉燒真的又少又薄切,我忍左最少3次先寫這個評論, 希望你們會儘快改善!…查看更多

慕名而來，可惜剛巧（造牙），很多食品已售罄。樓面細心向我講解，我點了瀨粉， 她不肯定還有無，便即時走向廚房問師傅，不會hea答。叉鵝瀨很快到，叉燒鬆軟，蜜味香濃，入口即融。瀨粉湯底亦有燒味的精華，好好味！下次會早點來。…查看更多

起新蒲崗番工成兩年都未食過燒味飯，今日好難得有同事想食，一於一齊去尋找呢份失去既麻甩味😆～～✨貪心d 黎個四寶飯都係$45, 仲有湯送～西洋菜豬骨湯😚超正，屋企好耐無煲過西洋菜～～好有家的味道👍🏻甜得黎好清，味精感唔算勁～蜜汁叉燒四寶飯（$45): 有同事之前食過，話個飯大到食唔晒，所以叫左少飯。 D 餸真係超多！！豉油撈飯唔會太咸，好味道。✨叉燒：有成6,7舊， 食落肥瘦適中，帶少少肥美唔會乾爭爭，仲有d 燶邊添。不過有幾舊開頭食略為咸左d, 之後又ok 番～但咁既價錢真係算唔錯👍🏻✨雞全翼斬件，同樣係蜜汁，個雞幾嫩滑✨咸蛋黃唔太咸，再咸d 送飯更perfect~~~真係好飽！！實在太多餸～😋如果碗飯可以搭多幾條菜可能無咁膩😳不過唔大食既記得叫少飯ar…查看更多

剛剛搬來新蒲崗，襯著一個人食冬至飯，便到附近探索一下。看見華宏燒味招牌幾光猛，便入去睇睇。一入去，座無虛席，所以都是買外賣罷了。看到是日晚餐推介都係約$60，主要是煲類，另外亦有蒸魚和蒸水蛋等。因為想食芥蘭，所以就決定叫個啫啫芥蘭煲。啫啫芥蘭煲 (另外加錢加多了飯)料好足，除了芥蘭，有蝦米和肉碎等。略嫌味道鹹了些少。凍奶茶少甜少冰，正正常常。環境和服務都不錯，下次可以約家人或朋友來堂食試試招牌燒味或者羊腩煲。…查看更多

餐廳是今年年中新開張，第一次幫襯時有不俗的經驗，當時已經想寫評今日整理手機相簿時才記得自己原來也有相機食先第一次幫襯是由於當晚搞完個大Project，到9點幾才收工，本身一開始話食雞煲慶功，但由於成班同事已經餓到肚都凹晒，結果大家都寧願食個快飯，然後返屋企訓覺見到公司附近開了這間新餐廳，環境看來乾淨，於是打算炒幾個小菜客飯我地一行5人，見到牆上有個4人餐($318) 任揀4款小菜，點了 支竹豆腐班腩、蘿蔔牛腩煲、海鮮什菜煲、生炒骨估小菜處理需時，所以加多個燒味雙拼 (叉燒+燒鴨)，貪佢唔洗等因為我地真係好肚餓坐坐下，再仔細望下這餐廳的餐牌，有精選晚餐小菜呢~~發現原來在精選餐牌中，單點那幾味小菜比4人套餐還要平如果4人餐點蒸魚及燒味 之類, 就應該跟餐會平D跟老闆講返，他人很好，願意幫我地改返單呢~~每人有例湯送，蓮藕湯味道濃郁，而且少油浮面燒味雙拼 (叉燒+燒鴨)雖是接近收舖時才幫襯，但燒鴨仍帶光澤，叉燒是半肥瘦，質感鬆化不硬而且碟底不會沉了很多油各款小菜都很快便煮好，陸續呈上，我們都驚訝廚房的速度菠蘿生炒骨生炒骨炸漿均勻不厚，甜酸汁 濃淡適宜，送飯一流!支竹豆腐班腩煲識食一定係食豆腐同支竹班腩大件兼肉質唔削，有魚味海鮮什菜煲每餐都要有青菜，海鮮是魚塊、魷魚、蝦仁、仿蟹柳等，是意料中事但如能用蝦乾會更香整個煲比較清淡順道中和剛剛幾款濃味的餸菜蘿蔔牛腩煲牛腩意料之外的腍身，而且能食到 八角與香葉的香味不過 蘿蔔即未夠入味，而且略為硬身，畢竟炆蘿蔔真的是需要足夠的時間3女2男，KO了4個小菜加一個燒味雙拼，埋單才$333，每人都不用$70，以晚餐來說是很抵食的，而且味道夠鑊氣，堪稱快、靚、正、抵…查看更多

放工突然好想食燒味飯，正當諗緊邊到有得食就見到呢間新開嘅茶餐廳，一於就入去試下....入到去裝修光猛，地方亦都好乾淨，好彩唔洗等位仲安排有卡位比我見到MENU好多選擇，炒粉麵飯都好多款式...但見到MENU上寫住自設燒味工場，二話不說就叫左個燒味雙拼飯(叉燒、玫瑰油雞)試下一上枱見到燒味同伴菜排列都好整齊，色澤亦好好，唔會話燒到好燶，視覺效果有滿分!首先試叉燒，唔係平時食到連鎖店果種擦膠感覺，肉質柔軟，果然無揀錯! 然後再試油雞，又係好嫩滑，唔會過老，而且佢醃個汁好夠味，連平時唔鐘意食雞皮嘅我都一塊不留食清光!雖然門外係一間平平凡凡嘅茶餐廳，但呢到可以搵到不平凡嘅燒味，下次一定要試埋佢地其他款式先得!…查看更多

呢間喺新蒲崗新開既餐廳，餐廳環境光猛。入面既侍應服務態度唔錯，會好主動幫你睇下啲餸黎齊未。當你要落單果時，會覆單。雖然呢啲係基本要求，但員工要做既都。做得唔錯。潮洲蠔餅真係估唔到，茶餐廳會做出出色既潮洲蠔餅。做到外脆內軟，送飯一流。如果有多幾個朋友食，share絕對正呀腐乳炒通菜越簡單既餸菜就越難整得好食，呢碟炒通菜真係好食。最緊要新鮮既菜加上惹味既腐乳，絕對係晚飯首選。…查看更多