華嫂冰室 (香港站)

营业中

休息中

早晨上班路上購買外賣自取訂單，下單普通食物後等待超過20min，期間數筆遲於本人的訂單紛紛完成並被拿走，期間已經非常禮貌的催促且告知需要取消訂單否則工作會遲到，但服務人員無動於衷且態度極其惡劣的將食物丟在桌上，目前發現食物處於未製作完成的半成品。

兩位女店員服務態度差，講嘢串，同埋嗌左兩個粉面湯底都勁鹹，溝水都冇用，浸喺裡面的豆卜鹹到完全冇辦法食。之前幫公司嗌外賣都有試過碗碗米線都未煮熟的情況。總之唔會再幫襯。

已經很久未到過華嫂冰室，週中一日的午餐在此解決。貪口痕叫的招牌菠蘿包，夾著的是火腿與芝士。菠蘿既香且脆，包身亦軟熟甜美。夾著鹹的火腿和芝士，確實比起普通一個菠蘿包有更多層次。可是不太夠熱，芝士未夠溶，影響了食味和口感。豬扒喇沙除了豬扒之外，碗內還有半隻全熟蛋、豆卜、芽菜及一些芫荽。湯底勁重椰汁味，似乎掩過一切。豬扒很大一塊，但有點乾，更遑論肉味。烚蛋非常之滯，豆卜油膩得很。可幸湯粉尚算滑溜，不難吃。記憶中好像沒有之前的好食。

香港站，開了華嫂冰室，今日下午好開心期待，叫左個我的致愛，藩茄雞翼豬扒通，熱檸檬茶，因為只有外賣，所以買走上船先食，點知😟，極度失望，非常之差，雞翼尚可，豬扒又燶，又乾，叫佢碎上，就剪開一下求其分開一大片，就叫碎左 ，個茄湯底先最差，完全無味，得灼菜味……非常之差，杯熱檸檬茶，亦唔合格，茶底太濃烈，有苦味，華嫂真係唔係間間都掂，今日真係大失所望😔，希望總店可以處理，跟進 ，唔好令鍾意食華嫂的粉絲失望 ，

第一次寫食評我叫咗碗豬潤牛肉皮蛋莞茜湯通粉。。。放Lunch時間可能比較忙，等咗20幾分鐘。但係返到去食，發現竟然一塊豬潤都冇😢勁失望初初以為太多嘢遮住咗，點知飲緊啲湯都係發現唔到豬潤嘅身影一點…..係一啲碎都冇🫣

好耐無食華嫂啦！呢間系中環新店 工作日2pm直接可以walk in 無需排隊午餐選擇唔算多 但係樣樣都好似好好食咁！！！我哋嗌咗秘制瑞士雞翼 豬扒雞翼番茄湯通粉同埋豬扒檳城喇沙湯米線豬扒雞翼番茄湯通粉：雞翼好嫩 個豬扒大過我塊面非常軟嫩 茄汁湯底都幾夠味豬扒檳城喇沙湯米線：辣度適中 就算唔食辣嘅都應該會接受到最重要系佢杯奶茶 茶底出色 有茶香但唔會掩蓋個奶味 夠濃夠絲滑員工工作有效率 食物質素穩定 好食！！！！抵食！！！！