影片
以上资料只供参考，请与餐厅确认详情
咁啱行过见有位就入咗嚟，觉得可以encore ，呀姐都有礼貌又快手。食物全部比想像好吃。奶茶都好饮。 特餐有几款嘢，下次试下啲饭，睇落好大碟。好少写食评原来要八十字，下次都系懒得写。
继续阅读
系黄埔食野有好多选择，今日拣左一间平时行过见佢唔太起眼，但系有好多捧场客既华园美食。每次试一间新既茶餐厅都会试下佢既热奶茶同埋炒饭，所以今次就拣左榄菜牛肉炒饭。热奶茶合格，佢既温度、茶味同奶既比例都唔错。佢既炒饭俾到好大既惊喜我，本身系大排档以外既地方食炒饭都预左唔会有好劲既镬气，呢间亦都唔例外，但炒饭既基本功做足💪上菜之后已经见到佢炒得几干身，白饭粒粒分明👍榄菜同牛肉既分量都唔少，味道好夹。落油亦唔会重手，食完之后唔会见到碟底有油。整体卖相同味道都非常好👍日后会继续帮趁👍
继续阅读
位于红磡小巷嘅小店，店内座位唔够，好多客人都出咗门口排队。价钱真系非常实惠，食物质素亦都可以，胜在非常大份，我见隔篱枱嘅意粉都满满一碟。我同朋友点咗茶餐、牛肉通粉、仲有咸牛肉炒蛋多士，茶餐仲可以有杯热饮，点咗杯热奶茶，热奶茶味道香浓，系港式茶餐厅嘅味道。因为唔想食咁多饭，所以叫咗个杂扒饭走饭，杂扒可以叫佢走牛，大家平均都系几十蚊落楼，真系好抵食，相信吸引到唔少街坊，所以如果嚟嘅话要早少少唔好撞正晏昼中午。
继续阅读
旧区重建中有不少地道的餐厅掩没在时间的洪流之中，最近想衬著这些还没有消失之前尝试一遍。今次就来到红磡、黄埔这，找到一间港式茶餐厅 - 华园美食从店员到客人的交流就能看出店内的大多都是熟客。每次去到茶餐厅，10次有9次我一定会点全日供应的特餐。主要是因为起身很晚的我总会错过吃早餐的时段。金牌特餐 ($45) - 经典组合，要配的当然是奶茶。香滑的热奶茶不用加糖，茶香而不涩，不喜欢奶味偏重可以一开始就叫少奶喔沙嗲牛肉通粉也是我指定的选择，每次都是一个挑战。因为我试过在茶餐厅食"沙嗲"会肚痛，不过这间没这样的情况。牛肉软嫩也入味，通粉份量也多。沙嗲有微微的花生酱香很惹味。配了咸牛肉奄列 + 牛油多士。平时奄列多数只有火腿，见有咸牛肉当然要点。奄列不是滑蛋那种颇地道!? 但内馅是有蛋汁。多士则是已经烘底喔！
继续阅读
虽然一间茶记小店 但好好食 😋特餐里面沙嗲牛肉面超入味 多士都系有烘过里面啲牛油又够 下次要试埋茄汁鸡髀饭 好多人话好食 不过又系多人排队嘅餐厅 下午1点2点好多办公室同事去食
继续阅读