菊花園 (已結業)

放假同老公去左屯門碼頭行下， 順道食個下午茶。  老公點左淨雲吞、炸鯪魚球和菜芯。雲吞D肉質地不新鮮不彈牙， 肉太林而且個湯都幾鹹， 太重味。炸鯪魚球亦都一樣， D魚肉不新鮮不彈牙， 而且太厚炸粉， 整體而言, 有待改善!…查看更多

牛腩粗麵, 牛腩硬而且粗鞋, 麵非常糊而粉, 湯是鹹的.招牌雲吞麵, 雲吞很少而且肉不彈牙不新鮮, 湯鹹面劣.雙丸撈, 雪藏味很重, 麵難食湯鹹. 炸雲吞份量少. 服務也差.…查看更多

雖然搬入左屯門都一段時間，但都係第一次去食呢間菊花園 ..其實都係因為佢有"陳村粉"所以入去一試 ..睇餐牌、裝修 .. 都 OK, 幾特色 ..其實我 9:00 後先入去 ... $42 (有個陳村粉 + 飲品) 都 OK ...叫了炸醬陳村粉 (+凍金桔) & 牛根腩陳村粉 (+凍檸蜜)先黎飲品 .. 2杯都係太多冰了, 好凍 .. 金桔果杯冇味, 檸蜜果杯太甜之後等等等 .. 因佢話即蒸比我地要 10分鐘 ...終於有野食了 ... 因太餓, 唔好意思, 食到尾先記得影 ...炸醬 - 少少辣, 但點解凍既 .. 底下 D 陳村粉, 明明話即蒸, 雖然夠熱 ... 但都係一舊舊痴埋一齊牛腩 - 牛腩就夠"林", 牛筋仲好好食, 但陳村粉都係痴埋一舊, 同埋個底太多腩汁了 ..但埋單都唔洗 $100 (2個去食, 都 OK 既)…查看更多

星期日中午唔知食乜好, 行過屯門碼頭, 見呢間野唔洗排隊, 門口又OK乾淨咪試試啦.嘩! 同標題一樣: 一試難忙先講野食: 我叫雲吞牛腩撈麵, 黎左牛腩粗麵, 睇睇張單, E...亞姐真係咁落, 算啦.講番個雲吞牛腩撈麵...唔係, 係牛腩粗麵, 係我食過最難食既麵頭三位, 分分中可以第一位:牛腩: 硬到呢, 係硬, 仲硬過成日食既美國牛肉乾, 唔知美國牛肉乾有幾硬既朋友, 可以去CITYSUXER買包試下.麵: 淋, 仲超淋, 淋到一夾就斷, 應該係一早烚好, 跟住有人叫有烚, 情況好似朝早茶檔食既通粉咁.湯: 喊, 你可以話佢重味, 但我食完足足飲左成枝幾水.個麵講到呢到, 服務仲正.1: 話說我入去果時, 有個亞姐面對面咁行埋黎, 無招呼都唔緊要, 自己搵位啦, 點知佢忽然得係度抹檯, 話實果度都幾窄, 我企係到等下啦, 點知佢真係完全無視我, 終於有個食客忍唔住出聲, "喂, 你比個客行左先啦!"2: 有個客人問個亞姐野, 個亞姐就背左一大秋野出黎, 個客緊係聽唔到啦, 再問, 個亞姐又背番果一大秋野出黎(應該都係果秋, 老實我都聽唔清楚), 我FEEL到個客算啦, 落左食乜, 問下有乜飲, 個亞姐就話一般野啦(咁麥兜既), 咁個客叫菜蜜(一般野啦), 無...你自己睇左menu先啦!幾個亞姐一係唔行, 又扮睇唔到, 成班圍埋吹水, 最緊要連個店長都係咁.總之: 成間野都正, 無下次.…查看更多

因為貪新鮮, 比個懷舊裝潢吸引咗... 可是... 裡面的座位十分窄, 要搭枱, 坐得好辛苦, 冷氣唔夠。點了「招牌雲吞麵」及「牛腩麵餐」。「招牌雲吞麵」- 點解係叫「招牌」? 以為係有咩咁出名, 原來係出名難食同埋出名細碗, 好咸, 啲麵冇特別, 雲吞又唔夠新鮮。失望, 食完都唔夠飽, 仲要$22! 「牛腩麵」並不是我們想像中的清湯腩或柱候牛腩, 同埋亦係好咸。油菜係生菜, 係被碌到冇哂味嘅菜, 難食! 門口寫著, 如果好食, 要推介比親友... 我話難食就更加要告訴親友不要再來試。切勿貪新鮮。…查看更多

今日行一行海翠，發現有好多新野，其中就係呢間菊花園，我被佢既懷舊裝潢吸引左入去。點知奶野，一入去，call number個阿姐問入面(轉彎入面，後門附近)仲有冇2位，一個話有一個話冇，我同我女朋友就被耍左係中間，call number個阿姐又不斷call人入黎，場面混亂。最後坐左係正門一入果排台，又迫又窄點野食喇，見到佢下午茶餐夠廿二元粉麵就送飲品，叫左個筋腩撈同雙丸撈，熱柚茶同梨蜜。坐坐下聽到隔離台嘈緊點解飲品要計錢，佢話筋腩撈係雙拼，唔送，如果係咁就好笑喇，店外寫明下午茶時段惠顧$22以上就送飲品，仲要呢個字樣就係筋腩撈幅相隔離，人地落單又唔同人講。等左好耐....，麵終於都黎到，第一啖入口就係好重鹼水味，就算撈幾多湯都係咁鹼，好難食，而d湯越落竟然越鹹。不過講句公道說話，d筋同雙丸係幾好味，d腩就麻麻地。食完碗麵，飲品都未上，原來唔止我果台，台台都係冇野飲，咩事呀???出親都係COT，其他唔使飲???吹左佢兩次先有飲品，兩杯都係普通沖濟.....soso。到埋單，又唔俾單人點埋，一收到張單有個收費叫「水吧手寫單 $3」，咁問下係咩，冇人知，問經理，經理蛇左入水吧唔肯答，煩多佢兩次佢求其講話我地加左菜，你碗碗麵都有菜啦，又唔見個個都加，嘈多兩次先肯cancel，不知所謂。呢間同心粥館唔同，人地人少做唔切，你人咁多反而手腳亂，仲要唔係咁好食，各位真係唔好因為個裝修而入去！…查看更多

菊花園以懷舊作主打,門面擺設都吸引人去消費...但食物和侍應質素都完全不行 豬潤麵睇得出豬潤係先飛水,入口感覺奇怪...明明係一舊豬潤,但零豬潤味麵極重梘水味炸雲吞無諗過係咁細粒...料足,但量不足。…查看更多

和媽咪運動後吃點東西，看到新開張的菊花園裝潢有特色，是以60、70舊香港作主題，而吃的就是港式蒸飯、雲吞麵等(全日供應)，本著貪新鮮的心態便找位置坐下了。服務員對餐牌還未很熟悉，例如食物加餐飲與否的價錢都不太知道，需要我們一起翻餐牌找答案，但體諒是因為開張不久的關係吧？研究了一輪，我們點了餐牌上推介的招牌雲吞麵餐和豉汁排骨飯。招牌雲吞麵餐包油菜和飲品，唉，除了飲品柑桔檸檬是可以之外，被推介的招牌雲吞麵簡直是吃不下...麵的鹼水味太重，而且吃完舌頭還會苦苦的，加了酸醋還是很難入口...最可怕就是雲吞的蝦非常不新鮮，有腥味...連另一枱的姨姨都這樣說....而那碟油菜呢，唉...沒有煮熟呢!!好了好了，至於豉汁排骨飯，我可以說的，就是如果排骨沒有「雪味」，這個飯算是可以入口的，但是，如果可以熱一點就更好，蒸飯不是應該熱騰騰的嗎？看到裝潢特別，原本對食物質素都有所期待，可是，真的很失望...而且價錢方面，都算是偏貴的了，只不過是排骨飯和雲吞麵罷？！不過，也明白因為是商場店的關係，價錢就是會偏貴的了...我的少少意見就是︰食客可能會因為特色的裝潢被吸引而一試，但食物的質素畢竟才是一間餐廳的靈魂所在，要留住食客，就必須從食物下手，不是要非常美味，但起碼食材要新鮮、食物要煮熟，能夠讓人吃下肚。加油！…查看更多