莎厘娜 (已結業)

來到午餐時間，店內只得一組客人，後來才熱鬧點。女仕應制服漂亮 店內乾淨深藍座椅很舒適點了午市套餐:湯+主餐黑椒豬扒/煎龍利+熱檸茶/咖啡羅宋湯濃郁蔬菜多南瓜湯像粉泡的，沒什麼南瓜味，但湯都濃郁順口，加點黑椒提提味不錯豬扒很嫩有兩大塊，只是太肥又有些生味飯量比較少，不過米的香味不錯配菜燴瓜類調味好，只是吃多了便覺太油我點薯菜，現炸的蠻好吃，份量也多魚扒好大件，魚肉滿嫩，調味也OK 吃久了覺得有些鹹餐後熱檸茶茶味很好，咖啡也不錯就是仕應有些忘東忘西，但笑容可鞠誰捨得生氣呢店內空調有點強，我忍不住要拿衫來蓋，大家去到可以多帶件圍巾還有保鮮盒啦!!…查看更多

我本身係度無ac 但食完超貴同超難食既野 無得忍 要爆 痴線都唔知咩豬扒黎話說上星期同埋男朋友黎食 見條四眼友推介 我地試下啦 點知 一食 豬扒硬到 會咬到我口都軟埋 汁就完全無味 有既 難食既味羅 當我係未見過當我井底之蛙啦 我男朋都話難食 你地又點睇 我當日食間野7點幾 可以得我同我男朋友羅全場 唉 心知不妙 算 出左門口見格離鋪...超多外國人食 我心諗 唉 唔po文都對唔住觀眾羅 比多次我唔駛錢都唔會食 垃圾一間…查看更多

今年生日剛巧是星期六，終於可以享用海洋公園的優惠免費玩一天。一早去到玩到六點便離場，老公訂了這間餐廳吃飯，他說方便因地點就正在地鐵站附近，同行友人建議坐巴士去，轉轉接接，走了好多的斜路終於到了。餐廳座落於許多西餐廳附近，裝橫有點中國式，但老公就説像俄羅斯式，不論如何的裝橫，紅加綠色在衆多西餐廳中顯得格外突出。環顧四週的食客，感覺他們應是老顧客，一家大細小朋友都十多歲了。看看餐牌大多是套餐，價格二三百居多，再貴些當然也有。我點了焗海鮮飯，老公和朋友點了牛排套餐，由於自己不吃牛，所以不知道味道如何，但看見他們倆人吃得津津有味，便可得知一二。他們的其他評語是網燒確實好味好多，juicy 得來又不會硬。自己的海鮮飯，一個字 "正"，每一口也有極濃沃芝士，但又不感覺到很油膩，海鮮和魚已煮到與芝士混在一起，但還能有口感，不會過份濕，值得推介。甜品是朱古力蛋糕，好鬆軟配合濃濃朱古力味加杯咖啡，即時滿足。不知老闆是否每天也到店視察，今天剛巧遇見他，還走來問問我們的意見，當然有讚冇彈。這店服務也非常好，特別是那位女侍應，好有禮貌，笑容滿面。…查看更多

那天我們三人點了羊肉串和雜扒餐。食物非常美味。有熱烘烘、軟綿綿的餐包，懷舊蘿宋湯，美味沙律和薯茸，嫩滑豬扒及牛脷，香味十足的羊肉串，還有大大份的雜扒餐。餐後實在有賓至如歸的感覺。…查看更多

今日行開高街, 本來諗住食泰菜, 點知間野無開, 咁就睇下附近有咩好食, 原來呢頭都開左唔少餐廳, 行下行下見到呢間莎厘娜, 依!?原來重開左黎呢度, 諗返對上次食都係當年同大學師兄食, 味道方面無乜印象, 但記得以當年學生仔的角度黎講都幾貴, 今日係我第二次黎食, 好有回憶的味道, 我諗黎呢度食唔好有現時西餐既EXPECATION會好D, 佢係港式傳統西餐FEEL.今日叫左SET, 黑椒肉眼扒. 首先黎個餐飽, 好有舊式西餐廳既感覺, 因為依家都好少西餐廳用呢款四四方方, 鬆軟又無加其他料既飽, 暖笠笠的, 牛油一放即溶.再黎餐湯, 識飲既就緊係飲雜菜湯, 佢個湯都幾濃, 好多料, 我覺得挻有HEART的, 味道稱唔上係好WOW, 但比起一般既雜菜湯好味, 平時我唔食湯咋的, 今次我食哂.主菜來了, 肉眼扒跟意粉, 覺得有D梳打粉味, 但都真係比5成熟我, 食落有牛味, 個汁都唔錯, 真係好傳統既西餐廳FEEL, 我成碟清哂! 同事叫左龍脷柳, 我覺得整得好食過我個扒, 佢整得不但無雪味, 仲幾有魚味同埋個白汁幾好!餐廳坐得舒服, 佢比左個置中兩人位我地, 食既其間不斷有人入黎問有無位, 好在我地早黎, 如果唔係真係無得食, 黎既時候記住訂枱. 而服務都好好呀, 係個後生仔, 可能係老闆, 態度殷勤, 呢度仲唔收加一添.…查看更多

Having recently moved to Sai Ying Pun I have been eager to try all the delectable looking resturants in the area and upon having a walk down on friday night and most places seeming busy we managed to get a walk in table at Czarinawell what a complete waste of money and time, the service was awful at best with the staff having little regard for anything resembling customer service. Just rude.for main courses we had the sole fish with pasta and the steak and potato well the fish was soggy, cold and flavourless and the steak was significantly below par and tasteless and not seasonedIn a competitive environment like the High Street in SYP i cant see this place lasting. Wait somewhere else for a table to become available there are loads of better places to eatAVOID …查看更多

沙厘娜餐廳再次開業，Openrice的評語至今是好壞參半。現在港鐵西營盤站通車後交通方便了不少，加上今晚剛巧有空就再來光顧沙厘娜餐廳。可能是早來的關係(六時已到達)、餐廳的人未太多，坐得十分適意。今天晚餐點了大蝦牛柳餐。先來了的是沙律和著名的羅宋湯。兩者都保持老店的味道和水準。其實只為了這濃濃的羅宋湯已是不枉此行！上次光顧好像只可選擇羅宋湯或沙律其中之一，但是現在似乎是回應顧客的訴求、兩者都包括在晚餐裏面。至於主菜的大蝦和牛柳配薯菜；大蝦像一貫水準的很新鮮，而今晚的牛柳則是超水準，諗得來很有肉味，選料絕對比從前般含道老店還要好！加上兩者的烹調更是恰到好處，令人回味無窮！！單單為了那片牛柳我會再回來光顧這餐廳！晚餐的最後來了個甜品。其實以前沙厘娜餐廳是沒有供應甜品的、相信這也是為了回應顧客的訴求而出現的。甜品的質素也是不錯，只是我已是太飽吃不下了！今天的晚餐實在令人驚喜！也很高興沙厘娜餐廳在不停進步中！！十分期待繼續光顧這家餐廳！…查看更多

有時候會到西環一帶，尤其是西營盤及堅尼地城，是在下經常會到的地方。是日又到這一區，素來都知第一街至高街，都是食店林立的好幾街道，跑上來都會運用一下體力，這咪當做運動吧。素聞莎厘娜是學生飯堂，由般咸道搬到現址，已有一段時間，對上到訪，可是碰了釘子，不知道原因何在，不過今天到訪，可進入餐廳，嚐試一下午餐吧。一個人的午餐，永遠都是簡單的，看看簡單的午餐餐牌，已經知道有甚麼可吃，。午餐或許離不開沙律餐湯主菜和飲品。一個人嘛，吃不多。餐包。是一個略扁了的港式麵包。雖然沒有烘過，只有軟腍的感覺，但是都是與其他港式餐廳無異。羅宋湯。本有對於這湯頭有點期望，可是喝起來都是沒有分別，只是一樣的有那種酸酸甜甜但偏向甜味的感覺，較預期的普通了一點。蒜茸雞扒伴薯菜，是一道普通的菜式吧。雞皮部份被煎得燶了，蒜茸汁都幾多，似是茶記般的蒜茸雞扒。吃起來是有點滑的尚有一點肉汁，薯條還算外脆內軟，青瓜是可以的。熱咖啡是在下必點的飲品之一，就像上了癮的，每天都要喝上一兩杯。咖啡未算太濃郁，香味稍遜。今天到來，似乎失了預算，未至於太好吧，可能是在下有點過份期望。…查看更多

識我既人都知我要求高, 鐘意飲飲食食, 差不多成個上環乜乜富興牛腩, 科記豬扒, 永記都食齊, 而且俾分標準高到冇朋友, 今日我要介紹既係莎莉拿。 因為我近排在呢頭返工, 所以今日走上來試試, 入來前都想了一陣, 因為見入面好少人, 但是其他的餐廳的午餐又不吸引, 所以共入了這裏, 看了餐牌, 見有牛扒, 魚和免治牛肉飯, 心想, 免牛飯間間都有, 好食不到那裏, 而要八十幾元一個, 黑椒又很熱氣, 叫了個石班餐來試試。  初來了一個餐包和白湯, 個包摸落好軟, 但是食落口感和太平館差一截, 個湯不過不失。到個魚上來, 我想都是和茶記差不多一舊, 點知一咬之下, 肉質很爽口彈牙, 不會一咬落就散.  個粉就普普通通。  最後叫了杯奶茶, 雖然是涷的, 但是很有茶味。   …查看更多

以前喺舊舖食過，覺得好味。現在重開，帶埋朋友打算再嘗美食，点知換來極度失望😓😭牛扒order5成熟，出來係well done, 又薄又硬。 看見左右兩對情人/夫婦都同樣面露失望，搖頭嘆息，就知道並非自己時運低，而是餐廳水準低啦！洗錢事小，失望事大。😤😤…查看更多

見佢歷史悠久，喺般含道時期未幫襯過，而家開返，都應該要試吓。先講服務：唔係話差，是晚係由位女侍應招呼，明顯係遊魂嘅。佢落 order 時冇問客人啲扒要幾成熟，最後由廚師喺廚房走出嚟問，有趣。上菜時又要逐碟問邊個食邊樣，佢都好明顯唔係做開西餐。去得呢類餐廳，我 expect 侍應要有基本餐桌禮儀， 客人刀叉拍住放埋一邊即係食完，侍應唔需要問客人係咪食完先收碟，尤其係你同人傾緊偈嘅時候問，其實會騷擾客人。不過唔怪得侍應，本身餐廳定位都奇奇怪怪，係咪唔應該用西餐標準去 rate 佢？食餐包係冇牛油刀，係不嬲冇定侍應冇上？不過個侍應睇住我哋用切肉刀搽牛油佢都冇行動，咁我 assume 佢哋係冇牛油刀嘅。我直頭 “meet” 開個麵包，逐少逐少隊落盒牛油度食就算，用切肉刀搽牛油我真係做唔出。去椰林閣食個平價午餐都有牛油刀俾你用，咁嘅要求唔過份啩？！定係俄國菜唔提供先係正宗哈哈？！衛生：食前菜同主菜都係用同一隻叉同刀，食完前菜啲刀叉又要放喺枱等食主菜，呢樣我真係幾唔鐘意。其實食前菜你俾一隻叉我，我就唔會覺得咁唔衛生。我又不敢問自己，俄國菜係用一套餐具，好似我哋用筷子咁？另外上餐飲隻匙羹“立”痴痴，明明我飲咖啡，都唔知點解佢會“痴”到糖水……環境：是晚坐卡位，不過唔好坐。啲位有啲迫，不過最致命係個椅背。後面嗰枱個男人係咁郁，我就全晚冇貼過椅背坐。有得揀，大家揀入門口嗰邊坐會好啲。最緊要嘅食物質素：是晚食咗個炭燒肉眼扒、牛脷同埋羊扒。先講前菜。有兩塊肉同一舊薯蓉。侍應聽到我哋主菜配薯菜，都唔提醒我哋前菜都有薯蓉。如果一早知，我就食返意粉啦！另外有一塊肉同我平時喺超市買開嘅金妹火腿係一樣味，嗰刻已經覺得太搞笑。希望係我食錯，哈哈！之後上嘅係被推上神枱嘅羅宋湯。其實我好少飲羅宋湯，不過嚟到唔飲就錯晒。佢當然比其他餐廳濃郁啦！不過又唔係好味到會想 encore 嘅程度~ 果然我唔係羅宋湯嘅粉絲。最後上主菜啦！肉眼扒同羊扒都係要七成熟，可惜出到嚟絕對唔對版，燒扒工夫未到家。扒嘅質素亦唔好，完全冇肉味，唔講都唔知自己食緊牛扒。牛脷我冇食，不過聽講三個餐當中係最好食。評語係脷唔夠入味，不過好過扒嘅質素。其實所有嘢都冇咩味，但係食完呢餐已經 7 小時，我個口仲渴到死，真係食唔出啲味精放咗喺邊。其實食嗰 $200 幾蚊一位，唔使咁高要求嘅！可惜我哋抱住太大期望去食，結果再一次印證，俾傳媒吹捧得太高都唔係一件好事。記得以前去諾士佛臺食嘅俄國餐，到今日間嘢都冇咗，我依然懷念佢哋啲包。食個前菜已經令人念念不忘到咁嘅地步，咁就係成功。價錢諾士佛臺嗰間都唔係貴好多，但有得揀，我真係唔會想食莎厘娜呢種中國化嘅俄國菜。劣評睇得多，我有時會覺得其實係咪我食唔中人哋啲拿手嘢，所以先中伏呢？如果有好食推介，麻煩通知一聲。最後，如果食情懷嘅朋友可能會繼續幫襯。不過冇感情包袱如我呢類客，的確冇咩吸引我再行入去食。亦正如上一篇食評所講，我寧願俾多 $100，落海記食海鮮還比較滿足。…查看更多

中午偶然經過高街，本想在新宝馬吃過午餐但打開門入裏坐滿了學生，出外等位偶望過對面街見到"莎蓮娜 since 1964"被它吸引著，一行三人走進去懷舊一吓。雖然放了"留座"牌但待應仍給我們一張枱，店比以前細很多，午餐$88衹有3款選擇:魚/朱扒/西汵扒。点了2牛1朱，牛要5成熟另3個紅湯。餐包一般貨色，羅宋湯本是招牌菜但不見得比对面新宝馬出色(如你喜欢較濃的湯新宝馬是你杯茶)，朱扒沒甚麼驚喜，但朱扒上枱起碼8成熟，2片薄牛扒詖汁蓋著也不清楚是否西冷，味道平凡祇覺伴碟茨菜比主菜好吃！整個午餐平凡之極，若非打著莎蓮娜招牌絕不值88個大洋！…查看更多

上年因業權易手而要結業的莎厘娜，已於兩星期前在高街重開，新店名字加上開業年份，突顯其歷史之悠久，作為港大校友，當然要支持一下。說實在的，在港大讀書的年代一次都沒去過，因為舊店的門面感覺有點神秘，看不清楚店內的狀況，所以一直不敢進去，只在畢業後去過一次。現在新店門口改成綠色和紅色，又有大玻璃窗，感覺親切多了。來之前預先致電留座，本來想訂一點半，但店員說要兩點半才有位，最後店員先記下兩點留座，到時有位就入座。還好早有準備，兩點後陸續有客人到來，有些因為沒訂位而吃不到，反正這裡接受訂座，想吃就不要懶了。老店的牌匾掛在餐廳當眼處，舖面裝修懷舊但又不會過份老土。午市只供應套餐，分別有蛋汁龍脷魚、西冷牛扒和蘑菇雞扒，跟薯菜、白飯或意粉，另包餐湯或火腿沙律，全部劃一$88免加一。我們不怎麼愛吃龍脷魚，就點了兩款扒餐。去港式西餐廳，我只會點紅湯，因大多都做得不錯，蕃茄味濃又多蔬菜，而且羅宋湯本來就是這裡的招牌菜，最後味道也沒令人失望，唯一不同的是份量比以前少，可能是午市的關係吧；相反是日忌廉湯味道偏鹹，湯裡面丁點配料都沒有，完全就是純忌廉湯。餐包換成這種包面有點粉粉的，且帶點提子味道，雖不是難吃，還是喜歡口感鬆軟的傳統餐包多一點。蘑菇雞扒配意粉。是預期之中的味道，蘑菇汁都算香濃，亦有片片蘑菇，雞扒也可以，煎出來的雞扒不會太熟，切開吃下一口也不會太嚡，坊間有地方會對雞扒之類寧嚡莫生，今天的雞扒沒這問題。西冷牛扒配薯菜。牛扒遲遲未到，店家走過來問要什麼餐飲才知漏了單，差不多吃完雞扒才出現。這裡的牛扒沒有生熟度可選，煎出來基本上是全熟，所以口感略嫌不夠軟腍，黑椒汁的香辣亦未見突出。至於薯菜方面，有薯角、翠肉瓜和小甘筍，吃著也爽口。撇除名氣來說，88元一客午餐的定價可說是挺進取，因高街現時已變成食街，短短兩年間已進駐了十多間食肆，競爭頗為激烈，雖有報導說客路以大學教職員為主，但擴充客源才是長治久安之道呢～…查看更多

8點前突然想起"莎厘娜"好像剛在高街重開，就打個電話睇吓有無位，但要8點45才有位，都ok呀😊去到新店，裡面和以前差不多大，真的全場坐滿，門口還有人在等位，因我們訂咗枱，所以不用等👍而且重有卡位坐添😄不過可能因為開鋪半個月，好似還有點亂，全場得一個伙記和老細係到執嘢及落單😫真係等都等咗成10分鐘。另外，佢地暫時無menu，只得一塊木板做menu, 都幾特別。而食物方面，無以前咁多選擇，但4個餐，我地晏咗嚟無咗大蝦餐，得番西冷扒，龍脷魚，同牛脷，聽老細講可能要等到9月左右才會有full menu。頭盤係雞肉火腿拼薯仔沙律👍個味道真係好以前香港西餐廳😋正👍餐湯當然選擇咗佢地嘅招牌湯"羅宋湯"，材料十足，正呀👍B仔爸爸就選咗佢個牛脷餐配薯菜，牛脷都幾"林"，可能佢地唔係燴牛脷，所以就唔入味，而薯條上到枱時已經涼了=.="B仔就叫了龍脷魚配意粉，條龍脷魚柳真的幾好味😋一d都唔"醒"👍我就選咗西冷牛扒配薯菜。西冷扒好林，重有好重炭燒味👍講真新鋪雖然靚，但我們還是比較喜歡舊鋪嘅舊式裝修。不過，他們嘅招牌老闆(即現老細嘅爸爸)還坐鎮在鋪中，他還會坐在門口位置和用完餐嘅客人點頭笑笑，舊鋪嘅感覺和味道即刻返晒嚟😄…查看更多

早前已經在報紙看到有關莎里娜將重開的報道，還選址在舊店附近的高街，我幾乎是見證著整個由裝修、試業，到前天正式開張的過程。早料到餐廳重開必會引來眾多熟客幫襯，前幾天打電話去訂位，獲告知整個星期晚飯時段的booking已滿，只好改爲星期天吃午餐。凖時到達餐廳，深綠色配紅色的外牆看來有點點俄羅斯風味，門前的大塊銅牌裝飾，是從第一間店一直保重下來，它經歷了幾間店的變遷，來到今天的第四個位置，見證著從1964到2014的轉變。餐廳以俄羅斯菜聞名，其招牌菜式包括咸豬手、羅宋湯及俄羅斯沙律等，一直備受讚賞。而且因舊店隣近香港大學，很多港大舊生都喜愛來吃飯，所以有”港大舊生飯堂”的美譽。今天店內座無虛席，幸好早訂好了位，餐廳的裝飾較舊店增添了時尚型格的元素，橙紅色的牆壁配深藍色的梳化卡座，兩者的對比突出了餐廳的俄羅斯韻味，牆壁上還掛著許多舊店的相片，譲客人可以緬懷一番。由於餐廳只開業了3天，廚部運作仍未完善，老闆拿著塊大黑板過來親切的説，今天只能提供3款午餐，分別是龍脷柳、豬扒及西冷牛扒。午餐收費只是$88，著實不算貴。向來是牛魔王的我倆，同時選了西冷牛扒。餐廳連印刷的餐牌還沒有，3款午餐的資料都寫在那塊黑板上了，黑板其實是原來掛在舊店牆壁上，用作推介招牌菜式用的。午餐包括餐湯，主菜及飲品，餐湯在羅宋湯及忌廉湯之間，我們當然選了其招牌羅宋湯。湯的味道是我懷念的，豐潤的湯透著濃濃的蕃茄香味，湯頭濃稠而湯料豐富，口感突出，重拾當年的味道。美中不足之處是今天沒有了牛油餐包，老闆說是因供應商的失漏而忘了送貨。西冷牛扒可以配白飯、意粉或薯菜，我們分別選了白飯及薯菜，牛扒的份量適中，厚度恰好，下單時老闆沒有問我們要牛扒的生熟度，切開來看，中間部份仍透著微微的血紅，牛扒大約是7成熟，是我向來喜愛的，肉質幼嫩軟淋，滲著淡淡的牛肉香味，粗幼不一的薯條是自家製的，炸至金黃色的薯條外脆內軟，嚼勁十足，蔬菜方面是粒粒像個小圓救的紅蘿蔔，鮮味爽口。飲品我們只點了最普通的凍檸檬茶，味道可以。由於餐廳的運作仍未暢順，除了3款午餐外，其餘單點的招牌食物，包括甜品及沙律等今天都沒有供應，說再過多一個星期左右，各款招牌菜式會陸續恢復供應，就讓自己有個藉口再次來訪吧。餐廳在香港經營了大半個世紀，食物在菜式上亦甚具特色，是次重開，實在值得我們香港人繼續支持。…查看更多