莆田 (形點 I)

营业中

休息中

今次和長輩去食飯，長輩都覺唔錯。餐廳座位闊落，但平時晚上都要排隊等位。莆田最近8-9月推出鰻魚節。總共推出四款，分別是豆醬焗鰻魚、泉水煮活鰻魚、蒜蓉豆豉蒸鰻魚和福建特色紅糟鰻。 🔶️福建特色紅糟鰻 $88糟鰻非常有特色，是福建傳統名菜之一。雖然鰻魚油炸過，紅噹噹的色澤但不油膩。鰻魚外脆內軟，食到鰻魚肉的鮮味。紅色汁比較濃稠，有陣陣酒香和微甜。 🔶️精美四小拼 $ 128一次食到四款的小食。個人推介單叫土荀凍和九轉小腸。這兩款是福建常見的小食。彈牙小腸燜得好入味。土荀凍形似果凍，海鮮好爽脆。另外兩款是竹筍和紫菜。紫菜酸酸甜甜，非常開胃。 🔶️農家擦粉 (例) $98例牌是最細份，但食到6碗左右。農家擦粉用豬骨和老母雞熬足8小時。粉麵份量非常多樣子普通，但好味。 🔶️閩南薑母鴨(例) $128薑母鴨肉上有大薑絲，非常補身。鮮嫩的鴨肉不會太乾，重點是沒有骨👍🏻。 🔶️一品醉蚶 $78不算大份，但勝在是當天即整和新鮮。醉蚶配上惹味蒜頭辣椒，酸酸辣辣好開胃。 🔶️飲品酸或楊梅水(杯) $ 28紅毛榴槤汁(杯) $38

👍🏻 蒜蓉豆豉蒸鰻魚鰻魚係今期限定嘅菜式 鰻魚用上蒜蓉豆豉蒸煮嘅方法烹調 可以保持到鰻魚嘅鮮甜味 加上蒜蓉豆豉嘅味道 可以令到鰻魚嘅味道更上一層樓 呢個餸值得一試💁🏻‍♀️👍🏻 大白菜燉軟豆腐大白菜燉軟豆腐用上大瓦煲上枱 熱辣辣嘅湯底非常美味🤤 軟豆腐及大白菜非常新鮮 加上有聖子、蠔仔等海鮮嘅湯料 令到湯底鮮甜味十足 好好味😋👍🏻 興化炒米粉米粉炒得非常好 條條都好乾身 唔會炒到淋曬 而且配料都好足 有蝦、聖子等材料 米粉好好味🤤👍🏻 蒜蓉蒸老虎蝦餐廳好細心 將老虎蝦開邊 一來可以好容易食到蝦肉 二來可以令蒜蓉更加可以入味 加上老虎蝦大大隻 啖啖肉

今日又去咗莆田做緊莆田鰻魚節又有新菜式食啦☺️、有好幾款望見都好吸引🤤、就試咗其中呢幾款食吓、今次好有創意又有特色、真係睇得又食得！.蒜蓉豆豉蒸鰻魚 $118呢一款蒸鰻魚賣相好吸引😍 原個蒸籠上枱、散發香噴噴荷葉香味、用荷葉包住整份鰻魚🤤、 上面洒滿蔥花、豆豉、蒜蓉更加睇得、係用陽江豆豉烹調令到味道甘香😚、食到入口帶點油潤軟滑啖啖質感入哂味😋！.福建特色紅糟鰻 $88呢一款係地道福建特色美食、整份紅糟鰻賣相特別🤔、色澤紅潤肉嫰多汁😋帶點酒香味😚外脆內軟 、我覺得真的唔錯、尤其是個汁酸酸地幾開胃送飯唔錯之選🤭！.山泉水煮活鰻魚 $118呢一款活鰻魚係用咗山泉水烹煮🤔、新鮮即劏鰻魚令到烹調時肉質最好、係用咗清湯煮都食到最鮮甜嘅味道😋、入口爽滑啖啖口感肉質鮮味！.興化炒米粉 $118呢一碟興化炒米粉我都食過幾次覺得好正🤭、用咗蝦、聖子、瘦肉、冬菇、蝦米、瑤柱、豆卜、花生、香芹、菜及其他配料夠哂豐富、整個五顏六色睇得吓🤔、多料口感豐富食到入口味道美味好好食😋、尤其是佢嘅興化炒米粉入口幼軟口感、比起別一般米粉好食好多、所以今次都買咗一盒返屋企食☺️!.薄荷枇杷凍 $38呢兩款甜品我去到必食☺️、一年

甫田把當造的蟶子製成唔同菜式，俾食客唔同嘅選擇。$219 2道菜，好抵呀。前菜炸紫菜花生幾好味👍 傾陣計，2道菜好快先上到枱。我同友人試咗鐵板鹽焗蟶子及椒鹽炒蚱蟶子。當造嘅蟶子好大條，爽口好鮮甜！好正😋😋。椒鹽呢道真係好香脆惹味。2道菜都令人食唔停口。加上賣相都幾靚仔，好吸引🤩 叫咗個脆皮蒜香雞（半隻）及福建海鮮滷麵。雞炸得皮好脆，雞肉嫩滑，好多蒜，香口惹味。海鮮滷麵，份量大，足料，都好多配料例如大隻鮮蝦及好多蜆肉，豆腐卜，菜麵係上海麵。蝦同蜆都幾好味，蝦大大隻新鮮彈牙。湯唔會過鹹。

鰻魚飯 • 鰻魚壽司 • 燒鰻魚成日食🥢但莆田🩵一年一次既鰻魚節，就有4款比較少見既煮 / 食法👨🏻‍🍳👩🏻‍🍳(蒜蓉豆豉蒸鰻 • 福建特色紅糟鰻 • 普寧豆醬焗)仲有一種就係我食既，所以記住睇埋落去啦🫢~•~•~•~•~•~•~•~•~•~•~•~•~•~•~•~•~•~•~• ▪山泉水煮活鰻魚 ($118)只有新鮮，先夠膽用清水煮💧食番最原始味道，鰻魚厚肉彈牙🤓.▪金湯佛跳牆 ($228/位)(南日鮑魚 • 海參 • 瑤柱 • 松茸 • 竹笙 • 花膠)用咁多名貴既食材熬出既金湯🧡，飲落一定夠晒甜啦😚仲有蠟燭仔Keep住溫度🕯️.▪閩南五香卷($68/例)豆皮包肉餡料，仲加左馬蹄增加口感，先蒸後炸到脆卜卜💥
.▪家常豬蹄凍($68/例)滷香口味，好似啫喱糖咁QQ彈，滿滿膠原🧏🏻‍♀️.▪包菜飯 ($118/例)莆田人既家常燜飯，鍋上可以保溫🍲配料好足(包菜🥬 • 滷肉🐷 • 蝦米🦐 • 菇菇🍄‍🟫 • 蟶乾 • 乾貝)飯粒粒都好入味🥄加左塊荷葉，多重香氣💨.~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻‍♀️需另加𝟏𝟎% 服務費~•~•~•

十分美味 十分新鮮 服務友好客氣 誠意滿滿 希望下次能夠再次光顧。服務態度十分友好 誠意滿滿 又會免費贈送糖水和折扣卷。希望下次能夠再次光顧。環境優美安靜，但客流量滿滿。十分推薦 服務十分即時。能夠再次吃上十分滿足。過了很久回來，但菜飯款式多了許多。比較推薦鮑魚小炒肉，鮑魚細嫩Q彈，辣椒很香。另外，百秒黃花魚，肉質滑嫩，調味清淡，姜味很香，適合全家老少。主食的話，吃過很多種類，還是比較喜歡包菜飯，很香很有顆粒感。

今日一心諗住去食蟶子，點知坐低左先至發現原來轉咗餐牌喇。之後見到佢有佛跳牆就諗住試吓，好彩無失望，個佛跳牆好足料（掛住食，唔記得影相😂），唔會肉肉酸酸咁…樣樣材料都好大件，賣相都已經加晒分👍夠晒味道，個湯超正，仲好細心咁會搵蠟燭暖住，真係值得一試。入門口時見到接待處小姐喺度扭緊氣球，咁我多口問可唔可以送比我🫣點之小姐好爽快答我好☺️仲送咗扭扭波玫瑰花俾我，好驚喜👍 一向餐廳服務都好好，今次有驚喜真係要寫一次食評讚下

是日星期五晚市營業時間5點半開始，得2枱食客，6點時，員工4位連同一位廚房部同事負責拍攝，幾位員工係到做體操背‘面帶微笑，上菜程序等口號’，拍攝差不多有15分鐘時間，我用餐後便‘唔該賣單十幾次’，更行前去告知員工，請幫我地賣單先，因為吾知你地要拍幾耐，員工仍然要拍埋先幫我賣單，我便與幾名仍在等外賣的觀眾係到睇你地拍攝員工背口號，背左成半個鍾，最後搞到泊車超時，一d服務都無，仲話要面帶微笑，聲音優雅對客人，要背口號員工互相打氣理應在營業時間前做，而不是營業時間做，應該要服務客人的時間去做員工訓練，成何體統！！

到左食蟶子既季節，莆田又出左蟶子套餐。199蚊有兩款唔同食法嘅蟶子，算係幾平，抵食！我地揀咗鹽焗蟶子同燉湯食法，鹽焗蟶子好有味，有好好咸，不過焗完唔會好乾，有肉汁鮮味。燉湯就更加有鮮甜味，加埋農家湯，隻隻都好肥美飽滿😋

莆田元朗朗日路9號形點 I L2樓2040號舖今次又嚟元朗莆田食嘢，上次嚟食大閘蟹，今次食季節菜蟶子😋咁多種煮法都好吸引，$219就食到兩種唔同煮法，啱晒選擇困難嘅我，一於食兩碟！鐵板鹽焗蟶同老酒豎海蟶，前者除咗鹽味恰當地滲入蟶子，仲有獨特嘅香味，惹味又提鮮。後者酒味同想像唔同，以為老酒會好重酒味，但相反，蟶子飽滿多汁。脆皮蒜香雞（半隻）$168半隻都好多肉食，超脆皮，肉質口感幾好，蒜香味好食。莆田地道炆豆腐$88上次食過好食返尋味，雖然聞落有燶味，但食落唔會有苦味，豆腐滑索晒味，送飯一流。酥炸冰心榴蓮$58真係好酥脆😃夾埋冰凍榴蓮食透心涼，好正

每當5-7月都是蟶子當造季節，蟶子肥美鮮甜。蒲田餐廳主打福建菜式，每逢夏季先會推出8種食法的蟶子套餐！蟶子煮法有椒鹽、鹽焗、蒸、炒、湯品等。餐廳好大，坐得舒服。晚上勁多客人，建議大先預約。每款菜式都是2-3人份量。 🔸️兩道蟶子$ 219， 單點$129八款選兩款，選了椒鹽和蟶炒黃金蛋。蟶子已去除外殻，和香滑黃金蛋完美結合。蟶子洗得非常乾淨👍🏻👍🏻，完全沒有沙，不得不讚。每一口都食到肥美蟶子肉，非常滿足盡興。配菜還有葱花、菇和蘿蔔。 椒鹽哆頭蟶子就更出色，蟶子份量多堆成金字塔。炸粉不厚👍🏻👍🏻，不會食到滿嘴油。椒鹽味不會過多，重點放在蟶子肉質鮮嫩。 🔸️福建紅菇海鮮滷麵$138👍🏻👍🏻2，3人可以食到2-3碗。滷麵看似平平無奇，好似有少頹廢，但食材和麵真的好入味👍🏻。🔸️海蠣煎 $138如果海蠣當造的季節就更加鮮味肥美。🔸️紅毛榴槤汁🤣 $38第一次飲，飲落好清新甜甜地。不是榴槤🤭🤭

👍🏻鐵板鹽焗蟶鹽焗過後味道鹹香十足 蟶子肉鮮甜彈牙 仲保留到肉汁 每次都必點💕👍🏻蒜蓉蒸海蟶肥美鮮嫩嘅蟶子肉 經蒸煮後更加鮮味 蒜蓉調味香濃惹味 同蟶子好夾😊👍🏻大白菜燉軟豆腐濃郁醇厚嘅豬骨湯頭 入面有佢哋自家製嘅豆腐 大量嘅大白菜🥬仲有蝦米、蟶子、肉粒等 飲落好暖胃👍🏻鐵鍋包菜飯 香噴噴 份量十足 入面有多款配料 口感豐富好正🙌🏻👍🏻桂花陳皮燉雪梨雪梨香甜 燉得軟爛 陳皮添加香氣 桂花有淡雅花香 層次豐富 酸甜適中🍐👍🏻薄荷枇杷凍酸酸甜甜嘅枇杷果肉 配上枇杷凍 入口冰涼 清新解渴 係夏日消暑良伴

莆田近期主打蟶子菜式，$219可以食到兩味，價錢唔貴，地方夠大座位又舒適，立刻去試吓先🔹鐵板鹽焗蟶蟶子鮮甜肥美，鐵板上鋪滿粗鹽，更能提鮮🔹蔥姜炒海蟶用上薑蔥嚟炒有另一番風味，整體味道更惹味🔹黃金荷葉包 $76$38/1 最少點2件！荷葉包熱辣辣，口感似饅頭，加上芝麻粒更香口，肉絲條醬汁入味，夾入酥脆荷葉包口感豐富！貼心地提供刀叉同手套，唔怕整污糟手🔹芋泥香酥鴨 $98外皮酥脆，咬落去有好多鴨肉夾係綿密芋泥入面，中間有好大層芋泥，口感滿滿🔹鮑魚辣椒小炒肉 $158份量都好多，炒得有鑊氣，鮑魚同豬肉炒得醎香，好適合用嚟撈飯食🔹莆田扁肉湯 $32扁肉以透薄嘅皮包住扁肉，外皮煙韌，鮮味十足

趁放假同屋企人去Yoho行吓周圍都好多人!! 莆田都唔例外好在提早嚟 所以仲有位🙂‍↕️蟶子好抵食🤩$219就有兩道我哋揀咗薑蔥炒海蟶同蒜蓉蒸海蟶蒜蓉蒸海蟶蒜蓉好香 蟶子鮮味好正 份量好足食得好滿足😋薑蔥炒海蟶薑蔥好香 薑蔥同蟶子味道好夾 好好食😋酒香竹筒蝦$48啲酒好香!!全部都可以飲晒隻蝦好大隻好彈牙😋食得好享受莆田荔枝肉$98荔枝肉嘅口感好好 有啲彈性又唔柴皮酸酸甜甜岩岩好 唔會太甜又唔會太酸仲有少少咸咸地 夾埋一齊真係好好食😋大白菜燉軟豆腐湯$128呢個湯好好飲 而且仲好足料個湯入面好似咩都有咁 但味道又好夾有好多大白菜 豆腐都好正仲有芹菜 蝦米 蠔仔 同 元貝 好鮮味白果芋泥$48呢個甜品唔會太甜 真材實料嘅芋泥 係真實芋頭嘅味道👅

女服務生和經理不專業，也很粗魯。 起初，前臺很不耐煩，因為我好心問是否還有其他有更涼爽冷氣機的桌子。 她聲稱每張桌子都是一樣的。 然後，當她落單時，她一直問我不想要的菜，即使我告訴她我已經選好了，但她沒有聽，並一直問。 女服務生很糟糕。 他們一直倒瀉野，又把盤子扔到桌子上。根本沒有道歉。最令人討厭的是其中一個女服務生不斷質問我。我們落了4個菜。 她看了看桌子上僅有的3個菜，她一直質問我第4個上了沒有。 她重複了問了3次，不如詢問任何事情之前先看看並思考一下。 這是我第一次也是最後一次去這家餐廳。 我非常失望，因為一家米其林星級餐廳可以提供如此糟糕的服務。