荷里活冰室 (荔枝角道)

营业中

休息中

由於今日有少少雨，就隨便找個餐廳食早餐。剛入到門口已經有少少覺得唔妥，繁忙時間居然坐唔夠三成人，但係既然入咗嚟就搵個位簡簡單單食完走人。望吓早餐餐牌就想隨便點咗兩個早餐，點知一開口叫伙計過嚟點單，佢已經離遠就一句：等陣！而且聲氣已經唔係好好。我哋等咗幾分鐘，見佢走咗去招呼附近一枱貌似熟客，有講有笑。我覺得佢好似已經唔記得咗我呢一柗，於是又好客氣咁講：唔該你轉頭過嚟幫我落單！佢馬上黑面過嚟問：食乜嘢？好似我打擾過佢同幾個「靚佬」傾計咁

今日星期六，天色晴朗，令人心情特別好。自然醒啊，有啲肚餓，所以就去咗荷里活叫咗個早餐。可能疫情以來，靠住呢間餐廳照顧飲食，所以一開門倍感親切，個個同事都好了解我食早餐脾性同埋特殊要求，一切都係心領神會。不過要注意呢啲心領神會係要靠長期嚟到呢度食嘢，大家溝通而成嘅成果⋯⋯今日的早餐亦都冇令我失望，為休假一天打氣。

色香味俱全😉今日天氣唔係太好喎😶‍🌫️，又出熱頭🫠又落雨🌧…工作又辛苦🤦🏻‍♀️又要加班🕠🕡🕢🕤。唔煮飯啦🙅🏻‍♀️！咁呢就同老公👫落嚟荔枝角「荷里活冰室」🥤🍚。叫咗兩個小炒…「魚香茄子煲」🍆、「西檸雞」🍋🍗🥘。估唔到質素有驚喜🎉🎊！🧑🏻‍🍳👨🏻‍🍳大厨真心掂👍🏻食完之後好滿足😋💕Feeling excellent 以後加完班就可以唔使煩煮乜

下午茶，相信絕大部份嘅香港人都會去茶餐廳，冰室食返個下午茶☕️，享受番杯靚奶茶或者杯紅豆冰。正常嚟講，香港地嘅冰室，茶餐廳嘅下午茶都唔會差得去邊。原因係大把有得選擇，四周圍都有一兩間，就好似便利店同m咁，緊有一間喺你身邊。當然，要去到好食嘅絕飛易事。要好食到食過一次就記得嘅就更加之困難。所以今次可以同大家提提依間冰室。圖中嘅雞髀同紅豆冰，真心唔差。但係令我一試難忘嘅絕對唔係依兩枝，而係冰室伙記嘅態度。相信大家都總會試過一兩次遇到食市伙記說話有骨嘅情況，不用詳細說明，只說我相信我會記得依一間冰室好一段長時間。

嗰日喺附近行完街，就去咗呢間冰室食晚餐😺平日晚上時間客人唔算好多，環境都算企理舒適📎咕嚕肉咕嚕肉加上酸甜汁之後仍然保持到好脆嘅口感😉肉嘅比例佔得比較多，唔會好似其他茶餐廳咁淨係食到骨🥺冇肉食📎椒鹽炸豆腐 咁多款炒小菜裏面最鍾意呢一款🥰炸豆腐嘅外皮好薄，唔會有好重炸粉嘅感覺🤓豆腐就選擇左用滑豆腐👹加上佢面頭嘅七味粉同炸蒜😺非常唔錯👍🏻📎薯仔牛柳粒薯仔粒油炸過之後再同牛柳粒一齊炒，黑椒配搭蜜糖非常嘢未🤤青椒同埋洋蔥都好爽脆，加上甜甜地嘅蜜糖🤭非常邪惡📎薑蔥霸王雞呢度大概係半隻雞嘅份量，雞件大小適中，肉質亦都唔會過柴😆水準普通

最近香港又開始興起沙嗲牛肉麵的風氣，難得四小龍附近新開了一間連鎖冰室，今天中午決定去試一試。進入餐廳店舖很光猛，可能是平日所以不用等位，今次order 左 懷舊沙嗲牛肉麵$46 ，套餐包括火腿炒滑蛋，及日式奶油多士。下單不久，很快店員已經送上食物，相片也能見到，麵包搽滿很多牛油，多到滴出來，十分美味但另外的炒蛋及火腿就一般般，都是一般茶餐廳的標準，沒有太大驚喜，最後主角出場沙嗲牛肉麵，面底是普通的公仔麵，而牛肉加上秘製沙嗲汁，不會太韌，亦不會太濃，味道剛剛好十分好吃😋，以$46呢個價錢在四小龍的位置吃到，算是不錯, 我會比6分