荷里活冰室 (兆禧苑商場)

营业中

休息中

✨ 午餐：泰式菠蘿雞粒飯。我話你知，呢個飯真係好好味㗎🤗🤗 煮得剛剛好嘅飯，再加上多汁嘅泰式菠蘿雞粒！外皮煮到微脆，金黃色搶眼，又靚又好食！🤠 ✨ 午餐：蒜茸汁西冷薄牛扒飯。哇，又係牛肉㗎！🤭，份量超級大，超滿足！咬落咁脆口！10分脆嘅感覺！😣😣真係好好味✌🏼✨ 飲品：雜果冰。果然係雜果雪糕！一啲唔少，再多杯雜果冰！雪糕層厚實，大大粒！飲得好過癮。😝冰淇淋層唔厚唔薄，剛剛好。🤛🏻✨ 飲品：凍檸茶。檸檬檸檬檸檬。一個都唔少，再加多杯凍檸茶！清香味濃，大大杯！大滿足。😝檸茶唔會太濃太淡，剛剛好。🤛🏻總括嚟講，荷里活冰室係一間超值得推介嘅港式茶餐廳！食物精緻到爆，份量大，價錢合理！

早排喺社交平台上面諗住搵好嘢食，見到近排好似好多人都推介呢一間餐廳，於是就同男朋友一齊過嚟試吓💟懷舊沙嗲牛肉湯公仔麵配炒滑蛋，牛油餐包: 先講呢一個懷舊沙嗲牛肉湯公仔麵，真係好懷舊，湯底濃郁，牛肉鮮嫩，加埋滑蛋同牛油餐包，一啖下去就好滿足嘅早餐。💟叉燒湯出前一丁配炒滑蛋，牛油餐包: 如果你鍾意叉燒湯出前一丁，呢個組合一定唔會令你失望。叉燒湯出前一丁熱辣辣嘅湯底，加埋炒滑蛋同牛油餐包，一碗熱辣辣嘅早餐，好開胃。💟雜果冰: 如果你鍾意飲凍飲，呢杯雜果冰一定係你嘅首選。冰涼爽口，滿滿嘅雜果令你嘅口腔都充滿果香。💟凍檸茶: 又或者你鍾意飲茶，凍檸茶一定係你嘅最愛。檸檬味清新，加埋凍凍嘅茶，一杯凍檸茶可以解渴又消暑。屯門嘅荷里活冰室，裝修簡單而潔淨，有種港式風味的獨特格調

偶然看到這間專賣港式茶餐廳的店面，我就忍唔住要入去試吓！餐廳好方便，下單只需要自己掃QR code！超級貼近時代潮流☺️❣️沙嗲金菇肥牛煲❣️呢個煲仔飯真係絕品，金菇同肥牛入面嘅沙嗲味道好濃郁，肉質嫩滑多汁，配埋白飯一齊食，真係好滿足，一碗飯食哂都唔夠啦☘️❣️西蘭花炒花枝蝦球❣️香炒嘅西蘭花同鮮嫩嘅花枝蝦球，一齊炒出嚟嘅味道好鮮美，配埋白飯一齊食，令你食嘅時候都有種幸福感，真係好開心嘅晚餐🥳❣️紅豆冰❣️呢杯紅豆冰真係好解渴，冰涼爽口，紅豆甜甜地融入冰涼嘅口感，真係夏天最好嘅消暑良品！一飲而盡，心情都變得好愉快🔥❣️凍檸水❣️呢杯凍檸水清新怡人，檸檬嘅酸甜味道同凍凍嘅口感結合得好好，一飲而盡，令你整個人都感覺清爽又舒暢。「荷里活冰室」嘅港式茶餐廳，值得你細細品味！不論你係想搵一間好嘅港式茶餐廳，定係只係想試下新嘅菜式，呢度都會帶俾你足夠嘅驚喜！一齊嚟做一個美食嘅探索者啦！💖

Yeah!! 呢一個係我期待已久嘅港式茶餐廳，之前試過一次茶餐廳嘅撈麵，已經係意猶未盡，平時喺屯門好少見得到，今次終於比我搵得到呢間餐廳!! 趁住今日放假，即刻走去試吓!!!!午餐：籠仔流心蛋蒸肉餅飯呢個籠仔流心蛋蒸肉餅飯，飯底蓋滿咗滑嫩嘅肉餅同流心蛋，每一口食落去都有咬口感，加埋啲醬汁，味道更加豐富！肉餅好入味，蛋液流出嚟嘅時候，真係好滿足呀！好適合午餐時光午餐：南乳薯仔炆排骨飯至於呢款南乳薯仔炆排骨飯，排骨炆得好軟好入味，南乳嘅鹹香味同薯仔嘅甜味完美結合，令呢碗飯更加美味！每一口都好滿足，食到尾都唔會膩！飲品：紅豆冰最後，飲品方面推介紅豆冰，冰涼爽口，紅豆嘅甜味同冰涼感完美結合，好解渴同開胃！另外，呢一間餐廳都好乾淨企理，亦都有好多唔同嘅港式茶餐廳風格，整體嚟講係非常之滿意嘅一個午餐，好期待下次帶朋友嚟試吓唔同款式嘅港式茶餐廳食物！

又到醫肚既時間見到間餐廳menu咁多食物選擇，即刻入去望一望見到個名*蝦妹艇仔銀針粉*即刻叫左黎食，因為普通茶餐廳或冰室好少見有銀針粉可以選擇味道好好😋😋😋呢種配搭我記得好細個阿婆炒黎比我地班孫仔孫女食好開心食得返呢個銀針粉

8月27日12:56分係海翠分店order左個I餐肉餅，落單阿姐話要等15分鐘咁照等左20分鐘之後追左次餐，佢話再等多陣，等左半個鐘再追，竟然話個餐買曬，叫我轉餐！落左單半個鐘先話無！離譜左啲喎！最後因為無時間再等落去，叫阿姐void 左個餐，阿姐話個例湯轉返正價所以我等左45分鐘都無飯食，比個例湯正價就走左🥲，全程阿姐都無講過一句唔好意思有啲咁既員工，做衰曬間餐廳，啲野好唔好食都無用希望大家唔好遇到咁既情況

外賣自取肉餅飯加奶茶，啲肉餅勁難食，旁邊的兩餸飯肉餅好味過佢多多聲，肉爛無肉味，啲飯又爛，唔明點解咁難食！最緊要的是連基本衛生都沒有，點解可以一個透明杯內咁大隻小強都見唔到，好離譜！！我仲要飲到後尾先見到，我一想到我差點飲咗佢落肚就覺得好恐怖，飲咗個晚個肚成晚都反胃。我朋友幫我同佢地職員講都只係話賠返杯，其實次前幫襯已不太爽，職員成日惡到死，無啲禮貌，成個感覺好差！說實話，我連行入你間舖都唔想！！！！垃圾！

今午叫咗一碟以為會好好味的日式鰻魚炒飯，都幾大碟，但原來係冇鰻魚的， 好辛苦咁才找到兩小舊。成五十蚊一個下午茶餐，所以反映俾侍應聽，希望可 改善下，下次再幫襯⋯⋯侍應話要經理處理的。於是一個載眼鏡的女經理來跟 進，她居然不肯正視問題，而且還粗暴無禮的講咗一個侮辱緊餐廳聲譽及自己 智慧的大話:"我哋嘅鰻魚炒飯，不嬲都係冇鰻魚㗎啦，我哋只係用鰻魚嘅汁 嚟炒飯嘅啫，廚房係用一包包的鰻魚汁倒入D飯度炒嘅，係冇肉的......所以係 冇鰻魚肉嘅。"我哋俾佢激到發火及回應:咁餐牌點解唔係寫日式鰻魚〈汁〉 炒飯!(公司品牌真係俾佢玩死，咁樣以一個大話來處理投訴)。佢冇理會我 哋，走開咗繼續做野。然後大大聲喺度話:係咪取消佢囉!於是我哋決定取 消，她很快手咁攞走碟飯及單，然後很勞氣咁擲回改左嘅單個俾我。但係我發 覺佢把茶餐改為一杯收費21蚊的熱一檸檬茶!最終要我哋話係成果餐取消呀! 她立即很快手收埋我杯檸檬茶倒咗去。一個大集團，居然容許一個咁嘅質素嘅經理係到亂嗡野，又冇禮貌、又唔 唔識 應變、又唔理客戶感受，到底公司有冇培訓㗎!大家記住經理話:荷里活冰室嘅日式鰻魚炒飯，係走鰻魚㗎!!

呢排經常係屯門碼頭出沒,第一時間緊係搵邊度有美食.行到兆禧苑商場,見到有一間荷里活冰室,就入去試下.總共叫左兩個套餐.咖哩牛腩飯套餐:有餐湯和飲品$54.咖哩牛腩味道一般,咖哩唔夠香濃,牛腩細細粒,沒有咬口.薯仔唔入味,有待改善.餐湯還可以,沒有味精.奶茶幾好味.籠仔榨菜馬蹄蒸肉餅套餐:有餐湯和飲品$55.馬蹄蒸肉餅好滑.加埋爽脆榨菜非常惹味,好食.咖啡跟普通茶記的味道一樣,沒有驚喜.整體來說:餐廳寬敞,地方乾淨,價錢合理.服務員態度尚可.

今晚經過兆禧食坊，那兒地下有間荷里活冰室，約7:00已有幾pair人排隊，已往在這裏食過下午茶，味道很不錯，價錢都Ok，但晚市真係未試過。晚餐:1 千島沙拉肉排$78外脆內嫩，它本是大排檔熱門的中式小菜，沒想到餐廳也可做到大排檔的水準，比起一般的炸排骨，拌入沙律汁之後增甜一份酸咪咪的香氣，讓人吮得好滋味😋2 椒鹽鮮魷$88 這也是大排檔常見的菜式，魷魚炸得酥香，配合金黃色的香蒜，十分惹味。再送上兩个白飯和例湯。餐廳也可食到大排檔味道👍👍👍

事源落單叫餐牌入面既自由配搭粉面系列，餐牌原本寫上選兩味餸，我落單時叫左三味，諗住或者得呢，侍應聽到後無反對，亦無話唔得。來餐時只來了兩餸，我以為時菜另上，所以先吃，後發現侍應擅自減左我個時菜，同佢經理講話：「落單時無講話唔得喎，出個面先話唔得又無左個餸」。經理以極惡劣的態度回應，叫我「搵個侍應叫佢賠囉！！」。無錯我係照叫左3個餸，但可否「落單時同我講唔得」，而唔係「事後夾硬照出兩餸比我呢？」處理手法極其惡劣，不推薦

七一 回歸日，放假一天，可惜天氣欠佳，狂風大雨呀！ 下午茶時間，家人提議到附近 😀吃突然想起一句歌詞 .. 荷里活有間大酒😀兆禧苑商場 有「荷里活冰室」，第一次來，試試吧餐牌：吹水下午茶、輕量級/熱量級L.5 艇妹鮮蝦炒銀針粉 $44大碟 份量多、牙菜、彈牙爽口 蝦、櫻花蝦乾、蛋絲穫氣夠，味道不錯，好似有啲啲辣？L.3 芝士焗豬扒飯 $44濃濃茄汁味、炒飯底、洋蔥芝味太少了😀 豬扒已切件奉送熱飲熱好立克 😊😋埋單共 $88價錢合理 👌

收銀員態度差，比錯外賣，仲話冇可能比錯，又話呢個餐仲貴(比錯的外賣比原本客人落的外賣仲貴)，比錯餐好少事，但質疑客人，唔認自己做錯，之後仲話自己無講過這些說話！這個收銀員態度十分之差，難道一句唔好意思的說話都講唔到？

職員態度十分惡劣！今日1點左右去屯門兆禧店買外賣，收銀係一個帶黑框眼鏡嘅阿姐，人多，我都已讓哂等佢收哂錢，我先埋去叫，咁叫個I餐，佢已經好差語氣話賣哂，Ok咁我叫另一個，佢一句得埋嚟”打緊單呀，等等啦”一句sorry一句唔好意思都無，但最神奇係後面有熟客佢即刻幫佢落，落錯又幫佢改，我排喺前面好似透明，唔止我，仲有個阿叔都係俾佢咁嘅態度對待，谷鬼氣走咗。咁既服務唔改善，或者唔處理呢啲員工，只會趕走更多嘅客。

食過幾次, 初初去食早餐d食物係凍, 加上收銀員態度勁差, 冇幫襯一掛. 係網上見到話收銀員比人炒左, 所以再次幫襯, 叫公司三文治嚇一跳, 覺得廚師好有heart, 味道仲唔錯. 就係因為咁, 再次去食午餐, 叫咗排骨鳳爪飯, 可能當日天氣凍, 個鳳爪排骨飯小小辣食完好暖🤭